Śatapatha Brāhmaṇa (Mādhyandina) 13.7.1

ब्रह्म वै स्वयम्भु तपोऽतप्यत तदैक्षत न वै तपस्यानन्त्यमस्ति हन्ताहम् भूतेष्वात्मानं जुहवानि भूतानि चात्त्मनीति तत्सर्वेषु भूतेष्वात्मानं हुत्वा भूतानि चात्मनि सर्वेषाम् भूतानां श्रैष्ठ्यं स्वाराज्यमाधिपत्यम् पर्यैत्तथैवैतद्यजमानः सर्वमेधे सर्वान्मेधान्हुत्वा सर्वाणि भूतानि श्रैष्ठ्यं स्वाराज्यमाधिपत्यम् पर्येति

brahma vai svayambhu tapo'tapyata tadaikṣata na vai tapasyānantyamasti hantāham bhūteṣvātmānaṃ juhavāni bhūtāni cāttmanīti tatsarveṣu bhūteṣvātmānaṃ hutvā bhūtāni cātmani sarveṣām bhūtānāṃ śraiṣṭhyaṃ svārājyamādhipatyam paryaittathaivaitadyajamānaḥ sarvamedhe sarvānmedhānhutvā sarvāṇi bhūtāni śraiṣṭhyaṃ svārājyamādhipatyam paryeti

Sanskrit only: no published translation is held for this verse.

स वा एष सर्वमेधो दशरात्रो यज्ञक्रतुर्भवति दशाक्षरा विराड्विराडु कृत्स्नमन्नं कृत्स्नस्यैवान्नाद्यस्यावरुद्ध्यै तस्मिन्नग्निम् परार्ध्यं चिनोति परमो वा एष यज्ञक्रतूनां यत्सर्वमेधः परमेणैवैनम् परमतां गमयति

sa vā eṣa sarvamedho daśarātro yajñakraturbhavati daśākṣarā virāḍvirāḍu kṛtsnamannaṃ kṛtsnasyaivānnādyasyāvaruddhyai tasminnagnim parārdhyaṃ cinoti paramo vā eṣa yajñakratūnāṃ yatsarvamedhaḥ parameṇaivainam paramatāṃ gamayati

Sanskrit only: no published translation is held for this verse.

तस्याग्निष्टुदग्निष्टोमः प्रथममहर्भवति अग्निर्वा अग्निष्टुदग्निष्टोमोऽग्निमुखा उ वै सर्वे देवाः सर्वेषां देवानामाप्त्यै तस्याग्नेया ग्रहा भवन्त्यग्निय्यः पुरोरुचः सर्वमाग्नेयमसदिति

tasyāgniṣṭudagniṣṭomaḥ prathamamaharbhavati agnirvā agniṣṭudagniṣṭomo'gnimukhā u vai sarve devāḥ sarveṣāṃ devānāmāptyai tasyāgneyā grahā bhavantyagniyyaḥ purorucaḥ sarvamāgneyamasaditi

Sanskrit only: no published translation is held for this verse.

इन्द्रस्तुदुक्थ्यो द्वितीयमहर्भवति इन्द्रो वै सर्वे देवाः सर्वेषां देवानामाप्त्यै तस्यैन्द्रा ग्रहा भवन्त्यैन्द्र्यः पुरोरुचः सर्वमैन्द्रमसदिति

indrastudukthyo dvitīyamaharbhavati indro vai sarve devāḥ sarveṣāṃ devānāmāptyai tasyaindrā grahā bhavantyaindryaḥ purorucaḥ sarvamaindramasaditi

Sanskrit only: no published translation is held for this verse.

सूर्यस्तुदुक्थ्यस्तृतीयमहर्भवति सूर्यो वै सर्वे देवाः सर्वेषाम् देवानामाप्त्यै सौर्या ग्रहा भवन्ति सौर्य्यः पुरोरुचः सर्वं सौर्यमसदिति

sūryastudukthyastṛtīyamaharbhavati sūryo vai sarve devāḥ sarveṣām devānāmāptyai sauryā grahā bhavanti sauryyaḥ purorucaḥ sarvaṃ sauryamasaditi

Sanskrit only: no published translation is held for this verse.

वैश्वदेवश्चतुर्थमहर्भवति विश्वे वै सर्वे देवाः सर्वेषां देवानामाप्त्यै वैश्वदेवा ग्रहा भवन्ति वैश्वदेव्यः परोरुचः सर्वम् वैश्वदेवमसदिति

vaiśvadevaścaturthamaharbhavati viśve vai sarve devāḥ sarveṣāṃ devānāmāptyai vaiśvadevā grahā bhavanti vaiśvadevyaḥ parorucaḥ sarvam vaiśvadevamasaditi

Sanskrit only: no published translation is held for this verse.

आश्वमेधिकम् मध्यमम् पञ्चममहर्भवति तस्मिन्नश्वम् मेध्यमालभतेऽश्वमेधस्यैवाप्त्यै

āśvamedhikam madhyamam pañcamamaharbhavati tasminnaśvam medhyamālabhate'śvamedhasyaivāptyai

Sanskrit only: no published translation is held for this verse.

