कैलासशिखरासीनं कालकन्दर्पनाशनम् । प्रसन्नं परमेशानं जगदानन्दकारणम्
kailāsaśikharāsīnaṃ kālakandarpanāśanam / prasannaṃ parameśānaṃ jagadānandakāraṇam
Sanskrit only: no published translation is held for this verse.
प्रणम्य परया भक्त्या भैरवी स्तुतिमातनोत् । देवदेव महादेव जन्मदारिद्र्यनाशन
praṇamya parayā bhaktyā bhairavī stutimātanot / devadeva mahādeva janmadāridryanāśana
Sanskrit only: no published translation is held for this verse.
प्रसीद करुणामूर्ते प्रसन्न परमेश्वर । दिव्यागमरहस्यानि कुलकौलादिकानि च
prasīda karuṇāmūrte prasanna parameśvara / divyāgamarahasyāni kulakaulādikāni ca
Sanskrit only: no published translation is held for this verse.
जाने तव प्रसादेन मायामङ्गलविग्रह । श्रोतुमिच्छामि सर्वेश तव दिव्यरसायनम्
jāne tava prasādena māyāmaṅgalavigraha / śrotumicchāmi sarveśa tava divyarasāyanam
Sanskrit only: no published translation is held for this verse.
जराजन्मामयघ्नं च खेचरत्वादिसिद्धिदम् । दारिद्र्यदुःखशमनं ब्रह्मत्वादिवरप्रदम्
jarājanmāmayaghnaṃ ca khecaratvādisiddhidam / dāridryaduḥkhaśamanaṃ brahmatvādivarapradam
Sanskrit only: no published translation is held for this verse.
ईश्वर उवाच । साधु साधु महाभागे सर्वलोकोपकारिणि । तत्सर्वं जायते सूताच्छुद्धात्मप्राणवल्लभे
īśvara uvāca / sādhu sādhu mahābhāge sarvalokopakāriṇi / tatsarvaṃ jāyate sūtācchuddhātmaprāṇavallabhe
Sanskrit only: no published translation is held for this verse.
सर्वलोकोपकारार्थं गुह्यात् गुह्यतमं हितम् । रसेन्द्रस्य समुत्पत्तिं लक्षणं च सुरार्चिते
sarvalokopakārārthaṃ guhyāt guhyatamaṃ hitam / rasendrasya samutpattiṃ lakṣaṇaṃ ca surārcite
Sanskrit only: no published translation is held for this verse.
तत्सर्वं सम्प्रवक्ष्यामि शृणु भैरवि सम्प्रति । <रसोत्पत्तिः> सुरेन्द्रैर् मुनिभिर् दिव्यैः गन्धर्वोरगकिंनरैः
tatsarvaṃ sampravakṣyāmi śṛṇu bhairavi samprati / <rasotpattiḥ> surendrair munibhir divyaiḥ gandharvoragakiṃnaraiḥ
Sanskrit only: no published translation is held for this verse.
प्रार्थितो भवत्यां तु कुमारोत्पत्तिम् इच्छद्भिः । तारकासुरनाशाय लोकानां रक्षणाय च
prārthito bhavatyāṃ tu kumārotpattim icchadbhiḥ / tārakāsuranāśāya lokānāṃ rakṣaṇāya ca
Sanskrit only: no published translation is held for this verse.
तदा हिमालयगिरेः गुहायां सुचिरं प्रिये । संक्रीडमानयोः कालो गतो नः पुत्रलिप्सया
tadā himālayagireḥ guhāyāṃ suciraṃ priye / saṃkrīḍamānayoḥ kālo gato naḥ putralipsayā
Sanskrit only: no published translation is held for this verse.
त्रिजगत्क्षोभि सुरतं त्यजितुं प्रेषितः सुरैः । कपोतरूपमास्थाय वह्निः प्रागाद् गवाक्षतः
trijagatkṣobhi surataṃ tyajituṃ preṣitaḥ suraiḥ / kapotarūpamāsthāya vahniḥ prāgād gavākṣataḥ
Sanskrit only: no published translation is held for this verse.
