<विशेषजारणाक्रमः> श्रीभैरवी । सामान्यजारणा प्रोक्ता त्वया पूर्वं सदाशिव । विशेषजारणं ब्रूहि यथा जानाम्यहं प्रभो
<viśeṣajāraṇākramaḥ> śrībhairavī / sāmānyajāraṇā proktā tvayā pūrvaṃ sadāśiva / viśeṣajāraṇaṃ brūhi yathā jānāmyahaṃ prabho
Sanskrit only: no published translation is held for this verse.
श्रीभैरवः । शृणु देवि वक्ष्यामि भूचराख्यं तु जारणम् । <भूचरी जारणा> कृष्णं पीतं तथा रक्तं शुल्बे तीक्ष्णे च मेलयेत्
śrībhairavaḥ / śṛṇu devi vakṣyāmi bhūcarākhyaṃ tu jāraṇam / <bhūcarī jāraṇā> kṛṣṇaṃ pītaṃ tathā raktaṃ śulbe tīkṣṇe ca melayet
Sanskrit only: no published translation is held for this verse.
शुल्बं शुद्धं यदा जीर्णं द्वाविंशतिगुणं मते । गन्धनागं ततोऽर्धं तु क्रमेणैव तु मेलयेत्
śulbaṃ śuddhaṃ yadā jīrṇaṃ dvāviṃśatiguṇaṃ mate / gandhanāgaṃ tato'rdhaṃ tu krameṇaiva tu melayet
Sanskrit only: no published translation is held for this verse.
हेम्ना तु सह दातव्यं सूतकैकेन षोडश । गन्धनागं यदा जीर्णं तदा बद्धो भवेद् रसः
hemnā tu saha dātavyaṃ sūtakaikena ṣoḍaśa / gandhanāgaṃ yadā jīrṇaṃ tadā baddho bhaved rasaḥ
Sanskrit only: no published translation is held for this verse.
हेम्नि जीर्णे ततोऽर्धेन मृतलोहेन रञ्जयेत् । गन्धकेन हतं शुल्बं माक्षिकं दरदायसम्
hemni jīrṇe tato'rdhena mṛtalohena rañjayet / gandhakena hataṃ śulbaṃ mākṣikaṃ daradāyasam
Sanskrit only: no published translation is held for this verse.
पुटेन मारयेच्छुद्धं हेम दद्यात्तु षड्गुणम् । सूतके हेमबीजं च यदा जीर्णं चतुर्गुणम्
puṭena mārayecchuddhaṃ hema dadyāttu ṣaḍguṇam / sūtake hemabījaṃ ca yadā jīrṇaṃ caturguṇam
Sanskrit only: no published translation is held for this verse.
बद्धरागं विजानीयाद्धेमाभो जायते रसः । सारणायन्त्रमध्यस्थं तेनैव सह सारयेत्
baddharāgaṃ vijānīyāddhemābho jāyate rasaḥ / sāraṇāyantramadhyasthaṃ tenaiva saha sārayet
Sanskrit only: no published translation is held for this verse.
त्रिभागं सारितं कृत्वा पुनस्तत्रैव जारयेत् । जारितः सारितश्चैव पुनर्जारितसारितः
tribhāgaṃ sāritaṃ kṛtvā punastatraiva jārayet / jāritaḥ sāritaścaiva punarjāritasāritaḥ
Sanskrit only: no published translation is held for this verse.
सप्तशृङ्खलिकायोगात् कोटिवेधी भवेद्रसः । भूचरी जारणा प्रोक्ता खेचरीं जारणां शृणु
saptaśṛṅkhalikāyogāt koṭivedhī bhavedrasaḥ / bhūcarī jāraṇā proktā khecarīṃ jāraṇāṃ śṛṇu
Sanskrit only: no published translation is held for this verse.
<खेचरी जारणा> हीनरागानि रत्नानि रसोच्छिष्टानि कारयेत् । कटुतुंबस्य बीजानि तस्यार्धेन तु दापयेत्
<khecarī jāraṇā> hīnarāgāni ratnāni rasocchiṣṭāni kārayet / kaṭutuṃbasya bījāni tasyārdhena tu dāpayet
Sanskrit only: no published translation is held for this verse.
