<उषःपानरसायनम्> अथ प्रीतमना देवी पप्रच्छ परमेश्वरी । श्रीभैरवी । आदिभैरव देवेश सृष्टिस्थित्यन्तकारण
<uṣaḥpānarasāyanam> atha prītamanā devī papraccha parameśvarī / śrībhairavī / ādibhairava deveśa sṛṣṭisthityantakāraṇa
Sanskrit only: no published translation is held for this verse.
सर्वज्ञ शिव लोकेश त्वत्प्रसादान्मया विभो । रसायनानि दिव्यानि श्रुतानि विविधानि च
sarvajña śiva lokeśa tvatprasādānmayā vibho / rasāyanāni divyāni śrutāni vividhāni ca
Sanskrit only: no published translation is held for this verse.
सुसाध्यं सुलभं दिव्यं सद्यः प्रत्ययकारणम् । बालस्त्रीषण्ढवृद्धानां रोगार्तानां विशेषतः
susādhyaṃ sulabhaṃ divyaṃ sadyaḥ pratyayakāraṇam / bālastrīṣaṇḍhavṛddhānāṃ rogārtānāṃ viśeṣataḥ
Sanskrit only: no published translation is held for this verse.
योग्यं रसायनार्हाणां ब्रूहि देव कृपानिधे । ततः स्मेराननाम्भोजो भैरवो भवभैरवः
yogyaṃ rasāyanārhāṇāṃ brūhi deva kṛpānidhe / tataḥ smerānanāmbhojo bhairavo bhavabhairavaḥ
Sanskrit only: no published translation is held for this verse.
श्रीभैरवः । शृणु देवि प्रवक्ष्यामि सर्वयोग्यं सुखङ्करम् । पावनं सुलभं चान्तर्बहिरंहोविनाशनम्
śrībhairavaḥ / śṛṇu devi pravakṣyāmi sarvayogyaṃ sukhaṅkaram / pāvanaṃ sulabhaṃ cāntarbahiraṃhovināśanam
Sanskrit only: no published translation is held for this verse.
यस्माज्जगन्ति जातानि प्राणाः प्राणभृतामपि । त्रायते विश्वमखिलं सर्वदेवात्मकं प्रिये
yasmājjaganti jātāni prāṇāḥ prāṇabhṛtāmapi / trāyate viśvamakhilaṃ sarvadevātmakaṃ priye
Sanskrit only: no published translation is held for this verse.
त्रिदोषशमनं सौख्यं पथ्यं सर्वरसाधिकम् । षड्जीवनादिगुणयुग्रसयुक्तं बलप्रदम्
tridoṣaśamanaṃ saukhyaṃ pathyaṃ sarvarasādhikam / ṣaḍjīvanādiguṇayugrasayuktaṃ balapradam
Sanskrit only: no published translation is held for this verse.
जीवनं च बलं प्रायः प्राणिनामग्निमूलकम् । तस्याग्निरिन्धनं तोयं तस्मात्तोयं पिबेद्बुधः
jīvanaṃ ca balaṃ prāyaḥ prāṇināmagnimūlakam / tasyāgnirindhanaṃ toyaṃ tasmāttoyaṃ pibedbudhaḥ
Sanskrit only: no published translation is held for this verse.
वैद्युतो बाडवो वह्निर्जाठरश्च त्रयोऽग्नयः । अबिन्धनाः स्युरन्येषां काष्ठादीनीन्धनानि हि
vaidyuto bāḍavo vahnirjāṭharaśca trayo'gnayaḥ / abindhanāḥ syuranyeṣāṃ kāṣṭhādīnīndhanāni hi
Sanskrit only: no published translation is held for this verse.
तस्माद्देवि शिवं वच्मि शृणु तोयरसायनम् । पूरयेन्नूतनघटे प्रातः शोध्यैश्च वारिभिः
tasmāddevi śivaṃ vacmi śṛṇu toyarasāyanam / pūrayennūtanaghaṭe prātaḥ śodhyaiśca vāribhiḥ
Sanskrit only: no published translation is held for this verse.
गाङ्गेयैर्वाथ नादेयैस् ताटाकैर्वापि सारसैः । कौपैर्वा चापि वै घर्मैर्वार्षिकैर्वा यथाभवैः
gāṅgeyairvātha nādeyais tāṭākairvāpi sārasaiḥ / kaupairvā cāpi vai gharmairvārṣikairvā yathābhavaiḥ
Sanskrit only: no published translation is held for this verse.
तद्घटं स्थापयेन्मञ्चे दिव्यभास्कररश्मिभिः । नष्टदोषं निशायां च चन्द्रामृतकराप्लुतम्
tadghaṭaṃ sthāpayenmañce divyabhāskararaśmibhiḥ / naṣṭadoṣaṃ niśāyāṃ ca candrāmṛtakarāplutam
Sanskrit only: no published translation is held for this verse.
