प्रोक्तो ऽयम् अधमस् तस्माद् द्विगुणो मध्यमः स्मृतः । उत्तमस्त्रिगुणः प्रोक्तः प्राणायामोऽयमीश्वरि
prokto 'yam adhamas tasmād dviguṇo madhyamaḥ smṛtaḥ / uttamastriguṇaḥ proktaḥ prāṇāyāmo'yamīśvari
Sanskrit only: no published translation is held for this verse.
यदा तु वामनासायां पूरयेच्चन्द्रमक्षरम् । ध्यायेदमृतवारीशमध्यस्थं क्षीरसन्निभम्
yadā tu vāmanāsāyāṃ pūrayeccandramakṣaram / dhyāyedamṛtavārīśamadhyasthaṃ kṣīrasannibham
Sanskrit only: no published translation is held for this verse.
यदा तु दक्षनासायां पूरयेत् सूर्यमक्षरम् । ज्वलज्ज्वलनसङ्काशं नाभिस्थं चिन्तयेत्सदा
yadā tu dakṣanāsāyāṃ pūrayet sūryamakṣaram / jvalajjvalanasaṅkāśaṃ nābhisthaṃ cintayetsadā
Sanskrit only: no published translation is held for this verse.
एवं बीजद्वयं ध्यात्वा नासारन्ध्रद्वयेन च । पूरयेद्यस्तु मतिमान्नाडीशुद्धिरतो भवेत्
evaṃ bījadvayaṃ dhyātvā nāsārandhradvayena ca / pūrayedyastu matimānnāḍīśuddhirato bhavet
Sanskrit only: no published translation is held for this verse.
एवं मासत्रयाभ्यासाद्यथेष्टं वायुधारणम् । प्रदीप्तो जाठरो वह्निर्नादव्यक्तिश्च जायते
evaṃ māsatrayābhyāsādyatheṣṭaṃ vāyudhāraṇam / pradīpto jāṭharo vahnirnādavyaktiśca jāyate
Sanskrit only: no published translation is held for this verse.
आरोग्यं प्राप्नुयाद्देवि नित्यमभ्यासयोगतः । प्रथमेयं न धर्मः स्याद्द्वितीये कम्पते वपुः
ārogyaṃ prāpnuyāddevi nityamabhyāsayogataḥ / prathameyaṃ na dharmaḥ syāddvitīye kampate vapuḥ
Sanskrit only: no published translation is held for this verse.
उत्तिष्ठति तृतीये तु बद्धपद्मासनस्थितेः । प्राणायामादिषट्केन प्रत्याहारो भवेच्छिवे
uttiṣṭhati tṛtīye tu baddhapadmāsanasthiteḥ / prāṇāyāmādiṣaṭkena pratyāhāro bhavecchive
Sanskrit only: no published translation is held for this verse.
तद्द्विषट्केन विधिना धारणा तु प्रशस्यते । धारणाद्वादशेन स्याद्ध्यानं तद्द्वादशात्मकः
taddviṣaṭkena vidhinā dhāraṇā tu praśasyate / dhāraṇādvādaśena syāddhyānaṃ taddvādaśātmakaḥ
Sanskrit only: no published translation is held for this verse.
समाधिः कथ्यते देवि तेन दृश्यं परात्परम् । तस्मिन्परापरे धाम्नि क्षीयते कर्मसंचयः
samādhiḥ kathyate devi tena dṛśyaṃ parātparam / tasminparāpare dhāmni kṣīyate karmasaṃcayaḥ
Sanskrit only: no published translation is held for this verse.
जन्ममृत्यू न भवतो जरारोगश्च नश्यति । युक्तियुक्तेन योगेन चिरायुश्च सुखी भवेत्
janmamṛtyū na bhavato jarārogaśca naśyati / yuktiyuktena yogena cirāyuśca sukhī bhavet
Sanskrit only: no published translation is held for this verse.
अयुक्त्याभ्यासनाद्धिक्काकर्णरोगशिरोव्यथा । श्वासकासादयो रोगा दोषाः स्युर्बहवस्तथा
ayuktyābhyāsanāddhikkākarṇarogaśirovyathā / śvāsakāsādayo rogā doṣāḥ syurbahavastathā
Sanskrit only: no published translation is held for this verse.