महाजारसमायुक्तं कल्कं कुर्याद् विचक्षणः । वज्रमूषामुखे चैव तन्मध्ये स्थापयेद् रसम्
mahājārasamāyuktaṃ kalkaṃ kuryād vicakṣaṇaḥ / vajramūṣāmukhe caiva tanmadhye sthāpayed rasam
Sanskrit only: no published translation is held for this verse.
कतकं कनकं चैवम् एकीकृत्य विमर्दयेत् । पद्मरागप्रलेपं तु रसे ग्रासं तु दापयेत्
katakaṃ kanakaṃ caivam ekīkṛtya vimardayet / padmarāgapralepaṃ tu rase grāsaṃ tu dāpayet
Sanskrit only: no published translation is held for this verse.
भक्षितव्यं प्रयत्नेन नत्वा च गुरुदेवयोः । सर्वसिद्धान् नमस्कृत्य देवताश्च विशेषतः
bhakṣitavyaṃ prayatnena natvā ca gurudevayoḥ / sarvasiddhān namaskṛtya devatāśca viśeṣataḥ
Sanskrit only: no published translation is held for this verse.
मूर्च्छाङ्गदाहश्च ततो जायते नात्र संशयः । आत्मानमुत्थितं पश्येद् दिव्यदेहो महाबलः
mūrcchāṅgadāhaśca tato jāyate nātra saṃśayaḥ / ātmānamutthitaṃ paśyed divyadeho mahābalaḥ
Sanskrit only: no published translation is held for this verse.
शङ्खकाहलनिर्घोषैः सिद्धविद्याधरैः सह । इच्छया विचरेल्लोकान् कामरूपी विमानगः
śaṅkhakāhalanirghoṣaiḥ siddhavidyādharaiḥ saha / icchayā vicarellokān kāmarūpī vimānagaḥ
Sanskrit only: no published translation is held for this verse.
देवा वै यत्र लीयन्ते सिद्धस्तत्रैव लीयते । <अन्यो जारणाप्रकारः> पुनरन्यं प्रवक्ष्यामि जारणायोगम् उत्तमम्
devā vai yatra līyante siddhastatraiva līyate / <anyo jāraṇāprakāraḥ> punaranyaṃ pravakṣyāmi jāraṇāyogam uttamam
Sanskrit only: no published translation is held for this verse.
सुघृष्टं पातितं सूतं सर्वदोषोज्झितं ततः । शाकपल्लवसारेण विष्णुक्रान्तारसेन च
sughṛṣṭaṃ pātitaṃ sūtaṃ sarvadoṣojjhitaṃ tataḥ / śākapallavasāreṇa viṣṇukrāntārasena ca
Sanskrit only: no published translation is held for this verse.
पालाशपुष्पतोयेन भावितं गन्धकं समम् । समं कृष्णाभ्रसत्वं च रसकं चाष्टकं गुणम्
pālāśapuṣpatoyena bhāvitaṃ gandhakaṃ samam / samaṃ kṛṣṇābhrasatvaṃ ca rasakaṃ cāṣṭakaṃ guṇam
Sanskrit only: no published translation is held for this verse.
तीक्ष्णशुल्बोरगं चैव कूर्मयन्त्रेण जारयेत् । काञ्चनं जारयेत् पश्चाद् बिडयोगेन पार्वति
tīkṣṇaśulboragaṃ caiva kūrmayantreṇa jārayet / kāñcanaṃ jārayet paścād biḍayogena pārvati
Sanskrit only: no published translation is held for this verse.
ततः सिद्धं विजानीयाद् द्वैधं शुल्वस्य दापयेत् । कर्मसंख्याप्रमाणेन नागो भवति काञ्चनम्
tataḥ siddhaṃ vijānīyād dvaidhaṃ śulvasya dāpayet / karmasaṃkhyāpramāṇena nāgo bhavati kāñcanam
Sanskrit only: no published translation is held for this verse.
अतः परं प्रवक्ष्यामि जारणाक्रमम् उत्तमम् । बीजचूर्णानि तैलेन भावयित्वा पुनः पुनः
ataḥ paraṃ pravakṣyāmi jāraṇākramam uttamam / bījacūrṇāni tailena bhāvayitvā punaḥ punaḥ
Sanskrit only: no published translation is held for this verse.
