श्रीभैरवी । रसोपदेशदातारं तच्छिष्यं काकिनीस्त्रियम् । रसपूजां तु पृच्छामि यथावत् कथयस्व मे
śrībhairavī / rasopadeśadātāraṃ tacchiṣyaṃ kākinīstriyam / rasapūjāṃ tu pṛcchāmi yathāvat kathayasva me
Sanskrit only: no published translation is held for this verse.
श्रीभैरवः । <रसोपदेशकलक्षणम्> शृणु भैरवि तत्सर्वमपूर्वं कथयामि ते । आचार्यो ज्ञानवान्दक्षः शीलवान् गुणवान् शुचिः
śrībhairavaḥ / <rasopadeśakalakṣaṇam> śṛṇu bhairavi tatsarvamapūrvaṃ kathayāmi te / ācāryo jñānavāndakṣaḥ śīlavān guṇavān śuciḥ
Sanskrit only: no published translation is held for this verse.
धर्मज्ञः सत्यसंधश्च रसशास्त्रविशारदः । वेदवेदान्ततत्त्वज्ञो निर्मलः शिववत्सलः
dharmajñaḥ satyasaṃdhaśca rasaśāstraviśāradaḥ / vedavedāntatattvajño nirmalaḥ śivavatsalaḥ
Sanskrit only: no published translation is held for this verse.
देवीभक्तः सदा शान्तो रसमण्डपकोविदः । मन्त्रसिद्धो महावीरो देवतायागतत्परः
devībhaktaḥ sadā śānto rasamaṇḍapakovidaḥ / mantrasiddho mahāvīro devatāyāgatatparaḥ
Sanskrit only: no published translation is held for this verse.
रसदीक्षाविधानज्ञो मन्त्रौषधमहारसान् । रागसंख्यां बीजकल्पं द्वन्द्वमेलापनं बिडम्
rasadīkṣāvidhānajño mantrauṣadhamahārasān / rāgasaṃkhyāṃ bījakalpaṃ dvandvamelāpanaṃ biḍam
Sanskrit only: no published translation is held for this verse.
रञ्जनं सारणां तैलं दलानि क्रामणानि च । वर्णोत्कर्षं मृदुत्वं च जारणं बालवृद्धयोः
rañjanaṃ sāraṇāṃ tailaṃ dalāni krāmaṇāni ca / varṇotkarṣaṃ mṛdutvaṃ ca jāraṇaṃ bālavṛddhayoḥ
Sanskrit only: no published translation is held for this verse.
खेचरीं भूचरीं चैव यो वेत्ति स गुरुर्भवेत् । <शिष्यलक्षणम्> गुरुभक्तः सदाचारो लोभमायाविवर्जितः
khecarīṃ bhūcarīṃ caiva yo vetti sa gururbhavet / <śiṣyalakṣaṇam> gurubhaktaḥ sadācāro lobhamāyāvivarjitaḥ
Sanskrit only: no published translation is held for this verse.
निस्पृहो निरहङ्कारः सत्यवाङ्नियमस्थितः । निरालस्यः स्वधर्मज्ञः षट्कर्मनिरतः सुधीः
nispṛho nirahaṅkāraḥ satyavāṅniyamasthitaḥ / nirālasyaḥ svadharmajñaḥ ṣaṭkarmanirataḥ sudhīḥ
Sanskrit only: no published translation is held for this verse.
दम्भहिंसादिनिर्मुक्तः शिवाचारेषु दीक्षितः । अत्यन्तसाधकः शान्तो मन्त्रानुष्ठानतत्परः
dambhahiṃsādinirmuktaḥ śivācāreṣu dīkṣitaḥ / atyantasādhakaḥ śānto mantrānuṣṭhānatatparaḥ
Sanskrit only: no published translation is held for this verse.
दान्तः शिष्यः स विज्ञेयः शक्तिमान् गतमत्सरः । <काकिनीलक्षणम्> आकुञ्चितस्निग्धकेशा पद्मपत्रायतेक्षणा
dāntaḥ śiṣyaḥ sa vijñeyaḥ śaktimān gatamatsaraḥ / <kākinīlakṣaṇam> ākuñcitasnigdhakeśā padmapatrāyatekṣaṇā
Sanskrit only: no published translation is held for this verse.
दीर्घोत्तुङ्गघ्राणकेशा विद्रुमाधरशोभिता । दाडिमीबीजदशना कम्बुग्रीवोन्नतस्तनी
dīrghottuṅgaghrāṇakeśā vidrumādharaśobhitā / dāḍimībījadaśanā kambugrīvonnatastanī
Sanskrit only: no published translation is held for this verse.
शिरीषमालामृदुलबाहुपाशविराजिता । संकीर्णोरस्थला निम्ननाभिः सूक्ष्मा चलाङ्गका
śirīṣamālāmṛdulabāhupāśavirājitā / saṃkīrṇorasthalā nimnanābhiḥ sūkṣmā calāṅgakā
Sanskrit only: no published translation is held for this verse.
तलोदरी रोमराजिवलित्रयविभूषिता । विशालजघनोपेता रम्भोरुः सुभगा प्रिया
talodarī romarājivalitrayavibhūṣitā / viśālajaghanopetā rambhoruḥ subhagā priyā
Sanskrit only: no published translation is held for this verse.
कादलोपमजङ्घा च पाटलाङ्घ्रिसरोरुहा । शोणामलनखोपेता राजहंसगतिः शुभा
kādalopamajaṅghā ca pāṭalāṅghrisaroruhā / śoṇāmalanakhopetā rājahaṃsagatiḥ śubhā
Sanskrit only: no published translation is held for this verse.
कलकोकिलनिध्वानकलकण्ठादिमञ्जुला । पिप्पलछदसंकाशस्मरमन्दिरमण्डिता
kalakokilanidhvānakalakaṇṭhādimañjulā / pippalachadasaṃkāśasmaramandiramaṇḍitā
Sanskrit only: no published translation is held for this verse.
युवती श्यामला स्निग्धा सुरूपा शुभलक्षणा । चुम्बनस्पर्शनाश्लेषरतिकर्मविचक्षणा
yuvatī śyāmalā snigdhā surūpā śubhalakṣaṇā / cumbanasparśanāśleṣaratikarmavicakṣaṇā
Sanskrit only: no published translation is held for this verse.
