वाक्पटुत्वं मुखोल्लासो भवेद्व्यायामपेशलः । स्नानध्यानार्चनपरो मधुरास्वादलोलुपः
vākpaṭutvaṃ mukhollāso bhavedvyāyāmapeśalaḥ / snānadhyānārcanaparo madhurāsvādalolupaḥ
Sanskrit only: no published translation is held for this verse.
मृष्टान्नाशी शीतवारि पिबन्नालापतत्परः । यथेष्टालोकनपरः कामिनीसङ्गलोलुपः
mṛṣṭānnāśī śītavāri pibannālāpatatparaḥ / yatheṣṭālokanaparaḥ kāminīsaṅgalolupaḥ
Sanskrit only: no published translation is held for this verse.
सर्वभूतदयाविष्टस् तत्त्वज्ञानविलीनधीः । कविताख्यानविज्ञानोपन्यासैकपरायणः
sarvabhūtadayāviṣṭas tattvajñānavilīnadhīḥ / kavitākhyānavijñānopanyāsaikaparāyaṇaḥ
Sanskrit only: no published translation is held for this verse.
वादेषु विजयं कुर्यात्सङ्ग्रामे मल्लसङ्गरे । अन्येऽपि बहवः सन्ति गुणास्त्वन्यत्र दुर्लभाः
vādeṣu vijayaṃ kuryātsaṅgrāme mallasaṅgare / anye'pi bahavaḥ santi guṇāstvanyatra durlabhāḥ
Sanskrit only: no published translation is held for this verse.
<विजयाव्यापत्सिद्धी> एतस्याः सिद्धिमूल्याश्च भक्षणे त्वधिके सति । जायन्ते हि विकाराश्च शृणु तान्परमेश्वरि
<vijayāvyāpatsiddhī> etasyāḥ siddhimūlyāśca bhakṣaṇe tvadhike sati / jāyante hi vikārāśca śṛṇu tānparameśvari
Sanskrit only: no published translation is held for this verse.
आरक्तलोचनः शुष्कजिह्वौष्ठपुटतालुकः । प्रथमे शुष्कनासाग्र उष्णकृच्छ्वासपार्श्वयोः
āraktalocanaḥ śuṣkajihvauṣṭhapuṭatālukaḥ / prathame śuṣkanāsāgra uṣṇakṛcchvāsapārśvayoḥ
Sanskrit only: no published translation is held for this verse.
द्वितीये ऽक्षिनिमीलत्वं पटलीकृतविग्रहः । तृतीये पादहस्ताक्षिदाहकृद् गद्गदध्वनिः
dvitīye 'kṣinimīlatvaṃ paṭalīkṛtavigrahaḥ / tṛtīye pādahastākṣidāhakṛd gadgadadhvaniḥ
Sanskrit only: no published translation is held for this verse.
चतुर्थे क्षुत्पिपासार्तो निद्राघूर्णितलोचनः । पञ्चमे गद्गदा वाणी स्वप्रोक्तं विस्मरेत्क्षणात्
caturthe kṣutpipāsārto nidrāghūrṇitalocanaḥ / pañcame gadgadā vāṇī svaproktaṃ vismaretkṣaṇāt
Sanskrit only: no published translation is held for this verse.
षष्ठे विकारे संजाते चित्तापस्मृतिकारणम् । सप्तमे करसादश्च देहे च रुचिरायते
ṣaṣṭhe vikāre saṃjāte cittāpasmṛtikāraṇam / saptame karasādaśca dehe ca rucirāyate
Sanskrit only: no published translation is held for this verse.
महोर्मय इवोल्लासा जायन्ते च पुनः पुनः । अष्टमे दिग्भ्रमः शान्तिर्भ्रूभङ्गश्चातिरोदनम्
mahormaya ivollāsā jāyante ca punaḥ punaḥ / aṣṭame digbhramaḥ śāntirbhrūbhaṅgaścātirodanam
Sanskrit only: no published translation is held for this verse.
नवमे श्रोत्रहुङ्कारो मूर्च्छापस्मृतिकातरः । उद्गारः कूजनं भूमौ लुठनं दैन्यभाषणम्
navame śrotrahuṅkāro mūrcchāpasmṛtikātaraḥ / udgāraḥ kūjanaṃ bhūmau luṭhanaṃ dainyabhāṣaṇam
Sanskrit only: no published translation is held for this verse.
अन्यथा भाषणं गुह्यं ब्रवन्सौख्यं न वेत्ति च । दुःखं च मृदुकल्पोऽयं स्विन्नाङ्गश्च भवेत्प्रिये
anyathā bhāṣaṇaṃ guhyaṃ bravansaukhyaṃ na vetti ca / duḥkhaṃ ca mṛdukalpo'yaṃ svinnāṅgaśca bhavetpriye
Sanskrit only: no published translation is held for this verse.
अन्ये विकारा बहवः सन्ति तेषां चिकित्सनम् । विरेकोऽम्लरसः शीर्षस्नानं शीताम्बुना ततः
anye vikārā bahavaḥ santi teṣāṃ cikitsanam / vireko'mlarasaḥ śīrṣasnānaṃ śītāmbunā tataḥ
Sanskrit only: no published translation is held for this verse.
चन्दनोशीरकर्पूरहिमाम्बुपरिलेपनम् । सुगन्धिशीतलीभूतमालालंकृतविग्रहः
candanośīrakarpūrahimāmbuparilepanam / sugandhiśītalībhūtamālālaṃkṛtavigrahaḥ
Sanskrit only: no published translation is held for this verse.
मल्लिकाजातिचाम्पेयकमलोत्पलधारिणा । मृणालवलयोद्भासिशय्या च कदलीदलम्
mallikājāticāmpeyakamalotpaladhāriṇā / mṛṇālavalayodbhāsiśayyā ca kadalīdalam
Sanskrit only: no published translation is held for this verse.
