<महारसैरुपरसैर्लोहैश्च रसस्य वेधोपयोगिनो बन्धाः> श्रीभैरवः । महारसैरुपरसैर् लोहैश्च परमेश्वरि । आज्ञापय समस्तं तं रसराजस्य बन्धनम्
<mahārasairuparasairlohaiśca rasasya vedhopayogino bandhāḥ> śrībhairavaḥ / mahārasairuparasair lohaiśca parameśvari / ājñāpaya samastaṃ taṃ rasarājasya bandhanam
Sanskrit only: no published translation is held for this verse.
<वैक्रान्तबन्धाः; प्रथमः प्रकारः> वैक्रान्तस्य तु भागैकमष्टभागं तु सूतकम् । कनकस्य तु सप्तांशं द्विपदीरसटङ्कणम्
<vaikrāntabandhāḥ; prathamaḥ prakāraḥ> vaikrāntasya tu bhāgaikamaṣṭabhāgaṃ tu sūtakam / kanakasya tu saptāṃśaṃ dvipadīrasaṭaṅkaṇam
Sanskrit only: no published translation is held for this verse.
नष्टपिष्टं च शुष्कं च ध्मातं खोटो भवेत्प्रिये । सौवीरं टङ्कणं काचं दत्त्वा दत्त्वा तु शोधयेत्
naṣṭapiṣṭaṃ ca śuṣkaṃ ca dhmātaṃ khoṭo bhavetpriye / sauvīraṃ ṭaṅkaṇaṃ kācaṃ dattvā dattvā tu śodhayet
Sanskrit only: no published translation is held for this verse.
समहेम्नि समावर्त्य मूषागतं ततः । समांशभक्षणं तत्तु शुद्धसूतेन कारयेत्
samahemni samāvartya mūṣāgataṃ tataḥ / samāṃśabhakṣaṇaṃ tattu śuddhasūtena kārayet
Sanskrit only: no published translation is held for this verse.
वैक्रान्तं षोडशांशेन पूर्वयोगेन धामयेत् । दशसङ्कलिकायोगाद्वेधो दशगुणोत्तरः
vaikrāntaṃ ṣoḍaśāṃśena pūrvayogena dhāmayet / daśasaṅkalikāyogādvedho daśaguṇottaraḥ
Sanskrit only: no published translation is held for this verse.
<द्वितीयः प्रकारः> पुनरन्यं प्रवक्ष्यामि प्रयोगं भुवि दुर्लभम् । वैक्रान्तसत्त्वं देवेशि पारदेन समन्वितम्
<dvitīyaḥ prakāraḥ> punaranyaṃ pravakṣyāmi prayogaṃ bhuvi durlabham / vaikrāntasattvaṃ deveśi pāradena samanvitam
Sanskrit only: no published translation is held for this verse.
जारितं समहेम्ना तु शिलाभाण्डे निधापयेत् । मासमात्रोषितं भूमौ समुद्धृत्य प्रयत्नतः
jāritaṃ samahemnā tu śilābhāṇḍe nidhāpayet / māsamātroṣitaṃ bhūmau samuddhṛtya prayatnataḥ
Sanskrit only: no published translation is held for this verse.
एष देवि रसो दिव्यो देहद्रव्यकरो भवेत् । <तृतीयः प्रकारः> वैक्रान्तकास्तु ये केचित् त्रिफलाया रसेन च
eṣa devi raso divyo dehadravyakaro bhavet / <tṛtīyaḥ prakāraḥ> vaikrāntakāstu ye kecit triphalāyā rasena ca
Sanskrit only: no published translation is held for this verse.
एकैकं देवि सप्ताहं स्वेदिता मर्दितास्तथा । सुध्माता मूकमूषायां खोटो भवति चाक्षयः
ekaikaṃ devi saptāhaṃ sveditā marditāstathā / sudhmātā mūkamūṣāyāṃ khoṭo bhavati cākṣayaḥ
Sanskrit only: no published translation is held for this verse.
कान्तं रूप्यं च कनकं पारदं चैव योजयेत् । शुल्बं तृतीयभागं तु स्रोतोञ्जनसमन्वितम्
kāntaṃ rūpyaṃ ca kanakaṃ pāradaṃ caiva yojayet / śulbaṃ tṛtīyabhāgaṃ tu srotoñjanasamanvitam
Sanskrit only: no published translation is held for this verse.
तद्ध्मातं खोटतां यातं देहलोहकरं भवेत् । <चतुर्थः प्रकारः श्वेतवैक्रान्तसिद्धः> श्वेतवैक्रान्तचूर्णं तु हयमूत्रेण मर्दयेत्
taddhmātaṃ khoṭatāṃ yātaṃ dehalohakaraṃ bhavet / <caturthaḥ prakāraḥ śvetavaikrāntasiddhaḥ> śvetavaikrāntacūrṇaṃ tu hayamūtreṇa mardayet
Sanskrit only: no published translation is held for this verse.
आदौ सुस्विन्नमादाय पले पलशतं क्षिपेत् । तारस्य जायते भस्म विशुद्धस्फटिकाकृति
ādau susvinnamādāya pale palaśataṃ kṣipet / tārasya jāyate bhasma viśuddhasphaṭikākṛti
Sanskrit only: no published translation is held for this verse.
तद्भस्म मेलयेत्सूते समभागं विचक्षणः । चारयेद्रजतं सूते हयमूत्रेण मर्दयेत्
tadbhasma melayetsūte samabhāgaṃ vicakṣaṇaḥ / cārayedrajataṃ sūte hayamūtreṇa mardayet
Sanskrit only: no published translation is held for this verse.
पुटयेदन्धमूषायां क्रमेण मृदुवह्निना । अहोरात्रं त्रिरात्रं वा भवेदग्निसहो रसः
puṭayedandhamūṣāyāṃ krameṇa mṛduvahninā / ahorātraṃ trirātraṃ vā bhavedagnisaho rasaḥ
Sanskrit only: no published translation is held for this verse.
