अथापरोयोगः पृष्ठ्यान्तयोर् मध्ये च शङ्कून् निहत्यार्धे ऽर्धे तद्विशेषम् अभ्यस्य लक्षणं कृत्वार्धमगमयेत् । अन्त्ययोः पाशौ कृत्वा मध्यमे सविशेषं प्रतिमुच्य पूर्वस्मिन्न् इतरं लक्षणेन दक्षिणमङ्कम् आयच्छेत् । उन्मुच्य पूर्वस्माद् अपरस्मिन् प्रतिमुच्य लक्षणेनैव दक्षिणां श्रोणिम् आयच्छेत् । एवम् उत्तरौ श्रोण्यंसौ
athāparoyogaḥ pṛṣṭhyāntayor madhye ca śaṅkūn nihatyārdhe 'rdhe tadviśeṣam abhyasya lakṣaṇaṃ kṛtvārdhamagamayet | antyayoḥ pāśau kṛtvā madhyame saviśeṣaṃ pratimucya pūrvasminn itaraṃ lakṣaṇena dakṣiṇamaṅkam āyacchet | unmucya pūrvasmād aparasmin pratimucya lakṣaṇenaiva dakṣiṇāṃ śroṇim āyacchet | evam uttarau śroṇyaṃsau
Sanskrit only: no published translation is held for this verse.
प्रमाणं तिर्यग् द्विकरण्य् आयामस् तस्याक्ष्णयारज्जुस् त्रिकरणी
pramāṇaṃ tiryag dvikaraṇy āyāmas tasyākṣṇayārajjus trikaraṇī
Sanskrit only: no published translation is held for this verse.
तृतीयकरण्येतेन व्याख्याता । विभागस्तु नवधा
tṛtīyakaraṇyetena vyākhyātā | vibhāgastu navadhā
Sanskrit only: no published translation is held for this verse.
तुल्ययोश् चतुरश्रयोर् उक्तः समासः । नानाप्रमाणयोश् चतुरश्रयोः समासः ह्रसीयसः करण्या वर्षीयसो वृद्ध्रम् उल्लिखेत् । वृद्ध्रस्याक्ष्णयारज्जुर् उभे समस्यति । तद् उक्तम्
tulyayoś caturaśrayor uktaḥ samāsaḥ | nānāpramāṇayoś caturaśrayoḥ samāsaḥ hrasīyasaḥ karaṇyā varṣīyaso vṛddhram ullikhet | vṛddhrasyākṣṇayārajjur ubhe samasyati | tad uktam
Sanskrit only: no published translation is held for this verse.
चतुरश्राच् चतुरश्रं निर्जिहीर्षन् यावन् निर्जिहीर्षेत् तस्य करण्या वर्षीयसो वृद्ध्रमुल्लिखेत् वृर्धस्य पार्श्वमानीम् अक्ष्णयेतरत् पार्श्वम् उपसंहरेत् सा यत्र निपतेत् तद् अपच्छिन्द्यात् छिन्नया निरस्तम्
caturaśrāc caturaśraṃ nirjihīrṣan yāvan nirjihīrṣet tasya karaṇyā varṣīyaso vṛddhramullikhet vṛrdhasya pārśvamānīm akṣṇayetarat pārśvam upasaṃharet sā yatra nipatet tad apacchindyāt chinnayā nirastam
Sanskrit only: no published translation is held for this verse.
उपसंहृताक्षणयारज्जुः सा चतुष्करणी छिन्ना चेतरा च यत् पृथग्भूते कुरुतस् तद् उभयं करोति तिर्यङ्मानी पुरुषं शेषस् त्रीन् तद् उक्तम्
upasaṃhṛtākṣaṇayārajjuḥ sā catuṣkaraṇī chinnā cetarā ca yat pṛthagbhūte kurutas tad ubhayaṃ karoti tiryaṅmānī puruṣaṃ śeṣas trīn tad uktam
Sanskrit only: no published translation is held for this verse.
दीर्घचतुरश्रं समचतुरश्रं चिकीर्षन् तिर्यङ्मान्यापच्छिद्य शेषं विभज्योभयत उपदध्यात् खण्डम् आगन्तुना संपुरयेत् तस्य निर्हार उक्तः
dīrghacaturaśraṃ samacaturaśraṃ cikīrṣan tiryaṅmānyāpacchidya śeṣaṃ vibhajyobhayata upadadhyāt khaṇḍam āgantunā saṃpurayet tasya nirhāra uktaḥ
Sanskrit only: no published translation is held for this verse.