कर्पूरैलालवङ्गाश्च तक्कोलं कटुकीफलम् । चर्वयेत् सह ताम्बूलं तालवृन्तेन वीजनम्
karpūrailālavaṅgāśca takkolaṃ kaṭukīphalam / carvayet saha tāmbūlaṃ tālavṛntena vījanam
Sanskrit only: no published translation is held for this verse.
सूक्ष्मकाषायवस्त्राणि सुगन्धीनि च धारयेत् । कङ्कणे चन्द्रम् आपश्यञ्ज्योत्स्नायां द्विमुहूर्तकम्
sūkṣmakāṣāyavastrāṇi sugandhīni ca dhārayet / kaṅkaṇe candram āpaśyañjyotsnāyāṃ dvimuhūrtakam
Sanskrit only: no published translation is held for this verse.
पीनोत्तुङ्गकुचद्वन्द्वगाढालिङ्गनतत्परः । शयीत शर्कराक्षीरघृतमांसरसादिकम्
pīnottuṅgakucadvandvagāḍhāliṅganatatparaḥ / śayīta śarkarākṣīraghṛtamāṃsarasādikam
Sanskrit only: no published translation is held for this verse.
पानकं मुद्गयूषं वा पेयं वा शार्करं मधु । केवलं शयनं कुर्याद्यद्यच्छीतं भजेच्च तत्
pānakaṃ mudgayūṣaṃ vā peyaṃ vā śārkaraṃ madhu / kevalaṃ śayanaṃ kuryādyadyacchītaṃ bhajecca tat
Sanskrit only: no published translation is held for this verse.
<२९। कञ्चुकीकल्पः> अथ वक्ष्यामि देवेशि कञ्चुकीकल्पमुत्तमम् । सप्ताष्टच्छदसंयुक्ता मूलकोपमकन्दुका
<29. kañcukīkalpaḥ> atha vakṣyāmi deveśi kañcukīkalpamuttamam / saptāṣṭacchadasaṃyuktā mūlakopamakandukā
Sanskrit only: no published translation is held for this verse.
क्षीरान्विता मेषशब्दाज्जायन्ते पल्लवान्यपि । सा ज्ञेया पीतरक्ताभकाण्डा श्वेततनुः प्रिये
kṣīrānvitā meṣaśabdājjāyante pallavānyapi / sā jñeyā pītaraktābhakāṇḍā śvetatanuḥ priye
Sanskrit only: no published translation is held for this verse.
आषाढे कार्त्तिके मासे चैत्यदेशे प्ररोहति । पिष्टां पलाष्टके क्षीरे त्वङ्गुष्ठद्वयमात्रकम्
āṣāḍhe kārttike māse caityadeśe prarohati / piṣṭāṃ palāṣṭake kṣīre tvaṅguṣṭhadvayamātrakam
Sanskrit only: no published translation is held for this verse.
कुटीप्रवेशं कृत्वादौ पीत्वा पश्चात्पयः पिबेत् । जीर्णे क्षीरं पुनः पेयं पेयां वा स्नेहवर्जिताम्
kuṭīpraveśaṃ kṛtvādau pītvā paścātpayaḥ pibet / jīrṇe kṣīraṃ punaḥ peyaṃ peyāṃ vā snehavarjitām
Sanskrit only: no published translation is held for this verse.
स्तोकोष्णलवणाम्लां तां न स्पृशेच्छीतलं जलम् । एवं सप्तदिनं सेव्यं खिलकुष्ठं विनाशयेत्
stokoṣṇalavaṇāmlāṃ tāṃ na spṛśecchītalaṃ jalam / evaṃ saptadinaṃ sevyaṃ khilakuṣṭhaṃ vināśayet
Sanskrit only: no published translation is held for this verse.
तृतीये सप्तरात्रेण नश्यन्ति निखिला गदाः । तृतीये सप्तरात्रेण भुजङ्गः कञ्चुकं तथा
tṛtīye saptarātreṇa naśyanti nikhilā gadāḥ / tṛtīye saptarātreṇa bhujaṅgaḥ kañcukaṃ tathā
Sanskrit only: no published translation is held for this verse.
त्वक्केशनखदन्तांश्च स त्यजेत् स्वयमेवं हि । जीवेत्पञ्चशतं वर्षं रूपमेधाबलान्वितः
tvakkeśanakhadantāṃśca sa tyajet svayamevaṃ hi / jīvetpañcaśataṃ varṣaṃ rūpamedhābalānvitaḥ
Sanskrit only: no published translation is held for this verse.
चूर्णितं कञ्चुकीकन्दं तत्क्षीरेण विभावितम् । कर्षं गोक्षीरकुडुबैः पिष्ट्वा खण्डं पलं क्षिपेत्
cūrṇitaṃ kañcukīkandaṃ tatkṣīreṇa vibhāvitam / karṣaṃ gokṣīrakuḍubaiḥ piṣṭvā khaṇḍaṃ palaṃ kṣipet
Sanskrit only: no published translation is held for this verse.
नखकेशास्थिदन्तस्थान् रोगान्पानेन नाशयेत् । कञ्चुक्यास्तु पलं चूर्णं प्रस्थगोक्षीरवापितम्
nakhakeśāsthidantasthān rogānpānena nāśayet / kañcukyāstu palaṃ cūrṇaṃ prasthagokṣīravāpitam
Sanskrit only: no published translation is held for this verse.
चूर्णशेषं पचेत्तावद् गोघृतेन च भर्जयेत् । सितया मधुना लिह्यात् क्षीरान्नो मण्डलावधि
cūrṇaśeṣaṃ pacettāvad goghṛtena ca bharjayet / sitayā madhunā lihyāt kṣīrānno maṇḍalāvadhi
Sanskrit only: no published translation is held for this verse.
महागजबलोपेतो द्विरष्टवयसोज्ज्वलः । जीवेत्पञ्चशतं वर्षान्कामिनीकेलिमन्मथः
mahāgajabalopeto dviraṣṭavayasojjvalaḥ / jīvetpañcaśataṃ varṣānkāminīkelimanmathaḥ
Sanskrit only: no published translation is held for this verse.