तं दृष्ट्वा लज्जया देवि विसृष्टं सुरतं मया । निक्षिप्तं वदने वह्नेरावयोस्तेज उज्ज्वलम्
taṃ dṛṣṭvā lajjayā devi visṛṣṭaṃ surataṃ mayā / nikṣiptaṃ vadane vahnerāvayosteja ujjvalam
Sanskrit only: no published translation is held for this verse.
तेन दन्दह्यमानोऽग्निर्गङ्गायां तन्न्यमज्जयत् । तेन गङ्गापि संतप्ता तद्बहिर् विससर्ज च
tena dandahyamāno'gnirgaṅgāyāṃ tannyamajjayat / tena gaṅgāpi saṃtaptā tadbahir visasarja ca
Sanskrit only: no published translation is held for this verse.
तत् द्विधाभूद्बहिः प्राप्य चैकं स्कन्दप्रसूतये । अन्यच्छुद्धरसो जातो ह्यापदंबुधिपारदः
tat dvidhābhūdbahiḥ prāpya caikaṃ skandaprasūtaye / anyacchuddharaso jāto hyāpadaṃbudhipāradaḥ
Sanskrit only: no published translation is held for this verse.
शतयोजननिम्नेषु पञ्चकूपेषु संस्थितः । तन्मला धातवो जाता मणयो दिव्यवस्तु च
śatayojananimneṣu pañcakūpeṣu saṃsthitaḥ / tanmalā dhātavo jātā maṇayo divyavastu ca
Sanskrit only: no published translation is held for this verse.
तत्तत्क्षेत्रविशेषेण नामवर्णादिकान् गुणान् । भिन्नः प्राप्तो रसेन्द्रोऽयं जन्मदारिद्र्यभञ्जनः
tattatkṣetraviśeṣeṇa nāmavarṇādikān guṇān / bhinnaḥ prāpto rasendro'yaṃ janmadāridryabhañjanaḥ
Sanskrit only: no published translation is held for this verse.
ते कूपाः प्रलये पञ्च संज्ञा जातादि वै मुखाः । ससंचवर्णां निवृत्त्या निक्षिप्ता नियुतानि हि
te kūpāḥ pralaye pañca saṃjñā jātādi vai mukhāḥ / sasaṃcavarṇāṃ nivṛttyā nikṣiptā niyutāni hi
Sanskrit only: no published translation is held for this verse.
पञ्चवर्णानि देवेशि सर्वसत्त्वयुतानि च । पूर्वस्यां पारदः श्वेतो नानावर्णैर्गदापहः
pañcavarṇāni deveśi sarvasattvayutāni ca / pūrvasyāṃ pāradaḥ śveto nānāvarṇairgadāpahaḥ
Sanskrit only: no published translation is held for this verse.
चञ्चलो दक्षिणस्यां तु रसेन्द्रो नीलवर्णवान् । दोषहीनोऽतिरूक्षश्च सुतरां चपलः प्रिये
cañcalo dakṣiṇasyāṃ tu rasendro nīlavarṇavān / doṣahīno'tirūkṣaśca sutarāṃ capalaḥ priye
Sanskrit only: no published translation is held for this verse.
तेन जाता भुजङ्गेन्द्रा जराजन्मगदोषोज्झिताः । पश्चिमस्यां तु सूताख्यः पीतवर्णो ऽतिरूक्षकः
tena jātā bhujaṅgendrā jarājanmagadoṣojjhitāḥ / paścimasyāṃ tu sūtākhyaḥ pītavarṇo 'tirūkṣakaḥ
Sanskrit only: no published translation is held for this verse.
सर्वदोषयुतोऽसौ तु शुद्धोऽष्टादशकर्मभिः । सर्वसिद्धिप्रदो देवि देहलोहादिसिद्धिदः
sarvadoṣayuto'sau tu śuddho'ṣṭādaśakarmabhiḥ / sarvasiddhiprado devi dehalohādisiddhidaḥ
Sanskrit only: no published translation is held for this verse.