स्पर्शनात्सर्वलोहानि रजतं च करिष्यति । <पञ्चमः प्रकारः रक्तवैक्रान्तसिद्धः> रक्तस्य वक्ष्यते कर्म जरादारिद्र्यनाशनम्
sparśanātsarvalohāni rajataṃ ca kariṣyati / <pañcamaḥ prakāraḥ raktavaikrāntasiddhaḥ> raktasya vakṣyate karma jarādāridryanāśanam
Sanskrit only: no published translation is held for this verse.
सप्तधा भावयेत्तस्य व्याघ्रीकन्दांभसा रजः । पलं तस्य पलं हेम्नः पलं शुद्धरसस्य च
saptadhā bhāvayettasya vyāghrīkandāṃbhasā rajaḥ / palaṃ tasya palaṃ hemnaḥ palaṃ śuddharasasya ca
Sanskrit only: no published translation is held for this verse.
शुद्धभस्म भवेत्सर्वं पुनर्हेम्नः शतं क्षिपेत् । तद्भस्म जायते सर्वं शुद्धहेमसमप्रभम्
śuddhabhasma bhavetsarvaṃ punarhemnaḥ śataṃ kṣipet / tadbhasma jāyate sarvaṃ śuddhahemasamaprabham
Sanskrit only: no published translation is held for this verse.
तद्भस्म रसराजे तु पुनर्हेम्ना तु मेलयेत् । भवेदग्निसहो देवि ततो रसवरो भवेत्
tadbhasma rasarāje tu punarhemnā tu melayet / bhavedagnisaho devi tato rasavaro bhavet
Sanskrit only: no published translation is held for this verse.
सर्ववेधी भवेत्सूतः कोटिवेधी महारसः । <षष्ठः प्रकारः> रक्तवैक्रान्तसत्त्वं तु हेम्ना तु सह मेलयेत्
sarvavedhī bhavetsūtaḥ koṭivedhī mahārasaḥ / <ṣaṣṭhaḥ prakāraḥ> raktavaikrāntasattvaṃ tu hemnā tu saha melayet
Sanskrit only: no published translation is held for this verse.
समं तु जारयेत्सूते सारयित्वा समेन तु । सहस्रांशेन लोहानि वेधयेन्नात्र संशयः
samaṃ tu jārayetsūte sārayitvā samena tu / sahasrāṃśena lohāni vedhayennātra saṃśayaḥ
Sanskrit only: no published translation is held for this verse.
<सप्तमः प्रकारः कृष्णवैक्रान्तसिद्धः> कृष्णवैक्रान्तभागैकं शुद्धसूतं शतांशकम् । एकत्र मर्दयेत् खल्वे चूर्णं भवति तद्द्वयम्
<saptamaḥ prakāraḥ kṛṣṇavaikrāntasiddhaḥ> kṛṣṇavaikrāntabhāgaikaṃ śuddhasūtaṃ śatāṃśakam / ekatra mardayet khalve cūrṇaṃ bhavati taddvayam
Sanskrit only: no published translation is held for this verse.
अस्य चूर्णस्य भागैकं हेमभागसहस्रकम् । एकत्र मर्दयेत्तावद्यावद्भस्म तु जायते
asya cūrṇasya bhāgaikaṃ hemabhāgasahasrakam / ekatra mardayettāvadyāvadbhasma tu jāyate
Sanskrit only: no published translation is held for this verse.
धमेत्तदन्धमूषायां यावत्खोटो भविष्यति । समांशभक्षणं तस्य पीठिकां तस्य कारयेत्
dhamettadandhamūṣāyāṃ yāvatkhoṭo bhaviṣyati / samāṃśabhakṣaṇaṃ tasya pīṭhikāṃ tasya kārayet
Sanskrit only: no published translation is held for this verse.
वेधयेत्सर्वलोहानि स्पर्शमात्रेण हेमताम् । तच्चूर्णमभ्रकं चैव रसेन सह मर्दयेत्
vedhayetsarvalohāni sparśamātreṇa hematām / taccūrṇamabhrakaṃ caiva rasena saha mardayet
Sanskrit only: no published translation is held for this verse.
स्वेदयेज्जारयेच्चैव ततो वह्निसहो भवेत् । स रसश् चारितश्चैव सर्वलोहानि विध्यति
svedayejjārayeccaiva tato vahnisaho bhavet / sa rasaś cāritaścaiva sarvalohāni vidhyati
Sanskrit only: no published translation is held for this verse.
<अष्टमः प्रकारः पीतवर्णवैक्रान्तसिद्धः> पीतवर्णेऽपि वैक्रान्ते रक्तकृष्णविधिः स्मृतः । पीतवैक्रान्तचूर्णं तु हेमचूर्णसमन्वितम्
<aṣṭamaḥ prakāraḥ pītavarṇavaikrāntasiddhaḥ> pītavarṇe'pi vaikrānte raktakṛṣṇavidhiḥ smṛtaḥ / pītavaikrāntacūrṇaṃ tu hemacūrṇasamanvitam
Sanskrit only: no published translation is held for this verse.
पीताभ्रकस्य चूर्णं तु मेलयित्वा महारसः । स्वेदितो मर्दितश्चैव मासादग्निसहो भवेत्
pītābhrakasya cūrṇaṃ tu melayitvā mahārasaḥ / svedito marditaścaiva māsādagnisaho bhavet
Sanskrit only: no published translation is held for this verse.
<नीलवैक्रान्तभस्मरसायनम्> नीलवर्णं तु वैक्रान्तं म्रियते रससंयुतम् । कृष्णाभ्रकेण सहितं मधुसर्पिर्युतं च तत्
<nīlavaikrāntabhasmarasāyanam> nīlavarṇaṃ tu vaikrāntaṃ mriyate rasasaṃyutam / kṛṣṇābhrakeṇa sahitaṃ madhusarpiryutaṃ ca tat
Sanskrit only: no published translation is held for this verse.
भक्षयेन्मण्डलं देवि जीवेच्चन्द्रार्कतारकम् । यस्य यस्य हि यो योगस्तस्य तस्य प्रयोगतः
bhakṣayenmaṇḍalaṃ devi jīveccandrārkatārakam / yasya yasya hi yo yogastasya tasya prayogataḥ
Sanskrit only: no published translation is held for this verse.