<३०। कुक्कुटीकल्पः> अथ वक्ष्यामि ते देवि कुक्कुटीकल्पमुत्तमम् । सुरासुरैर् मथ्यमानादब्धेरमृतबिन्दवः
<30. kukkuṭīkalpaḥ> atha vakṣyāmi te devi kukkuṭīkalpamuttamam / surāsurair mathyamānādabdheramṛtabindavaḥ
Sanskrit only: no published translation is held for this verse.
पतितास्तेभ्य उत्पन्ना कुक्कुटी निर्जरत्वदा । पत्त्रैर् मरकतच्छायैः खर्जूरीदलसन्निभैः
patitāstebhya utpannā kukkuṭī nirjaratvadā / pattrair marakatacchāyaiḥ kharjūrīdalasannibhaiḥ
Sanskrit only: no published translation is held for this verse.
कन्दैश्च कुक्कुटास्याभैर् ईषत् कटुकपिच्छिलैः । लक्षिता कुक्कुटी ज्ञेया महारोगहरा परा
kandaiśca kukkuṭāsyābhair īṣat kaṭukapicchilaiḥ / lakṣitā kukkuṭī jñeyā mahārogaharā parā
Sanskrit only: no published translation is held for this verse.
विशेषाद्वातरोगांश्च गुदकीलविषाणि च । घृतेन भर्जयेत्कन्दं शुद्धकोष्ठः कुटीं व्रजेत्
viśeṣādvātarogāṃśca gudakīlaviṣāṇi ca / ghṛtena bharjayetkandaṃ śuddhakoṣṭhaḥ kuṭīṃ vrajet
Sanskrit only: no published translation is held for this verse.
गुञ्जामात्रं प्रगे सेव्यं धारोष्णं गोपयः पिबेत् । जीर्णे क्षीरान्नमश्नीयाज्जलान्नं वा विचक्षणः
guñjāmātraṃ prage sevyaṃ dhāroṣṇaṃ gopayaḥ pibet / jīrṇe kṣīrānnamaśnīyājjalānnaṃ vā vicakṣaṇaḥ
Sanskrit only: no published translation is held for this verse.
यथाबलं प्रतिदिनं वर्धयेन्मण्डलावधि । जत्रूर्ध्वरोगान् पाण्ड्वादीन् क्षयकुष्ठादिकान्हरेत्
yathābalaṃ pratidinaṃ vardhayenmaṇḍalāvadhi / jatrūrdhvarogān pāṇḍvādīn kṣayakuṣṭhādikānharet
Sanskrit only: no published translation is held for this verse.
स्थिरकेशद्विजनखो वलीपलितवर्जितः । जीवेद्द्विशतवर्षं च मेधाधैर्यबलान्वितः
sthirakeśadvijanakho valīpalitavarjitaḥ / jīveddviśatavarṣaṃ ca medhādhairyabalānvitaḥ
Sanskrit only: no published translation is held for this verse.
शुक्लप्रतिपदारभ्य चैकैकं घृतवर्जितम् । कन्दं प्राश्नीय पर्वान्तं वर्धयेत्तद्यथाबलम्
śuklapratipadārabhya caikaikaṃ ghṛtavarjitam / kandaṃ prāśnīya parvāntaṃ vardhayettadyathābalam
Sanskrit only: no published translation is held for this verse.
तथैवासितपक्षादि नूनं कुर्याद्दिनाद्दिनम् । भुक्तेः प्रागुपयुञ्जीत पश्चात्क्षीराशनो भवेत्
tathaivāsitapakṣādi nūnaṃ kuryāddināddinam / bhukteḥ prāgupayuñjīta paścātkṣīrāśano bhavet
Sanskrit only: no published translation is held for this verse.
दर्शान्तमेवं सेवेत प्रतिमासं पुनः पुनः । त्रिवर्षात् सिद्धिमाप्नोति जीवेद्वर्षायुतत्रयम्
darśāntamevaṃ seveta pratimāsaṃ punaḥ punaḥ / trivarṣāt siddhimāpnoti jīvedvarṣāyutatrayam
Sanskrit only: no published translation is held for this verse.
कुक्कुटीकन्दचूर्णं च गोक्षीरेण यथाबलम् । जीर्णे पिबेद्यवागूंश्च मासात्सिद्धिः प्रजायते
kukkuṭīkandacūrṇaṃ ca gokṣīreṇa yathābalam / jīrṇe pibedyavāgūṃśca māsātsiddhiḥ prajāyate
Sanskrit only: no published translation is held for this verse.
नानाविधगदान्हन्ति जीवेद्वर्षशतद्वयम् । <३१। सोमलताकल्पः> अथ सोमलताकल्पं दिव्यं वक्ष्यामि शङ्करि
nānāvidhagadānhanti jīvedvarṣaśatadvayam / <31. somalatākalpaḥ> atha somalatākalpaṃ divyaṃ vakṣyāmi śaṅkari
Sanskrit only: no published translation is held for this verse.
सोमः स्वयं मनुष्याणां हितायावनिमण्डलम् । प्रतिपेदे च तन्नाम्ना ख्याता सोमलता भुवि
somaḥ svayaṃ manuṣyāṇāṃ hitāyāvanimaṇḍalam / pratipede ca tannāmnā khyātā somalatā bhuvi
Sanskrit only: no published translation is held for this verse.
चतुर्विंशतिधा प्रोक्ता स्थाननामादिभेदतः । पूर्वप्रतिपदारभ्य पूर्णान्तं प्रतिवासरम्
caturviṃśatidhā proktā sthānanāmādibhedataḥ / pūrvapratipadārabhya pūrṇāntaṃ prativāsaram
Sanskrit only: no published translation is held for this verse.
एकैकं जायते पर्णं तथैवापरपक्षके । पतति क्रमशः पर्णं दर्शे सैकावशिष्यते
ekaikaṃ jāyate parṇaṃ tathaivāparapakṣake / patati kramaśaḥ parṇaṃ darśe saikāvaśiṣyate
Sanskrit only: no published translation is held for this verse.