बहुले या पुष्पवती पक्षे सा काकिनी स्मृता । स्वस्ववर्णसद्भूता ग्राह्या वाप्यन्यवर्णजा
bahule yā puṣpavatī pakṣe sā kākinī smṛtā / svasvavarṇasadbhūtā grāhyā vāpyanyavarṇajā
Sanskrit only: no published translation is held for this verse.
रसकर्मणि दीक्षायां प्रयोगे च रसायने । <काकिनीत्वापादनम्> काकिन्यभावे तरुणी सुरूपान्याथवा भवेत्
rasakarmaṇi dīkṣāyāṃ prayoge ca rasāyane / <kākinītvāpādanam> kākinyabhāve taruṇī surūpānyāthavā bhavet
Sanskrit only: no published translation is held for this verse.
गन्धकं गोघृतोपेतं निष्कं त्रिः सप्तवासरम् । प्रातर्दद्यात्तु सा नारी काकिनीसदृशा भवेत्
gandhakaṃ goghṛtopetaṃ niṣkaṃ triḥ saptavāsaram / prātardadyāttu sā nārī kākinīsadṛśā bhavet
Sanskrit only: no published translation is held for this verse.
धार्मिकः पापभीरुश्च बलवान् ज्ञानवित्तमः । न्यायश्रेष्ठः सर्वसमो रसागमविशारदः
dhārmikaḥ pāpabhīruśca balavān jñānavittamaḥ / nyāyaśreṣṭhaḥ sarvasamo rasāgamaviśāradaḥ
Sanskrit only: no published translation is held for this verse.
भूपतिश्चास्य मन्त्री च सर्वशास्त्रविशारदः । सर्वधर्मरतः श्रेष्ठो न्यायमार्गप्रवर्तकः
bhūpatiścāsya mantrī ca sarvaśāstraviśāradaḥ / sarvadharmarataḥ śreṣṭho nyāyamārgapravartakaḥ
Sanskrit only: no published translation is held for this verse.
<रसशालानिर्माणम्> रसशालां प्रवक्ष्यामि रसेन्द्रस्य वरानने । निर्णयेच्च निरातङ्के देशे च निरुपप्लवे
<rasaśālānirmāṇam> rasaśālāṃ pravakṣyāmi rasendrasya varānane / nirṇayecca nirātaṅke deśe ca nirupaplave
Sanskrit only: no published translation is held for this verse.
आस्तिकप्राणिसुभगे धनधान्यसमाकुले । सौराज्ये पूर्णविभवे निरपाये ह्यनिन्दके
āstikaprāṇisubhage dhanadhānyasamākule / saurājye pūrṇavibhave nirapāye hyanindake
Sanskrit only: no published translation is held for this verse.
नगरे सर्ववर्णाढ्ये महामाहेश्वरावृते । तत्रापि विजये स्थाने पवित्रे च सुरक्षिते
nagare sarvavarṇāḍhye mahāmāheśvarāvṛte / tatrāpi vijaye sthāne pavitre ca surakṣite
Sanskrit only: no published translation is held for this verse.
सव्यालपशुपक्ष्यादिसंबाधपरिवर्जिते । समस्थले च प्राकारपरिघार्गलभूषिते
savyālapaśupakṣyādisaṃbādhaparivarjite / samasthale ca prākāraparighārgalabhūṣite
Sanskrit only: no published translation is held for this verse.
नारङ्गदाडिमडहजम्बीरफलपूरके । तालहिन्तालवकुलनारिकेलाम्लपाटले
nāraṅgadāḍimaḍahajambīraphalapūrake / tālahintālavakulanārikelāmlapāṭale
Sanskrit only: no published translation is held for this verse.
अशोकजम्बूपनससालपुंनागमण्डिते । कपित्थपूगसरलदेवदारुसुबिल्वके
aśokajambūpanasasālapuṃnāgamaṇḍite / kapitthapūgasaraladevadārusubilvake
Sanskrit only: no published translation is held for this verse.
धात्रीन्यग्रोधवरणमधूकाम्रातमण्डिते । केतकीमल्लिकाजातीयूथिकामालतीयुते
dhātrīnyagrodhavaraṇamadhūkāmrātamaṇḍite / ketakīmallikājātīyūthikāmālatīyute
Sanskrit only: no published translation is held for this verse.
मागधीकुन्दकुरवतिलके शतपत्रके । कुमुदोत्पलकल्हारपुण्डरीकांबुजोत्पलैः
māgadhīkundakuravatilake śatapatrake / kumudotpalakalhārapuṇḍarīkāṃbujotpalaiḥ
Sanskrit only: no published translation is held for this verse.
हंससारसकारण्डचक्रवाकविराजितैः । सरोभिः शीतलजले परितः परिवेष्टिते
haṃsasārasakāraṇḍacakravākavirājitaiḥ / sarobhiḥ śītalajale paritaḥ pariveṣṭite
Sanskrit only: no published translation is held for this verse.
शीतानिलाभिलुलितललितप्रसवाञ्चिते । चित्रोद्यानेऽतिरुचिरे रसशालां प्रकल्पयेत्
śītānilābhilulitalalitaprasavāñcite / citrodyāne'tirucire rasaśālāṃ prakalpayet
Sanskrit only: no published translation is held for this verse.
षोडशस्तम्भरुचिरां चतुरश्रां समायताम् । मनोज्ञां देवदेवेशि मत्तवारणसंयुताम्
ṣoḍaśastambharucirāṃ caturaśrāṃ samāyatām / manojñāṃ devadeveśi mattavāraṇasaṃyutām
Sanskrit only: no published translation is held for this verse.
वातायनसमोपेतां कवाटार्गलरक्षिताम् । कक्षपताकासंयुक्तां सर्वोपकरणोज्ज्वलाम्
vātāyanasamopetāṃ kavāṭārgalarakṣitām / kakṣapatākāsaṃyuktāṃ sarvopakaraṇojjvalām
Sanskrit only: no published translation is held for this verse.
समालिखितदिक्पालां समर्चितविनायकाम् । प्रतिष्ठितोमामाहेशां द्वारपालैश्च रक्षिताम्
samālikhitadikpālāṃ samarcitavināyakām / pratiṣṭhitomāmāheśāṃ dvārapālaiśca rakṣitām
Sanskrit only: no published translation is held for this verse.