उत्तरस्यां दिशो रक्तः सर्वदोषविवर्जितः । रसायनं तु तेनैव देवा जन्मजरोज्क्षिताः
uttarasyāṃ diśo raktaḥ sarvadoṣavivarjitaḥ / rasāyanaṃ tu tenaiva devā janmajarojkṣitāḥ
Sanskrit only: no published translation is held for this verse.
मध्ये तु मिश्रको ज्ञेयः सर्ववर्णसमन्वितः । बहिश्चन्द्रार्काच्छायो रसो दोषसमन्वितः
madhye tu miśrako jñeyaḥ sarvavarṇasamanvitaḥ / bahiścandrārkācchāyo raso doṣasamanvitaḥ
Sanskrit only: no published translation is held for this verse.
स चाष्टादशसंस्कारैः शुद्धः सिद्धिप्रदो भवेत् । अमराणां स्वरूपं तु रसेन्द्रो हि महेश्वरः
sa cāṣṭādaśasaṃskāraiḥ śuddhaḥ siddhiprado bhavet / amarāṇāṃ svarūpaṃ tu rasendro hi maheśvaraḥ
Sanskrit only: no published translation is held for this verse.
पूरयामासतुस्तौ च स्तोकतो ह्यतिदुर्लभौ । अन्येषु सर्वकार्येषु सिद्धदोऽपि हि कर्मभिः
pūrayāmāsatustau ca stokato hyatidurlabhau / anyeṣu sarvakāryeṣu siddhado'pi hi karmabhiḥ
Sanskrit only: no published translation is held for this verse.
अष्टादशभिरत्यन्तं शुद्धः सिद्धिप्रदो द्रुतम् । रसावतारं यो वेत्ति स तु धार्मिकसत्तमः
aṣṭādaśabhiratyantaṃ śuddhaḥ siddhiprado drutam / rasāvatāraṃ yo vetti sa tu dhārmikasattamaḥ
Sanskrit only: no published translation is held for this verse.
आयुष्यसुखसंतानधनारोग्यमवाप्नुयात् । <रसपर्यायाः तन्निरुक्तैस्त> जन्मरोगजरामृत्युदारिद्र्यांभोनिधेः परम्
āyuṣyasukhasaṃtānadhanārogyamavāpnuyāt / <rasaparyāyāḥ tanniruktaista> janmarogajarāmṛtyudāridryāṃbhonidheḥ param
Sanskrit only: no published translation is held for this verse.
पारं ददाति तेनैव पारदः परिकीर्तितः । रसोपरसलोहादिकर्तृत्वाच्च रसेन्द्रकः
pāraṃ dadāti tenaiva pāradaḥ parikīrtitaḥ / rasoparasalohādikartṛtvācca rasendrakaḥ
Sanskrit only: no published translation is held for this verse.
मम प्रत्यङ्गसूतत्वात् सूत इत्यभिधीयते । सूते यस्मात्सर्वसिद्धिं तस्मात्सूत इति स्मृतः
mama pratyaṅgasūtatvāt sūta ityabhidhīyate / sūte yasmātsarvasiddhiṃ tasmātsūta iti smṛtaḥ
Sanskrit only: no published translation is held for this verse.
मम देहरसो यस्मात् रसस्तस्मात्प्रकीर्तितः । जरामरणदारिद्र्यरोगनाशाय शस्यते
mama deharaso yasmāt rasastasmātprakīrtitaḥ / jarāmaraṇadāridryaroganāśāya śasyate
Sanskrit only: no published translation is held for this verse.
तस्माश्रस इति प्रोक्तो धातुत्वाच्च वरानने । सर्वधातून्रसत्येषः तस्माच्च रस ईरितः
tasmāśrasa iti prokto dhātutvācca varānane / sarvadhātūnrasatyeṣaḥ tasmācca rasa īritaḥ
Sanskrit only: no published translation is held for this verse.