पूर्णमास्यां पञ्चदशछदोपेता सदा भवेत् । नानाविधदलोपेताश् छदपञ्चदशात्मिकाः
pūrṇamāsyāṃ pañcadaśachadopetā sadā bhavet / nānāvidhadalopetāś chadapañcadaśātmikāḥ
Sanskrit only: no published translation is held for this verse.
क्षीरयुक्तलताकन्दाः सर्वाः सोमलताः स्मृताः । तुषाराद्रावर्बुदे च सह्ये देवगिरौ तथा
kṣīrayuktalatākandāḥ sarvāḥ somalatāḥ smṛtāḥ / tuṣārādrāvarbude ca sahye devagirau tathā
Sanskrit only: no published translation is held for this verse.
श्रीपर्वते च मलये महेन्द्रे पारियात्रके । विन्ध्ये देवसहेऽद्रौ च देवसूतहृदे तथा
śrīparvate ca malaye mahendre pāriyātrake / vindhye devasahe'drau ca devasūtahṛde tathā
Sanskrit only: no published translation is held for this verse.
वितस्तोत्तरतीरेऽस्ति प्रभासाख्यो महीधरः । सिन्धुह्रदोऽस्ति पाञ्चाले चन्द्रमाः प्लवतेऽत्र च
vitastottaratīre'sti prabhāsākhyo mahīdharaḥ / sindhuhrado'sti pāñcāle candramāḥ plavate'tra ca
Sanskrit only: no published translation is held for this verse.
तत्प्रदेशे च वाप्यस्ति त्वंशुमानथ मुञ्जवान् । दिव्यं सरोऽस्ति काश्मीरे ख्यातं क्षुद्रकमानसम्
tatpradeśe ca vāpyasti tvaṃśumānatha muñjavān / divyaṃ saro'sti kāśmīre khyātaṃ kṣudrakamānasam
Sanskrit only: no published translation is held for this verse.
औष्णिक् त्रैष्टुभगायत्रो जागतस् त्र्यैष्टुभस् तथा । अन्याश्च पञ्च सन्त्यत्र मृगाङ्काभासवल्लिकाः
auṣṇik traiṣṭubhagāyatro jāgatas tryaiṣṭubhas tathā / anyāśca pañca santyatra mṛgāṅkābhāsavallikāḥ
Sanskrit only: no published translation is held for this verse.
भाग्यहीना न पश्यन्ति देवाग्निद्विजनिन्दकाः । सर्वसोमलतानां च विधिरेक उपासने
bhāgyahīnā na paśyanti devāgnidvijanindakāḥ / sarvasomalatānāṃ ca vidhireka upāsane
Sanskrit only: no published translation is held for this verse.
चन्द्रमाः स्वर्णसच्छायो विशदो रजतप्रभः । तौ रंभाकृतिकन्दौ तु चन्द्रमास्तु जलेचरः
candramāḥ svarṇasacchāyo viśado rajataprabhaḥ / tau raṃbhākṛtikandau tu candramāstu jalecaraḥ
Sanskrit only: no published translation is held for this verse.
लशुनच्छदनः पुण्यो मुञ्जवान्गरुडाहृतः । श्येनच्छदनिभः पाण्डुः सर्पनिर्मोकवत्सदा
laśunacchadanaḥ puṇyo muñjavāngaruḍāhṛtaḥ / śyenacchadanibhaḥ pāṇḍuḥ sarpanirmokavatsadā
Sanskrit only: no published translation is held for this verse.
लम्बते पादपाग्रेषु विशेषं लक्षणं स्मृतम् । अंशुमांश्चन्द्रमाश्चैव शोनकी कर्णकोपमः
lambate pādapāgreṣu viśeṣaṃ lakṣaṇaṃ smṛtam / aṃśumāṃścandramāścaiva śonakī karṇakopamaḥ
Sanskrit only: no published translation is held for this verse.
दूर्वासोमौ जाग्रतश्च कन्याभासश्च शाक्वरः । करवीरस्तालवृन्तः प्रतानश्च गवीनसः
dūrvāsomau jāgrataśca kanyābhāsaśca śākvaraḥ / karavīrastālavṛntaḥ pratānaśca gavīnasaḥ
Sanskrit only: no published translation is held for this verse.
पथ्यः सोमप्रदश्चैव गरुडाहृतनामकः । अयःप्रभो ऽग्निष्टोमः स्यादौक्थ्यो रेवतकस्तथा
pathyaḥ somapradaścaiva garuḍāhṛtanāmakaḥ / ayaḥprabho 'gniṣṭomaḥ syādaukthyo revatakastathā
Sanskrit only: no published translation is held for this verse.
अंशुमान्सर्वमुख्यः स्यादस्य सेवां प्रचक्षते । एतद्रसायनज्ञैश्च प्रीतैर्मन्त्रविदुत्तमैः
aṃśumānsarvamukhyaḥ syādasya sevāṃ pracakṣate / etadrasāyanajñaiśca prītairmantraviduttamaiḥ
Sanskrit only: no published translation is held for this verse.
भिषग्वरैः सुहृद्भिश्च संयुक्तः शुद्धकोष्ठवान् । कुटीं प्रविश्य निवृतां पुण्यर्क्षे शुभवासरे
bhiṣagvaraiḥ suhṛdbhiśca saṃyuktaḥ śuddhakoṣṭhavān / kuṭīṃ praviśya nivṛtāṃ puṇyarkṣe śubhavāsare
Sanskrit only: no published translation is held for this verse.
पूर्वेद्युर्देवि विप्राग्निसिद्धसामायिकान्गुरून् । योगिनीश्च कुमारीश्च बालकान् सिद्धसन्ततिम्
pūrvedyurdevi viprāgnisiddhasāmāyikāngurūn / yoginīśca kumārīśca bālakān siddhasantatim
Sanskrit only: no published translation is held for this verse.