<विपरीतकरणीमुद्रा> सौम्यस्थानात्समायाता द्वाभ्यां चैका तु भुज्यते । ततस्तृतीयो यः कश्चित्स स्याज्जन्मजरोज्झितः
<viparītakaraṇīmudrā> saumyasthānātsamāyātā dvābhyāṃ caikā tu bhujyate / tatastṛtīyo yaḥ kaścitsa syājjanmajarojjhitaḥ
Sanskrit only: no published translation is held for this verse.
प्रज्वलज्ज्वलनाकारो नाभिमध्ये स्थितो रविः । तालुमध्ये शशी भाति सुधां वर्षत्यधोमुखः
prajvalajjvalanākāro nābhimadhye sthito raviḥ / tālumadhye śaśī bhāti sudhāṃ varṣatyadhomukhaḥ
Sanskrit only: no published translation is held for this verse.
तां ग्रसत्यूर्ध्ववदनो भास्करः किरणत्विषा । एतस्य विपरीतं यत्करणं विपरीतकम्
tāṃ grasatyūrdhvavadano bhāskaraḥ kiraṇatviṣā / etasya viparītaṃ yatkaraṇaṃ viparītakam
Sanskrit only: no published translation is held for this verse.
काकचञ्चुवदास्यं च कृत्वा वायुं ससूत्कृतम् । आदाय नासारन्ध्रेण पुनस्तं श्वसनं त्यजेत्
kākacañcuvadāsyaṃ ca kṛtvā vāyuṃ sasūtkṛtam / ādāya nāsārandhreṇa punastaṃ śvasanaṃ tyajet
Sanskrit only: no published translation is held for this verse.
शीतलीकरणाख्योऽयं योगस्तु ज्वरपित्तहृत् । अमृतं शीतलं तस्य पिबतश्च जरा न हि
śītalīkaraṇākhyo'yaṃ yogastu jvarapittahṛt / amṛtaṃ śītalaṃ tasya pibataśca jarā na hi
Sanskrit only: no published translation is held for this verse.
जिह्वया तालुमूलेन प्राणं यः पिबति प्रिये । तस्य षण्मासतः सर्वे रोगा नश्यन्ति योगिनः
jihvayā tālumūlena prāṇaṃ yaḥ pibati priye / tasya ṣaṇmāsataḥ sarve rogā naśyanti yoginaḥ
Sanskrit only: no published translation is held for this verse.
रसनामूर्ध्वतः कृत्वा सोमं पिबति यः प्रिये । सिद्धिर्मासार्ध आयाति रोगास्तस्य न सन्ति हि
rasanāmūrdhvataḥ kṛtvā somaṃ pibati yaḥ priye / siddhirmāsārdha āyāti rogāstasya na santi hi
Sanskrit only: no published translation is held for this verse.
जिह्वाग्रेण च संपीड्य रसनान्तर्बिलं महत् । ध्यात्वामृतझरीमम्बाम् अर्धाब्देन भवेत्कविः
jihvāgreṇa ca saṃpīḍya rasanāntarbilaṃ mahat / dhyātvāmṛtajharīmambām ardhābdena bhavetkaviḥ
Sanskrit only: no published translation is held for this verse.
अमृताप्लाविततनोर् योगिनो वत्सरत्रयात् । रेतश्चोर्ध्वं प्रयात्येव सिध्यन्ति ह्यणिमादयः
amṛtāplāvitatanor yogino vatsaratrayāt / retaścordhvaṃ prayātyeva sidhyanti hyaṇimādayaḥ
Sanskrit only: no published translation is held for this verse.
त्रिविधं गरलं तस्य शरीरे च न संक्रमेत् । जरा च मरणं नास्ति दुष्टसत्त्वभयं तथा
trividhaṃ garalaṃ tasya śarīre ca na saṃkramet / jarā ca maraṇaṃ nāsti duṣṭasattvabhayaṃ tathā
Sanskrit only: no published translation is held for this verse.
<४। धारणम्> उक्तासनसमारूढः प्राणायामरतः सदा । प्रत्याहारप्रसन्नः सन्नभ्यसेद्धारणं ततः
<4. dhāraṇam> uktāsanasamārūḍhaḥ prāṇāyāmarataḥ sadā / pratyāhāraprasannaḥ sannabhyaseddhāraṇaṃ tataḥ
Sanskrit only: no published translation is held for this verse.