मित्रकारी सवर्णत्वात्सर्वसिद्धिप्रदायकः । पारदो व्याधिसंहर्ता रसेन्द्रो रसकर्मणि
mitrakārī savarṇatvātsarvasiddhipradāyakaḥ / pārado vyādhisaṃhartā rasendro rasakarmaṇi
Sanskrit only: no published translation is held for this verse.
धातुकर्मसु सूतः स्याद् रसेन्द्रो रससाधने । सर्वकर्मार्हततया सर्वतया प्रिये
dhātukarmasu sūtaḥ syād rasendro rasasādhane / sarvakarmārhatatayā sarvatayā priye
Sanskrit only: no published translation is held for this verse.
सर्वसिद्धिप्रदो देवि मिश्रकोऽयमुदाहृतः । <रसगता दोषाः> अमोघसिद्धिममलं सर्वसिद्धिप्रदं रसम्
sarvasiddhiprado devi miśrako'yamudāhṛtaḥ / <rasagatā doṣāḥ> amoghasiddhimamalaṃ sarvasiddhipradaṃ rasam
Sanskrit only: no published translation is held for this verse.
आलोक्य त्रिदशाः सर्वे ब्रह्मविष्णुपुरेगमाः । मामभिप्रार्थयामासुः स्तोत्रैश्च विविधैः प्रिये
ālokya tridaśāḥ sarve brahmaviṣṇupuregamāḥ / māmabhiprārthayāmāsuḥ stotraiśca vividhaiḥ priye
Sanskrit only: no published translation is held for this verse.
रसेन्द्रदर्शनादेव नरपक्षिमृगादयः । सिद्धिं नानाविधां यान्ति तन्निवारय शंकर
rasendradarśanādeva narapakṣimṛgādayaḥ / siddhiṃ nānāvidhāṃ yānti tannivāraya śaṃkara
Sanskrit only: no published translation is held for this verse.
तस्मात् त्रिधा कञ्चुकाभिर्दोषैश्चासौ नियोजितः । तदा प्रभृति दोषैश्च कञ्चुकाभिश्च वर्जितः
tasmāt tridhā kañcukābhirdoṣaiścāsau niyojitaḥ / tadā prabhṛti doṣaiśca kañcukābhiśca varjitaḥ
Sanskrit only: no published translation is held for this verse.
शुद्धोऽष्टादशसंस्कारैः सूतो भवति सिद्धिदः । <रसावस्थाः> धूमश्चिटिचिटिश्चैव मण्डूकप्लुतिरेव च
śuddho'ṣṭādaśasaṃskāraiḥ sūto bhavati siddhidaḥ / <rasāvasthāḥ> dhūmaściṭiciṭiścaiva maṇḍūkaplutireva ca
Sanskrit only: no published translation is held for this verse.
सकंपश्च विकंपश्च पञ्चावस्था रसस्य तु । <रसगतयः> रसस्य गतयः पञ्च जले स्याज्जलवद्गतिः
sakaṃpaśca vikaṃpaśca pañcāvasthā rasasya tu / <rasagatayaḥ> rasasya gatayaḥ pañca jale syājjalavadgatiḥ
Sanskrit only: no published translation is held for this verse.
धूमे धूमगतिः सूतः स्तरणे हंसवद्गतिः । किट्टे किट्टनिभा देवि पञ्चमो जीववद्गतिः
dhūme dhūmagatiḥ sūtaḥ staraṇe haṃsavadgatiḥ / kiṭṭe kiṭṭanibhā devi pañcamo jīvavadgatiḥ
Sanskrit only: no published translation is held for this verse.
चतस्रो गतयो दृश्याः अदृश्या पंचमी गतिः । यन्त्रौषधाद्यै रोद्धव्याश्चतस्रो गतयः प्रिये
catasro gatayo dṛśyāḥ adṛśyā paṃcamī gatiḥ / yantrauṣadhādyai roddhavyāścatasro gatayaḥ priye
Sanskrit only: no published translation is held for this verse.