एलोशीरककर्पूरचन्दनैरधिवासितम् । पाटलीकेतकीजातिमल्लिकोत्पलवासितम्
elośīrakakarpūracandanairadhivāsitam / pāṭalīketakījātimallikotpalavāsitam
Sanskrit only: no published translation is held for this verse.
उशीरतालवृन्तेन तोयसिक्तेन मन्द्रतः । मुहुर्मुहुर्वीजितं तु हंसोदकमुदाहृतम्
uśīratālavṛntena toyasiktena mandrataḥ / muhurmuhurvījitaṃ tu haṃsodakamudāhṛtam
Sanskrit only: no published translation is held for this verse.
अनुराधोदयात्पूर्वं नास्पृष्टमलमूत्रकम् । पिबेत्तोयं ततः कुर्यान्मलमूत्रविसर्जनम्
anurādhodayātpūrvaṃ nāspṛṣṭamalamūtrakam / pibettoyaṃ tataḥ kuryānmalamūtravisarjanam
Sanskrit only: no published translation is held for this verse.
सन्ध्यावन्दनकर्मादि कुर्वन्स्वेच्छाशनो भवेत् । एकाब्दबालको नित्यं पिबेत्तोयं पलं पलम्
sandhyāvandanakarmādi kurvansvecchāśano bhavet / ekābdabālako nityaṃ pibettoyaṃ palaṃ palam
Sanskrit only: no published translation is held for this verse.
एवं षोडशवर्षान्तं प्रत्यब्दं च पलं पलम् । वर्धयेत् क्रमशो धीमान्पलषोडशिकावधि
evaṃ ṣoḍaśavarṣāntaṃ pratyabdaṃ ca palaṃ palam / vardhayet kramaśo dhīmānpalaṣoḍaśikāvadhi
Sanskrit only: no published translation is held for this verse.
षोडशाब्दात्परं सेव्यं षोडशप्रसृतं जलम् । एवं विंशतिवर्षान्तं नित्यं सेवेत सादरम्
ṣoḍaśābdātparaṃ sevyaṃ ṣoḍaśaprasṛtaṃ jalam / evaṃ viṃśativarṣāntaṃ nityaṃ seveta sādaram
Sanskrit only: no published translation is held for this verse.
अनेन व्याधयः सर्वे विनश्यन्ति न संशयः । जीवेद्वर्षशतं बुद्धिबलेन्द्रियसुखान्वितः
anena vyādhayaḥ sarve vinaśyanti na saṃśayaḥ / jīvedvarṣaśataṃ buddhibalendriyasukhānvitaḥ
Sanskrit only: no published translation is held for this verse.
प्रसृतं च पिबेदष्टपलं दीर्घायुषाय च । यथा वह्निबलं तोयं त्र्यहाद्वा पञ्चवासरात्
prasṛtaṃ ca pibedaṣṭapalaṃ dīrghāyuṣāya ca / yathā vahnibalaṃ toyaṃ tryahādvā pañcavāsarāt
Sanskrit only: no published translation is held for this verse.
सप्ताहाद्वा क्रमात्प्राज्ञः प्रसृतं प्रसृतं तथा । पुनस्तु कुडवं वापि वर्धयेत्तच्छनैः शनैः
saptāhādvā kramātprājñaḥ prasṛtaṃ prasṛtaṃ tathā / punastu kuḍavaṃ vāpi vardhayettacchanaiḥ śanaiḥ
Sanskrit only: no published translation is held for this verse.
षोडशप्रसृतं यावत्तावत्सेव्यं ततः परम् । यथा यथाम्बुनो वृद्धिस्तथा दोषः प्रशाम्यति
ṣoḍaśaprasṛtaṃ yāvattāvatsevyaṃ tataḥ param / yathā yathāmbuno vṛddhistathā doṣaḥ praśāmyati
Sanskrit only: no published translation is held for this verse.
षण्मासं वा वत्सरं वा वाद्यन्तं वा पिबेज्जलम् । यथा वृद्धिस्तथा ह्रासो यावच्चुलुकमात्रकम्
ṣaṇmāsaṃ vā vatsaraṃ vā vādyantaṃ vā pibejjalam / yathā vṛddhistathā hrāso yāvacculukamātrakam
Sanskrit only: no published translation is held for this verse.
उपवासं दिवा रात्रौ पथ्याशी तत्परित्यजेत् । आत्यन्तिके च व्यायामे सति वाञ्जलिमात्रकम्
upavāsaṃ divā rātrau pathyāśī tatparityajet / ātyantike ca vyāyāme sati vāñjalimātrakam
Sanskrit only: no published translation is held for this verse.