भेरीकाहलघण्टादिदिव्यवाद्यविनादिताम् । वास्तुलक्षणसंयुक्तां रसशालां प्रकल्पयेत्
bherīkāhalaghaṇṭādidivyavādyavināditām / vāstulakṣaṇasaṃyuktāṃ rasaśālāṃ prakalpayet
Sanskrit only: no published translation is held for this verse.
शालायां वेदिका कार्या सुदृढा दर्पणोपमा । इष्टकैः खचिता रम्या ससोपाना सलक्षणा
śālāyāṃ vedikā kāryā sudṛḍhā darpaṇopamā / iṣṭakaiḥ khacitā ramyā sasopānā salakṣaṇā
Sanskrit only: no published translation is held for this verse.
कपिलागोमयालिप्ता हिरण्यकलशावृता । <रसेन्द्रपूजाविधिः> वेदिकायां रसेन्द्रस्य भद्रपीठं प्रकल्पयेत्
kapilāgomayāliptā hiraṇyakalaśāvṛtā / <rasendrapūjāvidhiḥ> vedikāyāṃ rasendrasya bhadrapīṭhaṃ prakalpayet
Sanskrit only: no published translation is held for this verse.
भद्रपीठे लिखेत्सम्यक् सिन्दूरेण द्विहस्तकम् । षट्कोणं वसुपत्रं च तद्बहिश्चाष्टपत्रकम्
bhadrapīṭhe likhetsamyak sindūreṇa dvihastakam / ṣaṭkoṇaṃ vasupatraṃ ca tadbahiścāṣṭapatrakam
Sanskrit only: no published translation is held for this verse.
कमलं चतुरश्रं च चतुर्द्वारोपशोभितम् । रसलिङ्गं न्यसेद्यन्त्रे पुष्पाद्यैश्च समर्चयेत्
kamalaṃ caturaśraṃ ca caturdvāropaśobhitam / rasaliṅgaṃ nyasedyantre puṣpādyaiśca samarcayet
Sanskrit only: no published translation is held for this verse.
<रससन्ध्या> अथ सन्ध्यां प्रवक्ष्यामि रसकर्मफलप्रदाम् । प्रविशेद्रसशालां च स्नातः शुद्धोऽनुलेपितः
<rasasandhyā> atha sandhyāṃ pravakṣyāmi rasakarmaphalapradām / praviśedrasaśālāṃ ca snātaḥ śuddho'nulepitaḥ
Sanskrit only: no published translation is held for this verse.
शुक्लमाल्याम्बरधरः संयतात्मा जितेन्द्रियः । यतवाग् गुरुभक्तश्च सत्यवादी दृढव्रतः
śuklamālyāmbaradharaḥ saṃyatātmā jitendriyaḥ / yatavāg gurubhaktaśca satyavādī dṛḍhavrataḥ
Sanskrit only: no published translation is held for this verse.
उपविश्य समाचामेत् मृदुले चित्रकम्बले । वाङ्मायाश्रीयुतं तोयम् आत्मविद्याशिवात्मकम्
upaviśya samācāmet mṛdule citrakambale / vāṅmāyāśrīyutaṃ toyam ātmavidyāśivātmakam
Sanskrit only: no published translation is held for this verse.
तत्त्वं च शोधयामीति त्रिवारं विधिवत्पिबेत् । ध्यायेद्वरदगायत्रीं त्रिवारं प्रजपेत्प्रिये
tattvaṃ ca śodhayāmīti trivāraṃ vidhivatpibet / dhyāyedvaradagāyatrīṃ trivāraṃ prajapetpriye
Sanskrit only: no published translation is held for this verse.
रसभैरवगायत्रीं शृणु भैरवि तत्त्वतः । ऐं रसेश्वराय विद्महे रसाङ्कुशाय धीमहि । तन्नः सूतः प्रचोदयात् । कोटिसूर्यप्रतीकाशं दशकोटीन्दुसंनिभम्
rasabhairavagāyatrīṃ śṛṇu bhairavi tattvataḥ / aiṃ raseśvarāya vidmahe rasāṅkuśāya dhīmahi / tannaḥ sūtaḥ pracodayāt / koṭisūryapratīkāśaṃ daśakoṭīndusaṃnibham
Sanskrit only: no published translation is held for this verse.
शुभ्रं पञ्चमुखं देवं त्रिनेत्रं चन्द्रशेखरम् । अष्टादशभुजं शान्तं पञ्चकृत्यपरायणम्
śubhraṃ pañcamukhaṃ devaṃ trinetraṃ candraśekharam / aṣṭādaśabhujaṃ śāntaṃ pañcakṛtyaparāyaṇam
Sanskrit only: no published translation is held for this verse.
शुक्लमाल्यांबरधरं नागयज्ञोपवीतिनम् । स्फटिकसङ्काशं प्रेतारूढं रसेश्वरम्
śuklamālyāṃbaradharaṃ nāgayajñopavītinam / sphaṭikasaṅkāśaṃ pretārūḍhaṃ raseśvaram
Sanskrit only: no published translation is held for this verse.
नीलकण्ठं च सर्वज्ञं सर्वाभरणभूषितम् । वरदं रसशास्त्रं च पारदं भुजङ्गं सुधाम्
nīlakaṇṭhaṃ ca sarvajñaṃ sarvābharaṇabhūṣitam / varadaṃ rasaśāstraṃ ca pāradaṃ bhujaṅgaṃ sudhām
Sanskrit only: no published translation is held for this verse.
शङ्खभैषज्यकोदण्डशूलखट्वाङ्गसायकम् । डमरुं करवालं च गदां पावकमीश्वरि
śaṅkhabhaiṣajyakodaṇḍaśūlakhaṭvāṅgasāyakam / ḍamaruṃ karavālaṃ ca gadāṃ pāvakamīśvari
Sanskrit only: no published translation is held for this verse.