गन्धपुष्पाक्षताद्यैश्च धूपैर्दीपैश्च पूजयेत् । भोजनैर्दक्षिणाभिश्च तोषयेच्च विधानतः
gandhapuṣpākṣatādyaiśca dhūpairdīpaiśca pūjayet / bhojanairdakṣiṇābhiśca toṣayecca vidhānataḥ
Sanskrit only: no published translation is held for this verse.
क्षीरमंशुमतः कन्दात्स्वर्णसूच्या विभेदितात् । हेमपात्रे समादाय तत्क्षीरं कुडुबं पिबेत्
kṣīramaṃśumataḥ kandātsvarṇasūcyā vibheditāt / hemapātre samādāya tatkṣīraṃ kuḍubaṃ pibet
Sanskrit only: no published translation is held for this verse.
सकृदेव पिबेत्सर्वं पीतशेषं जले क्षिपेत् । दिवा सुहृद्भिर् विहरेद्वाग्यतश्च वशी भवेत्
sakṛdeva pibetsarvaṃ pītaśeṣaṃ jale kṣipet / divā suhṛdbhir viharedvāgyataśca vaśī bhavet
Sanskrit only: no published translation is held for this verse.
द्रव्यदेहोपदेशज्ञैः कुट्यामास्तिकबुद्धिभिः । उपवासी जपरतः सायं सन्ध्यार्चनापरः
dravyadehopadeśajñaiḥ kuṭyāmāstikabuddhibhiḥ / upavāsī japarataḥ sāyaṃ sandhyārcanāparaḥ
Sanskrit only: no published translation is held for this verse.
प्रसुप्याद् दर्भशयने कृष्णाजिनतिरोहिते । पिपासितोऽपि पानीयं शीतलं मात्रया पिबेत्
prasupyād darbhaśayane kṛṣṇājinatirohite / pipāsito'pi pānīyaṃ śītalaṃ mātrayā pibet
Sanskrit only: no published translation is held for this verse.
प्रभाते च समुत्थाय कृतप्रागेतनक्रमः । विना सोमं तथासीत जीर्णे क्षीरे सशोणितम्
prabhāte ca samutthāya kṛtaprāgetanakramaḥ / vinā somaṃ tathāsīta jīrṇe kṣīre saśoṇitam
Sanskrit only: no published translation is held for this verse.
पित्तावसानं सकृमि वमनं भवति प्रिये । शृतशीतं च गोक्षीरं सायं पेयं सुसाधकैः
pittāvasānaṃ sakṛmi vamanaṃ bhavati priye / śṛtaśītaṃ ca gokṣīraṃ sāyaṃ peyaṃ susādhakaiḥ
Sanskrit only: no published translation is held for this verse.
विरेको जायते तस्य तृतीयदिवसे महान् । तेन प्रमुच्यते मर्त्यः पूर्वकैर् दुष्टभोजनैः
vireko jāyate tasya tṛtīyadivase mahān / tena pramucyate martyaḥ pūrvakair duṣṭabhojanaiḥ
Sanskrit only: no published translation is held for this verse.
स्नानं कुर्याद्दिनान्ते स शृतशीतं पिबेत्पयः । दर्भशय्यां सुमक्षौमछादितायां शयीत सः
snānaṃ kuryāddinānte sa śṛtaśītaṃ pibetpayaḥ / darbhaśayyāṃ sumakṣaumachāditāyāṃ śayīta saḥ
Sanskrit only: no published translation is held for this verse.
ततश्चतुर्थे दिवसे श्वयथुस्तस्य जायते । अङ्गेभ्यः क्रिमयो बह्व्यः सूक्ष्मा निर्यान्ति तद्दिने
tataścaturthe divase śvayathustasya jāyate / aṅgebhyaḥ krimayo bahvyaḥ sūkṣmā niryānti taddine
Sanskrit only: no published translation is held for this verse.
गोविड्भस्ममयीं शय्यां शोधितां मृदुलां सुधीः । अधिशेत पिपासा चेच्छृतशीतं जलं पिबेत्
goviḍbhasmamayīṃ śayyāṃ śodhitāṃ mṛdulāṃ sudhīḥ / adhiśeta pipāsā cecchṛtaśītaṃ jalaṃ pibet
Sanskrit only: no published translation is held for this verse.
सायं गव्यं शृतं क्षीरं पीत्वा शिष्यसुहृद्वृतः । यथासुखं प्रसुप्याच्च निशि पञ्चमषष्ठयोः
sāyaṃ gavyaṃ śṛtaṃ kṣīraṃ pītvā śiṣyasuhṛdvṛtaḥ / yathāsukhaṃ prasupyācca niśi pañcamaṣaṣṭhayoḥ
Sanskrit only: no published translation is held for this verse.
अह्नो विधिरयं कार्यो द्विकालं पाययेत्पयः । सप्तमे दिवसे देहस्त्वगस्थिस्नायुशेषितः
ahno vidhirayaṃ kāryo dvikālaṃ pāyayetpayaḥ / saptame divase dehastvagasthisnāyuśeṣitaḥ
Sanskrit only: no published translation is held for this verse.
मांसरक्तविहीनः स्यात्सोमपः प्राणशेषितः । सुखोष्णैः सिञ्चयेत्क्षीरैर् गव्यैरेतस्य विग्रहम्
māṃsaraktavihīnaḥ syātsomapaḥ prāṇaśeṣitaḥ / sukhoṣṇaiḥ siñcayetkṣīrair gavyairetasya vigraham
Sanskrit only: no published translation is held for this verse.
श्रीखण्डतिलयष्ट्याह्वैः पिष्टैस्तं परिलेपयेत् । क्षीराशी कटशायी च क्षौममय्यां शयीत सः
śrīkhaṇḍatilayaṣṭyāhvaiḥ piṣṭaistaṃ parilepayet / kṣīrāśī kaṭaśāyī ca kṣaumamayyāṃ śayīta saḥ
Sanskrit only: no published translation is held for this verse.