पादमर्धं त्रिपादं वा यथा सेवाञ्जलिं पिबेत् । मध्वाज्यतैलदुग्धाज्यजलाद्यन्यतमैर् युतम्
pādamardhaṃ tripādaṃ vā yathā sevāñjaliṃ pibet / madhvājyatailadugdhājyajalādyanyatamair yutam
Sanskrit only: no published translation is held for this verse.
हन्याच्छीघ्रं वातरोगमथवास्यस्थभेषजैः । तत्तद्रोगोपशमनं भक्षयित्वा च भेषजम्
hanyācchīghraṃ vātarogamathavāsyasthabheṣajaiḥ / tattadrogopaśamanaṃ bhakṣayitvā ca bheṣajam
Sanskrit only: no published translation is held for this verse.
ततो जलं वा प्रपिबेन्मुहूर्ते वा गते सति । जीर्णे वा सलिले सेव्यं भोजनान्तेऽथवा निशि
tato jalaṃ vā prapibenmuhūrte vā gate sati / jīrṇe vā salile sevyaṃ bhojanānte'thavā niśi
Sanskrit only: no published translation is held for this verse.
ज्वरादिरोगे संजात उपवासो भवेद्यदि । पिबेद् अर्धं च पूर्वस्माल्लघ्वाहारी यथासुखम्
jvarādiroge saṃjāta upavāso bhavedyadi / pibed ardhaṃ ca pūrvasmāllaghvāhārī yathāsukham
Sanskrit only: no published translation is held for this verse.
उपवासो व्रतार्थं चेत् तत्क्षीरं वा पलं निशि । रात्रावभोजनं देवि जठरे वारि शुष्यति
upavāso vratārthaṃ cet tatkṣīraṃ vā palaṃ niśi / rātrāvabhojanaṃ devi jaṭhare vāri śuṣyati
Sanskrit only: no published translation is held for this verse.
अर्धं वा प्राञ्जलिं वारि पिबेन्नित्यं प्रयत्नतः । सर्वत्राहारसत्वाग्निसाम्यं वारि पिबेत्सुधीः
ardhaṃ vā prāñjaliṃ vāri pibennityaṃ prayatnataḥ / sarvatrāhārasatvāgnisāmyaṃ vāri pibetsudhīḥ
Sanskrit only: no published translation is held for this verse.
विण्मूत्रोत्सर्जनं ब्राह्मान्मुहूर्तात्पूर्वतो यदि । ततः पीत्वैव सलिलं विण्मूत्रं च विसर्जयेत्
viṇmūtrotsarjanaṃ brāhmānmuhūrtātpūrvato yadi / tataḥ pītvaiva salilaṃ viṇmūtraṃ ca visarjayet
Sanskrit only: no published translation is held for this verse.
वारि पूतं विषं त्वल्पं विण्मूत्रोत्सर्जनात्परम् । अज्ञातवेले रात्रौ चेत्पिबेत्तोयं पुनः प्रगे
vāri pūtaṃ viṣaṃ tvalpaṃ viṇmūtrotsarjanātparam / ajñātavele rātrau cetpibettoyaṃ punaḥ prage
Sanskrit only: no published translation is held for this verse.
पादं वाथ चतुर्थांशमञ्जलिं वा पिबेज्जलम् । <जलपानकल्पे पथ्यम् अपथ्यञ्च> गोधूमषष्टिशाल्यन्नं यवजाङ्गलजामिषम्
pādaṃ vātha caturthāṃśamañjaliṃ vā pibejjalam / <jalapānakalpe pathyam apathyañca> godhūmaṣaṣṭiśālyannaṃ yavajāṅgalajāmiṣam
Sanskrit only: no published translation is held for this verse.
गव्यं सर्पिर्दधि क्षीरमुदश्विन्नवनीतकम् । मध्विक्षुदाडिमद्राक्षामोचखर्जूरशर्कराः
gavyaṃ sarpirdadhi kṣīramudaśvinnavanītakam / madhvikṣudāḍimadrākṣāmocakharjūraśarkarāḥ
Sanskrit only: no published translation is held for this verse.
सहकारफलं धात्री नालिकेरजलं नवम् । कूष्माण्डालाबुरुनिम्बपत्रफलानि च
sahakāraphalaṃ dhātrī nālikerajalaṃ navam / kūṣmāṇḍālāburunimbapatraphalāni ca
Sanskrit only: no published translation is held for this verse.