आरोग्यं दिव्यमालां च ह्यभयं द्विनवैः करैः । रसाङ्कुशीं निजोत्सङ्गे बिभ्राणं वृषवाहनम्
ārogyaṃ divyamālāṃ ca hyabhayaṃ dvinavaiḥ karaiḥ / rasāṅkuśīṃ nijotsaṅge bibhrāṇaṃ vṛṣavāhanam
Sanskrit only: no published translation is held for this verse.
कपर्दभाररुचिरं मन्दहासाननं शिवम् । रसभैरवम् आचिन्त्य तस्योत्सङ्गे रसाङ्कुशीम्
kapardabhāraruciraṃ mandahāsānanaṃ śivam / rasabhairavam ācintya tasyotsaṅge rasāṅkuśīm
Sanskrit only: no published translation is held for this verse.
अङ्कुशं चाक्षमालां च दधतीं दक्षहस्तयोः । पाशाभयं च बिभ्राणां दक्षिणेतरहस्तयोः
aṅkuśaṃ cākṣamālāṃ ca dadhatīṃ dakṣahastayoḥ / pāśābhayaṃ ca bibhrāṇāṃ dakṣiṇetarahastayoḥ
Sanskrit only: no published translation is held for this verse.
चतुर्भुजां रक्तवर्णां त्रिणेत्रामिन्दुशेखराम् । रक्ताम्बरधरां देवीं कम्बुग्रीवां कृपामयीम्
caturbhujāṃ raktavarṇāṃ triṇetrāminduśekharām / raktāmbaradharāṃ devīṃ kambugrīvāṃ kṛpāmayīm
Sanskrit only: no published translation is held for this verse.
रत्नालङ्काररुचिरां मन्दहासविराजिताम् । ध्यायेद्रसाङ्कुशीं देवीं देवस्याभिमुखीं शिवाम्
ratnālaṅkārarucirāṃ mandahāsavirājitām / dhyāyedrasāṅkuśīṃ devīṃ devasyābhimukhīṃ śivām
Sanskrit only: no published translation is held for this verse.
ततो भस्म समादाय वामहस्तेन धारयेत् । नैवाधःपतितं पात्रे गृहीत्वा गोमयं सुधीः
tato bhasma samādāya vāmahastena dhārayet / naivādhaḥpatitaṃ pātre gṛhītvā gomayaṃ sudhīḥ
Sanskrit only: no published translation is held for this verse.
विशोष्य प्रदहेत्कुण्डे क्रमेण धारयेत्प्रिये । पुनरुद्धारणं चैव सद्योजातादिभिर्भवेत्
viśoṣya pradahetkuṇḍe krameṇa dhārayetpriye / punaruddhāraṇaṃ caiva sadyojātādibhirbhavet
Sanskrit only: no published translation is held for this verse.
निरीक्षणं प्रोक्षणं च ताडनाभ्युक्षणं तथा । सद्योजातादिभिर्मन्त्रैरभिमन्त्र्य च तत्पुनः
nirīkṣaṇaṃ prokṣaṇaṃ ca tāḍanābhyukṣaṇaṃ tathā / sadyojātādibhirmantrairabhimantrya ca tatpunaḥ
Sanskrit only: no published translation is held for this verse.
मूर्ध्नि वक्त्रे च हृदये गुह्ये चरणयोः क्रमात् । ईशानाद्यैः पञ्चमन्त्रैस्तत्तत्स्थानेषु निक्षिपेत्
mūrdhni vaktre ca hṛdaye guhye caraṇayoḥ kramāt / īśānādyaiḥ pañcamantraistattatsthāneṣu nikṣipet
Sanskrit only: no published translation is held for this verse.
सर्वाङ्गोद्धूलनं कुर्यात् भस्मना पञ्चभिश्च तैः । संकल्पं विधिवत्कुर्यात् रसाचार्यो महेश्वरः
sarvāṅgoddhūlanaṃ kuryāt bhasmanā pañcabhiśca taiḥ / saṃkalpaṃ vidhivatkuryāt rasācāryo maheśvaraḥ
Sanskrit only: no published translation is held for this verse.
प्राणायामत्रयं कृत्वा मूलमन्त्रेण पार्वति । प्रोक्षयेन्मन्त्रितं तोयं मूर्ध्नि वामकरस्थितम्
prāṇāyāmatrayaṃ kṛtvā mūlamantreṇa pārvati / prokṣayenmantritaṃ toyaṃ mūrdhni vāmakarasthitam
Sanskrit only: no published translation is held for this verse.
आचम्य च पुनस्तोयं मूलमन्त्रेण मन्त्रितम् । त्रिधा दक्षिणहस्तस्थं पिबेदाचमनं ततः
ācamya ca punastoyaṃ mūlamantreṇa mantritam / tridhā dakṣiṇahastasthaṃ pibedācamanaṃ tataḥ
Sanskrit only: no published translation is held for this verse.
अर्घ्यं मूलेन दत्त्वा त्रिः पुनराचम्य पार्वति । अष्टोत्तरशतं जप्त्वा मूलमन्त्रमुदारधीः
arghyaṃ mūlena dattvā triḥ punarācamya pārvati / aṣṭottaraśataṃ japtvā mūlamantramudāradhīḥ
Sanskrit only: no published translation is held for this verse.
समर्पयेच्च सूताय रससन्ध्येयमीश्वरि । त्रिकालमेवं कुर्वीत सन्ध्यां सर्वाघनाशिनीम्
samarpayecca sūtāya rasasandhyeyamīśvari / trikālamevaṃ kurvīta sandhyāṃ sarvāghanāśinīm
Sanskrit only: no published translation is held for this verse.
<रसांकुशरसांकुशीमूलमन्त्रोद्धारः> वक्ष्येऽहं मूलमन्त्रस्य शृणूद्धारक्रमं प्रिये । वाङ्माया कमला चाथ चतुर्थ्यन्तो रसेश्वरः
<rasāṃkuśarasāṃkuśīmūlamantroddhāraḥ> vakṣye'haṃ mūlamantrasya śṛṇūddhārakramaṃ priye / vāṅmāyā kamalā cātha caturthyanto raseśvaraḥ
Sanskrit only: no published translation is held for this verse.
ततो महाकालपदं महाबलपदं ततः । अघोरभैरवपदं वज्रवीरपदं ततः
tato mahākālapadaṃ mahābalapadaṃ tataḥ / aghorabhairavapadaṃ vajravīrapadaṃ tataḥ
Sanskrit only: no published translation is held for this verse.