अष्टमेऽह्नि नखं श्मश्रु त्वक्केशा रदना अपि । पतन्ति सद्योजातस्य देहवज्जायते वपुः
aṣṭame'hni nakhaṃ śmaśru tvakkeśā radanā api / patanti sadyojātasya dehavajjāyate vapuḥ
Sanskrit only: no published translation is held for this verse.
क्षीराशी स्यात्तु नवमेऽणुतैलाभ्यङ्गमाचरेत् । स्नायात्सोमलताकल्पं क्वथितेन जलेन च
kṣīrāśī syāttu navame'ṇutailābhyaṅgamācaret / snāyātsomalatākalpaṃ kvathitena jalena ca
Sanskrit only: no published translation is held for this verse.
ततस्तु नवमे त्वक्च स्थिरतां प्रतियाति च । तथैवैकादशदिनं प्रारभ्य षोडशं दिनम्
tatastu navame tvakca sthiratāṃ pratiyāti ca / tathaivaikādaśadinaṃ prārabhya ṣoḍaśaṃ dinam
Sanskrit only: no published translation is held for this verse.
अभ्यङ्गं नाचरेत्स्नानं सोमवल्ककषायजम् । दिनात्सप्तदशादूर्ध्वं चतुर्विंशतिकावधि
abhyaṅgaṃ nācaretsnānaṃ somavalkakaṣāyajam / dinātsaptadaśādūrdhvaṃ caturviṃśatikāvadhi
Sanskrit only: no published translation is held for this verse.
स्थिरत्वं त्वगवाप्नोति दन्ता वज्रनिभोज्ज्वलाः । स्थिरा दृढतराः स्निग्धा जायन्ते समपङ्क्तयः
sthiratvaṃ tvagavāpnoti dantā vajranibhojjvalāḥ / sthirā dṛḍhatarāḥ snigdhā jāyante samapaṅktayaḥ
Sanskrit only: no published translation is held for this verse.
पञ्चविंशत्तमे घस्रे षष्ट्यन्नं गोपयोऽन्वितम् । भुञ्जीत नखरास्तस्य शुकचञ्चुनिभोज्ज्वलाः
pañcaviṃśattame ghasre ṣaṣṭyannaṃ gopayo'nvitam / bhuñjīta nakharāstasya śukacañcunibhojjvalāḥ
Sanskrit only: no published translation is held for this verse.
त्वगस्य जायते स्निग्धा नीलोत्पलसमद्युतिः । सुलक्षणातसीपुष्पवैडूर्याम्बुदसन्निभा
tvagasya jāyate snigdhā nīlotpalasamadyutiḥ / sulakṣaṇātasīpuṣpavaiḍūryāmbudasannibhā
Sanskrit only: no published translation is held for this verse.
मासाद् अनन्तरं कुर्यात्तिलोशीरकचन्दनैः । पिष्टैः प्रलेपनं पश्चात्पयसा स्नपनक्रिया
māsād anantaraṃ kuryāttilośīrakacandanaiḥ / piṣṭaiḥ pralepanaṃ paścātpayasā snapanakriyā
Sanskrit only: no published translation is held for this verse.
रोहन्ति चिकुरास्तस्य भ्रमराञ्जनसन्निभाः । माससप्तदिनाद् ऊर्ध्वं द्वितीयावरणस्थितिः
rohanti cikurāstasya bhramarāñjanasannibhāḥ / māsasaptadinād ūrdhvaṃ dvitīyāvaraṇasthitiḥ
Sanskrit only: no published translation is held for this verse.
पुनस्तृतीयावरणे तिष्ठेत् सिद्धो मुहूर्तकम् । कुटीं विशेद्यथापूर्वं बलातैलाज्यलेपनम्
punastṛtīyāvaraṇe tiṣṭhet siddho muhūrtakam / kuṭīṃ viśedyathāpūrvaṃ balātailājyalepanam
Sanskrit only: no published translation is held for this verse.
कुर्याद्दिनत्रयं पश्चाच्चत्वारिंशद्दिनात्परम् । करीषभस्मनोद्धूल्य देहं कल्कैर्विलेपयेत्
kuryāddinatrayaṃ paścāccatvāriṃśaddinātparam / karīṣabhasmanoddhūlya dehaṃ kalkairvilepayet
Sanskrit only: no published translation is held for this verse.
अजशृङ्गीत्वगुद्भूतैः स्नानं कोष्णजलेन च । चन्दनोशीरकर्पूरैर् लिप्ताङ्गो मुद्गधात्रिजैः
ajaśṛṅgītvagudbhūtaiḥ snānaṃ koṣṇajalena ca / candanośīrakarpūrair liptāṅgo mudgadhātrijaiḥ
Sanskrit only: no published translation is held for this verse.
यूषैः षष्ट्यन्नम् अश्नीयात् क्षीरैस्त्रिमधुसंयुतैः । घृतेन वा द्वितीये तु वसेदावरणे सुधीः
yūṣaiḥ ṣaṣṭyannam aśnīyāt kṣīraistrimadhusaṃyutaiḥ / ghṛtena vā dvitīye tu vasedāvaraṇe sudhīḥ
Sanskrit only: no published translation is held for this verse.
दिवसं पञ्चकं तत्र किंचिद्वातातपे सुधीः । मध्ये मध्ये च सेवेत तथैव दशवासरम्
divasaṃ pañcakaṃ tatra kiṃcidvātātape sudhīḥ / madhye madhye ca seveta tathaiva daśavāsaram
Sanskrit only: no published translation is held for this verse.
सोढवातातपस् तस्मात्तृतीयावरणं भजेत् । एकविंशद्दिनं तिष्ठन् स्थिरीकृतमनाः समुत्
soḍhavātātapas tasmāttṛtīyāvaraṇaṃ bhajet / ekaviṃśaddinaṃ tiṣṭhan sthirīkṛtamanāḥ samut
Sanskrit only: no published translation is held for this verse.
ततो द्वाविंशतिदिने देहसिद्धिः प्रजायते । बहिर्निर्गत्य च तदा पूजयेद्भैरवं पुरा
tato dvāviṃśatidine dehasiddhiḥ prajāyate / bahirnirgatya ca tadā pūjayedbhairavaṃ purā
Sanskrit only: no published translation is held for this verse.