ध्यानमन्त्रौषधाद्यैश्च रोद्धव्या पञ्चमी गतिः । <नैसर्गिका दोषाः> पार्थिवश्च तथैवाप्य आग्नेयश्चानिलस्तथा
dhyānamantrauṣadhādyaiśca roddhavyā pañcamī gatiḥ / <naisargikā doṣāḥ> pārthivaśca tathaivāpya āgneyaścānilastathā
Sanskrit only: no published translation is held for this verse.
नाभसो गजचर्माख्यः पुण्डरीको विसर्पकृत् । हारिद्रो रक्तचर्माख्यो नारङ्गो रक्तबिन्दुकः
nābhaso gajacarmākhyaḥ puṇḍarīko visarpakṛt / hāridro raktacarmākhyo nāraṅgo raktabindukaḥ
Sanskrit only: no published translation is held for this verse.
असह्याग्निश्च मण्डूको मला नैसर्गिकाः स्मृताः । <औपधिका दोषाः> कालिका मलिनी चैव कपोती रक्तकञ्चुका
asahyāgniśca maṇḍūko malā naisargikāḥ smṛtāḥ / <aupadhikā doṣāḥ> kālikā malinī caiva kapotī raktakañcukā
Sanskrit only: no published translation is held for this verse.
सलोमी गिरिजा चैव पिङ्गली सप्त कञ्चुकाः । औपाधिका इमा ज्ञेयाः पारदे कीर्तिताः प्रिये
salomī girijā caiva piṅgalī sapta kañcukāḥ / aupādhikā imā jñeyāḥ pārade kīrtitāḥ priye
Sanskrit only: no published translation is held for this verse.
<यौगिका दोषाः> विषं नागश्च वङ्गश्च यौगिकश्च त्रयः स्मृताः । <दोषाणां स्वरूपम्> भौमः कुष्ठकरश्चाप्यो दोषोद्रेकं करोति सः
<yaugikā doṣāḥ> viṣaṃ nāgaśca vaṅgaśca yaugikaśca trayaḥ smṛtāḥ / <doṣāṇāṃ svarūpam> bhaumaḥ kuṣṭhakaraścāpyo doṣodrekaṃ karoti saḥ
Sanskrit only: no published translation is held for this verse.
आग्नेयः कुरुते दाहं वायव्यः शूलकृद्भवेत् । बाधिर्यं नाभसो दोषो गजत्वग्गजचर्मकृत्
āgneyaḥ kurute dāhaṃ vāyavyaḥ śūlakṛdbhavet / bādhiryaṃ nābhaso doṣo gajatvaggajacarmakṛt
Sanskrit only: no published translation is held for this verse.
पुण्डरीको दद्रुकरो विसर्पश्च विसर्पकृत् । हारिद्रः पाडुकृत्प्रोक्तो रक्तचर्माक्षिपाटलम्
puṇḍarīko dadrukaro visarpaśca visarpakṛt / hāridraḥ pāḍukṛtprokto raktacarmākṣipāṭalam
Sanskrit only: no published translation is held for this verse.
नारङ्गो दुम्बरं कुष्ठं रक्तबीजो मसूरिकाः । असह्याग्निर् मोहकारी मण्डूकश्चर्मकीलकृत्
nāraṅgo dumbaraṃ kuṣṭhaṃ raktabījo masūrikāḥ / asahyāgnir mohakārī maṇḍūkaścarmakīlakṛt
Sanskrit only: no published translation is held for this verse.
मलो मूर्च्छाकरो देवि ख्याता दोषोद्भवास्तथा । कालिका कृष्णवर्णं च मलिनी मलसग्रहम्
malo mūrcchākaro devi khyātā doṣodbhavāstathā / kālikā kṛṣṇavarṇaṃ ca malinī malasagraham
Sanskrit only: no published translation is held for this verse.
कपोती स्वरसादं च विस्फोटं रक्तकञ्चुका । सलोमी वमनं कुर्यात् गिरिजा जाड्यकारिणी
kapotī svarasādaṃ ca visphoṭaṃ raktakañcukā / salomī vamanaṃ kuryāt girijā jāḍyakāriṇī
Sanskrit only: no published translation is held for this verse.