क्रोधकालपदं चैतत्सर्वं सम्बुद्धिसंयुतम् । कषष्टवर्गान्तयुतः साधोदन्तः सबिन्दुकः
krodhakālapadaṃ caitatsarvaṃ sambuddhisaṃyutam / kaṣaṣṭavargāntayutaḥ sādhodantaḥ sabindukaḥ
Sanskrit only: no published translation is held for this verse.
इदं पञ्चाक्षरं कूटं ततः कर्षणसंयुतः । सविसर्गो ऽप्ययं कूटश्चतुर्वर्णात्मकः प्रिये
idaṃ pañcākṣaraṃ kūṭaṃ tataḥ karṣaṇasaṃyutaḥ / savisargo 'pyayaṃ kūṭaścaturvarṇātmakaḥ priye
Sanskrit only: no published translation is held for this verse.
रसेन्द्रभैरवस्यायं मन्त्रो द्वात्रिंशदर्णकः । गोपितः सर्वतन्त्रेषु रहस्योऽत्यन्तदुर्लभः
rasendrabhairavasyāyaṃ mantro dvātriṃśadarṇakaḥ / gopitaḥ sarvatantreṣu rahasyo'tyantadurlabhaḥ
Sanskrit only: no published translation is held for this verse.
रसाङ्कुशामन्त्रमहं वक्ष्यामि शृणु भैरवि । वाङ्माया भुवनेशी च रमा मकरकेतनः
rasāṅkuśāmantramahaṃ vakṣyāmi śṛṇu bhairavi / vāṅmāyā bhuvaneśī ca ramā makaraketanaḥ
Sanskrit only: no published translation is held for this verse.
रसाङ्कुशा चतुर्थ्यां च नमोऽन्तो द्वादशार्णकः । मन्त्रो रसाङ्कुशायाश्च तव देव्याः प्रकीर्तितः
rasāṅkuśā caturthyāṃ ca namo'nto dvādaśārṇakaḥ / mantro rasāṅkuśāyāśca tava devyāḥ prakīrtitaḥ
Sanskrit only: no published translation is held for this verse.
रसभैरवस्य छन्दो ऽनुष्ठुप् प्रकीर्तितः । नन्दिकेश ऋषिः प्रोक्तो देवः श्रीरसभैरवः
rasabhairavasya chando 'nuṣṭhup prakīrtitaḥ / nandikeśa ṛṣiḥ prokto devaḥ śrīrasabhairavaḥ
Sanskrit only: no published translation is held for this verse.
रं बीजं लं भवेत् कीलम् अन्त्यार्णः शक्तिरीरितः । रसांकुशायाः स्कन्दस्यार्द्रं बीजं कीलकं रसः
raṃ bījaṃ laṃ bhavet kīlam antyārṇaḥ śaktirīritaḥ / rasāṃkuśāyāḥ skandasyārdraṃ bījaṃ kīlakaṃ rasaḥ
Sanskrit only: no published translation is held for this verse.
नमः शक्तिरिति ख्यातं रहस्यं मन्त्रमुत्तमम् । <रसलिङ्गार्चना> रसलिङ्गार्चनं वक्ष्ये भैरवि शृणु तत्त्वतः
namaḥ śaktiriti khyātaṃ rahasyaṃ mantramuttamam / <rasaliṅgārcanā> rasaliṅgārcanaṃ vakṣye bhairavi śṛṇu tattvataḥ
Sanskrit only: no published translation is held for this verse.
वामपादं पुरस्कृत्य प्रविशेद्यागमन्दिरम् । आसने मृदुले स्थित्वा शुचिः संयतमानसः
vāmapādaṃ puraskṛtya praviśedyāgamandiram / āsane mṛdule sthitvā śuciḥ saṃyatamānasaḥ
Sanskrit only: no published translation is held for this verse.
प्राणानायम्य संकल्प्य श्रीगुरुं शिरसि स्थितम् । शुद्धस्फटिकसंकाशं प्रशान्तं वरदाभयम्
prāṇānāyamya saṃkalpya śrīguruṃ śirasi sthitam / śuddhasphaṭikasaṃkāśaṃ praśāntaṃ varadābhayam
Sanskrit only: no published translation is held for this verse.
स्मरेत्तन्नाम पूर्वं च तदनुज्ञामवाप्य च । दिवि स्थिताश्च ये भूता भूमिस्था विघ्नकारिणः
smarettannāma pūrvaṃ ca tadanujñāmavāpya ca / divi sthitāśca ye bhūtā bhūmisthā vighnakāriṇaḥ
Sanskrit only: no published translation is held for this verse.
पाताले ये महाभूताः ते नश्यन्तु शिवाज्ञया । अनेनैव च मन्त्रेण दिग्विदिक्ष्व् अक्षतान् क्षिपेत्
pātāle ye mahābhūtāḥ te naśyantu śivājñayā / anenaiva ca mantreṇa digvidikṣv akṣatān kṣipet
Sanskrit only: no published translation is held for this verse.
पुष्पमस्त्राय फडिति निक्षिपेद् अन्तरिक्षके । सर्वशत्रुप्रमथनी चेति दक्षिणपार्ष्णिकाम्
puṣpamastrāya phaḍiti nikṣiped antarikṣake / sarvaśatrupramathanī ceti dakṣiṇapārṣṇikām
Sanskrit only: no published translation is held for this verse.
त्रिवारं घातयेद्भूमौ प्राणायामो भवेत्पुनः । रसेन्द्रभद्रपीठस्य दक्षिणे चतुरश्रकम्
trivāraṃ ghātayedbhūmau prāṇāyāmo bhavetpunaḥ / rasendrabhadrapīṭhasya dakṣiṇe caturaśrakam
Sanskrit only: no published translation is held for this verse.
मण्डलं हस्तमात्रं च सार्धं कुर्यात्सुशोभनम् । त्रिकोणवृत्तषट्कोणचतुरश्रं भवेत्क्रमात्
maṇḍalaṃ hastamātraṃ ca sārdhaṃ kuryātsuśobhanam / trikoṇavṛttaṣaṭkoṇacaturaśraṃ bhavetkramāt
Sanskrit only: no published translation is held for this verse.