षोडशांशेन तं ग्रासमङ्गुल्या मर्दयेच्छनैः । आर्द्रकादि ततो योगाद् दातव्यं षोडशांशतः
ṣoḍaśāṃśena taṃ grāsamaṅgulyā mardayecchanaiḥ / ārdrakādi tato yogād dātavyaṃ ṣoḍaśāṃśataḥ
Sanskrit only: no published translation is held for this verse.
भूर्जे दत्त्वा ततो देयं डोलायन्त्रे विनिक्षिपेत् । अहोरात्रेण तद्बीजं सूतको ग्रसति प्रिये
bhūrje dattvā tato deyaṃ ḍolāyantre vinikṣipet / ahorātreṇa tadbījaṃ sūtako grasati priye
Sanskrit only: no published translation is held for this verse.
समुद्धृत्य रसं देवि खल्वे संमर्दयेत् ततः । ततो यन्त्रे विनिक्षिप्य दिवारात्रं दृढाग्निना
samuddhṛtya rasaṃ devi khalve saṃmardayet tataḥ / tato yantre vinikṣipya divārātraṃ dṛḍhāgninā
Sanskrit only: no published translation is held for this verse.
तप्तं समुद्धृतं यन्त्रात् तप्तखल्वे विमर्दयेत् । मर्दयित्वार्द्रके पिण्डे क्षिप्त्वाथ त्रिपुटं दहेत्
taptaṃ samuddhṛtaṃ yantrāt taptakhalve vimardayet / mardayitvārdrake piṇḍe kṣiptvātha tripuṭaṃ dahet
Sanskrit only: no published translation is held for this verse.
ततो गर्भे पतत्याशु जरते तत्सुखेन तु । डोलायन्त्रे ततो दद्याद् आर्द्रपिण्डेन संयुतम्
tato garbhe patatyāśu jarate tatsukhena tu / ḍolāyantre tato dadyād ārdrapiṇḍena saṃyutam
Sanskrit only: no published translation is held for this verse.
तृतीयदिवसे सूतो जरते ग्रसते ततः । समजीर्णं ततो यावत् डोलायन्त्रे विचक्षणः
tṛtīyadivase sūto jarate grasate tataḥ / samajīrṇaṃ tato yāvat ḍolāyantre vicakṣaṇaḥ
Sanskrit only: no published translation is held for this verse.
पश्चात्कच्छपयन्त्रेण समजीर्णं तु पार्वति । ताम्रांशद्वादशांशेन कच्छपेन तु जारयेत्
paścātkacchapayantreṇa samajīrṇaṃ tu pārvati / tāmrāṃśadvādaśāṃśena kacchapena tu jārayet
Sanskrit only: no published translation is held for this verse.
प्राग्वद् आर्द्रकयोगं च गर्भद्रावणम् एव च । पश्चात् तं देवि निक्षिप्य पुटं दद्याद् विचक्षणः
prāgvad ārdrakayogaṃ ca garbhadrāvaṇam eva ca / paścāt taṃ devi nikṣipya puṭaṃ dadyād vicakṣaṇaḥ
Sanskrit only: no published translation is held for this verse.
अष्टांशेन ततो ग्रासं गर्भद्रावं च पूर्ववत् । कन्दोदरे सूरणस्य तं विनिक्षिप्य सूतकम्
aṣṭāṃśena tato grāsaṃ garbhadrāvaṃ ca pūrvavat / kandodare sūraṇasya taṃ vinikṣipya sūtakam
Sanskrit only: no published translation is held for this verse.
पुटयेद्वार्तिकस्तावत् यावत् कन्दो न दह्यते । पादांशेन तु मूषायां ग्रासः सूते विधीयते
puṭayedvārtikastāvat yāvat kando na dahyate / pādāṃśena tu mūṣāyāṃ grāsaḥ sūte vidhīyate
Sanskrit only: no published translation is held for this verse.
पूर्ववच्च बिडं दद्याद्गर्भद्रावणमेव च । एवं चतुर्गुणे जीर्णे सूतको बलवान् भवेत्
pūrvavacca biḍaṃ dadyādgarbhadrāvaṇameva ca / evaṃ caturguṇe jīrṇe sūtako balavān bhavet
Sanskrit only: no published translation is held for this verse.
