Section 8.3

In this sitting

1. 8.3.1त इमे सत्याः कामा अनृतापिधानाः । तेषां सत्यानां सताम् अनृतम् अपिधानम् । यो यो ह्य् अस्येतः प्रैति न तम् इह दर्शनाय लभते
2. 8.3.2अथ ये चास्येह जीवा ये च प्रेता यच् चान्यद् इच्छन् न लभते सर्वं तद् अत्र गत्वा विन्दते । अत्र ह्य् अस्यैते सत्याः कामा अनृतापिधानाः । तद् यथापि हिरण्यनिधिं निहितम् अक्षेत्रज्ञा उपर्य् उपरि सञ्चरन्तो न विन्देयुः । एवम् एवेमाः सर्वाः प्रजा अहर् अहर् गच्छन्त्य एतं ब्रह्मलोकं न विन्दन्त्य् अनृतेन हि प्रत्यूढाः
3. 8.3.3स वा एष आत्मा हृदि । तस्यैतद् एव निरुक्तं हृद्य् अयम् इति तस्माद् धृद् अयम् । अहर् अहर् वा एवंवित् स्वर्गं लोकम् एति
4. 8.3.4अथ य एष संप्रसादो ऽस्माच् छरीरात् समुत्थाय परं ज्योतिर् उपसंपद्य स्वेन रूपेनाभिनिष्पद्यत एष आत्मेति होवाच । एतद् अमृतम् अभयम् एतद् ब्रह्मेति । तस्य ह वा एतस्य ब्रह्मणो नाम सत्यम् इति