इन्द्रादिलोकपालांश्च तत्तन्नामपुरःसरम् । प्रणवादिनमोऽन्तैश्च पूजयेत्कुसुमाक्षतैः
indrādilokapālāṃśca tattannāmapuraḥsaram / praṇavādinamo'ntaiśca pūjayetkusumākṣataiḥ
Sanskrit only: no published translation is held for this verse.
वाङ्मायाकमलाबीजैर् हृदयादीन् प्रपूजयेत् । प्राच्यामवाच्यां क्रमशः प्रतीच्योत्तरयोः शिवे
vāṅmāyākamalābījair hṛdayādīn prapūjayet / prācyāmavācyāṃ kramaśaḥ pratīcyottarayoḥ śive
Sanskrit only: no published translation is held for this verse.
ईशानलासुरमरुत्कोणे नेत्रे प्रपूजयेत् । अस्त्रं सर्वासु काष्ठासु चतुर्थ्यन्तं फडन्तकम्
īśānalāsuramarutkoṇe netre prapūjayet / astraṃ sarvāsu kāṣṭhāsu caturthyantaṃ phaḍantakam
Sanskrit only: no published translation is held for this verse.
छोटिका दर्शयेदष्ट पश्चादाधारमाहरेत् । तत्रैवावाहयेदग्निमण्डलं बीजमूलकम्
choṭikā darśayedaṣṭa paścādādhāramāharet / tatraivāvāhayedagnimaṇḍalaṃ bījamūlakam
Sanskrit only: no published translation is held for this verse.
अग्नेर्दश कलास्तत्र या गन्धाक्षतैः क्रमात् । ततः पात्रं समादाय भावयेत्सूर्यमण्डलम्
agnerdaśa kalāstatra yā gandhākṣataiḥ kramāt / tataḥ pātraṃ samādāya bhāvayetsūryamaṇḍalam
Sanskrit only: no published translation is held for this verse.
मार्तण्डद्वादशकलास्तत्रार्च्याश्चन्दनाक्षतैः । गन्धोत्तमान्वितं तोयं पूरयेद् अर्घ्यपात्रकम्
mārtaṇḍadvādaśakalāstatrārcyāścandanākṣataiḥ / gandhottamānvitaṃ toyaṃ pūrayed arghyapātrakam
Sanskrit only: no published translation is held for this verse.
चिन्तयेदैन्दवं बिम्बं तास्तत्र पूजयेत् । मध्ये त्रिकोणमालिख्य शक्तिबीजं समुल्लिखेत्
cintayedaindavaṃ bimbaṃ tāstatra pūjayet / madhye trikoṇamālikhya śaktibījaṃ samullikhet
Sanskrit only: no published translation is held for this verse.
तत्र क्षिपेत् गन्धपुष्पं मूलमन्त्रं त्रिधा जपेत् । पूर्वादिदिक्षु चतसृषु चतुःपात्राणि धारयेत्
tatra kṣipet gandhapuṣpaṃ mūlamantraṃ tridhā japet / pūrvādidikṣu catasṛṣu catuḥpātrāṇi dhārayet
Sanskrit only: no published translation is held for this verse.
पूरयेत्पूर्ववत्तानि गन्धपुष्पाक्षतैर्यजेत् । प्रोक्षयेन्मूलमन्त्रेण मध्यपात्रोदकेन च
pūrayetpūrvavattāni gandhapuṣpākṣatairyajet / prokṣayenmūlamantreṇa madhyapātrodakena ca
Sanskrit only: no published translation is held for this verse.
पात्राणि निजगात्राणि पूजाद्रव्याणि सर्वतः । स्वागतश्चतुरश्रं च मण्डलं परिकल्पयेत्
pātrāṇi nijagātrāṇi pūjādravyāṇi sarvataḥ / svāgataścaturaśraṃ ca maṇḍalaṃ parikalpayet
Sanskrit only: no published translation is held for this verse.
पूर्ववत्पञ्चपात्राणि पूरयेच्छुद्धवारिणा । निक्षिपेन्मध्यगे सूतं रत्नं दक्षिणके क्षिपेत्
pūrvavatpañcapātrāṇi pūrayecchuddhavāriṇā / nikṣipenmadhyage sūtaṃ ratnaṃ dakṣiṇake kṣipet
Sanskrit only: no published translation is held for this verse.
स्वर्णं तद्वामपात्रे च तत्समीपे कुशं न्यसेत् । रत्नपात्रसमीपस्थे पात्रे स्यादष्टगन्धकम्
svarṇaṃ tadvāmapātre ca tatsamīpe kuśaṃ nyaset / ratnapātrasamīpasthe pātre syādaṣṭagandhakam
Sanskrit only: no published translation is held for this verse.
प्रतिपात्रे त्रिकोणं च लिखेन्मायासमन्वितम् । न्यसेद्गन्धाक्षतं पुष्पं त्रिधा मूलेन मन्त्रयेत्
pratipātre trikoṇaṃ ca likhenmāyāsamanvitam / nyasedgandhākṣataṃ puṣpaṃ tridhā mūlena mantrayet
Sanskrit only: no published translation is held for this verse.
सप्तधा रसपात्रं च मूलमन्त्रेण मन्त्रयेत् । रसपात्रोदकेनैव पूजाद्रव्याणि चात्मनः
saptadhā rasapātraṃ ca mūlamantreṇa mantrayet / rasapātrodakenaiva pūjādravyāṇi cātmanaḥ
Sanskrit only: no published translation is held for this verse.
शरीरमुत्तमाङ्गं च प्रोक्षयेत्पीठदीपकम् । आसनस्य ऋषिर्मेरुः सुतलं छन्द ईरितम्
śarīramuttamāṅgaṃ ca prokṣayetpīṭhadīpakam / āsanasya ṛṣirmeruḥ sutalaṃ chanda īritam
Sanskrit only: no published translation is held for this verse.
