Khaṇḍa 19

In this sitting

1. 19.1श्मशानचितं चिन्वीतेति विज्ञायते
2. 19.2सर्वमग्निं चतुरश्रान्पञ्चदश भागान्कृत्वा तेषामाख्यातमुपधानम्
3. 19.3त्रिभिर्भागैर्भागार्धव्यासं दीर्घचतुरश्रं विहृत्य पूर्वस्याः करण्या मध्याच्छ्रोणी प्रत्यालिख्यान्तावुद्धरेत् । तस्य दशधा विभागः
4. 19.4तानि विंशतिः सर्वोऽग्निः संपद्यते
5. 19.5अपरस्मिन्प्रस्तारे प्रौगमध्येऽनूचीनं विभजेत् । तस्य षड्धा विभागः । ते द्वे पर्श्वयोरुपदध्यात्
6. 19.6भागतृतीयायामश्चतुर्थव्यासाः कारयेत् । तासामर्ध्यास्तिर्यग्भेदाः
7. 19.7ता अन्तयोरुपधाय शेषमग्निं बृहतीभिः प्राचीभिः प्रच्छादयेत् । अर्धेष्टकाभिः संख्यां पूरयेत्
8. 19.8ऊर्ध्वप्रमाणमग्नेः पञ्चमेन वर्धयेत्
9. 19.9तत्सर्वं त्रेधा विभज्य द्वयोर्भागयोश्चतुर्थेन वा नवमेन वा चतुर्दशेन वेष्टकाः कारयेत्
10. 19.10ताभिश्चतस्रो वा नव वा चतुर्दश वा चितिरुपधाय शेषमवाञ्चमक्ष्णयापच्छिन्द्यात् । अर्धमुद्धरेत्
11. 19.11तस्य नित्यो विभागो यथायोगमिष्टकानां ह्रासवृद्धि