मेलयित्वा रसं गुञ्जामानं त्रिमधुसंयुतम् । खादेत् क्षीराज्यशाल्यन्नं भोज्यमन्यच्च वर्जयेत्
melayitvā rasaṃ guñjāmānaṃ trimadhusaṃyutam / khādet kṣīrājyaśālyannaṃ bhojyamanyacca varjayet
Sanskrit only: no published translation is held for this verse.
<नवमः प्रकारः> वैक्रान्तसत्वसंयुक्तं लुङ्गाम्ले मर्दयेद्रसम् । तापयेद् उष्णतोयेन जलेन परिपूरयेत्
<navamaḥ prakāraḥ> vaikrāntasatvasaṃyuktaṃ luṅgāmle mardayedrasam / tāpayed uṣṇatoyena jalena paripūrayet
Sanskrit only: no published translation is held for this verse.
सत्त्वं सूतं च संमिश्रं धमेत्स्याद्रसबन्धनम् । बद्धं रसं मुखे क्षिप्त्वा भूमिच्छिद्राणि पश्यति
sattvaṃ sūtaṃ ca saṃmiśraṃ dhametsyādrasabandhanam / baddhaṃ rasaṃ mukhe kṣiptvā bhūmicchidrāṇi paśyati
Sanskrit only: no published translation is held for this verse.
<दशमः प्रकारः> निष्कमेकं रसं क्रान्तमश्वमूत्रेण मर्दयेत् । दिनमेकमिदं देवि मर्दयित्वा मृतो भवेत्
<daśamaḥ prakāraḥ> niṣkamekaṃ rasaṃ krāntamaśvamūtreṇa mardayet / dinamekamidaṃ devi mardayitvā mṛto bhavet
Sanskrit only: no published translation is held for this verse.
चतुर्दिनमिदं कृत्वा समसूतं समं नयेत् । मर्दनं स्वेदनं चैव पूर्ववच्छुद्धमानसः
caturdinamidaṃ kṛtvā samasūtaṃ samaṃ nayet / mardanaṃ svedanaṃ caiva pūrvavacchuddhamānasaḥ
Sanskrit only: no published translation is held for this verse.
सप्तद्वन्द्वजमेकैकं सप्तमेऽष्टपलं भवेत् । शल्याविशल्यामूलस्य वारिणा मर्दयेद्दिनम्
saptadvandvajamekaikaṃ saptame'ṣṭapalaṃ bhavet / śalyāviśalyāmūlasya vāriṇā mardayeddinam
Sanskrit only: no published translation is held for this verse.
भूधरीयन्त्रमध्यस्थं पुटं सप्तदिनं ददेत् । तद्भस्म शुद्धं सेव्यं स्याद्गुञ्जामात्रं तु मण्डलम्
bhūdharīyantramadhyasthaṃ puṭaṃ saptadinaṃ dadet / tadbhasma śuddhaṃ sevyaṃ syādguñjāmātraṃ tu maṇḍalam
Sanskrit only: no published translation is held for this verse.
एकाद्यं पञ्चमं मध्यं पुनरेकं प्रशस्यते । पूर्ववद्बन्धनं देवि कोटिवेधी भवेद्रसः
ekādyaṃ pañcamaṃ madhyaṃ punarekaṃ praśasyate / pūrvavadbandhanaṃ devi koṭivedhī bhavedrasaḥ
Sanskrit only: no published translation is held for this verse.
<कान्तबन्धः> रक्तवर्णमयस्कान्तं लाक्षारससमप्रभम् । भिन्नस्त्रीरक्तसंकाशं तच्चूर्णं सूतसंयुतम्
<kāntabandhaḥ> raktavarṇamayaskāntaṃ lākṣārasasamaprabham / bhinnastrīraktasaṃkāśaṃ taccūrṇaṃ sūtasaṃyutam
Sanskrit only: no published translation is held for this verse.
मर्दयेच्छागरक्तेन ध्मातं खोटो भवेत्प्रिये । स सूतः शतवेधी तु स तु व्याधिहरो भवेत्
mardayecchāgaraktena dhmātaṃ khoṭo bhavetpriye / sa sūtaḥ śatavedhī tu sa tu vyādhiharo bhavet
Sanskrit only: no published translation is held for this verse.
गुलिकां धारयेद्वक्त्रे जीवेद्वर्षसहस्रकम् । पीतवर्णमयस्कान्तं भिन्नहेमसमप्रभम्
gulikāṃ dhārayedvaktre jīvedvarṣasahasrakam / pītavarṇamayaskāntaṃ bhinnahemasamaprabham
Sanskrit only: no published translation is held for this verse.
वेधयेत् स्पर्शमात्रेण स तु लोहानि सुन्दरि । <चपलबन्धः; प्रथमः प्रकारः> लाङ्गलीं करवीरं च चित्रकं गिरिकर्णिकाम्
vedhayet sparśamātreṇa sa tu lohāni sundari / <capalabandhaḥ; prathamaḥ prakāraḥ> lāṅgalīṃ karavīraṃ ca citrakaṃ girikarṇikām
Sanskrit only: no published translation is held for this verse.
स्त्रीस्तन्यटङ्कसौवीरं मूषालेपं तु कारयेत् । चपलाद्द्विगुणं सूतं सूताद्द्विगुणकाञ्चनम्
strīstanyaṭaṅkasauvīraṃ mūṣālepaṃ tu kārayet / capalāddviguṇaṃ sūtaṃ sūtāddviguṇakāñcanam
Sanskrit only: no published translation is held for this verse.
नष्टपिष्टं च तत्कुर्यादन्धमूषागतं धमेत् । तत्र स्थितो रसेन्द्रोऽयं खोटो भवति शोभनः
naṣṭapiṣṭaṃ ca tatkuryādandhamūṣāgataṃ dhamet / tatra sthito rasendro'yaṃ khoṭo bhavati śobhanaḥ
Sanskrit only: no published translation is held for this verse.
