Śatapatha Brāhmaṇa (Mādhyandina) 13.3.5

सर्वेषु वै लोकेषु मृत्यवोऽन्वायत्तास्तेभ्यो यदाहुतीर्न जुहुयाल्लोके-लोक एनम् मृत्युर्विन्देद्यन्मृत्युभ्य आहुतीर्जुहोति लोके-लोक एव मृत्युमपजयति

sarveṣu vai lokeṣu mṛtyavo'nvāyattāstebhyo yadāhutīrna juhuyālloke-loka enam mṛtyurvindedyanmṛtyubhya āhutīrjuhoti loke-loka eva mṛtyumapajayati

Sanskrit only: no published translation is held for this verse.

तदाहुः यदमुष्मै स्वाहामुष्मै स्वाहेति जुह्वत्संचक्षीत बहुम् मृत्युममित्रं कुर्वीत मृत्यव आत्मानमपिदध्यादिति मृत्यवे स्वाहेत्येकस्मा एवैकामाहुतिं जुहोत्येको ह वा अमुष्मिंलोके मृत्युरशनायैव तमेवामुष्मिंलोकेऽपजयति

tadāhuḥ yadamuṣmai svāhāmuṣmai svāheti juhvatsaṃcakṣīta bahum mṛtyumamitraṃ kurvīta mṛtyava ātmānamapidadhyāditi mṛtyave svāhetyekasmā evaikāmāhutiṃ juhotyeko ha vā amuṣmiṃloke mṛtyuraśanāyaiva tamevāmuṣmiṃloke'pajayati

Sanskrit only: no published translation is held for this verse.

ब्रह्महत्यायै स्वाहेति द्वितीयामाहुतिं जुहोति अमृत्युर्ह वा अन्यो ब्रह्महत्यायै मृत्युरेष ह वै साक्षान्मृत्युर्यद्ब्रह्महत्या साक्षादेव मृत्युमपजयति

brahmahatyāyai svāheti dvitīyāmāhutiṃ juhoti amṛtyurha vā anyo brahmahatyāyai mṛtyureṣa ha vai sākṣānmṛtyuryadbrahmahatyā sākṣādeva mṛtyumapajayati

Sanskrit only: no published translation is held for this verse.

एतां ह वै मुण्डिभ औदन्यः ब्रह्महत्यायै प्रायश्चित्तिं विदां चकार यद्ब्रह्मैहत्याया आहुतिं जुहोति मृत्युमेवाहुत्या तर्पयित्वा परिपाणं कृत्वा ब्रह्मघ्ने भेषजं करोति तस्माद्यस्यैषाश्वमेध आहुतिर्हूयतेऽपि योऽस्यापरीषु प्रजायाम् ब्राह्मैणं हन्ति तस्मै भेषजं करोति

etāṃ ha vai muṇḍibha audanyaḥ brahmahatyāyai prāyaścittiṃ vidāṃ cakāra yadbrahmaihatyāyā āhutiṃ juhoti mṛtyumevāhutyā tarpayitvā paripāṇaṃ kṛtvā brahmaghne bheṣajaṃ karoti tasmādyasyaiṣāśvamedha āhutirhūyate'pi yo'syāparīṣu prajāyām brāhmaiṇaṃ hanti tasmai bheṣajaṃ karoti

Sanskrit only: no published translation is held for this verse.