ततः शलाकया ग्रासमग्निस्थो ग्रसते रसः । ततो रत्नानि जार्याणि वक्ष्यमाणक्रमेण तु
tataḥ śalākayā grāsamagnistho grasate rasaḥ / tato ratnāni jāryāṇi vakṣyamāṇakrameṇa tu
Sanskrit only: no published translation is held for this verse.
अभ्रकं भ्रामकं चैव शङ्खनाभिं तथैव च । रसानुपरसान्दत्त्वा महाजारसमन्वितम्
abhrakaṃ bhrāmakaṃ caiva śaṅkhanābhiṃ tathaiva ca / rasānuparasāndattvā mahājārasamanvitam
Sanskrit only: no published translation is held for this verse.
वज्रकन्दलतां ब्राह्मीमेषशृङ्ग्यमृतायसम् । कटुतुम्बस्य बीजानि मृतलोहानि पाचयेत्
vajrakandalatāṃ brāhmīmeṣaśṛṅgyamṛtāyasam / kaṭutumbasya bījāni mṛtalohāni pācayet
Sanskrit only: no published translation is held for this verse.
सर्वाणि समभागानि शिखिशोणितमर्दितम् । तावत्तं मर्दयेत्प्राज्ञो यावत्कर्म दृढं भवेत्
sarvāṇi samabhāgāni śikhiśoṇitamarditam / tāvattaṃ mardayetprājño yāvatkarma dṛḍhaṃ bhavet
Sanskrit only: no published translation is held for this verse.
मूषा मल्लाकृतिश्चैव कर्तव्याच्छादनैः सह । तन्मध्ये स्थापयेत्सूतमधोवातेन धामयेत्
mūṣā mallākṛtiścaiva kartavyācchādanaiḥ saha / tanmadhye sthāpayetsūtamadhovātena dhāmayet
Sanskrit only: no published translation is held for this verse.
आदौ तावत्प्रकर्तव्यं वज्रमौषधलेपितम् । गृह्यते नात्र सन्देहो यथा तीव्रहुताशने
ādau tāvatprakartavyaṃ vajramauṣadhalepitam / gṛhyate nātra sandeho yathā tīvrahutāśane
Sanskrit only: no published translation is held for this verse.
कुलिशादि भवेद् दग्धं करीषा तेन मर्दयेत् । यावदेकादशगुणं कुलिशं जारयेद्बुधः
kuliśādi bhaved dagdhaṃ karīṣā tena mardayet / yāvadekādaśaguṇaṃ kuliśaṃ jārayedbudhaḥ
Sanskrit only: no published translation is held for this verse.
संदग्धा शङ्खनाभिश्च मातुलुङ्गरसप्लुता । मुक्ताफलं ततो देयं वज्रजीर्णे तु सूतके
saṃdagdhā śaṅkhanābhiśca mātuluṅgarasaplutā / muktāphalaṃ tato deyaṃ vajrajīrṇe tu sūtake
Sanskrit only: no published translation is held for this verse.
अनेन क्रमयोगेन ह्येकादशगुणं भवेत् । केवलं शिखिपित्तं च नीलीनिर्यासमिश्रितम्
anena kramayogena hyekādaśaguṇaṃ bhavet / kevalaṃ śikhipittaṃ ca nīlīniryāsamiśritam
Sanskrit only: no published translation is held for this verse.
नीलोत्पलानि लिप्तानि निक्षिप्तानि तु सूतके । रसः पिबेन्महारागान् हीनरागान् परित्यजेत्
nīlotpalāni liptāni nikṣiptāni tu sūtake / rasaḥ pibenmahārāgān hīnarāgān parityajet
Sanskrit only: no published translation is held for this verse.
रत्नानि शिखिपित्तं च महारत्नसमन्वितम् । सद्रत्नं लेपयेत् तेन प्रक्षिपेद् रसमध्यतः
ratnāni śikhipittaṃ ca mahāratnasamanvitam / sadratnaṃ lepayet tena prakṣiped rasamadhyataḥ
Sanskrit only: no published translation is held for this verse.
रजनी चैव कङ्कुष्ठं ब्रह्मनिर्यासभावितम् । जारणं पुष्परागस्य तेनैव सह दापयेत्
rajanī caiva kaṅkuṣṭhaṃ brahmaniryāsabhāvitam / jāraṇaṃ puṣparāgasya tenaiva saha dāpayet
Sanskrit only: no published translation is held for this verse.