गुर्वग्निद्विजसिद्धानां चेतांसि परिमोदयन् । सर्वत्र स्वेच्छया नित्यं विहरेद्दुःखवर्जितः
gurvagnidvijasiddhānāṃ cetāṃsi parimodayan / sarvatra svecchayā nityaṃ viharedduḥkhavarjitaḥ
Sanskrit only: no published translation is held for this verse.
वर्षायुतं नवं दिव्यं वपुर्धत्ते सुकान्तिमत् । बलं गजसहस्राणां भवेदस्य न संशयः
varṣāyutaṃ navaṃ divyaṃ vapurdhatte sukāntimat / balaṃ gajasahasrāṇāṃ bhavedasya na saṃśayaḥ
Sanskrit only: no published translation is held for this verse.
विषाग्नितोयशस्त्रास्त्रमृगादिभ्यो भयं न हि । ब्रह्मलोकादिलोकेषु विचरेत् स्वेच्छया सदा
viṣāgnitoyaśastrāstramṛgādibhyo bhayaṃ na hi / brahmalokādilokeṣu vicaret svecchayā sadā
Sanskrit only: no published translation is held for this verse.
कान्त्या द्वितीयश्चन्द्रः स्याद्रूपेण मकरध्वजः । सर्वाह्लादकरः शान्तः सषडङ्गपदक्रमान्
kāntyā dvitīyaścandraḥ syādrūpeṇa makaradhvajaḥ / sarvāhlādakaraḥ śāntaḥ saṣaḍaṅgapadakramān
Sanskrit only: no published translation is held for this verse.
वेदान्वेत्ति च शास्त्राणि भूलोकगतिनिर्जरः । ह्रस्वशाखाप्रतानायाः सोमवल्ल्याः समाहरेत्
vedānvetti ca śāstrāṇi bhūlokagatinirjaraḥ / hrasvaśākhāpratānāyāḥ somavallyāḥ samāharet
Sanskrit only: no published translation is held for this verse.
काण्डान्द्वात्रिंशतिं स्वर्णपात्रे पुण्ये यथाविधि । रौप्ये पात्रेऽथवा योज्यं द्विपलं गोपयस्तथा
kāṇḍāndvātriṃśatiṃ svarṇapātre puṇye yathāvidhi / raupye pātre'thavā yojyaṃ dvipalaṃ gopayastathā
Sanskrit only: no published translation is held for this verse.
सोमवल्लीरसं तद्वन्मेलयित्वा पिबेत्ततः । कुटीप्रवेशः पथ्यं च पूर्ववत्समुदाहृतम्
somavallīrasaṃ tadvanmelayitvā pibettataḥ / kuṭīpraveśaḥ pathyaṃ ca pūrvavatsamudāhṛtam
Sanskrit only: no published translation is held for this verse.
अणिमाद्यष्टसिद्धिः स्यात्स साक्षादमरो भवेत् । <३२। गुडूचीकल्पः> अथामृतलताकल्पं वक्ष्यामि शृणु भैरवि
aṇimādyaṣṭasiddhiḥ syātsa sākṣādamaro bhavet / <32. guḍūcīkalpaḥ> athāmṛtalatākalpaṃ vakṣyāmi śṛṇu bhairavi
Sanskrit only: no published translation is held for this verse.
साक्षात्सुधामृतलता व्याधिजन्मजरापहा । अमृतायाः शतपलं त्रिप्रस्थं मधुरत्रयम्
sākṣātsudhāmṛtalatā vyādhijanmajarāpahā / amṛtāyāḥ śatapalaṃ triprasthaṃ madhuratrayam
Sanskrit only: no published translation is held for this verse.
चूर्णं लिहेत्कर्षमात्रमेवं संवत्सरावधि । सर्वव्याधिप्रशमनं जीवेच्च शरदः शतम्
cūrṇaṃ lihetkarṣamātramevaṃ saṃvatsarāvadhi / sarvavyādhipraśamanaṃ jīvecca śaradaḥ śatam
Sanskrit only: no published translation is held for this verse.
अथ छिन्नरुहाचूर्णं पञ्चविंशत्पलं सिता । द्विगुणा च तवक्षीरी चात्मगुप्ताश्वगन्धिका
atha chinnaruhācūrṇaṃ pañcaviṃśatpalaṃ sitā / dviguṇā ca tavakṣīrī cātmaguptāśvagandhikā
Sanskrit only: no published translation is held for this verse.
पुनर्नवाज्यं प्रत्येकं युञ्ज्याद्दशपलं प्रिये । मृद्वीकाष्टपला यष्टी ततः पञ्चपला तथा
punarnavājyaṃ pratyekaṃ yuñjyāddaśapalaṃ priye / mṛdvīkāṣṭapalā yaṣṭī tataḥ pañcapalā tathā
Sanskrit only: no published translation is held for this verse.
एकीकृत्य च तत्सर्वं स्निग्धभाण्डे विनिक्षिपेत् । पक्षमेकं धान्यराशौ निधाय प्रतिवासरम्
ekīkṛtya ca tatsarvaṃ snigdhabhāṇḍe vinikṣipet / pakṣamekaṃ dhānyarāśau nidhāya prativāsaram
Sanskrit only: no published translation is held for this verse.
पलं पलं प्रयुञ्जीत मासं स्याद्व्याधिवर्जितः । षण्मासाद् गृध्रदृष्टिः स्याद्वर्षं जीवेच्छतायुषम्
palaṃ palaṃ prayuñjīta māsaṃ syādvyādhivarjitaḥ / ṣaṇmāsād gṛdhradṛṣṭiḥ syādvarṣaṃ jīvecchatāyuṣam
Sanskrit only: no published translation is held for this verse.
