शुल्बजीर्णो रक्तवेधी कान्तजीर्णो रसात्मकः । तीक्ष्णबद्धेन नीलाभस् ताम्रेणारुणसप्रभः
śulbajīrṇo raktavedhī kāntajīrṇo rasātmakaḥ / tīkṣṇabaddhena nīlābhas tāmreṇāruṇasaprabhaḥ
Sanskrit only: no published translation is held for this verse.
रजतेनेन्दुसंकाशो हेम्ना काञ्चनसप्रभः । धूमावलोकी वक्त्रस्थो मासात्खेचरतां नयेत्
rajatenendusaṃkāśo hemnā kāñcanasaprabhaḥ / dhūmāvalokī vaktrastho māsātkhecaratāṃ nayet
Sanskrit only: no published translation is held for this verse.
स्पर्शवेधी तु वक्त्रस्थो द्विमासात्सिद्धिदायकः । शतकोटिस्त्रिभिर्मासैश् चतुर्भिर् दशकोटिकृत्
sparśavedhī tu vaktrastho dvimāsātsiddhidāyakaḥ / śatakoṭistribhirmāsaiś caturbhir daśakoṭikṛt
Sanskrit only: no published translation is held for this verse.
पञ्चभिः कोटिवेधी स्याद् अष्टभिश्चायुतं पुनः । साहस्रं नवभिर्मासैर् दशमासे शतं पुनः
pañcabhiḥ koṭivedhī syād aṣṭabhiścāyutaṃ punaḥ / sāhasraṃ navabhirmāsair daśamāse śataṃ punaḥ
Sanskrit only: no published translation is held for this verse.
तस्य मूत्रपुरीषैस्तु श्लेष्मणाङ्गमलैस् तथा । लेपाद्धेमत्वम् आयान्ति यानि लोहानि भूतले
tasya mūtrapurīṣaistu śleṣmaṇāṅgamalais tathā / lepāddhematvam āyānti yāni lohāni bhūtale
Sanskrit only: no published translation is held for this verse.
चतुःषष्ट्यंशतो वेधी मासम् एकादशस्य तु । द्वात्रिंशकवेधी तु वर्षाद् देहं तु वेधयेत्
catuḥṣaṣṭyaṃśato vedhī māsam ekādaśasya tu / dvātriṃśakavedhī tu varṣād dehaṃ tu vedhayet
Sanskrit only: no published translation is held for this verse.
सर्वरोगैर् विनिर्मुक्तो वलीपलितवर्जितः । नासौ छिद्येत शस्त्रैश्च पावकेन न दह्यते
sarvarogair vinirmukto valīpalitavarjitaḥ / nāsau chidyeta śastraiśca pāvakena na dahyate
Sanskrit only: no published translation is held for this verse.
वायुवेगी महातेजाः कामदेव इवापरः । इच्छया जायते दृश्योऽप्यदृश्यचैव जायते
vāyuvegī mahātejāḥ kāmadeva ivāparaḥ / icchayā jāyate dṛśyo'pyadṛśyacaiva jāyate
Sanskrit only: no published translation is held for this verse.
यस्य संस्पर्शमात्रेण सर्वलोहानि काञ्चनम् । तस्मिन्नेकार्णवे घोरे नष्टे स्थावरजङ्गमे
yasya saṃsparśamātreṇa sarvalohāni kāñcanam / tasminnekārṇave ghore naṣṭe sthāvarajaṅgame
Sanskrit only: no published translation is held for this verse.
देवा यत्र विलीयन्ते सिद्धस्तत्रैव लीयते
devā yatra vilīyante siddhastatraiva līyate
Sanskrit only: no published translation is held for this verse.