बहुरत्नेषु जीर्णेषु भृङ्गराजेषु सुव्रते । रसेन्द्रो दृश्यतां देवि नीलपीतारुणच्छविः
bahuratneṣu jīrṇeṣu bhṛṅgarājeṣu suvrate / rasendro dṛśyatāṃ devi nīlapītāruṇacchaviḥ
Sanskrit only: no published translation is held for this verse.
<धूमवेधीरसः> शुद्धानि हेमपत्राणि शतांशेनानुलेपयेत् । पुटेन मारयेदेतदिन्द्रगोपनिभं भवेत्
<dhūmavedhīrasaḥ> śuddhāni hemapatrāṇi śatāṃśenānulepayet / puṭena mārayedetadindragopanibhaṃ bhavet
Sanskrit only: no published translation is held for this verse.
संस्पर्शाद् वेधयेत् सर्वम् इदं हेम मृतं प्रिये । त्रिभागं सूतकेन्द्रस्य तेनेव सह कारयेत्
saṃsparśād vedhayet sarvam idaṃ hema mṛtaṃ priye / tribhāgaṃ sūtakendrasya teneva saha kārayet
Sanskrit only: no published translation is held for this verse.
मूषामध्ये स्थिते तस्मिन् पुनस्तेनैव जारयेत् । धूमवेधी भवेद्देवि पुनः पुनः प्रसारितः
mūṣāmadhye sthite tasmin punastenaiva jārayet / dhūmavedhī bhaveddevi punaḥ punaḥ prasāritaḥ
Sanskrit only: no published translation is held for this verse.
अनेन क्रमयोगेन यदि जीर्णा त्रिशृङ्खला । वेधयेन्नात्र सन्देहो गिरिपाषाणभूतलम्
anena kramayogena yadi jīrṇā triśṛṅkhalā / vedhayennātra sandeho giripāṣāṇabhūtalam
Sanskrit only: no published translation is held for this verse.
पार्श्वे ज्योतिः प्रदृश्येत ऊर्ध्वं दृश्येत तेन वै । भूचरं तं विजानीयाद् रसेन्द्रं नात्र संशयः
pārśve jyotiḥ pradṛśyeta ūrdhvaṃ dṛśyeta tena vai / bhūcaraṃ taṃ vijānīyād rasendraṃ nātra saṃśayaḥ
Sanskrit only: no published translation is held for this verse.
तेनाश्रान्तगतिर् देवि योजनानां शतं व्रजेत् । दिव्यतेजा महाकायो दिव्यदृष्टिर् महाबलः
tenāśrāntagatir devi yojanānāṃ śataṃ vrajet / divyatejā mahākāyo divyadṛṣṭir mahābalaḥ
Sanskrit only: no published translation is held for this verse.
सर्वरोगविनिर्मुक्तो जीवेच्चन्द्रार्कतारकम् । तस्य मूत्रपुरीषं तु सर्वलोहानि विध्यति
sarvarogavinirmukto jīveccandrārkatārakam / tasya mūtrapurīṣaṃ tu sarvalohāni vidhyati
Sanskrit only: no published translation is held for this verse.
<अन्ये वेधप्रकाराः> समजीर्णेन वज्रेण हेम्ना च सहितेन च । अग्निस्थो जारयेल्लोहान् बन्धम् आयाति सूतकः
<anye vedhaprakārāḥ> samajīrṇena vajreṇa hemnā ca sahitena ca / agnistho jārayellohān bandham āyāti sūtakaḥ
Sanskrit only: no published translation is held for this verse.
सारयेत्तेन बीजेन सहस्रमपि वेधयेत् । सारितं जारयेत्पश्चात् लेप्यं क्षेप्यं सहस्रतः
sārayettena bījena sahasramapi vedhayet / sāritaṃ jārayetpaścāt lepyaṃ kṣepyaṃ sahasrataḥ
Sanskrit only: no published translation is held for this verse.
सारयेत्तेन बीजेन लक्षवेधम् अवाप्नुयात् । अनेन क्रमयोगेन कोटिवेधी भवेद्रसः
sārayettena bījena lakṣavedham avāpnuyāt / anena kramayogena koṭivedhī bhavedrasaḥ
Sanskrit only: no published translation is held for this verse.