चेतसो निश्चलत्वं यद्धारणा सा स्मृता शिवे । पृथ्व्यादिपञ्चभूतानां या पृथग्धारणा हृदि
cetaso niścalatvaṃ yaddhāraṇā sā smṛtā śive / pṛthvyādipañcabhūtānāṃ yā pṛthagdhāraṇā hṛdi
Sanskrit only: no published translation is held for this verse.
चतुरश्रा सुवर्णा सलकारा च हृदि स्थिता । ब्रह्मणा सहिता भूमिर्ध्यातव्या पञ्च नाडिकाः
caturaśrā suvarṇā salakārā ca hṛdi sthitā / brahmaṇā sahitā bhūmirdhyātavyā pañca nāḍikāḥ
Sanskrit only: no published translation is held for this verse.
प्राणं तत्रैव मनसा धारयेत्सह शांभवि । एषा स्तम्भकरी विद्या पृथ्वीजयमवाप्नुयात्
prāṇaṃ tatraiva manasā dhārayetsaha śāṃbhavi / eṣā stambhakarī vidyā pṛthvījayamavāpnuyāt
Sanskrit only: no published translation is held for this verse.
अर्धचन्द्रप्रतीकाशं कर्पूरहिमनिर्मलम् । कण्ठस्थानगतं नित्यं सुधाप्लुतवकारयुक्
ardhacandrapratīkāśaṃ karpūrahimanirmalam / kaṇṭhasthānagataṃ nityaṃ sudhāplutavakārayuk
Sanskrit only: no published translation is held for this verse.
जलतत्त्वं च संयुक्तं विष्णुना तत्र धारयेत् । प्राणं चित्तेन सहितं ध्यातव्यं पञ्चनाडिकाः
jalatattvaṃ ca saṃyuktaṃ viṣṇunā tatra dhārayet / prāṇaṃ cittena sahitaṃ dhyātavyaṃ pañcanāḍikāḥ
Sanskrit only: no published translation is held for this verse.
एषा हि वारुणी विद्या विषपित्तज्वरापहा । ग्रसने कालकूटस्य मयैव परिकल्पिता
eṣā hi vāruṇī vidyā viṣapittajvarāpahā / grasane kālakūṭasya mayaiva parikalpitā
Sanskrit only: no published translation is held for this verse.
त्रिकोणं तप्तहेमाभं सरेफं रुद्रदैवतम् । तालुस्थानगतं ध्यायेद्वह्नितत्त्वं ज्वलत्प्रभम्
trikoṇaṃ taptahemābhaṃ sarephaṃ rudradaivatam / tālusthānagataṃ dhyāyedvahnitattvaṃ jvalatprabham
Sanskrit only: no published translation is held for this verse.
तत्रैव पञ्चघटिकाः प्राणं च मनसा सह । धारयेन्निहितं योगी ह्येषा वैश्वानरी परा
tatraiva pañcaghaṭikāḥ prāṇaṃ ca manasā saha / dhārayennihitaṃ yogī hyeṣā vaiśvānarī parā
Sanskrit only: no published translation is held for this verse.
विषाग्निभीतिसंहर्त्री वातश्लेष्मादिरोगहृत् । वर्तुलं नीलमेघाभं भ्रुवोर्मध्ये प्रतिष्ठितम्
viṣāgnibhītisaṃhartrī vātaśleṣmādirogahṛt / vartulaṃ nīlameghābhaṃ bhruvormadhye pratiṣṭhitam
Sanskrit only: no published translation is held for this verse.
सयकारं वायुतत्त्वं नित्यमीश्वरदैवतम् । तत्रैव नाडिकाः पञ्च प्राणं च मनसा सह
sayakāraṃ vāyutattvaṃ nityamīśvaradaivatam / tatraiva nāḍikāḥ pañca prāṇaṃ ca manasā saha
Sanskrit only: no published translation is held for this verse.
धारयेद्वायवीयैषा विद्या खगतिदायिनी । मृगतृष्णाम्बुसङ्काशं हकारेण समन्वितम्
dhārayedvāyavīyaiṣā vidyā khagatidāyinī / mṛgatṛṣṇāmbusaṅkāśaṃ hakāreṇa samanvitam
Sanskrit only: no published translation is held for this verse.
