Apastama-Sulbasutra 1

आपस्तम्बशुल्बसूत्रं विहारयोगान् व्याख्यास्यामः

āpastambaśulbasūtraṃ vihārayogān vyākhyāsyāmaḥ

Sanskrit only: no published translation is held for this verse.

यावदायामं प्रमाणम् तदर्धमभ्यस्यापरस्मिंस्तृतीये षड्भागोने लक्षणं करोति पृष्ठ्यान्तयोरन्तौ नियम्य लक्षणेन दक्षिणापायम्य निमितं करोति एवमुत्तरतो विपर्यस्येतरतः स समाधिः तन्निमित्तो निर्ह्रासो विवृद्धिर्वा

yāvadāyāmaṃ pramāṇam tadardhamabhyasyāparasmiṃstṛtīye ṣaḍbhāgone lakṣaṇaṃ karoti pṛṣṭhyāntayorantau niyamya lakṣaṇena dakṣiṇāpāyamya nimitaṃ karoti evamuttarato viparyasyetarataḥ sa samādhiḥ tannimitto nirhrāso vivṛddhirvā

Sanskrit only: no published translation is held for this verse.

आयामं वाभ्यस्यागन्तुचतुर्थम् आयामश्चाक्ष्णया रज्जुस् तिर्यङ्भानीशेषः । व्याख्यातं विहरणम्

āyāmaṃ vābhyasyāgantucaturtham āyāmaścākṣṇayā rajjus tiryaṅbhānīśeṣaḥ | vyākhyātaṃ viharaṇam

Sanskrit only: no published translation is held for this verse.

दीर्घस्याक्ष्णयारज्जुः पार्श्वमानी तिर्यङ्मानी च यत् पृथग्भुते कुरुतस् तद् उभयं करोति ताभिर् ज्ञेयाभिर् उक्तं विहरणम्

dīrghasyākṣṇayārajjuḥ pārśvamānī tiryaṅmānī ca yat pṛthagbhute kurutas tad ubhayaṃ karoti tābhir jñeyābhir uktaṃ viharaṇam

Sanskrit only: no published translation is held for this verse.

चतुरश्रस्याक्ष्णयारज्जुर्द्विस्तवतीं भूमिं करोति । समस्य द्विकरणी

caturaśrasyākṣṇayārajjurdvistavatīṃ bhūmiṃ karoti | samasya dvikaraṇī

Sanskrit only: no published translation is held for this verse.

प्रमाणं तृतीयेन वर्धयेत् तच् चतुर्थेनात्मचतुस्त्रिंशोनेन सविशेषः

pramāṇaṃ tṛtīyena vardhayet tac caturthenātmacatustriṃśonena saviśeṣaḥ

Sanskrit only: no published translation is held for this verse.

अथापरम् प्रमाणमात्रीं रज्जुम् उभयतः पाशां करोति मध्ये लक्षणम् अर्धमध्यमयोश् च पृष्ठ्यायां रज्जुम् आयम्य पाशयोर्लक्षणेष्विति शङ्कून् निहत्य् उपान्त्ययोः पाशौ प्रतिमुच्य मध्यमेन लक्षणेन दक्षिणापायम्य शङ्कुं निमित्तं करोति । मध्यमे पाशौ प्रतिमुच्य, उपर्युपरि निमित्तं मध्यमेन लक्षणेन दक्षिणमंसम् आयच्छेत् । उन्मुच्य पूर्वस्माद् अपरस्मिन् प्रतिमुच्य मध्यमेनैव लक्षणेन दक्षिणां श्रोणिम् आयच्छेत् । एवमुत्तरौ श्रोण्यंसौ

athāparam pramāṇamātrīṃ rajjum ubhayataḥ pāśāṃ karoti madhye lakṣaṇam ardhamadhyamayoś ca pṛṣṭhyāyāṃ rajjum āyamya pāśayorlakṣaṇeṣviti śaṅkūn nihaty upāntyayoḥ pāśau pratimucya madhyamena lakṣaṇena dakṣiṇāpāyamya śaṅkuṃ nimittaṃ karoti | madhyame pāśau pratimucya, uparyupari nimittaṃ madhyamena lakṣaṇena dakṣiṇamaṃsam āyacchet | unmucya pūrvasmād aparasmin pratimucya madhyamenaiva lakṣaṇena dakṣiṇāṃ śroṇim āyacchet | evamuttarau śroṇyaṃsau

Sanskrit only: no published translation is held for this verse.