केवलं तु यदा वज्रं समजीर्णं तु कारयेत् । बद्धः सूतस्तदा ज्ञेयो निष्कम्पो निरुपद्रवः
kevalaṃ tu yadā vajraṃ samajīrṇaṃ tu kārayet / baddhaḥ sūtastadā jñeyo niṣkampo nirupadravaḥ
Sanskrit only: no published translation is held for this verse.
अग्निस्थो जायते सूतः शलाकां ग्रसते क्षणात् । हठाग्निना धाम्यमानो ग्रसते सर्वमादरात्
agnistho jāyate sūtaḥ śalākāṃ grasate kṣaṇāt / haṭhāgninā dhāmyamāno grasate sarvamādarāt
Sanskrit only: no published translation is held for this verse.
ग्रसते जरते सूतम् आयुर्द्रव्यप्रदायकः । मूषास्थं धमयेत् सूतं हठाग्नौ नैव कम्पयेत्
grasate jarate sūtam āyurdravyapradāyakaḥ / mūṣāsthaṃ dhamayet sūtaṃ haṭhāgnau naiva kampayet
Sanskrit only: no published translation is held for this verse.
जारयेत् सर्वरत्नानि बद्धः खेचरतां नयेत् । अष्टलोहे ऽष्टगुणिते जीर्णे स्याद्रसबन्धनम्
jārayet sarvaratnāni baddhaḥ khecaratāṃ nayet / aṣṭalohe 'ṣṭaguṇite jīrṇe syādrasabandhanam
Sanskrit only: no published translation is held for this verse.
लोहानि सर्वांस्त्रिगुणं त्रिगुणं कनकं तथा । धूमावलोके वेधी स्यात् भवेन्निर्वाणदोऽम्बरः
lohāni sarvāṃstriguṇaṃ triguṇaṃ kanakaṃ tathā / dhūmāvaloke vedhī syāt bhavennirvāṇado'mbaraḥ
Sanskrit only: no published translation is held for this verse.
आदावष्टगुणं जार्यं व्योमसत्त्वं महारसे । समं हेमदशांशेन वज्ररत्नानि जारयेत्
ādāvaṣṭaguṇaṃ jāryaṃ vyomasattvaṃ mahārase / samaṃ hemadaśāṃśena vajraratnāni jārayet
Sanskrit only: no published translation is held for this verse.
समं च जारयेद् वज्रं तदासौ खेचरो रसः । क्रमे प्रदक्षिणावर्तः कोटिवेधी च जायते
samaṃ ca jārayed vajraṃ tadāsau khecaro rasaḥ / krame pradakṣiṇāvartaḥ koṭivedhī ca jāyate
Sanskrit only: no published translation is held for this verse.
<जीर्णद्रव्यमानभेदाद्वेधे विशेषः> समे तु पन्नगे जीर्णे दशवेधी भवेद्रसः । द्विगुणे शतवेधी स्यात् सहस्रं त्रिगुणे भवेत्
<jīrṇadravyamānabhedādvedhe viśeṣaḥ> same tu pannage jīrṇe daśavedhī bhavedrasaḥ / dviguṇe śatavedhī syāt sahasraṃ triguṇe bhavet
Sanskrit only: no published translation is held for this verse.
चतुर्गुणेऽयुतं देवि क्रमेणानेन वर्धयेत् । उत्तरोत्तरवृद्ध्या तु जारयेत् तत्र पन्नगम्
caturguṇe'yutaṃ devi krameṇānena vardhayet / uttarottaravṛddhyā tu jārayet tatra pannagam
Sanskrit only: no published translation is held for this verse.
कुटिलं पन्नगं जार्यं नवसंख्याक्रमेण तु । दत्त्वा क्रमेण देवेशि कोटिवेधी भवेद्रसः
kuṭilaṃ pannagaṃ jāryaṃ navasaṃkhyākrameṇa tu / dattvā krameṇa deveśi koṭivedhī bhavedrasaḥ
Sanskrit only: no published translation is held for this verse.
गन्धकादिमपाषाणे षड्गुणे जीर्णतां गते । रोगहर्ता रसः स्यात्तु समुखे तवदा भवेत्
gandhakādimapāṣāṇe ṣaḍguṇe jīrṇatāṃ gate / rogahartā rasaḥ syāttu samukhe tavadā bhavet
Sanskrit only: no published translation is held for this verse.