सदाशिवादिदैवं च ब्रह्मरन्ध्रगतं सदा । व्योमतत्त्वं निराकाशं शान्तं सर्वगतं प्रिये
sadāśivādidaivaṃ ca brahmarandhragataṃ sadā / vyomatattvaṃ nirākāśaṃ śāntaṃ sarvagataṃ priye
Sanskrit only: no published translation is held for this verse.
तत्र प्राणं च संयम्य मनसा सह धारयेत् । यावत्स्युः पञ्च घटिका नभोविद्येयमीश्वरि
tatra prāṇaṃ ca saṃyamya manasā saha dhārayet / yāvatsyuḥ pañca ghaṭikā nabhovidyeyamīśvari
Sanskrit only: no published translation is held for this verse.
कथिता मोक्षदा देवि योगिनां दुःखहारिणी । स्तम्भनी पार्थिवी विद्या प्लावनी वारुणी मता
kathitā mokṣadā devi yogināṃ duḥkhahāriṇī / stambhanī pārthivī vidyā plāvanī vāruṇī matā
Sanskrit only: no published translation is held for this verse.
ततो वैश्वानरी विद्या दाहिनीति प्रकीर्तिता । वायवी भ्रामणी प्रोक्ता शमनी व्योमरूपिणी
tato vaiśvānarī vidyā dāhinīti prakīrtitā / vāyavī bhrāmaṇī proktā śamanī vyomarūpiṇī
Sanskrit only: no published translation is held for this verse.
क्रमशः पञ्चविद्याश्च धारणीयाः पृथक्पृथक् । स्वनामकर्मसदृशं फलं ददति योगिनाम्
kramaśaḥ pañcavidyāśca dhāraṇīyāḥ pṛthakpṛthak / svanāmakarmasadṛśaṃ phalaṃ dadati yoginām
Sanskrit only: no published translation is held for this verse.
एषा पञ्चविधा देवि धारणा भुवि दुर्लभा । <५। ध्यानम्> तत्त्वेषु निश्चला चिन्ता या तद्ध्यानं प्रकीर्त्यते
eṣā pañcavidhā devi dhāraṇā bhuvi durlabhā / <5. dhyānam> tattveṣu niścalā cintā yā taddhyānaṃ prakīrtyate
Sanskrit only: no published translation is held for this verse.
ध्यानं द्विधेति विख्यातं सगुणं निर्गुणं प्रिये । सगुणं वर्णसहितं निर्गुणं वर्णवर्जितम्
dhyānaṃ dvidheti vikhyātaṃ saguṇaṃ nirguṇaṃ priye / saguṇaṃ varṇasahitaṃ nirguṇaṃ varṇavarjitam
Sanskrit only: no published translation is held for this verse.
लक्षं च वाजपेयानामश्वमेधसहस्रकम् । सकृद्ध्यानस्य योगस्य कलां नार्हन्ति षोडशीम्
lakṣaṃ ca vājapeyānāmaśvamedhasahasrakam / sakṛddhyānasya yogasya kalāṃ nārhanti ṣoḍaśīm
Sanskrit only: no published translation is held for this verse.
प्रत्यङ्मना बहिर्दृष्टिर् ऋजुः पद्मासनस्थितः । ध्यानयोगः स विज्ञेयः सद्यः सिद्धिप्रदः शुभः
pratyaṅmanā bahirdṛṣṭir ṛjuḥ padmāsanasthitaḥ / dhyānayogaḥ sa vijñeyaḥ sadyaḥ siddhipradaḥ śubhaḥ
Sanskrit only: no published translation is held for this verse.
मूलाधारे सुवर्णाभे चक्रेऽस्मिन्प्रथमे प्रिये । ध्यात्वात्मानं च नासाग्रे लक्षयेद्धन्ति किल्बिषम्
mūlādhāre suvarṇābhe cakre'sminprathame priye / dhyātvātmānaṃ ca nāsāgre lakṣayeddhanti kilbiṣam
Sanskrit only: no published translation is held for this verse.
