Section 5.24

In this sitting

1. 5.24.1स य इदम् अविद्वान् अग्निहोत्रं जुहोति यथाङ्गारान् अपोह्य भस्मनि जुहुयात् तादृक् तत् स्यात्
2. 5.24.2अथ य एतद् एवं विद्वान् अग्निहोत्रं जुहोति तस्य सर्वेषु लोकेषु सर्वेषु भूतेषु सर्वेष्व् आत्मसु हुतं भवति
3. 5.24.3तद् यथेषीकातूलम् अग्नौ प्रोतं प्रदूयेतैवं हास्य सर्वे पाप्मानः प्रदूयन्ते य एतद् एवं विद्वान् अग्निहोत्रं जुहोति
4. 5.24.4तस्माद् उ हैवंविद् यद्य् अपि चण्डालाय उच्छिष्टं प्रयच्छेत् । आत्मनि हैवास्य तद् वैश्वानरे हुतं स्याद् इति । तद् एष श्लोकः
5. 5.24.5यथेह क्षुधिता बाला मातरं पर्युपासते । एवं सर्वाणि भूतान्य् अग्निहोत्रम् उपासत