तस्मिन् शतगुणे जीर्णे रुग्जरामृत्युहा भवेत् । अभ्रकादिमपाषाणसत्त्वान्यात्मसमं ग्रसन्
tasmin śataguṇe jīrṇe rugjarāmṛtyuhā bhavet / abhrakādimapāṣāṇasattvānyātmasamaṃ grasan
Sanskrit only: no published translation is held for this verse.
रुग्जरा मरणं जित्वा शतवेधी रसो भवेत् । शतायुर्द्विगुणे जीर्णे सूतः साहस्रवेधकः
rugjarā maraṇaṃ jitvā śatavedhī raso bhavet / śatāyurdviguṇe jīrṇe sūtaḥ sāhasravedhakaḥ
Sanskrit only: no published translation is held for this verse.
चतुर्गुणे सहस्रायुः पारदो ऽयुतवेधकः । रसश्चाष्टगुणे जीर्णे लक्षायुर् लक्षवेधकः
caturguṇe sahasrāyuḥ pārado 'yutavedhakaḥ / rasaścāṣṭaguṇe jīrṇe lakṣāyur lakṣavedhakaḥ
Sanskrit only: no published translation is held for this verse.
ब्रह्मायुः षोडशगुणे कोटिवेधी भवेद् रसः । द्वात्रिंशद्गुणिते जीर्णे खेचरत्वादिसिद्धिदः
brahmāyuḥ ṣoḍaśaguṇe koṭivedhī bhaved rasaḥ / dvātriṃśadguṇite jīrṇe khecaratvādisiddhidaḥ
Sanskrit only: no published translation is held for this verse.
विष्णोर् आयुर्बलं दत्ते पारदः स्पर्शवेधकः । चतुःषष्टिगुणे जीर्णे शिवायुः शब्दवेधकः
viṣṇor āyurbalaṃ datte pāradaḥ sparśavedhakaḥ / catuḥṣaṣṭiguṇe jīrṇe śivāyuḥ śabdavedhakaḥ
Sanskrit only: no published translation is held for this verse.
<षड्गुणाभ्रकजारणेन सर्वदोषनाशः> रसस्य सर्वदोषास्तु षड्गुणेनाभ्रकेण तु । जीर्णेन नाशम् आयान्ति नात्र कार्या विचारणा
<ṣaḍguṇābhrakajāraṇena sarvadoṣanāśaḥ> rasasya sarvadoṣāstu ṣaḍguṇenābhrakeṇa tu / jīrṇena nāśam āyānti nātra kāryā vicāraṇā
Sanskrit only: no published translation is held for this verse.
तदा ग्रसति लोहानि त्यजेच्च गतिम् आत्मनः । <पञ्चावस्था> धूमश्चिटिचिटिश्चैव मण्डूकप्लुतिरेव च
tadā grasati lohāni tyajecca gatim ātmanaḥ / <pañcāvasthā> dhūmaściṭiciṭiścaiva maṇḍūkaplutireva ca
Sanskrit only: no published translation is held for this verse.
सकम्पश्च विकम्पश्च पञ्चावस्था रसस्य तु । समजीर्णो भवेद्बालो यौवनस्थश्चतुर्गुणः
sakampaśca vikampaśca pañcāvasthā rasasya tu / samajīrṇo bhavedbālo yauvanasthaścaturguṇaḥ
Sanskrit only: no published translation is held for this verse.
वृद्धः षड्गुणजीर्णस्तु सर्वकर्मकरः शुभः । <जारणे क्रमः> गन्धकं जारयेदादौ सर्वसत्त्वान्यतः परम्
vṛddhaḥ ṣaḍguṇajīrṇastu sarvakarmakaraḥ śubhaḥ / <jāraṇe kramaḥ> gandhakaṃ jārayedādau sarvasattvānyataḥ param
Sanskrit only: no published translation is held for this verse.
ततः सर्वाणि लोहानि द्वन्द्वानि विविधानि च । पक्वबीजानि रत्नानि द्रुतिसत्त्वे च जारयेत्
tataḥ sarvāṇi lohāni dvandvāni vividhāni ca / pakvabījāni ratnāni drutisattve ca jārayet
Sanskrit only: no published translation is held for this verse.