स्वाधिष्ठाने च रत्नाभे ह्यात्मानं परिचिन्तयेत् । नासाग्रलक्षो दुःखेभ्यो मुच्यते योगिसत्तमः
svādhiṣṭhāne ca ratnābhe hyātmānaṃ paricintayet / nāsāgralakṣo duḥkhebhyo mucyate yogisattamaḥ
Sanskrit only: no published translation is held for this verse.
बालारुणाभे चात्मानं चक्रेऽस्मिन्मणिपूरके । स्मृत्वा नासाग्रदृष्टिः संस्त्रिजगत्क्षोभयेद्यमी
bālāruṇābhe cātmānaṃ cakre'sminmaṇipūrake / smṛtvā nāsāgradṛṣṭiḥ saṃstrijagatkṣobhayedyamī
Sanskrit only: no published translation is held for this verse.
विद्युन्मालानिभे चक्रेऽनाहते हृदयस्थले । प्राणायामेन बहुधा साधिते परमेश्वरि
vidyunmālānibhe cakre'nāhate hṛdayasthale / prāṇāyāmena bahudhā sādhite parameśvari
Sanskrit only: no published translation is held for this verse.
आत्मानं चिन्तयेद्यस्तु नासाग्रगतलोचनः । भवेद्ब्रह्मसमो योगी वशीकृतमनाः प्रिये
ātmānaṃ cintayedyastu nāsāgragatalocanaḥ / bhavedbrahmasamo yogī vaśīkṛtamanāḥ priye
Sanskrit only: no published translation is held for this verse.
घण्टिकायां विशुद्धाख्ये स्वर्णचम्पकसन्निभे । घ्राणाग्रदृष्टिरात्मानं ध्यात्वानन्दमयो भवेत्
ghaṇṭikāyāṃ viśuddhākhye svarṇacampakasannibhe / ghrāṇāgradṛṣṭirātmānaṃ dhyātvānandamayo bhavet
Sanskrit only: no published translation is held for this verse.
लम्बिकायां सुधापूर्णे चन्द्रमण्डलमण्डिते । नासाग्रदृष्टिरात्मानं ध्यात्वानन्दमयो भवेत्
lambikāyāṃ sudhāpūrṇe candramaṇḍalamaṇḍite / nāsāgradṛṣṭirātmānaṃ dhyātvānandamayo bhavet
Sanskrit only: no published translation is held for this verse.
भ्रुवोर्मध्येऽञ्जनाकारे ध्यायेदात्मानमीश्वरि । जितप्राणो भवेद्योगी योगानन्दमयो भवेत्
bhruvormadhye'ñjanākāre dhyāyedātmānamīśvari / jitaprāṇo bhavedyogī yogānandamayo bhavet
Sanskrit only: no published translation is held for this verse.
निर्गुणं निरपायं च शिवं शान्तं परात्परम् । विश्वतैजसम् आत्मानं ध्यायेद्भ्रूमध्यलोचनः
nirguṇaṃ nirapāyaṃ ca śivaṃ śāntaṃ parātparam / viśvataijasam ātmānaṃ dhyāyedbhrūmadhyalocanaḥ
Sanskrit only: no published translation is held for this verse.
ब्रह्मानन्दमयो योगी भवत्येव न संशयः । आज्ञाचक्रमिति ख्यातं परे व्योम्नि निरामये
brahmānandamayo yogī bhavatyeva na saṃśayaḥ / ājñācakramiti khyātaṃ pare vyomni nirāmaye
Sanskrit only: no published translation is held for this verse.
शिवम् आत्मानमाचिन्त्य भवेज्ज्ञानमयो वशी । गगनाकारममलं मृगतृष्णाम्बुसन्निभम्
śivam ātmānamācintya bhavejjñānamayo vaśī / gaganākāramamalaṃ mṛgatṛṣṇāmbusannibham
Sanskrit only: no published translation is held for this verse.
ध्यात्वात्मानं सर्वगतं मोक्षं व्रजति संयमी । अपानमेढ्रौ नाभिश्च हृदयं घण्टिका तथा
dhyātvātmānaṃ sarvagataṃ mokṣaṃ vrajati saṃyamī / apānameḍhrau nābhiśca hṛdayaṃ ghaṇṭikā tathā
Sanskrit only: no published translation is held for this verse.
