Apastama-Sulbasutra 18

श्येनचितं चिन्वीत सुवर्गकाम इति विज्ञायते

śyenacitaṃ cinvīta suvargakāma iti vijñāyate

Sanskrit only: no published translation is held for this verse.

वक्रपक्षो व्यस्तपुच्छो भवति । पश्चात् प्राङ् उदूहति । पुरस्तात् प्रत्यङ् उदूहति । एवम् इव हि वयसां मध्ये पक्षनिर्णामो भवतीति विज्ञायते

vakrapakṣo vyastapuccho bhavati | paścāt prāṅ udūhati | purastāt pratyaṅ udūhati | evam iva hi vayasāṃ madhye pakṣanirṇāmo bhavatīti vijñāyate

Sanskrit only: no published translation is held for this verse.

पुरुषस्य षोडशभिर् विंशं शतं सारत्निप्रादेशः सप्तविधः संपद्यते । तासां चत्वारिंशदात्मनि तिस्रः शिरसि पञ्चदश पुच्छ एकत्रिंशद् दक्षिणे पक्षे तथोत्तरे

puruṣasya ṣoḍaśabhir viṃśaṃ śataṃ sāratniprādeśaḥ saptavidhaḥ saṃpadyate | tāsāṃ catvāriṃśadātmani tisraḥ śirasi pañcadaśa puccha ekatriṃśad dakṣiṇe pakṣe tathottare

Sanskrit only: no published translation is held for this verse.

अध्यर्धपुरुषस् तिर्यग् द्वाव् आयामत इति दीर्घं चतुरश्रं विहृत्य श्रोण्यंसेभ्यो द्वे द्वे षोडस्यौ निरस्येत् । चत्वारिंशत् परिशिष्यन्ते । स आत्मा

adhyardhapuruṣas tiryag dvāv āyāmata iti dīrghaṃ caturaśraṃ vihṛtya śroṇyaṃsebhyo dve dve ṣoḍasyau nirasyet | catvāriṃśat pariśiṣyante | sa ātmā

Sanskrit only: no published translation is held for this verse.

शिरस्यर्धपुरुषेण चतुरश्रं कृत्वा पूर्वस्याः करण्या अर्धात् तावति दक्षिणोत्तरयोर् निपातयेत् तिस्रः परिशिष्यन्ते । तच् छिरः

śirasyardhapuruṣeṇa caturaśraṃ kṛtvā pūrvasyāḥ karaṇyā ardhāt tāvati dakṣiṇottarayor nipātayet tisraḥ pariśiṣyante | tac chiraḥ

Sanskrit only: no published translation is held for this verse.

पुरुषस् तिर्यग् द्वाव् आयामतः षोडशभागश् च दक्षिणः पक्षः । तथोत्तरः

puruṣas tiryag dvāv āyāmataḥ ṣoḍaśabhāgaś ca dakṣiṇaḥ pakṣaḥ | tathottaraḥ

Sanskrit only: no published translation is held for this verse.

पक्षाग्रेपक्षाग्रे पुरुषचतुर्थेन चत्वारि चतुरश्राणि कृत्वा तान्य् अक्ष्णया व्यवलिख्यार्धानि निरस्येत् । एकत्रिंशत् परिशिष्यन्ते

pakṣāgrepakṣāgre puruṣacaturthena catvāri caturaśrāṇi kṛtvā tāny akṣṇayā vyavalikhyārdhāni nirasyet | ekatriṃśat pariśiṣyante

Sanskrit only: no published translation is held for this verse.

पक्षाग्रम् उत्सृज्य मध्ये पक्षस्य प्राचीं लेखाम् आलिखेत् पक्षाप्यये पुरुषं नियम्य लेखायां पुरुषान्ते नितोदन्तुकुर्यात् । नितोदात् प्राचीनं पुरुषान्ते नितोदं नितोदयोर् नानान्ताव् आलिखेत् । तत्पक्षिनमनम् । एतेनोत्तरः पक्षो व्याख्यातः

pakṣāgram utsṛjya madhye pakṣasya prācīṃ lekhām ālikhet pakṣāpyaye puruṣaṃ niyamya lekhāyāṃ puruṣānte nitodantukuryāt | nitodāt prācīnaṃ puruṣānte nitodaṃ nitodayor nānāntāv ālikhet | tatpakṣinamanam | etenottaraḥ pakṣo vyākhyātaḥ

Sanskrit only: no published translation is held for this verse.