कूर्मरूपी तु भगवान् देवता परिकीर्तिता । पृथ्वि त्वया धृता लोका देवि त्वं विष्णुना धृता । त्वं च धारय मां देवि पवित्रं कुरु चासनम् । अनेनैव तु मन्त्रेण चासने कुसुमं क्षिपेत्
kūrmarūpī tu bhagavān devatā parikīrtitā / pṛthvi tvayā dhṛtā lokā devi tvaṃ viṣṇunā dhṛtā / tvaṃ ca dhāraya māṃ devi pavitraṃ kuru cāsanam / anenaiva tu mantreṇa cāsane kusumaṃ kṣipet
Sanskrit only: no published translation is held for this verse.
<भूतशुद्धिः> भूतशुद्धिं प्रवक्ष्यामि पृथ्वी पीता सवज्रका । कठिना लंबीजयुता जान्वन्ताङ्गुष्ठमूलतः
<bhūtaśuddhiḥ> bhūtaśuddhiṃ pravakṣyāmi pṛthvī pītā savajrakā / kaṭhinā laṃbījayutā jānvantāṅguṣṭhamūlataḥ
Sanskrit only: no published translation is held for this verse.
ध्येया जान्वादिकट्यन्तम् उपर्यस्यार्धचन्द्रका । शुभ्रा वं बीजसहिता विचिन्त्या द्रवरूपिका
dhyeyā jānvādikaṭyantam uparyasyārdhacandrakā / śubhrā vaṃ bījasahitā vicintyā dravarūpikā
Sanskrit only: no published translation is held for this verse.
कट्यादि हृदयान्तं च बहिर्ध्येयस्त्रिकोणगः । रं बीजं रक्तवर्णश्च स्वस्तिकेन विभूषितः
kaṭyādi hṛdayāntaṃ ca bahirdhyeyastrikoṇagaḥ / raṃ bījaṃ raktavarṇaśca svastikena vibhūṣitaḥ
Sanskrit only: no published translation is held for this verse.
हृदादिकण्ठपर्यन्तं वायुः स्मर्यो ऽञ्जनप्रभः । यंबीजसहितो देवि षड्बिन्दुपरिभूषितः
hṛdādikaṇṭhaparyantaṃ vāyuḥ smaryo 'ñjanaprabhaḥ / yaṃbījasahito devi ṣaḍbinduparibhūṣitaḥ
Sanskrit only: no published translation is held for this verse.
षट्कोणः कर्णदेशाच्च ब्रह्मरन्ध्रान्तमीश्वरि । वर्तुलं हंबीजयुतं महाकृष्णं वियत्स्मरेत्
ṣaṭkoṇaḥ karṇadeśācca brahmarandhrāntamīśvari / vartulaṃ haṃbījayutaṃ mahākṛṣṇaṃ viyatsmaret
Sanskrit only: no published translation is held for this verse.
पृथिवीम् अप्सु च तास्त्वग्नौ स च वायौ स सोऽम्बरे । मेलयित्वा द्वादशान्ते स्थापयेत्परमेश्वरि
pṛthivīm apsu ca tāstvagnau sa ca vāyau sa so'mbare / melayitvā dvādaśānte sthāpayetparameśvari
Sanskrit only: no published translation is held for this verse.
यंबीजेनात्मनो देहं मूलाधाराद्विशोषयेत् । षडाधाराणि निर्भिद्य यावत् ब्रह्मबिलं प्रिये
yaṃbījenātmano dehaṃ mūlādhārādviśoṣayet / ṣaḍādhārāṇi nirbhidya yāvat brahmabilaṃ priye
Sanskrit only: no published translation is held for this verse.
रं बीजेन दहेद्देहं सर्वमाप्लावयेत्ततः । वंबीजेन द्रवीभूतं ब्रह्मरन्ध्रेन्दुमण्डलात्
raṃ bījena daheddehaṃ sarvamāplāvayettataḥ / vaṃbījena dravībhūtaṃ brahmarandhrendumaṇḍalāt
Sanskrit only: no published translation is held for this verse.
स्यन्दमानामृतेनैव तनुमाप्लावयेच्छिवे । आकाशाद्वायुमादद्यात्तस्माद्वह्निं समाहरेत्
syandamānāmṛtenaiva tanumāplāvayecchive / ākāśādvāyumādadyāttasmādvahniṃ samāharet
Sanskrit only: no published translation is held for this verse.
वह्नेरापः समादेयास्ताभ्यो भूमिं समाहरेत् । एवं पञ्च च भूतानि स्वस्वस्थाने नियोजयेत्
vahnerāpaḥ samādeyāstābhyo bhūmiṃ samāharet / evaṃ pañca ca bhūtāni svasvasthāne niyojayet
Sanskrit only: no published translation is held for this verse.
वामकुक्षिस्थितं पापपुरुषं कृष्णरूपिणम् । ध्यायेत्तं निर्गतं देवि खड्गचर्मधरं परम्
vāmakukṣisthitaṃ pāpapuruṣaṃ kṛṣṇarūpiṇam / dhyāyettaṃ nirgataṃ devi khaḍgacarmadharaṃ param
Sanskrit only: no published translation is held for this verse.
न्यासं रसाङ्कुशेनैव कृत्वाङ्गुलिहृदादिषु । ऐं ह्रीं श्रीं क्ष्मौं क्ष्मं ह्रां ह्रीं ह्रूं ह्रैं ह्रौं ह्रः फट् रसेश्वराय महाकालभैरवाय शिखायै वषट् । रौद्ररूपाय कृष्णपिङ्गललोचनाय अवतर २ अवतारय २ जल्प २ जल्पय २ शुभाशुभं कथय २ कथापय २ मम महारक्षां कुरु कुरु कारय २ मम रससिद्धिं देहि देहि १८८८ । महाकालभैरवाय हृदयाय नमः । पूर्ववन्महाबलभैरवाय शिरसे स्वाहा । पूर्ववत् अघोरभैरवाय शिखायै वषट् । पूर्ववत् वज्रवीरभैरवाय कवचाय हुं । पूर्ववत् क्रोधभैरवाय नेत्रत्रयाय वौषट् । पूर्ववत् कालभैरवाय अस्त्राय फट् । एवमङ्गुलिन्यासः । प्रतिबीजैः समुच्चार्य चतुर्थं रसांकुशम्
nyāsaṃ rasāṅkuśenaiva kṛtvāṅgulihṛdādiṣu / aiṃ hrīṃ śrīṃ kṣmauṃ kṣmaṃ hrāṃ hrīṃ hrūṃ hraiṃ hrauṃ hraḥ phaṭ raseśvarāya mahākālabhairavāya śikhāyai vaṣaṭ / raudrarūpāya kṛṣṇapiṅgalalocanāya avatara 2 avatāraya 2 jalpa 2 jalpaya 2 śubhāśubhaṃ kathaya 2 kathāpaya 2 mama mahārakṣāṃ kuru kuru kāraya 2 mama rasasiddhiṃ dehi dehi 1888 / mahākālabhairavāya hṛdayāya namaḥ / pūrvavanmahābalabhairavāya śirase svāhā / pūrvavat aghorabhairavāya śikhāyai vaṣaṭ / pūrvavat vajravīrabhairavāya kavacāya huṃ / pūrvavat krodhabhairavāya netratrayāya vauṣaṭ / pūrvavat kālabhairavāya astrāya phaṭ / evamaṅgulinyāsaḥ / pratibījaiḥ samuccārya caturthaṃ rasāṃkuśam
Sanskrit only: no published translation is held for this verse.