पत्रपुष्पफलं शिग्रोर्मुद्गयूषरसौ कृतौ । सुनिषण्णकगोरण्टी जीवन्तीद्वयकं तथा
patrapuṣpaphalaṃ śigrormudgayūṣarasau kṛtau / suniṣaṇṇakagoraṇṭī jīvantīdvayakaṃ tathā
Sanskrit only: no published translation is held for this verse.
राजवृक्षकशोथघ्नी चिल्ली वापि लघुच्छदा । शतावरी तण्डुली च मत्स्याक्षी च विदारिका
rājavṛkṣakaśothaghnī cillī vāpi laghucchadā / śatāvarī taṇḍulī ca matsyākṣī ca vidārikā
Sanskrit only: no published translation is held for this verse.
उपोदकी च वार्त्ताकी कारवल्लीफलानि च । लघुकोशातकी लक्ष्मी पटोलं तालमूलकम्
upodakī ca vārttākī kāravallīphalāni ca / laghukośātakī lakṣmī paṭolaṃ tālamūlakam
Sanskrit only: no published translation is held for this verse.
मोचायाः कुसुमं दण्डफलानि क्षुद्रदन्तिका । सदाफलं च मत्स्याण्डी शृङ्गवेरं च सैन्धवम्
mocāyāḥ kusumaṃ daṇḍaphalāni kṣudradantikā / sadāphalaṃ ca matsyāṇḍī śṛṅgaveraṃ ca saindhavam
Sanskrit only: no published translation is held for this verse.
फलपूराम्लकं पक्वधात्रीफलम् अलर्ककः । वायसी कुन्तली चैव वसुकन्यालिका तथा
phalapūrāmlakaṃ pakvadhātrīphalam alarkakaḥ / vāyasī kuntalī caiva vasukanyālikā tathā
Sanskrit only: no published translation is held for this verse.
कुस्तुम्बरी च सरसी शार्ङ्गेरी चक्रमर्दकः । मण्डूकपर्णी पालक्याः पत्रं गाङ्गेरुकं तथा
kustumbarī ca sarasī śārṅgerī cakramardakaḥ / maṇḍūkaparṇī pālakyāḥ patraṃ gāṅgerukaṃ tathā
Sanskrit only: no published translation is held for this verse.
आखुकर्णी कासमर्दपत्रं गाङ्गेरुकं तथा । संस्कारार्थं च कैडर्यसैन्धवोषणजारकाः
ākhukarṇī kāsamardapatraṃ gāṅgerukaṃ tathā / saṃskārārthaṃ ca kaiḍaryasaindhavoṣaṇajārakāḥ
Sanskrit only: no published translation is held for this verse.
सर्वेऽपि मधुरप्रायाः स्वादुशीताः सुखप्रदाः । कतकस्य च पथ्यायाः शलाटुं लवणाक्तकम्
sarve'pi madhuraprāyāḥ svāduśītāḥ sukhapradāḥ / katakasya ca pathyāyāḥ śalāṭuṃ lavaṇāktakam
Sanskrit only: no published translation is held for this verse.
नीलोत्पलाब्जयोर् नालपुष्पशालूककेसराः । स्नेहयुक्तं भजेत्स्नानं श्वेताम्बरधरः शुचिः
nīlotpalābjayor nālapuṣpaśālūkakesarāḥ / snehayuktaṃ bhajetsnānaṃ śvetāmbaradharaḥ śuciḥ
Sanskrit only: no published translation is held for this verse.
कस्तूरीचन्दनहिमकर्पूरैर् अनुलेपनम् । मन्दानिलं पुष्पमाल्यं कौमुदीरत्नभूषणम्
kastūrīcandanahimakarpūrair anulepanam / mandānilaṃ puṣpamālyaṃ kaumudīratnabhūṣaṇam
Sanskrit only: no published translation is held for this verse.
पथ्यं रुच्यं जलीयं च स्वादुप्रायं च सद्रवम् । घृतक्षीरयुतं भक्तं भुञ्जीतोदकसेवकः
pathyaṃ rucyaṃ jalīyaṃ ca svāduprāyaṃ ca sadravam / ghṛtakṣīrayutaṃ bhaktaṃ bhuñjītodakasevakaḥ
Sanskrit only: no published translation is held for this verse.
ताम्बूलचर्वणं कुर्यात् सकर्पूरं सुखासनम् । नारिकेलजलं सायं निशि क्षीरं सशर्करम्
tāmbūlacarvaṇaṃ kuryāt sakarpūraṃ sukhāsanam / nārikelajalaṃ sāyaṃ niśi kṣīraṃ saśarkaram
Sanskrit only: no published translation is held for this verse.