चतुःषष्ट्यंशके पूर्वं द्वात्रिंशांशे तृतीयकः । तृतीयः षोडशांशे तु चतुर्थश्चाष्टमेन च
catuḥṣaṣṭyaṃśake pūrvaṃ dvātriṃśāṃśe tṛtīyakaḥ / tṛtīyaḥ ṣoḍaśāṃśe tu caturthaścāṣṭamena ca
Sanskrit only: no published translation is held for this verse.
पञ्चमोऽथ चतुर्थांशे षष्ठो द्व्यंशे प्रकीर्तितः । शतांशे सप्तमो ज्ञेयो ग्रासमानं रसस्य तु
pañcamo'tha caturthāṃśe ṣaṣṭho dvyaṃśe prakīrtitaḥ / śatāṃśe saptamo jñeyo grāsamānaṃ rasasya tu
Sanskrit only: no published translation is held for this verse.
<ग्रासमानभेदेन स्वरूपभेदः> चतुःषष्ट्यंशके ग्रासे दण्डधारी भवेद् रसः । जलूकाभो द्वितीये तु ग्रासयोगे सुरेश्वरि
<grāsamānabhedena svarūpabhedaḥ> catuḥṣaṣṭyaṃśake grāse daṇḍadhārī bhaved rasaḥ / jalūkābho dvitīye tu grāsayoge sureśvari
Sanskrit only: no published translation is held for this verse.
ग्रासे रसात् तृतीये च काकविष्ठासमो भवेत् । चतुर्थो गोलकाकारः पञ्चमे दहनप्रभः
grāse rasāt tṛtīye ca kākaviṣṭhāsamo bhavet / caturtho golakākāraḥ pañcame dahanaprabhaḥ
Sanskrit only: no published translation is held for this verse.
षष्ठे सूर्यप्रभः सूतस्तेजःपुञ्जश्च सप्तमे । रसराजस्य देवेशि क्रमाज्जीर्णस्य लक्षणम्
ṣaṣṭhe sūryaprabhaḥ sūtastejaḥpuñjaśca saptame / rasarājasya deveśi kramājjīrṇasya lakṣaṇam
Sanskrit only: no published translation is held for this verse.
समांशं द्विगुणं ग्रासं ततः सूते चतुर्गुणम् । तथा चाष्टगुणं देवि जारयेच्च कलागुणम्
samāṃśaṃ dviguṇaṃ grāsaṃ tataḥ sūte caturguṇam / tathā cāṣṭaguṇaṃ devi jārayecca kalāguṇam
Sanskrit only: no published translation is held for this verse.
द्वात्रिंशद्गुणितं देवि चतुःषष्टिगुणं क्रमात् । <संस्कारैर् जायमाना गुणाः> तीव्रत्वं जनयेत् स्वेदाद् अमलत्वं च मर्दनात्
dvātriṃśadguṇitaṃ devi catuḥṣaṣṭiguṇaṃ kramāt / <saṃskārair jāyamānā guṇāḥ> tīvratvaṃ janayet svedād amalatvaṃ ca mardanāt
Sanskrit only: no published translation is held for this verse.
मूर्छनाद् दोषराहित्यम् उत्थानात् पूतिनाशनम् । रसायनं पातनेन रोधादाप्यायनं भवेत्
mūrchanād doṣarāhityam utthānāt pūtināśanam / rasāyanaṃ pātanena rodhādāpyāyanaṃ bhavet
Sanskrit only: no published translation is held for this verse.
अचापल्यं नियमनाद् दीपनात्समुखो ज्वलेत् । वासनाद् योगसांगत्यं चारणाद्बलचारिता
acāpalyaṃ niyamanād dīpanātsamukho jvalet / vāsanād yogasāṃgatyaṃ cāraṇādbalacāritā
Sanskrit only: no published translation is held for this verse.
जारणाद्बन्धनं सम्यगेकत्वं द्रावणद्वयात् । रक्तत्वं रञ्जनात् तस्य व्यापित्वं सारणात्रयात्
jāraṇādbandhanaṃ samyagekatvaṃ drāvaṇadvayāt / raktatvaṃ rañjanāt tasya vyāpitvaṃ sāraṇātrayāt
Sanskrit only: no published translation is held for this verse.
क्रामित्वं क्रामणाद् देहलोहेष्वपि च वेधनात्
krāmitvaṃ krāmaṇād dehaloheṣvapi ca vedhanāt
Sanskrit only: no published translation is held for this verse.