हृदादिपञ्चस्थानेषु विन्यसेद्बीजपञ्चकम् । ततश्चास्त्राय फडिति चोटिकां दिक्षु दर्शयेत्
hṛdādipañcasthāneṣu vinyasedbījapañcakam / tataścāstrāya phaḍiti coṭikāṃ dikṣu darśayet
Sanskrit only: no published translation is held for this verse.
मातृकां च कलान्यासं पाज्योन्यासं च कोलकम् । प्रकुर्वीत ततो देवि चान्तर्यजनम् आचरेत्
mātṛkāṃ ca kalānyāsaṃ pājyonyāsaṃ ca kolakam / prakurvīta tato devi cāntaryajanam ācaret
Sanskrit only: no published translation is held for this verse.
कुम्भकेन हृदम्भोजे सम्फुल्लं विदधाति हि । हृत्पद्मकर्णिकायां च रसमूर्तिं च चिन्तयेत्
kumbhakena hṛdambhoje samphullaṃ vidadhāti hi / hṛtpadmakarṇikāyāṃ ca rasamūrtiṃ ca cintayet
Sanskrit only: no published translation is held for this verse.
मानसैर्गन्धपुष्पाद्यैरुपचारैः प्रपूजयेत् । स्वदेहं गन्धपुष्पाद्यैर् अलंकुर्याद् यथासुखम्
mānasairgandhapuṣpādyairupacāraiḥ prapūjayet / svadehaṃ gandhapuṣpādyair alaṃkuryād yathāsukham
Sanskrit only: no published translation is held for this verse.
अन्तर्यजनमेवं स्याद् बहिर्यजनम् आचरेत् । अस्त्रेण लिङ्गं सम्प्रोक्ष्य लिङ्गशुद्धिं विधाय च
antaryajanamevaṃ syād bahiryajanam ācaret / astreṇa liṅgaṃ samprokṣya liṅgaśuddhiṃ vidhāya ca
Sanskrit only: no published translation is held for this verse.
वस्त्रेन तोयेन पूरितां वर्धनीं प्रिये । दक्षपार्श्वे संनिवेश्य पूजयेत्तां विधानतः
vastrena toyena pūritāṃ vardhanīṃ priye / dakṣapārśve saṃniveśya pūjayettāṃ vidhānataḥ
Sanskrit only: no published translation is held for this verse.
पीठे सिन्दूररजसा विदध्याच्चतुरश्रकम् । षट्कोणं विलिखेत्तस्मिन् ऋजुं स्वर्णशलाकया
pīṭhe sindūrarajasā vidadhyāccaturaśrakam / ṣaṭkoṇaṃ vilikhettasmin ṛjuṃ svarṇaśalākayā
Sanskrit only: no published translation is held for this verse.
वसुपत्रं चाष्टपत्रं सचतुर्द्वारभूगृहम् । चतुरश्रं बहिर्भागे दिक्पालान्पूजयेत्प्रिये
vasupatraṃ cāṣṭapatraṃ sacaturdvārabhūgṛham / caturaśraṃ bahirbhāge dikpālānpūjayetpriye
Sanskrit only: no published translation is held for this verse.
नन्दिनं च महाकालं भृङ्गिं रिटिं महाबलम् । कुम्भकर्णं च सुग्रीवं भृङ्गकं च दृढायुधम्
nandinaṃ ca mahākālaṃ bhṛṅgiṃ riṭiṃ mahābalam / kumbhakarṇaṃ ca sugrīvaṃ bhṛṅgakaṃ ca dṛḍhāyudham
Sanskrit only: no published translation is held for this verse.
चतुर्द्वारे तु विन्यस्य द्वौ द्वौ प्रागादिपूजितौ । रुक्मं रौप्यं ताम्रसीसं वङ्गकान्तशठं ह्ययः
caturdvāre tu vinyasya dvau dvau prāgādipūjitau / rukmaṃ raupyaṃ tāmrasīsaṃ vaṅgakāntaśaṭhaṃ hyayaḥ
Sanskrit only: no published translation is held for this verse.
प्रागादिद्वार्षु सम्पूज्य क्रमाद्द्वे द्वे महेश्वरि । भूगृहाभ्यन्तरे प्राच्यां शुक्रमग्नौ ग्रहं यजेत्
prāgādidvārṣu sampūjya kramāddve dve maheśvari / bhūgṛhābhyantare prācyāṃ śukramagnau grahaṃ yajet
Sanskrit only: no published translation is held for this verse.
दक्षिणस्यां यजेद्रुद्रमासुरे च समीरणम् । पश्चिमस्यां शिवं वह्निं वायव्याम् उत्तरे ह्युमाम्
dakṣiṇasyāṃ yajedrudramāsure ca samīraṇam / paścimasyāṃ śivaṃ vahniṃ vāyavyām uttare hyumām
Sanskrit only: no published translation is held for this verse.
यजेत्पावकमैशान्यां ततश्चाष्टदलाग्रके । प्रागादौ गन्धकं तालं कासीसं च मनःशिलाम्
yajetpāvakamaiśānyāṃ tataścāṣṭadalāgrake / prāgādau gandhakaṃ tālaṃ kāsīsaṃ ca manaḥśilām
Sanskrit only: no published translation is held for this verse.