Śatapatha Brāhmaṇa (Mādhyandina) 3.6.1.16

अथ मिनोति । द्युतानस्त्वा मारुतो मिनोत्विति यो वा अयम् पवत एष द्युतानो मारुतस्तदेनामेतेन मिनोति मित्रावरुणौ ध्रुवेण धर्मणेति प्राणोदानौ वै मित्रावरुणौ तदेनाम् प्राणोदानाभ्याम् मिनोति

atha minoti | dyutānastvā māruto minotviti yo vā ayam pavata eṣa dyutāno mārutastadenāmetena minoti mitrāvaruṇau dhruveṇa dharmaṇeti prāṇodānau vai mitrāvaruṇau tadenām prāṇodānābhyām minoti

Devanagari rendered by HREEM from the edition's roman (IAST) text; the IAST is the edition's own.

Sanskrit only: no published translation is held for this verse.