शतांशं वेधयेन्नागं गुञ्जावर्णस्तु जायते । तेन नागशतांशेन शुल्बं रक्तनिभं भवेत्
śatāṃśaṃ vedhayennāgaṃ guñjāvarṇastu jāyate / tena nāgaśatāṃśena śulbaṃ raktanibhaṃ bhavet
Sanskrit only: no published translation is held for this verse.
तेन शुल्बशतांशेन तारं विध्यति काञ्चनम् । <द्वितीयः प्रकारः> चपलस्य तु षड्भागास् तारभागास्तु सप्त च
tena śulbaśatāṃśena tāraṃ vidhyati kāñcanam / <dvitīyaḥ prakāraḥ> capalasya tu ṣaḍbhāgās tārabhāgāstu sapta ca
Sanskrit only: no published translation is held for this verse.
अष्टौ कनकभागास्तु नव भागा रसस्य च । त्रिंशद्भागा मिलित्वा तु भवन्ति सुरवन्दिते
aṣṭau kanakabhāgāstu nava bhāgā rasasya ca / triṃśadbhāgā militvā tu bhavanti suravandite
Sanskrit only: no published translation is held for this verse.
चित्रकं कणवीरं च लाङ्गली गृध्रविट् तथा । मर्दितं मातुलुङ्गाम्लैर्मूषालेपं तु कारयेत्
citrakaṃ kaṇavīraṃ ca lāṅgalī gṛdhraviṭ tathā / marditaṃ mātuluṅgāmlairmūṣālepaṃ tu kārayet
Sanskrit only: no published translation is held for this verse.
अन्धयित्वा धमेद्देवि खोटो भवति शोभनः । तेन खोटदशांशेन विद्धो नागोऽरुणो भवेत्
andhayitvā dhameddevi khoṭo bhavati śobhanaḥ / tena khoṭadaśāṃśena viddho nāgo'ruṇo bhavet
Sanskrit only: no published translation is held for this verse.
तेन नागेन विद्धं तु शुल्बं गुञ्जारुणं भवेत् । तेन शुल्बेन तारं तु विद्धं भवति काञ्चनम्
tena nāgena viddhaṃ tu śulbaṃ guñjāruṇaṃ bhavet / tena śulbena tāraṃ tu viddhaṃ bhavati kāñcanam
Sanskrit only: no published translation is held for this verse.
<तृतीयः प्रकारः> हेमाभ्रं चपलं देवि पारदार्धेन संयुतम् । पारदेन कनकं दत्त्वा कुनट्या मर्दयेत्क्षणम्
<tṛtīyaḥ prakāraḥ> hemābhraṃ capalaṃ devi pāradārdhena saṃyutam / pāradena kanakaṃ dattvā kunaṭyā mardayetkṣaṇam
Sanskrit only: no published translation is held for this verse.
लाङ्गली चित्रकं चैव स्त्रीस्तन्यं कणवीरकम् । गृध्रविष्ठा तथा सर्वं मूषालेपं तु कारयेत्
lāṅgalī citrakaṃ caiva strīstanyaṃ kaṇavīrakam / gṛdhraviṣṭhā tathā sarvaṃ mūṣālepaṃ tu kārayet
Sanskrit only: no published translation is held for this verse.
तन्मध्ये तु स्थितं ध्मातं खोटो भवति शोभनः । पूर्वोक्तं वेधयेदेतन्निर्बीजं कनकं भवेत्
tanmadhye tu sthitaṃ dhmātaṃ khoṭo bhavati śobhanaḥ / pūrvoktaṃ vedhayedetannirbījaṃ kanakaṃ bhavet
Sanskrit only: no published translation is held for this verse.
सुतप्तलोहपात्रे च क्षिपेच्चपलचूर्णकम् । सबीजं पारदं कृत्वा चपलस्य तु वापयेत्
sutaptalohapātre ca kṣipeccapalacūrṇakam / sabījaṃ pāradaṃ kṛtvā capalasya tu vāpayet
Sanskrit only: no published translation is held for this verse.
लाक्षाभो बध्यते सूतोऽङ्कुशेनेव महागजः । <गन्धकबन्धः; प्रथमः प्रकारः> शुद्धसूतपलैकं च पलैकं गन्धकस्य च
lākṣābho badhyate sūto'ṅkuśeneva mahāgajaḥ / <gandhakabandhaḥ; prathamaḥ prakāraḥ> śuddhasūtapalaikaṃ ca palaikaṃ gandhakasya ca
Sanskrit only: no published translation is held for this verse.
एकीकृत्याथ संमर्द्य धुत्तूरकरसेन च । मारयेच्चक्रयोगेन भस्मीभवति सूतकः
ekīkṛtyātha saṃmardya dhuttūrakarasena ca / mārayeccakrayogena bhasmībhavati sūtakaḥ
Sanskrit only: no published translation is held for this verse.
अन्धमूषागतो ध्मातः खोटो भवति शोभनः । सितं हेम च नागं च चन्द्रार्कं चापि वेधयेत्
andhamūṣāgato dhmātaḥ khoṭo bhavati śobhanaḥ / sitaṃ hema ca nāgaṃ ca candrārkaṃ cāpi vedhayet
Sanskrit only: no published translation is held for this verse.
<द्वितीयः प्रकारः> पलैकं शुद्धसूतस्य कर्षैकं गन्धकस्य च । मर्दयेत्स्निग्धखल्वेन देवदालीरसप्लुतम्
<dvitīyaḥ prakāraḥ> palaikaṃ śuddhasūtasya karṣaikaṃ gandhakasya ca / mardayetsnigdhakhalvena devadālīrasaplutam
Sanskrit only: no published translation is held for this verse.
मर्दयेत्तु कराङ्गुल्या गन्धपिष्टिस्तु जायते । जम्बीरस्य रसेनैव दिनमेकं तु मर्दयेत्
mardayettu karāṅgulyā gandhapiṣṭistu jāyate / jambīrasya rasenaiva dinamekaṃ tu mardayet
Sanskrit only: no published translation is held for this verse.
