ग्राह्याग्राह्यं क्षुधा तृष्णा न किंचिद् इह विद्यते । स्वेच्छाहारविहारश्च सुखी संहृष्टमानसः
grāhyāgrāhyaṃ kṣudhā tṛṣṇā na kiṃcid iha vidyate / svecchāhāravihāraśca sukhī saṃhṛṣṭamānasaḥ
Sanskrit only: no published translation is held for this verse.
निर्ममः सर्वकार्येषु कलत्रादिषु बन्धुषु । एवमाचार्यवचनमङ्गीकृत्य च दीक्षितः
nirmamaḥ sarvakāryeṣu kalatrādiṣu bandhuṣu / evamācāryavacanamaṅgīkṛtya ca dīkṣitaḥ
Sanskrit only: no published translation is held for this verse.
अद्य प्रभृति वन्द्यस्त्वं मा कुरु प्रणतिं क्वचित् । मत्समानोऽसि सिद्धोऽसि जीवन्मुक्तोऽसि संप्रति
adya prabhṛti vandyastvaṃ mā kuru praṇatiṃ kvacit / matsamāno'si siddho'si jīvanmukto'si saṃprati
Sanskrit only: no published translation is held for this verse.
इत्युक्त्वाचार्यवर्योऽपि सिद्धमालिङ्ग्य च क्षणम् । सिद्धदीक्षेयमाख्याता शिवसायुज्यदायिनी
ityuktvācāryavaryo'pi siddhamāliṅgya ca kṣaṇam / siddhadīkṣeyamākhyātā śivasāyujyadāyinī
Sanskrit only: no published translation is held for this verse.
दुर्लभा सर्वतन्त्रेषु तव प्रीत्या प्रकाशिता । देवीत्थमेव मन्तव्यं दुर्लभं समयेषु च
durlabhā sarvatantreṣu tava prītyā prakāśitā / devītthameva mantavyaṃ durlabhaṃ samayeṣu ca
Sanskrit only: no published translation is held for this verse.