पिङ्गली नेत्रघ्नी दोषाः कचुकजाः स्मृताः । विषं मृत्युप्रदो नागो जाड्यं वङ्गस्सुरार्चिते
piṅgalī netraghnī doṣāḥ kacukajāḥ smṛtāḥ / viṣaṃ mṛtyuprado nāgo jāḍyaṃ vaṅgassurārcite
Sanskrit only: no published translation is held for this verse.
कुरुते पूतिगन्धत्वं गदा यौगिकसम्भवाः । <रसस्य स्थानान्तरगतिः> प्रथमार्तवसुस्नाता सुरूपा शुभलक्षणा
kurute pūtigandhatvaṃ gadā yaugikasambhavāḥ / <rasasya sthānāntaragatiḥ> prathamārtavasusnātā surūpā śubhalakṣaṇā
Sanskrit only: no published translation is held for this verse.
शुद्धाम्बरधरा माल्यगन्धन्लिप्ता सुभूषिता । उत्तमाश्वसमारूढा रतिसङ्गविवर्जिता
śuddhāmbaradharā mālyagandhanliptā subhūṣitā / uttamāśvasamārūḍhā ratisaṅgavivarjitā
Sanskrit only: no published translation is held for this verse.
अभ्यर्च्य गणनाथं च भैरवं च गुरुं पुरा । रसेन्द्रभैरवं ध्यात्वा कूपस्थं पारदं प्रिये
abhyarcya gaṇanāthaṃ ca bhairavaṃ ca guruṃ purā / rasendrabhairavaṃ dhyātvā kūpasthaṃ pāradaṃ priye
Sanskrit only: no published translation is held for this verse.
पश्येच्छीघ्रं ततो गच्छेत् न पुनः पृष्ठमीक्षयेत् । एषा योजनमात्रोआ कुमारी हयसाधना
paśyecchīghraṃ tato gacchet na punaḥ pṛṣṭhamīkṣayet / eṣā yojanamātroā kumārī hayasādhanā
Sanskrit only: no published translation is held for this verse.
तदानीम् आहरेत्ततु कुमारासंजिघृक्षया । कूपमध्यात् समुत्पत्य सोऽनुधावति तां प्रति
tadānīm āharettatu kumārāsaṃjighṛkṣayā / kūpamadhyāt samutpatya so'nudhāvati tāṃ prati
Sanskrit only: no published translation is held for this verse.
यावद्योजनमागत्य पुनः कूपे विशेत्क्षणात् । परितः कृतगर्तेषु तेषु तेषु च संस्थितम्
yāvadyojanamāgatya punaḥ kūpe viśetkṣaṇāt / paritaḥ kṛtagarteṣu teṣu teṣu ca saṃsthitam
Sanskrit only: no published translation is held for this verse.
तं रसेन्द्रं शुचिर्भूत्वा गृह्णीयाद्रसदेशिकः । गौरवादग्निवदनात् पतितो दरदाह्वये
taṃ rasendraṃ śucirbhūtvā gṛhṇīyādrasadeśikaḥ / gauravādagnivadanāt patito daradāhvaye
Sanskrit only: no published translation is held for this verse.
देशे स सूतो भूलीनः तन्त्रज्ञै रसकोविदः । निक्षिप्य मृत्तिकायन्त्रे पातनाख्ये समागतः
deśe sa sūto bhūlīnaḥ tantrajñai rasakovidaḥ / nikṣipya mṛttikāyantre pātanākhye samāgataḥ
Sanskrit only: no published translation is held for this verse.
पारदो गृह्यते देवि दोषहीनस्स उच्यते । एवमेव तत्र तत्र सिद्धविद्याधरैस्सदा
pārado gṛhyate devi doṣahīnassa ucyate / evameva tatra tatra siddhavidyādharaissadā
Sanskrit only: no published translation is held for this verse.
निक्षेपितः पारदेन्द्रो विद्यते देवि सिद्धिदः
nikṣepitaḥ pāradendro vidyate devi siddhidaḥ
Sanskrit only: no published translation is held for this verse.