पौरुषमेधिकम् मध्यमं षष्ठमहर्भवति तस्मिन्मेध्यान्पुरुषानालभते पुरुषमेधस्यैवाप्त्यै

pauruṣamedhikam madhyamaṃ ṣaṣṭhamaharbhavati tasminmedhyānpuruṣānālabhate puruṣamedhasyaivāptyai

Sanskrit only: no published translation is held for this verse.

अप्तोर्यामः सप्तममहर्भवति सर्वेषाम् यज्ञक्रतूनामाप्त्यै तस्मिन्त्सर्वान्मेध्यानालभते यच्च प्राणि यच्चाप्राणम् वपा वपावतं जुहोति त्वच उत्कर्तमवपाकानां सम्व्रश्चमोषधिवनस्पतीनाम् प्रकिरन्ति शुष्काणां चार्द्राणाम् चान्नमन्नं जुहोत्यन्नस्यान्नस्याप्त्यै सर्वम् जुहोति सर्वस्मै जुहोति सर्वस्याप्त्यज् सर्वस्यावरुद्ध्यै प्रातःसवने हुतासु वपास्वेवमेव तृतीयसवने हुतेषु हविःषु

aptoryāmaḥ saptamamaharbhavati sarveṣām yajñakratūnāmāptyai tasmintsarvānmedhyānālabhate yacca prāṇi yaccāprāṇam vapā vapāvataṃ juhoti tvaca utkartamavapākānāṃ samvraścamoṣadhivanaspatīnām prakiranti śuṣkāṇāṃ cārdrāṇām cānnamannaṃ juhotyannasyānnasyāptyai sarvam juhoti sarvasmai juhoti sarvasyāptyaj sarvasyāvaruddhyai prātaḥsavane hutāsu vapāsvevameva tṛtīyasavane huteṣu haviḥṣu

Sanskrit only: no published translation is held for this verse.

त्रिणवमष्टममहर्भवति वज्रो वै त्रिणवो वज्रेण खलु वै क्षत्रं स्पृतं तद्वज्रेणैव क्षत्रं स्पृणोति

triṇavamaṣṭamamaharbhavati vajro vai triṇavo vajreṇa khalu vai kṣatraṃ spṛtaṃ tadvajreṇaiva kṣatraṃ spṛṇoti

Sanskrit only: no published translation is held for this verse.

त्रयस्त्रिंशं नवममहर्भवति प्रतिष्ठा वै त्रवस्त्रिंशः प्रतिष्ठित्यै

trayastriṃśaṃ navamamaharbhavati pratiṣṭhā vai travastriṃśaḥ pratiṣṭhityai

Sanskrit only: no published translation is held for this verse.

विश्वजित्सर्वपृष्ठोऽतिरात्रो दशममहर्भवति सर्वम् वै विश्वजित्सर्वपृष्ठोऽतिरात्रः सर्वं सर्वमेधः सर्वस्याप्त्यै सर्वस्यावरुद्ध्यै

viśvajitsarvapṛṣṭho'tirātro daśamamaharbhavati sarvam vai viśvajitsarvapṛṣṭho'tirātraḥ sarvaṃ sarvamedhaḥ sarvasyāptyai sarvasyāvaruddhyai

Sanskrit only: no published translation is held for this verse.

अथातो दक्षिणानाम् मध्यम् प्रति राष्ट्रस्य यदन्यद्ब्राह्मणस्य वित्तात्सभूमि सपुरुषम् प्राची दिग्घोतुर्दक्षिणा ब्रह्मणः प्रतीच्यध्वर्योरुदीच्युद्गातुस्तदेव होतृका अन्वाभक्ताः

athāto dakṣiṇānām madhyam prati rāṣṭrasya yadanyadbrāhmaṇasya vittātsabhūmi sapuruṣam prācī digghoturdakṣiṇā brahmaṇaḥ pratīcyadhvaryorudīcyudgātustadeva hotṛkā anvābhaktāḥ

Sanskrit only: no published translation is held for this verse.

तेन हैतेन विश्वकर्मा भौवन ईजे तेनेष्ट्वात्यतिष्ठत्सर्वाणि भूतानीदं सर्वमभवदतितिष्ठति सर्वाणि भूतानीदं सर्वम् भवति य एवम् विद्वान्त्सर्वमेधेन यजते यो वैतदेवम् वेद

tena haitena viśvakarmā bhauvana īje teneṣṭvātyatiṣṭhatsarvāṇi bhūtānīdaṃ sarvamabhavadatitiṣṭhati sarvāṇi bhūtānīdaṃ sarvam bhavati ya evam vidvāntsarvamedhena yajate yo vaitadevam veda

Sanskrit only: no published translation is held for this verse.

तं ह कश्यपो याजयां चकार तदपि भूमिः श्लोकं जगौ न मा मर्त्यः कश्चन दातुमर्हति विश्वकर्मन्भौवन मन्द आसिथ उपमञ्घ्यति स्या सलिलस्य मध्ये मृषैष ते सङ्गरः कश्यपायेति

taṃ ha kaśyapo yājayāṃ cakāra tadapi bhūmiḥ ślokaṃ jagau na mā martyaḥ kaścana dātumarhati viśvakarmanbhauvana manda āsitha upamañghyati syā salilasya madhye mṛṣaiṣa te saṅgaraḥ kaśyapāyeti

Sanskrit only: no published translation is held for this verse.