Apastama-Sulbasutra 15

श्येनचितं चिन्वीत सुवर्गकाम इति विज्ञायते

śyenacitaṃ cinvīta suvargakāma iti vijñāyate

Sanskrit only: no published translation is held for this verse.

वक्रपक्षो व्यस्तपुच्छो भवति पश्चात् प्राङ् उदूहति । पुरस्तात्प्रत्यङ्ङ् उदूहति । एवम् इव हि वयसां मध्ये पक्षनिर्णामो भवतीति विज्ञायते

vakrapakṣo vyastapuccho bhavati paścāt prāṅ udūhati | purastātpratyaṅṅ udūhati | evam iva hi vayasāṃ madhye pakṣanirṇāmo bhavatīti vijñāyate

Sanskrit only: no published translation is held for this verse.

यावान् अग्निः सारत्निप्रादेशः सप्तविधः संपद्यते । प्रादेशं चतुर्थम् आत्मनश् चतुर्भागीयाश् चाष्टौ । तासां तिस्रः शिर इतरत् पक्षयोर् विभजेत्

yāvān agniḥ sāratniprādeśaḥ saptavidhaḥ saṃpadyate | prādeśaṃ caturtham ātmanaś caturbhāgīyāś cāṣṭau | tāsāṃ tisraḥ śira itarat pakṣayor vibhajet

Sanskrit only: no published translation is held for this verse.

पञ्चारत्निः पुरुषः । चतुररत्निः व्यायामः । चतुर्विंशत्यङ्गुलयो ऽरत्निः । तदर्धं प्रादेश इति कॢप्तिः

pañcāratniḥ puruṣaḥ | caturaratniḥ vyāyāmaḥ | caturviṃśatyaṅgulayo 'ratniḥ | tadardhaṃ prādeśa iti kḷptiḥ

Sanskrit only: no published translation is held for this verse.

अर्धदशमा अरत्नयो ऽङ्गुलयश् च चतुर्भागोनाः पक्षायामः

ardhadaśamā aratnayo 'ṅgulayaś ca caturbhāgonāḥ pakṣāyāmaḥ

Sanskrit only: no published translation is held for this verse.

द्विपुरुषां रज्जुम् उभयतःपाशां करोति । मध्ये लक्षणम् । पक्षस्यापरयोः कोट्योर् अन्तौ नियम्य लक्षणेन प्राचीनम् आयच्छेद् एवं पुरस्तात् । स निर्णामः

dvipuruṣāṃ rajjum ubhayataḥpāśāṃ karoti | madhye lakṣaṇam | pakṣasyāparayoḥ koṭyor antau niyamya lakṣaṇena prācīnam āyacched evaṃ purastāt | sa nirṇāmaḥ

Sanskrit only: no published translation is held for this verse.

एतेनोत्तरः पक्षो व्याख्यातः

etenottaraḥ pakṣo vyākhyātaḥ

Sanskrit only: no published translation is held for this verse.

आत्मा द्विपुरुषायामो ऽध्यर्धपुरुषव्यासः

ātmā dvipuruṣāyāmo 'dhyardhapuruṣavyāsaḥ

Sanskrit only: no published translation is held for this verse.

पुच्छे ऽर्धपुरुषव्यासं पुरुषं प्रतीचीनम् आयच्छेत् । तस्य दक्षिणतो ऽन्यम् उत्तरतश् च तावक्ष्णया व्यवलिखेत् । यथार्धपुरुषो ऽप्यये स्यात्

pucche 'rdhapuruṣavyāsaṃ puruṣaṃ pratīcīnam āyacchet | tasya dakṣiṇato 'nyam uttarataś ca tāvakṣṇayā vyavalikhet | yathārdhapuruṣo 'pyaye syāt

Sanskrit only: no published translation is held for this verse.

शिरस्य् अर्धपुरुषेण चतुरश्रं कृत्वा पूर्वस्याः करण्या अर्धात् तावति दक्षिणयोर् निपातयेत्

śirasy ardhapuruṣeṇa caturaśraṃ kṛtvā pūrvasyāḥ karaṇyā ardhāt tāvati dakṣiṇayor nipātayet

Sanskrit only: no published translation is held for this verse.