मूलिकां तां समासाद्य गन्धपुष्पाक्षतादिभिः । सर्वोपचारैः सम्पूज्य बलिं दद्यात् सहेतुकाम्
mūlikāṃ tāṃ samāsādya gandhapuṣpākṣatādibhiḥ / sarvopacāraiḥ sampūjya baliṃ dadyāt sahetukām
Sanskrit only: no published translation is held for this verse.
समन्त्रकं खनेद्धीमान्मन्त्रो ऽयमपि कथ्यते । येन त्वां खनते ब्रह्मा येन त्वां खनते भृगुः
samantrakaṃ khaneddhīmānmantro 'yamapi kathyate / yena tvāṃ khanate brahmā yena tvāṃ khanate bhṛguḥ
Sanskrit only: no published translation is held for this verse.
येनेन्द्रो वरुणो विष्णुस्तेन त्वामुपचक्रमे । त्वामेवाहं खनिष्यामि मन्त्रपूतेन पाणिना
yenendro varuṇo viṣṇustena tvāmupacakrame / tvāmevāhaṃ khaniṣyāmi mantrapūtena pāṇinā
Sanskrit only: no published translation is held for this verse.
एवं सम्प्रार्थयित्वादौ पश्चान्मन्त्रं समुच्चरेत् । ॐ श्रीं ह्रीं तं अमृतेश्वरि एहि एहि मम सकलसिद्धिं कुरु हुं फट् । अनेनैव तु मन्त्रेण निखनेत् सिद्धिमूलिकाम्
evaṃ samprārthayitvādau paścānmantraṃ samuccaret / oṃ śrīṃ hrīṃ taṃ amṛteśvari ehi ehi mama sakalasiddhiṃ kuru huṃ phaṭ / anenaiva tu mantreṇa nikhanet siddhimūlikām
Sanskrit only: no published translation is held for this verse.
अथ तूत्पाटयेत्तां तु प्राञ्जलिः प्रार्थयेदिति । मा उत्पते मा निपते मा च ते चान्यथा भवेत् । ॐ ह्रीं चण्ड हुं फट् स्वाहा । उत्पाटयेदनेनैव मन्त्रेण परमेश्वरि । अच्छिन्नमूलामादाय शुद्धवस्त्राभिवेष्टिताम्
atha tūtpāṭayettāṃ tu prāñjaliḥ prārthayediti / mā utpate mā nipate mā ca te cānyathā bhavet / oṃ hrīṃ caṇḍa huṃ phaṭ svāhā / utpāṭayedanenaiva mantreṇa parameśvari / acchinnamūlāmādāya śuddhavastrābhiveṣṭitām
Sanskrit only: no published translation is held for this verse.
क्षिप्त्वा पटलिकायां च स्ववेश्मनि शुचिस्थले । निचये हृष्टमनसा निदध्यात् पारणं ततः
kṣiptvā paṭalikāyāṃ ca svaveśmani śucisthale / nicaye hṛṣṭamanasā nidadhyāt pāraṇaṃ tataḥ
Sanskrit only: no published translation is held for this verse.
ॐ नमो भैरवाय महासिद्धिप्रदायकाय आपदुत्तरणाय हुं फट् । अनेनैव तु मन्त्रेण गृहीत्वा गृहमानयेत्
oṃ namo bhairavāya mahāsiddhipradāyakāya āpaduttaraṇāya huṃ phaṭ / anenaiva tu mantreṇa gṛhītvā gṛhamānayet
Sanskrit only: no published translation is held for this verse.