पञ्चद्रावकसंयुक्तां वटिकां कारयेच्छुभाम् । पलाशमूलकल्केन वटिकां तां प्रलेपयेत्
pañcadrāvakasaṃyuktāṃ vaṭikāṃ kārayecchubhām / palāśamūlakalkena vaṭikāṃ tāṃ pralepayet
Sanskrit only: no published translation is held for this verse.
धमेत् खोटो भवेच्छ्वेतकाचटङ्कणयोगतः । शोधयेत्तं प्रयत्नेन यावन्निर्मलतां व्रजेत्
dhamet khoṭo bhavecchvetakācaṭaṅkaṇayogataḥ / śodhayettaṃ prayatnena yāvannirmalatāṃ vrajet
Sanskrit only: no published translation is held for this verse.
स खोटो जायते देवि त्रिगुणं पन्नगं ततः । शतशो रञ्जयेत्पश्चाच्छुल्बाभ्रककपालिना
sa khoṭo jāyate devi triguṇaṃ pannagaṃ tataḥ / śataśo rañjayetpaścācchulbābhrakakapālinā
Sanskrit only: no published translation is held for this verse.
शुल्बे तारे च खोटोऽयं सहस्रांशेन वेधकः । <तृतीयः प्रकारः> गन्धकेन हते सूते मृतलोहानि वाहयेत्
śulbe tāre ca khoṭo'yaṃ sahasrāṃśena vedhakaḥ / <tṛtīyaḥ prakāraḥ> gandhakena hate sūte mṛtalohāni vāhayet
Sanskrit only: no published translation is held for this verse.
पुनर्हेम समावर्त्य समांशं भक्षणं कुरु । सारितः शुल्बतारैर् घोषं विध्यति सूतकः
punarhema samāvartya samāṃśaṃ bhakṣaṇaṃ kuru / sāritaḥ śulbatārair ghoṣaṃ vidhyati sūtakaḥ
Sanskrit only: no published translation is held for this verse.
<चतुर्थः प्रकारः> रसं हेमसमं कृत्वा पिष्टिकार्धेन गन्धकम् । द्विपदीरजसा युक्तं मर्दयेट्टङ्कणान्वितम्
<caturthaḥ prakāraḥ> rasaṃ hemasamaṃ kṛtvā piṣṭikārdhena gandhakam / dvipadīrajasā yuktaṃ mardayeṭṭaṅkaṇānvitam
Sanskrit only: no published translation is held for this verse.
नष्टपिष्टं च शुष्कं च ध्मातः खोटो भवेत्ततः । चन्द्रार्कषोडशांशेन विद्धं भवति काञ्चनम्
naṣṭapiṣṭaṃ ca śuṣkaṃ ca dhmātaḥ khoṭo bhavettataḥ / candrārkaṣoḍaśāṃśena viddhaṃ bhavati kāñcanam
Sanskrit only: no published translation is held for this verse.
हेमार्धमिलितं तं तु मातृकासमतां व्रजेत् । कुर्यात्सङ्कलिकायोगाद्वेधो दशगुणोत्तरः
hemārdhamilitaṃ taṃ tu mātṛkāsamatāṃ vrajet / kuryātsaṅkalikāyogādvedho daśaguṇottaraḥ
Sanskrit only: no published translation is held for this verse.
यथा हेम्नि तथा तारे व्याटिबीजेन योजितम् । तृतीयसङ्कलाबद्धं षट्शते नागवेधकम्
yathā hemni tathā tāre vyāṭibījena yojitam / tṛtīyasaṅkalābaddhaṃ ṣaṭśate nāgavedhakam
Sanskrit only: no published translation is held for this verse.
चतुर्गुणेन तेनैव सहस्रांशेन काञ्चनम् । अनेन क्रमयोगेन सप्त सङ्कलिका यदि
caturguṇena tenaiva sahasrāṃśena kāñcanam / anena kramayogena sapta saṅkalikā yadi
Sanskrit only: no published translation is held for this verse.
कुरुते काञ्चनं दिव्यमष्टलोहानि पार्वति । तं पुनश्चूर्णयित्वा तु पुटयेद्भस्म जायते
kurute kāñcanaṃ divyamaṣṭalohāni pārvati / taṃ punaścūrṇayitvā tu puṭayedbhasma jāyate
Sanskrit only: no published translation is held for this verse.
सर्वव्याधिजयो देवि पलैकेन सुभक्षिते । द्विपले ब्राह्ममायुष्यं त्रिपले वैष्णवं भवेत्
sarvavyādhijayo devi palaikena subhakṣite / dvipale brāhmamāyuṣyaṃ tripale vaiṣṇavaṃ bhavet
Sanskrit only: no published translation is held for this verse.
चतुष्पले च पञ्चत्वमीशः पञ्चपले भवेत् । षट्पले भक्षिते देवि सदाशिवतनुर्भवेत्
catuṣpale ca pañcatvamīśaḥ pañcapale bhavet / ṣaṭpale bhakṣite devi sadāśivatanurbhavet
Sanskrit only: no published translation is held for this verse.
<पञ्चमः प्रकारः> सूतकं गन्धकं तारं मेषवल्लीवसा समा । त्रिदिनं मर्दयेल्लक्षं वङ्गं पादेन लेपयेत्
<pañcamaḥ prakāraḥ> sūtakaṃ gandhakaṃ tāraṃ meṣavallīvasā samā / tridinaṃ mardayellakṣaṃ vaṅgaṃ pādena lepayet
Sanskrit only: no published translation is held for this verse.
अन्धमूषागतं ध्मातं वङ्गं स्तम्भयति क्षणात् । <षष्ठः प्रकारः, गन्धपिष्टिविधिः> चूर्णितं गन्धकं देवि मर्कटीरसभावितम्
andhamūṣāgataṃ dhmātaṃ vaṅgaṃ stambhayati kṣaṇāt / <ṣaṣṭhaḥ prakāraḥ, gandhapiṣṭividhiḥ> cūrṇitaṃ gandhakaṃ devi markaṭīrasabhāvitam
Sanskrit only: no published translation is held for this verse.