शाल्मली तूलशय्या च निशि निद्रा यथासुखम् । ऊनातिमात्रविष्टम्भिविबन्ध्युष्णखराणि च
śālmalī tūlaśayyā ca niśi nidrā yathāsukham / ūnātimātraviṣṭambhivibandhyuṣṇakharāṇi ca
Sanskrit only: no published translation is held for this verse.
रूक्षाहृद्यस्थिरगुरुपिच्छिलाकालभोजनम् । कुल्माषबृहतीचोषद्वयालाबुनिरूढकम्
rūkṣāhṛdyasthiragurupicchilākālabhojanam / kulmāṣabṛhatīcoṣadvayālābunirūḍhakam
Sanskrit only: no published translation is held for this verse.
कुलुत्थयूषकालिङ्गगुञ्जावृक्षफलं तथा । पलाण्डु लशुनं सर्वकन्दं सिद्धार्थकं तथा
kulutthayūṣakāliṅgaguñjāvṛkṣaphalaṃ tathā / palāṇḍu laśunaṃ sarvakandaṃ siddhārthakaṃ tathā
Sanskrit only: no published translation is held for this verse.
अजाङ्गलं पलं मत्स्यं किंचित्क्षीरान्नभोजनम् । अनुक्तशाकमन्नं च फलं क्षीरयुतं पलम्
ajāṅgalaṃ palaṃ matsyaṃ kiṃcitkṣīrānnabhojanam / anuktaśākamannaṃ ca phalaṃ kṣīrayutaṃ palam
Sanskrit only: no published translation is held for this verse.
सर्वक्षीरयुतान्सर्वान्रसानमधुरानपि । तिलतैलं च तत्कल्कम् एतैः संयुक्तम् औषधम्
sarvakṣīrayutānsarvānrasānamadhurānapi / tilatailaṃ ca tatkalkam etaiḥ saṃyuktam auṣadham
Sanskrit only: no published translation is held for this verse.
बहुभाष्यातपछायासमचिन्ताध्वरोषणम् । शोकवाहनभीतिश् चालस्यात्यन्तरतं तथा
bahubhāṣyātapachāyāsamacintādhvaroṣaṇam / śokavāhanabhītiś cālasyātyantarataṃ tathā
Sanskrit only: no published translation is held for this verse.
मूर्ध्नि भारवहश्चांभस्तरणं चोपवासकम् । व्यायामेर्ष्यादिवास्वापो निशि जागरणं तथा
mūrdhni bhāravahaścāṃbhastaraṇaṃ copavāsakam / vyāyāmerṣyādivāsvāpo niśi jāgaraṇaṃ tathā
Sanskrit only: no published translation is held for this verse.
पुरोवातो हिमं धूलिर्वातप्रायस्थलं तथा । धूमप्रायगृहं तल्पं कार्पासपरिकल्पितम्
purovāto himaṃ dhūlirvātaprāyasthalaṃ tathā / dhūmaprāyagṛhaṃ talpaṃ kārpāsaparikalpitam
Sanskrit only: no published translation is held for this verse.
अग्निः श्रमाम्बुजननं तथोष्णाम्बरधारणम् । कौशेयधारणं तूर्वोस्ताडनं कठिनासनम्
agniḥ śramāmbujananaṃ tathoṣṇāmbaradhāraṇam / kauśeyadhāraṇaṃ tūrvostāḍanaṃ kaṭhināsanam
Sanskrit only: no published translation is held for this verse.
उष्णालयक्षारकूपसलिलं कटुतिक्तकौ । अम्लः कषायतिक्तश्च रामठं च विरूक्षकम्
uṣṇālayakṣārakūpasalilaṃ kaṭutiktakau / amlaḥ kaṣāyatiktaśca rāmaṭhaṃ ca virūkṣakam
Sanskrit only: no published translation is held for this verse.
मदिरा च वसा मज्जा मूत्रं दुष्टजलानि च । मदं शीतमनारोग्यं भोजनं तैलवर्जितम्
madirā ca vasā majjā mūtraṃ duṣṭajalāni ca / madaṃ śītamanārogyaṃ bhojanaṃ tailavarjitam
Sanskrit only: no published translation is held for this verse.
अभ्यङ्गं काञ्जिकं शीतं रोगाभावे कषायकम् । विदाहि शोषणं मूर्ध्नि स्नानमप्युष्णवारिभिः
abhyaṅgaṃ kāñjikaṃ śītaṃ rogābhāve kaṣāyakam / vidāhi śoṣaṇaṃ mūrdhni snānamapyuṣṇavāribhiḥ
Sanskrit only: no published translation is held for this verse.