लम्बिका च भ्रुवोर्मध्यं नभश्च ब्रह्मरन्ध्रकम् । तव चक्रमिति ख्यातं देयं स्थानं च योगिनाम्
lambikā ca bhruvormadhyaṃ nabhaśca brahmarandhrakam / tava cakramiti khyātaṃ deyaṃ sthānaṃ ca yoginām
Sanskrit only: no published translation is held for this verse.
धारणा पञ्चघटिका षण्णाडी ध्यानमुच्यते । समाधिर्द्वादशाहं स्यात्प्राणसंयमनात्प्रिये
dhāraṇā pañcaghaṭikā ṣaṇṇāḍī dhyānamucyate / samādhirdvādaśāhaṃ syātprāṇasaṃyamanātpriye
Sanskrit only: no published translation is held for this verse.
<६। समाधिः> जलसैन्धवयोर्योगादेकत्वं च यथा भवेत् । चित्तात्मनोः सामरस्यं समाधिः स तु कथ्यते
<6. samādhiḥ> jalasaindhavayoryogādekatvaṃ ca yathā bhavet / cittātmanoḥ sāmarasyaṃ samādhiḥ sa tu kathyate
Sanskrit only: no published translation is held for this verse.
मनः प्रलीयते चान्ते यदा प्राणक्षयो भवेत् । सामरस्यं तदा स्याच्च समाधिः स तु कथ्यते
manaḥ pralīyate cānte yadā prāṇakṣayo bhavet / sāmarasyaṃ tadā syācca samādhiḥ sa tu kathyate
Sanskrit only: no published translation is held for this verse.
प्रणष्टाखिलसङ्कल्पो जीवात्मा परमात्मना । यदेकत्वं भजेद्देवि समाधिः स तु कथ्यते
praṇaṣṭākhilasaṅkalpo jīvātmā paramātmanā / yadekatvaṃ bhajeddevi samādhiḥ sa tu kathyate
Sanskrit only: no published translation is held for this verse.
परापेक्षोज्झितं चित्तमिन्द्रियेषु प्रवर्तते । यदा जीवो गतश्चैक्यं तदा नैवेन्द्रियं मनः
parāpekṣojjhitaṃ cittamindriyeṣu pravartate / yadā jīvo gataścaikyaṃ tadā naivendriyaṃ manaḥ
Sanskrit only: no published translation is held for this verse.
शब्दं स्पर्शं च रूपं च रसं गन्धं परं तथा । आत्मानं च सुखं दुःखं मानामानं प्रियाप्रिये
śabdaṃ sparśaṃ ca rūpaṃ ca rasaṃ gandhaṃ paraṃ tathā / ātmānaṃ ca sukhaṃ duḥkhaṃ mānāmānaṃ priyāpriye
Sanskrit only: no published translation is held for this verse.
शीताशीतं तथा वातमातपं यो न वेत्ति च । न बाध्यते स्वकर्मौघैर्न कैश्चिदपि बाध्यते
śītāśītaṃ tathā vātamātapaṃ yo na vetti ca / na bādhyate svakarmaughairna kaiścidapi bādhyate
Sanskrit only: no published translation is held for this verse.
न शस्त्रैर्बाध्यते मन्त्रैर्यन्त्रैस्तन्त्रैर्न गृह्यते । नाग्निना न जलेनापि वायुना न च पीड्यते
na śastrairbādhyate mantrairyantraistantrairna gṛhyate / nāgninā na jalenāpi vāyunā na ca pīḍyate
Sanskrit only: no published translation is held for this verse.
अवध्यो देहिभिः सर्वैर् माननीयः सुरैरपि । आहारे च विहारे च निद्रायाम् अवबोधने
avadhyo dehibhiḥ sarvair mānanīyaḥ surairapi / āhāre ca vihāre ca nidrāyām avabodhane
Sanskrit only: no published translation is held for this verse.
सर्वकर्मसु युक्तः सन्स तत्त्वं वेत्ति योगिनि । निरालम्बं निराकारमनाद्यन्तं निराश्रयम्
sarvakarmasu yuktaḥ sansa tattvaṃ vetti yogini / nirālambaṃ nirākāramanādyantaṃ nirāśrayam
Sanskrit only: no published translation is held for this verse.