भावयेच्छतवाराणि जीवभस्म तु गच्छति । दापयेन्मृण्मये पात्रे रसेन सह संयुतम्
bhāvayecchatavārāṇi jīvabhasma tu gacchati / dāpayenmṛṇmaye pātre rasena saha saṃyutam
Sanskrit only: no published translation is held for this verse.
तापयेद्रवितापेन मर्कटीरससंयुतम् । गन्धकं ग्रसते सूतः पिष्टिका भवति क्षणात्
tāpayedravitāpena markaṭīrasasaṃyutam / gandhakaṃ grasate sūtaḥ piṣṭikā bhavati kṣaṇāt
Sanskrit only: no published translation is held for this verse.
तिलपर्णीरसेनैव गन्धकं भावयेत्ततः । सप्तवारांस्तु देवेशि छायाशुष्कं पुनःपुनः
tilaparṇīrasenaiva gandhakaṃ bhāvayettataḥ / saptavārāṃstu deveśi chāyāśuṣkaṃ punaḥpunaḥ
Sanskrit only: no published translation is held for this verse.
शोधितं पातितं सूतं पलैकप्रमितं प्रिये । मूषामध्ये विनिक्षिप्य नरेन्द्रीरससंयुतम्
śodhitaṃ pātitaṃ sūtaṃ palaikapramitaṃ priye / mūṣāmadhye vinikṣipya narendrīrasasaṃyutam
Sanskrit only: no published translation is held for this verse.
जारयेद्वालुकायन्त्रे भावितं गन्धकं पुनः । त्रुटि त्रुटि प्रदातव्यं गन्धकं च पुनः पुनः
jārayedvālukāyantre bhāvitaṃ gandhakaṃ punaḥ / truṭi truṭi pradātavyaṃ gandhakaṃ ca punaḥ punaḥ
Sanskrit only: no published translation is held for this verse.
अनेन क्रमयोगेन जायते गन्धपिष्टिका । गन्धपाषाणचूर्णं तु कनकस्य रसेन तु
anena kramayogena jāyate gandhapiṣṭikā / gandhapāṣāṇacūrṇaṃ tu kanakasya rasena tu
Sanskrit only: no published translation is held for this verse.
भावयेत्सप्तवारांस्तु स्त्रीरजेन तु सप्तधा । शुद्धसूतपलैकं च खर्परे दापयेत्ततः
bhāvayetsaptavārāṃstu strīrajena tu saptadhā / śuddhasūtapalaikaṃ ca kharpare dāpayettataḥ
Sanskrit only: no published translation is held for this verse.
भावितं गन्धकं दद्यान्नरपित्तेन संयुतम् । दोलयेद् रवितापेन पिष्टिका भवति क्षणात्
bhāvitaṃ gandhakaṃ dadyānnarapittena saṃyutam / dolayed ravitāpena piṣṭikā bhavati kṣaṇāt
Sanskrit only: no published translation is held for this verse.
गन्धकं सूक्ष्मचूर्णं तु चणकाम्लेन पार्वति । भावयेत्सप्तवाराणि स्त्रीपुष्पेण च सप्तधा
gandhakaṃ sūkṣmacūrṇaṃ tu caṇakāmlena pārvati / bhāvayetsaptavārāṇi strīpuṣpeṇa ca saptadhā
Sanskrit only: no published translation is held for this verse.
द्रुतसूतकमध्ये तु कर्पूरं गन्धकं रसम् । दापयेन्निक्षिपेद् गोष्ठे सप्ताहाद् गन्धपिष्टिका
drutasūtakamadhye tu karpūraṃ gandhakaṃ rasam / dāpayennikṣiped goṣṭhe saptāhād gandhapiṣṭikā
Sanskrit only: no published translation is held for this verse.
<गन्धकपिष्टीस्तंभनं वेधश्च> कटुकोशातकीबीजं चाण्डालीकन्दमेव च । स्तन्यक्षीरेण संपेष्य पिष्टिकां तेन लेपयेत्
<gandhakapiṣṭīstaṃbhanaṃ vedhaśca> kaṭukośātakībījaṃ cāṇḍālīkandameva ca / stanyakṣīreṇa saṃpeṣya piṣṭikāṃ tena lepayet
Sanskrit only: no published translation is held for this verse.
पुटयेद्भूधरे यन्त्रे स्तम्भते नात्र संशयः । हेमसम्पुटमध्ये तु समावर्तं तु कारयेत्
puṭayedbhūdhare yantre stambhate nātra saṃśayaḥ / hemasampuṭamadhye tu samāvartaṃ tu kārayet
Sanskrit only: no published translation is held for this verse.
अष्टमांशेन तेनैव नागवेधं प्रदापयेत् । षोडशांशेन तेनैव तारवेधं प्रदापयेत्
aṣṭamāṃśena tenaiva nāgavedhaṃ pradāpayet / ṣoḍaśāṃśena tenaiva tāravedhaṃ pradāpayet
Sanskrit only: no published translation is held for this verse.
<सप्तमः प्रकारः> गन्धपिष्टिपलैकं तु नागपिष्टिपलाष्टकम् । लेपयेन्नागपत्राणि छायायां शोषयेत्ततः
<saptamaḥ prakāraḥ> gandhapiṣṭipalaikaṃ tu nāgapiṣṭipalāṣṭakam / lepayennāgapatrāṇi chāyāyāṃ śoṣayettataḥ
Sanskrit only: no published translation is held for this verse.
आटरूषकपिण्डेन नागपत्राणि लेपयेत् । आरण्योत्पलकैर्देवि दापयेच्च पुटत्रयम्
āṭarūṣakapiṇḍena nāgapatrāṇi lepayet / āraṇyotpalakairdevi dāpayecca puṭatrayam
Sanskrit only: no published translation is held for this verse.