कारणं दोषकोपानां निन्द्यमन्यद्विवर्जयेत् । <पीतजलजीर्णलक्षणम्> स्वस्थः पीत्वा सुखासीनः सलिलं वाग्यतः शुचिः
kāraṇaṃ doṣakopānāṃ nindyamanyadvivarjayet / <pītajalajīrṇalakṣaṇam> svasthaḥ pītvā sukhāsīnaḥ salilaṃ vāgyataḥ śuciḥ
Sanskrit only: no published translation is held for this verse.
विसर्जयेन्मलं मूत्रं ताम्बूलादींश्च वर्जयेत् । यावज्जलं पिबेत्तावन्मूत्रं निर्याति चेत् तदा
visarjayenmalaṃ mūtraṃ tāmbūlādīṃśca varjayet / yāvajjalaṃ pibettāvanmūtraṃ niryāti cet tadā
Sanskrit only: no published translation is held for this verse.
जलं जीर्णं विजानीयादौषधेन विना यदा । निर्गच्छेत्सलिलं पीतं तदा स्वस्थतरो मतः
jalaṃ jīrṇaṃ vijānīyādauṣadhena vinā yadā / nirgacchetsalilaṃ pītaṃ tadā svasthataro mataḥ
Sanskrit only: no published translation is held for this verse.
निर्गते पीतसलिले निःशेषे क्षुत्प्रजायते । तैलाभ्यङ्गं ततः कुर्याद्विहितं पथ्यमाचरेत्
nirgate pītasalile niḥśeṣe kṣutprajāyate / tailābhyaṅgaṃ tataḥ kuryādvihitaṃ pathyamācaret
Sanskrit only: no published translation is held for this verse.
<जलाजीर्णलक्षणं तत्परिहारश्च> परिहारं विना रोगा जायन्ते नाविचारतः । श्रमः क्लमश्च वमनं शिरस्तोदः शिरोभ्रमः
<jalājīrṇalakṣaṇaṃ tatparihāraśca> parihāraṃ vinā rogā jāyante nāvicārataḥ / śramaḥ klamaśca vamanaṃ śirastodaḥ śirobhramaḥ
Sanskrit only: no published translation is held for this verse.
सलिलस्तम्भशोषौ चाभिष्यन्दो वेगरोधनम् । गुल्मोदावर्तकौ वह्निसदनं गात्रभञ्जनम्
salilastambhaśoṣau cābhiṣyando vegarodhanam / gulmodāvartakau vahnisadanaṃ gātrabhañjanam
Sanskrit only: no published translation is held for this verse.
तोदो बस्तौ मेहने च वक्षणे हृदि लोचने । जङ्घोद्वेष्टनकं श्वासो भुक्तिद्वेषस्त्वरोचकः
todo bastau mehane ca vakṣaṇe hṛdi locane / jaṅghodveṣṭanakaṃ śvāso bhuktidveṣastvarocakaḥ
Sanskrit only: no published translation is held for this verse.
अश्मरी पीनसः कासस्त्वतिसारश्च दुस्तरः । सकृदम्भोविशोषश् चेद् रूक्षायासादिकर्मभिः
aśmarī pīnasaḥ kāsastvatisāraśca dustaraḥ / sakṛdambhoviśoṣaś ced rūkṣāyāsādikarmabhiḥ
Sanskrit only: no published translation is held for this verse.
स दोषो न तु विज्ञेयो दोषस्तंभोऽसकृद्यदि । प्रपीते सलिले स्तब्धे चिकित्सात्र विधीयते
sa doṣo na tu vijñeyo doṣastaṃbho'sakṛdyadi / prapīte salile stabdhe cikitsātra vidhīyate
Sanskrit only: no published translation is held for this verse.
कूष्माण्डपत्रैर् उदरं बस्तिं चाच्छादयेत्सुधीः । मूत्रमोचनकृल्लेपं विदध्याज्जलमुक्तये
kūṣmāṇḍapatrair udaraṃ bastiṃ cācchādayetsudhīḥ / mūtramocanakṛllepaṃ vidadhyājjalamuktaye
Sanskrit only: no published translation is held for this verse.
यद्वाज्यधात्रीलिप्ताङ्गस्नानं कुर्याद्रसायनम् । सगुडं वा पिबेत्क्षीरं तक्रं वा शर्करान्वितम्
yadvājyadhātrīliptāṅgasnānaṃ kuryādrasāyanam / saguḍaṃ vā pibetkṣīraṃ takraṃ vā śarkarānvitam
Sanskrit only: no published translation is held for this verse.
नालिकेरोदकैर्वापि ससितोर्वारुबीजकम् । कष्टाज्जीर्णं जलं यस्य भुक्तेः प्राक् सर्पिर् आददेत्
nālikerodakairvāpi sasitorvārubījakam / kaṣṭājjīrṇaṃ jalaṃ yasya bhukteḥ prāk sarpir ādadet
Sanskrit only: no published translation is held for this verse.
