भवतीव खलु वा एष यो ऽग्निं चिनुते इति विज्ञायते । वयसां वा एष प्रतिमया चीयत इत्याकृतिचोदनात् । प्रत्यक्षविधानाद्वा
bhavatīva khalu vā eṣa yo 'gniṃ cinute iti vijñāyate | vayasāṃ vā eṣa pratimayā cīyata ityākṛticodanāt | pratyakṣavidhānādvā
Sanskrit only: no published translation is held for this verse.
यावदाम्नानेन वेणुना चतुरश्रे आत्मनि पुरुषान् अवमिमोते पुरुषं दक्षिणे पक्षे पुरुषं पुच्छे पुरुषम् उत्तरे अरत्निना दक्षिणतो दक्षिणं पक्षं वर्धयति । एवम् उत्तरत उत्तरम् प्रादेशेन वितस्त्या वा पश्चात्पुच्छम्
yāvadāmnānena veṇunā caturaśre ātmani puruṣān avamimote puruṣaṃ dakṣiṇe pakṣe puruṣaṃ pucche puruṣam uttare aratninā dakṣiṇato dakṣiṇaṃ pakṣaṃ vardhayati | evam uttarata uttaram prādeśena vitastyā vā paścātpuccham
Sanskrit only: no published translation is held for this verse.
एकविधः प्रथमो ऽग्निर् द्विविधो द्वितीयस् त्रिविधस् तृतीयः त एवम् एवोद्यन्त्यैकशतविधात्
ekavidhaḥ prathamo 'gnir dvividho dvitīyas trividhas tṛtīyaḥ ta evam evodyantyaikaśatavidhāt
Sanskrit only: no published translation is held for this verse.
तद् उ ह वै सप्तविधम् एव चिन्वीत । सप्तविधो वाव प्राकृतो ऽग्निः । तत ऊर्ध्वम् एकोत्तरान् इति विज्ञायते
tad u ha vai saptavidham eva cinvīta | saptavidho vāva prākṛto 'gniḥ | tata ūrdhvam ekottarān iti vijñāyate
Sanskrit only: no published translation is held for this verse.
एकविधप्रभृतीनां न पक्षपुच्छानि भवन्ति । सप्तविधवाक्यशेषत्वाच् छ्रुतिविप्रतिषेधाच् च
ekavidhaprabhṛtīnāṃ na pakṣapucchāni bhavanti | saptavidhavākyaśeṣatvāc chrutivipratiṣedhāc ca
Sanskrit only: no published translation is held for this verse.
अष्टविधप्रभृतीनां यद् अन्यत् सप्तभ्यस् तत् सप्तधा विभज्य प्रतिपुरुषम् आवेशयेत् आकृतिविकारस्याश्रुतत्वात्
aṣṭavidhaprabhṛtīnāṃ yad anyat saptabhyas tat saptadhā vibhajya pratipuruṣam āveśayet ākṛtivikārasyāśrutatvāt
Sanskrit only: no published translation is held for this verse.
पुरुषमात्रेण विमिमीतेऽ वेणुना विमिमीते, इति विज्ञायते
puruṣamātreṇa vimimīte' veṇunā vimimīte, iti vijñāyate
Sanskrit only: no published translation is held for this verse.
यावान् यजमान ऊर्ध्वबाहुस् तावद् अन्तराले वेणोश् छिद्रे करोति मध्ये तृतीयम्
yāvān yajamāna ūrdhvabāhus tāvad antarāle veṇoś chidre karoti madhye tṛtīyam
Sanskrit only: no published translation is held for this verse.
अपरेण यूपावटदेशम् अनुपृष्ठ्यं वेणुं निधाय छिद्रेषु शङ्कून् निहत्योन्मुच्यापराभ्यां दक्षिणाप्राक् परिलिखेद् आन्तात्
apareṇa yūpāvaṭadeśam anupṛṣṭhyaṃ veṇuṃ nidhāya chidreṣu śaṅkūn nihatyonmucyāparābhyāṃ dakṣiṇāprāk parilikhed āntāt
Sanskrit only: no published translation is held for this verse.
उन्मुच्य पूर्वस्माद् अपरस्मिन् प्रतिमुच्य दक्षिणा प्रत्यक्परिलिखेद् आन्तात्
unmucya pūrvasmād aparasmin pratimucya dakṣiṇā pratyakparilikhed āntāt
Sanskrit only: no published translation is held for this verse.