तन्नागं म्रियते दिव्यं सिन्दूरारुणसप्रभम् । तन्नागं पलमेकं तु शुल्बचूर्णपलाष्टकम्
tannāgaṃ mriyate divyaṃ sindūrāruṇasaprabham / tannāgaṃ palamekaṃ tu śulbacūrṇapalāṣṭakam
Sanskrit only: no published translation is held for this verse.
वासकस्य रसेनैव प्रहरैकं तु मर्दयेत् । मारयेत्पातनायन्त्रे शुल्बं तन्म्रियते क्षणात्
vāsakasya rasenaiva praharaikaṃ tu mardayet / mārayetpātanāyantre śulbaṃ tanmriyate kṣaṇāt
Sanskrit only: no published translation is held for this verse.
षोडशांशेन तेनैव तारवेधं प्रदापयेत् । जायते कनकं दिव्यं देवाभरणभूषणम्
ṣoḍaśāṃśena tenaiva tāravedhaṃ pradāpayet / jāyate kanakaṃ divyaṃ devābharaṇabhūṣaṇam
Sanskrit only: no published translation is held for this verse.
या काचिद्गन्धपिष्टी तु आदौ नागं तु मारयेत् । नागेन वेधयेच्छुल्बं शुल्बे तारं तु वेधयेत्
yā kācidgandhapiṣṭī tu ādau nāgaṃ tu mārayet / nāgena vedhayecchulbaṃ śulbe tāraṃ tu vedhayet
Sanskrit only: no published translation is held for this verse.
कनकं जायते दिव्यं सिद्धयोग उदाहृतः । <अष्टमः प्रकारः> गन्धकं मधुसंयुक्तं हरबीजेन मर्दितम्
kanakaṃ jāyate divyaṃ siddhayoga udāhṛtaḥ / <aṣṭamaḥ prakāraḥ> gandhakaṃ madhusaṃyuktaṃ harabījena marditam
Sanskrit only: no published translation is held for this verse.
भूमिस्थं मासमेकं तु तारमायाति काञ्चनम् । उद्वर्तनेन तेनैव सर्वकुष्ठविनाशनम्
bhūmisthaṃ māsamekaṃ tu tāramāyāti kāñcanam / udvartanena tenaiva sarvakuṣṭhavināśanam
Sanskrit only: no published translation is held for this verse.
घनेन सह संयुक्तं व्रणरोगविनाशनम् । संवत्सरप्रयोगेण सहस्रायुर्भवेन्नरः
ghanena saha saṃyuktaṃ vraṇarogavināśanam / saṃvatsaraprayogeṇa sahasrāyurbhavennaraḥ
Sanskrit only: no published translation is held for this verse.
<तालकबन्धः> शुद्धसूतपलैकं तु पलैकं तालकस्य च । एकीकृत्याथ संमर्द्य उन्मत्तकरसेन च
<tālakabandhaḥ> śuddhasūtapalaikaṃ tu palaikaṃ tālakasya ca / ekīkṛtyātha saṃmardya unmattakarasena ca
Sanskrit only: no published translation is held for this verse.
मारयेच्चक्रयन्त्रेण भस्मीभवति सूतकः । अन्धमूषागतं ध्मातं खोटो भवति शोभनः
mārayeccakrayantreṇa bhasmībhavati sūtakaḥ / andhamūṣāgataṃ dhmātaṃ khoṭo bhavati śobhanaḥ
Sanskrit only: no published translation is held for this verse.
वङ्गं तारं च शुल्बं च क्रमशो वेधयेद्रसः । शुद्धवङ्गपलैकं च पलैकं सूतकस्य च
vaṅgaṃ tāraṃ ca śulbaṃ ca kramaśo vedhayedrasaḥ / śuddhavaṅgapalaikaṃ ca palaikaṃ sūtakasya ca
Sanskrit only: no published translation is held for this verse.
द्वे पले तालकं चैतद् उन्मत्तरसमर्दितम् । मारयेत्पातनायन्त्रे धमनात्खोटतां नयेत्
dve pale tālakaṃ caitad unmattarasamarditam / mārayetpātanāyantre dhamanātkhoṭatāṃ nayet
Sanskrit only: no published translation is held for this verse.
श्वेताभ्रकस्य सत्त्वं च तारं तीक्ष्णं च माक्षिकम् । अन्धमूषागतं ध्मातं खोटो भवति तत्क्षणात्
śvetābhrakasya sattvaṃ ca tāraṃ tīkṣṇaṃ ca mākṣikam / andhamūṣāgataṃ dhmātaṃ khoṭo bhavati tatkṣaṇāt
Sanskrit only: no published translation is held for this verse.
तत्खोटपलमेकं च पलैकं सूतकस्य च । तालकस्य पलं सर्वमेकीकृत्याथ मर्दयेत्
tatkhoṭapalamekaṃ ca palaikaṃ sūtakasya ca / tālakasya palaṃ sarvamekīkṛtyātha mardayet
Sanskrit only: no published translation is held for this verse.
मारयेत्पातनायन्त्रे धमनात् खोटतां नयेत् । <अन्ये लघुबन्धाः> शुद्धसूतपलैकं च पलैकं पन्नगस्य च
mārayetpātanāyantre dhamanāt khoṭatāṃ nayet / <anye laghubandhāḥ> śuddhasūtapalaikaṃ ca palaikaṃ pannagasya ca
Sanskrit only: no published translation is held for this verse.
पलद्वयं कुनट्याश्च सर्वमेकत्र मर्दयेत् । मारयेत्पातनायन्त्रे धमनात् खोटतां नयेत्
paladvayaṃ kunaṭyāśca sarvamekatra mardayet / mārayetpātanāyantre dhamanāt khoṭatāṃ nayet
Sanskrit only: no published translation is held for this verse.
हेमपिष्टिपलैकं च पलैकं गन्धकस्य तु । एकीकृत्याथ संमर्द्य धुत्तूरकरसेन च
hemapiṣṭipalaikaṃ ca palaikaṃ gandhakasya tu / ekīkṛtyātha saṃmardya dhuttūrakarasena ca
Sanskrit only: no published translation is held for this verse.