यद्वा तिष्ठेच्चिरं चाप्सु स्नायाद्धात्र्यादिभिर्हिमैः । यद्वा स्तब्धे जले पीते स्वादुशीतैर्विशोधयेत्
yadvā tiṣṭhecciraṃ cāpsu snāyāddhātryādibhirhimaiḥ / yadvā stabdhe jale pīte svāduśītairviśodhayet
Sanskrit only: no published translation is held for this verse.
कृष्णामदनसिन्धूत्थैः कल्कैर्मधुयुतैर्वमेत् । पथ्याचूर्णं नालिकेरजलैः पीत्वा विरेचयेत्
kṛṣṇāmadanasindhūtthaiḥ kalkairmadhuyutairvamet / pathyācūrṇaṃ nālikerajalaiḥ pītvā virecayet
Sanskrit only: no published translation is held for this verse.
यद्वा त्रिजातकव्योषक्रिमिघ्नामलकाब्दकैः । त्रिवृत्सर्वसमा योज्या ह्येतत्सर्वसमा सिता
yadvā trijātakavyoṣakrimighnāmalakābdakaiḥ / trivṛtsarvasamā yojyā hyetatsarvasamā sitā
Sanskrit only: no published translation is held for this verse.
सक्षौद्रगुलिकां कृत्वा लिहेदम्भोविमुक्तये । रात्रौ वरा सेविता चेत्सर्वदोषविनाशिनी
sakṣaudragulikāṃ kṛtvā lihedambhovimuktaye / rātrau varā sevitā cetsarvadoṣavināśinī
Sanskrit only: no published translation is held for this verse.
नाभेरधश्चार्द्रपटं क्षणमात्रं निधापयेत् । अवगाहेन शीताम्भो मूर्ध्नि वा शीतवारि च
nābheradhaścārdrapaṭaṃ kṣaṇamātraṃ nidhāpayet / avagāhena śītāmbho mūrdhni vā śītavāri ca
Sanskrit only: no published translation is held for this verse.
निक्षिपेदथवा सार्द्रसिकतातल्पशोभिते । धारागृहे वा चासीत त्रपुसोर्वारुबीजकम्
nikṣipedathavā sārdrasikatātalpaśobhite / dhārāgṛhe vā cāsīta trapusorvārubījakam
Sanskrit only: no published translation is held for this verse.
वरीद्राक्षाम्बुना पेयं वा तु काश्मीरजं वृषम् । द्राक्षारसेन वा पेयं कर्कटीबीजकानि च
varīdrākṣāmbunā peyaṃ vā tu kāśmīrajaṃ vṛṣam / drākṣārasena vā peyaṃ karkaṭībījakāni ca
Sanskrit only: no published translation is held for this verse.
तण्डुलक्षालनजलैर्मधुकं वाथ शर्कराम् । सद्राक्षं च गुडं दार्वीं तण्डुलोदकयोगतः
taṇḍulakṣālanajalairmadhukaṃ vātha śarkarām / sadrākṣaṃ ca guḍaṃ dārvīṃ taṇḍulodakayogataḥ
Sanskrit only: no published translation is held for this verse.
यद्वा धात्रीफलरसैर्गोस्तनीं शर्करान्विताम् । वरीं वा शर्करायुक्तां द्राक्षां वा मस्तुना सह
yadvā dhātrīphalarasairgostanīṃ śarkarānvitām / varīṃ vā śarkarāyuktāṃ drākṣāṃ vā mastunā saha
Sanskrit only: no published translation is held for this verse.
जलेन वा गुडं पेयं नालिकेरजलेन वा । तुगाक्षीरीभवं कल्कं वापि कर्कारुबीजकम्
jalena vā guḍaṃ peyaṃ nālikerajalena vā / tugākṣīrībhavaṃ kalkaṃ vāpi karkārubījakam
Sanskrit only: no published translation is held for this verse.
कल्पं वा तामलक्याश्च मूलं वा यष्टिकल्ककम् । पिशाचकदलीपक्वफलं क्षौद्रसितान्वितम्
kalpaṃ vā tāmalakyāśca mūlaṃ vā yaṣṭikalkakam / piśācakadalīpakvaphalaṃ kṣaudrasitānvitam
Sanskrit only: no published translation is held for this verse.
नालिकेरजलैर्वापि तक्रैर्वा मस्तुनापि वा । रम्भाकन्दजलैर्वापि क्षीरैर्वामलकीरसैः
nālikerajalairvāpi takrairvā mastunāpi vā / rambhākandajalairvāpi kṣīrairvāmalakīrasaiḥ
Sanskrit only: no published translation is held for this verse.