अनालयं निष्प्रपञ्चं निष्क्रियं निर्मलं महत् । निश्चलं निर्मलं नित्यं निर्गुणं व्योम चिन्मयम्
anālayaṃ niṣprapañcaṃ niṣkriyaṃ nirmalaṃ mahat / niścalaṃ nirmalaṃ nityaṃ nirguṇaṃ vyoma cinmayam
Sanskrit only: no published translation is held for this verse.
सदानन्दमनन्तं च सर्वगं विभु संततम् । एतद्ब्रह्मपदं तत्त्वं विद्धि त्वं विन्ध्यवासिनि
sadānandamanantaṃ ca sarvagaṃ vibhu saṃtatam / etadbrahmapadaṃ tattvaṃ viddhi tvaṃ vindhyavāsini
Sanskrit only: no published translation is held for this verse.
अनामये निरालम्बे निरातङ्के महाद्युतौ । निराभासे परे तत्त्वे योगयुक्तः प्रलीयते
anāmaye nirālambe nirātaṅke mahādyutau / nirābhāse pare tattve yogayuktaḥ pralīyate
Sanskrit only: no published translation is held for this verse.
दुग्धे दुग्धं घृते चाज्यमग्नावग्निर्जले जलम् । क्षिप्तं व्रजेत्तन्मयत्वं तथा ब्रह्मणि लीयते
dugdhe dugdhaṃ ghṛte cājyamagnāvagnirjale jalam / kṣiptaṃ vrajettanmayatvaṃ tathā brahmaṇi līyate
Sanskrit only: no published translation is held for this verse.
<योगाभ्यासफलम्> मयोदितमिदं सर्वं दिव्यवायुरसायनम् । यः सेवेत स पुण्यात्मा कृतकृत्यो जगत्त्रये
<yogābhyāsaphalam> mayoditamidaṃ sarvaṃ divyavāyurasāyanam / yaḥ seveta sa puṇyātmā kṛtakṛtyo jagattraye
Sanskrit only: no published translation is held for this verse.
सर्वयज्ञफलोपेतः स स्नातः सर्वतीर्थके । स यशस्वी स योगीन्द्रः स एवामरवन्दितः
sarvayajñaphalopetaḥ sa snātaḥ sarvatīrthake / sa yaśasvī sa yogīndraḥ sa evāmaravanditaḥ
Sanskrit only: no published translation is held for this verse.
स एव सिद्धः शुद्धश्च मम तुल्यो वरानने । तस्मिन्स्निह्यति मे चेतस्तच्चित्तं मे निवासभूः
sa eva siddhaḥ śuddhaśca mama tulyo varānane / tasminsnihyati me cetastaccittaṃ me nivāsabhūḥ
Sanskrit only: no published translation is held for this verse.
सफलं जीवितं तस्य पूतं तदुभयं कुलम् । तत्पदन्यासमात्रेण धरित्री पावनीकृता
saphalaṃ jīvitaṃ tasya pūtaṃ tadubhayaṃ kulam / tatpadanyāsamātreṇa dharitrī pāvanīkṛtā
Sanskrit only: no published translation is held for this verse.
यत्रोषितं क्षणं तेन पुण्यक्षेत्रं हि सा मही । धन्या तज्जनयित्री च पुण्यस्तज्जनकः प्रिये
yatroṣitaṃ kṣaṇaṃ tena puṇyakṣetraṃ hi sā mahī / dhanyā tajjanayitrī ca puṇyastajjanakaḥ priye
Sanskrit only: no published translation is held for this verse.
तद्दर्शनात्सजीवाः स्युः शूलप्रोतादयः शवाः । तद्वाक्येनैव सर्वेऽपि लभन्तेऽपि शुभाशुभम्
taddarśanātsajīvāḥ syuḥ śūlaprotādayaḥ śavāḥ / tadvākyenaiva sarve'pi labhante'pi śubhāśubham
Sanskrit only: no published translation is held for this verse.
तन्मूत्रमलसंस्पर्शाल्लोहा यान्ति सुवर्णताम् । किं पुनः कथ्यते देवि मम तुल्यपराक्रमः
tanmūtramalasaṃsparśāllohā yānti suvarṇatām / kiṃ punaḥ kathyate devi mama tulyaparākramaḥ
Sanskrit only: no published translation is held for this verse.