मारयेत्पातनायन्त्रे धमनात् खोटतां नयेत् । कृष्णाभ्रकस्य सत्वं च कान्तं तीक्ष्णं च हाटकम्
mārayetpātanāyantre dhamanāt khoṭatāṃ nayet / kṛṣṇābhrakasya satvaṃ ca kāntaṃ tīkṣṇaṃ ca hāṭakam
Sanskrit only: no published translation is held for this verse.
शुद्धं तारं च माक्षीकं समभागानि कारयेत् । अन्धमूषागतं ध्मातं खोटो भवति तत्क्षणात्
śuddhaṃ tāraṃ ca mākṣīkaṃ samabhāgāni kārayet / andhamūṣāgataṃ dhmātaṃ khoṭo bhavati tatkṣaṇāt
Sanskrit only: no published translation is held for this verse.
तत्खोटपलमेकं तु पलैकं सूतकस्य च । पलद्वयं कुनट्याश्च सर्वमेकत्र मर्दयेत्
tatkhoṭapalamekaṃ tu palaikaṃ sūtakasya ca / paladvayaṃ kunaṭyāśca sarvamekatra mardayet
Sanskrit only: no published translation is held for this verse.
मारयेत्पातनायन्त्रे धमनात् खोटतां नयेत् । कृष्णाभ्रकपलैकं तु रसकस्य पलं तथा
mārayetpātanāyantre dhamanāt khoṭatāṃ nayet / kṛṣṇābhrakapalaikaṃ tu rasakasya palaṃ tathā
Sanskrit only: no published translation is held for this verse.
सूतकस्य पलैकं तु सर्वमेकीकृतं प्रिये । उन्मत्तकरसेनैव मर्दयेत्प्रहरद्वयम्
sūtakasya palaikaṃ tu sarvamekīkṛtaṃ priye / unmattakarasenaiva mardayetpraharadvayam
Sanskrit only: no published translation is held for this verse.
मर्दयेद्दिनमेकं वा टङ्कणेन समन्वितम् । घुटिकां कारयेत्पश्चाच्छायाशुष्कं तु कारयेत्
mardayeddinamekaṃ vā ṭaṅkaṇena samanvitam / ghuṭikāṃ kārayetpaścācchāyāśuṣkaṃ tu kārayet
Sanskrit only: no published translation is held for this verse.
महावर्तिगतं ध्मातं खोटं भवति सूतकः । तं खोटं शोधयेत्काचटङ्कणद्रवयोगतः
mahāvartigataṃ dhmātaṃ khoṭaṃ bhavati sūtakaḥ / taṃ khoṭaṃ śodhayetkācaṭaṅkaṇadravayogataḥ
Sanskrit only: no published translation is held for this verse.
हेम्ना सह समावर्त्य सारणात्रयसारितम् । सहस्रांशेन तेनैव शुल्बवेधं प्रदापयेत्
hemnā saha samāvartya sāraṇātrayasāritam / sahasrāṃśena tenaiva śulbavedhaṃ pradāpayet
Sanskrit only: no published translation is held for this verse.
अनेन क्रमयोगेन कोटिवेधी भवेद्रसः । बीजद्वयं पलाशस्य पलमेकं तु सूतकम्
anena kramayogena koṭivedhī bhavedrasaḥ / bījadvayaṃ palāśasya palamekaṃ tu sūtakam
Sanskrit only: no published translation is held for this verse.
जम्बीराम्लेन संमर्द्य छायाशुष्कं तु कारयेत् । तुम्बीका मेघनादी च काकजङ्घा च भूलिका
jambīrāmlena saṃmardya chāyāśuṣkaṃ tu kārayet / tumbīkā meghanādī ca kākajaṅghā ca bhūlikā
Sanskrit only: no published translation is held for this verse.
स्तन्यं च तैः प्रलिप्तायां मूषायां चैव निक्षिपेत् । धमयेत्खदिराङ्गारैः खोटो भवति चाक्षयः
stanyaṃ ca taiḥ praliptāyāṃ mūṣāyāṃ caiva nikṣipet / dhamayetkhadirāṅgāraiḥ khoṭo bhavati cākṣayaḥ
Sanskrit only: no published translation is held for this verse.
पलाशतैले संमर्द्यं यावत् स्याद् द्रवपिष्टिका । अन्धमूषागतं ध्मातं खोटो भवति तत्क्षणात्
palāśataile saṃmardyaṃ yāvat syād dravapiṣṭikā / andhamūṣāgataṃ dhmātaṃ khoṭo bhavati tatkṣaṇāt
Sanskrit only: no published translation is held for this verse.
पूर्वशुद्धेन सूतेन समहेम्ना च पार्वति । गोलकं कारयेत्तेन मर्दयित्वा दृढं कृतम्
pūrvaśuddhena sūtena samahemnā ca pārvati / golakaṃ kārayettena mardayitvā dṛḍhaṃ kṛtam
Sanskrit only: no published translation is held for this verse.
ब्रह्मवृक्षस्य बीजानि कार्पासास्थि विभीतकम् । यवचिञ्चा च वन्ध्या च राजिका च समन्वितम्
brahmavṛkṣasya bījāni kārpāsāsthi vibhītakam / yavaciñcā ca vandhyā ca rājikā ca samanvitam
Sanskrit only: no published translation is held for this verse.
सूक्ष्मपिण्डीकृतं सर्वं तेन लिप्त्वा तु गोलकम् । पुटनैः सप्तभिर् देवि पिष्टिकास्तम्भनं भवेत्
sūkṣmapiṇḍīkṛtaṃ sarvaṃ tena liptvā tu golakam / puṭanaiḥ saptabhir devi piṣṭikāstambhanaṃ bhavet
Sanskrit only: no published translation is held for this verse.
बृहत्पुटं ततो दत्त्वा मूषायां तु धमेत्ततः । समावर्त्य तु तं सूतं समहेम्ना नियोजितम्
bṛhatpuṭaṃ tato dattvā mūṣāyāṃ tu dhamettataḥ / samāvartya tu taṃ sūtaṃ samahemnā niyojitam
Sanskrit only: no published translation is held for this verse.