यद् वामृतारसैर् वापि कूष्माण्डस्वरसेन वा । दाडिमस्य रसैर्वापि त्वभीरोश्च रसैस्तथा
yad vāmṛtārasair vāpi kūṣmāṇḍasvarasena vā / dāḍimasya rasairvāpi tvabhīrośca rasaistathā
Sanskrit only: no published translation is held for this verse.
अलाबोश्च रसैर्वापि पिबेदेलां सशर्कराम् । कदलीकन्दयष्ट्याह्वश्वदंष्ट्राश्च कशेरुकाः
alābośca rasairvāpi pibedelāṃ saśarkarām / kadalīkandayaṣṭyāhvaśvadaṃṣṭrāśca kaśerukāḥ
Sanskrit only: no published translation is held for this verse.
तृणपञ्चकमूलानि शुक्रा चैव शतावरी । एतेषां कदलीकन्दप्रमुखानां कषायकम्
tṛṇapañcakamūlāni śukrā caiva śatāvarī / eteṣāṃ kadalīkandapramukhānāṃ kaṣāyakam
Sanskrit only: no published translation is held for this verse.
सक्षौद्रं ससितं वापि पेयं जलविमुक्तये । <उषःपानगुणाः> एवं ब्राह्मे मुहूर्ते यत्पीतं वारि रसायनम्
sakṣaudraṃ sasitaṃ vāpi peyaṃ jalavimuktaye / <uṣaḥpānaguṇāḥ> evaṃ brāhme muhūrte yatpītaṃ vāri rasāyanam
Sanskrit only: no published translation is held for this verse.
दोषान् अशेषान् शमयेद् रोगानपि विनाशयेत् । रक्तवातं च वातांश्च हृद्रोगं श्वासकासकम्
doṣān aśeṣān śamayed rogānapi vināśayet / raktavātaṃ ca vātāṃśca hṛdrogaṃ śvāsakāsakam
Sanskrit only: no published translation is held for this verse.
रक्तपित्तं च पित्तानि ग्रहणीछर्द्यरोचकान् । क्षयमूर्च्छाकुष्ठमेहमोहगण्डार्बुदान् गदान्
raktapittaṃ ca pittāni grahaṇīchardyarocakān / kṣayamūrcchākuṣṭhamehamohagaṇḍārbudān gadān
Sanskrit only: no published translation is held for this verse.
गुल्मप्लीहाश्मरीशूलानाहाजीर्णविषूचिकाः । क्रिमिं पाण्डुं कामिलां च हलीमकविसर्पकाः
gulmaplīhāśmarīśūlānāhājīrṇaviṣūcikāḥ / krimiṃ pāṇḍuṃ kāmilāṃ ca halīmakavisarpakāḥ
Sanskrit only: no published translation is held for this verse.
व्रणं च श्वयथुं श्वित्रमग्निसादं त्रिधा विषम् । जत्रूर्ध्वगुह्यकान् रोगान् अपस्मारं च विभ्रमम्
vraṇaṃ ca śvayathuṃ śvitramagnisādaṃ tridhā viṣam / jatrūrdhvaguhyakān rogān apasmāraṃ ca vibhramam
Sanskrit only: no published translation is held for this verse.
ज्वरान् आध्मानजठरमूत्राघातगुदाङ्कुरान् । वलीपलितनिर्मुक्तो जीवेत्त्रिशतवत्सरम्
jvarān ādhmānajaṭharamūtrāghātagudāṅkurān / valīpalitanirmukto jīvettriśatavatsaram
Sanskrit only: no published translation is held for this verse.
स्थिरधीर्बलवान्धीरः कान्तः कान्तामनोभवः । <नासापानरसायनम्> नासापुटाभ्यां सलिलं यस्तु प्रातः पिबेन्नरः
sthiradhīrbalavāndhīraḥ kāntaḥ kāntāmanobhavaḥ / <nāsāpānarasāyanam> nāsāpuṭābhyāṃ salilaṃ yastu prātaḥ pibennaraḥ
Sanskrit only: no published translation is held for this verse.
शुक्तिमात्रं प्रतिदिनं पथ्याशी विजितेन्द्रियः । इन्द्रियाणां पटुत्वं च वलीपलितनाशनम्
śuktimātraṃ pratidinaṃ pathyāśī vijitendriyaḥ / indriyāṇāṃ paṭutvaṃ ca valīpalitanāśanam
Sanskrit only: no published translation is held for this verse.
शतायुष्यम् अवाप्नोति नासारन्ध्ररसायनम्
śatāyuṣyam avāpnoti nāsārandhrarasāyanam
Sanskrit only: no published translation is held for this verse.