अमृतायाः शतपलं चूर्णं षष्टिपलं मधु । चत्वारिंशत्पलं सर्पिर् द्विमासं धान्यराशिगम्
amṛtāyāḥ śatapalaṃ cūrṇaṃ ṣaṣṭipalaṃ madhu / catvāriṃśatpalaṃ sarpir dvimāsaṃ dhānyarāśigam
Sanskrit only: no published translation is held for this verse.
प्रत्यहं पलमात्राशी मासात्सर्वगदान्हरेत् । दिव्यदृष्टिः शतं जीवेन्मेधाबलमहाद्युतिः
pratyahaṃ palamātrāśī māsātsarvagadānharet / divyadṛṣṭiḥ śataṃ jīvenmedhābalamahādyutiḥ
Sanskrit only: no published translation is held for this verse.
<३३। तुवरककल्पः> अथ वक्ष्याम्यहं देवि कल्पं तुवरकस्य च । वृक्षाः पश्चिमवारीशतटे तिष्ठन्ति संततम्
<33. tuvarakakalpaḥ> atha vakṣyāmyahaṃ devi kalpaṃ tuvarakasya ca / vṛkṣāḥ paścimavārīśataṭe tiṣṭhanti saṃtatam
Sanskrit only: no published translation is held for this verse.
तरङ्गानिलसंक्षुब्धशीकारार्द्रितपल्लवाः । वर्षर्तौ च सुपक्वानि तत्फलानि समाहरेत्
taraṅgānilasaṃkṣubdhaśīkārārdritapallavāḥ / varṣartau ca supakvāni tatphalāni samāharet
Sanskrit only: no published translation is held for this verse.
शोषयित्वाथ संचूर्ण्य तिलवत्तैलमाहरेत् । अथवैरण्डवत्तैलं प्रयत्नेन समाहरेत्
śoṣayitvātha saṃcūrṇya tilavattailamāharet / athavairaṇḍavattailaṃ prayatnena samāharet
Sanskrit only: no published translation is held for this verse.
पुनर्वह्नौ पचेत्तैलं यावदंभःक्षयं भवेत् । तत्कर्षं निक्षिपेत्पक्षं तत उद्धृत्य प्रयत्नतः
punarvahnau pacettailaṃ yāvadaṃbhaḥkṣayaṃ bhavet / tatkarṣaṃ nikṣipetpakṣaṃ tata uddhṛtya prayatnataḥ
Sanskrit only: no published translation is held for this verse.
चतुर्भक्तविहीनः सन् शुद्धः कर्षं पिबेत्प्रिये । शङ्खचक्रगदापाणिस् त्वामाज्ञापयद् अच्युतः
caturbhaktavihīnaḥ san śuddhaḥ karṣaṃ pibetpriye / śaṅkhacakragadāpāṇis tvāmājñāpayad acyutaḥ
Sanskrit only: no published translation is held for this verse.
मन्त्रेणानेन सेवेत सर्वो दोषो विनश्यति । एवं पञ्चदिनं सेव्यमहितानि च वर्जयेत्
mantreṇānena seveta sarvo doṣo vinaśyati / evaṃ pañcadinaṃ sevyamahitāni ca varjayet
Sanskrit only: no published translation is held for this verse.
मासं मुद्गरसाशी स्यात्सर्वकुष्ठविवर्जितः । ततः क्षौद्रघृताभ्यां च लिहेत् षाण्मासिकावधि
māsaṃ mudgarasāśī syātsarvakuṣṭhavivarjitaḥ / tataḥ kṣaudraghṛtābhyāṃ ca lihet ṣāṇmāsikāvadhi
Sanskrit only: no published translation is held for this verse.
वलीपलितहीनश्च जीवेद्वर्षशतद्वयम् । तत्तैलं दिनपञ्चाशं नस्येद्धीरकवद् द्विजः
valīpalitahīnaśca jīvedvarṣaśatadvayam / tattailaṃ dinapañcāśaṃ nasyeddhīrakavad dvijaḥ
Sanskrit only: no published translation is held for this verse.
वलीपलितनिर्मुक्तः श्रुतधारी दृढाङ्गवान् । जीवेद् द्विशतवर्षं च मेधावी गृध्रलोचनः
valīpalitanirmuktaḥ śrutadhārī dṛḍhāṅgavān / jīved dviśatavarṣaṃ ca medhāvī gṛdhralocanaḥ
Sanskrit only: no published translation is held for this verse.
<३४। सोमराजीकल्पः> अथ वक्ष्याम्यहं देवि सोमराजीरसायनम् । संग्रहेत्तां पुष्यरवावातपे शोषयेत्ततः
<34. somarājīkalpaḥ> atha vakṣyāmyahaṃ devi somarājīrasāyanam / saṃgrahettāṃ puṣyaravāvātape śoṣayettataḥ
Sanskrit only: no published translation is held for this verse.
चूर्णितां कोष्णसलिलैः पिबेत्प्रातर्विशुद्धये । त्रिदिवं च ततः क्षौद्रैः कर्षमात्रं लिहेत्प्रगे
cūrṇitāṃ koṣṇasalilaiḥ pibetprātarviśuddhaye / tridivaṃ ca tataḥ kṣaudraiḥ karṣamātraṃ lihetprage
Sanskrit only: no published translation is held for this verse.
मासेन रोगा नश्यन्ति षण्मासात्सिद्धिमाप्नुयात् । <३५। वृद्धदारुककल्पः> अथ ब्रवीमि देवेशि वृद्धदारुककल्पकम्
māsena rogā naśyanti ṣaṇmāsātsiddhimāpnuyāt / <35. vṛddhadārukakalpaḥ> atha bravīmi deveśi vṛddhadārukakalpakam
Sanskrit only: no published translation is held for this verse.
नागवल्लीदलक्षौद्रैः सदुग्धैर्मृदुरोमकैः । पत्रैर्युतापि सफला रक्तपुष्पा प्रतानिका
nāgavallīdalakṣaudraiḥ sadugdhairmṛduromakaiḥ / patrairyutāpi saphalā raktapuṣpā pratānikā
Sanskrit only: no published translation is held for this verse.