Śatapatha Brāhmaṇa (Mādhyandina) 3.6.4

यूपं व्रक्ष्यन्वैष्णव्यर्चा जुहोति । विष्णवो हि यूपस्तस्माद्वैष्णव्यर्चा जुहोति

yūpaṃ vrakṣyanvaiṣṇavyarcā juhoti | viṣṇavo hi yūpastasmādvaiṣṇavyarcā juhoti

Sanskrit only: no published translation is held for this verse.

यद्वेव वैष्णव्या जुहोति । यज्ञो वै विष्णुर्यज्ञेनैवैतद्यूपमचैति तस्माद्वैष्णव्यर्चा जुहोति

yadveva vaiṣṇavyā juhoti | yajño vai viṣṇuryajñenaivaitadyūpamacaiti tasmādvaiṣṇavyarcā juhoti

Sanskrit only: no published translation is held for this verse.

स यदि स्रुचा जुहोति । चतुर्गृहीतमाज्यं गृहीत्वा जुहोति यद्यु स्रुवेण स्रुवेणैवोपहत्य जुहोत्युरु विष्णो विक्रमस्वोरु क्षयाय नस्कृधि घृतं घृतयोने पिब प्रप्र यज्ञपतिं तिर स्वाहेति

sa yadi srucā juhoti | caturgṛhītamājyaṃ gṛhītvā juhoti yadyu sruveṇa sruveṇaivopahatya juhotyuru viṣṇo vikramasvoru kṣayāya naskṛdhi ghṛtaṃ ghṛtayone piba prapra yajñapatiṃ tira svāheti

Sanskrit only: no published translation is held for this verse.

यदाज्यम् परिशिष्टम् भवति । तदादत्ते यत्तक्ष्णः शस्त्रम् भवति तत्तक्षादत्ते त आयन्ति स यं यूपं जोषयन्ते

yadājyam pariśiṣṭam bhavati | tadādatte yattakṣṇaḥ śastram bhavati tattakṣādatte ta āyanti sa yaṃ yūpaṃ joṣayante

Sanskrit only: no published translation is held for this verse.

तमेवमभिमृश्य जपति । पश्चाद्वैव प्राङ् तिष्ठन्नभिमन्त्रयते ऽत्यन्यान् अगां नान्यान् उपागामित्यति ह्यन्यानेति नान्यानुपैति तस्मादाहात्यन्यान् अगां नान्यान् उपागामिति

tamevamabhimṛśya japati | paścādvaiva prāṅ tiṣṭhannabhimantrayate 'tyanyān agāṃ nānyān upāgāmityati hyanyāneti nānyānupaiti tasmādāhātyanyān agāṃ nānyān upāgāmiti

Sanskrit only: no published translation is held for this verse.

अर्वाक्त्वा परेभ्यो ऽविदम् परो ऽवरेभ्य इति । अर्वाग्घ्येनम् परेभ्यो वृश्चति य एतस्मान्पराञ्चो भवन्ति परो ऽवरेभ्य इति परो ह्येनमवरेभ्यो वृश्चति य एतस्मादर्वाञ्चो भवन्ति तस्मादाहार्वाक्त्वा परेभ्यो ऽविदम् परो ऽवरेभ्य इति

arvāktvā parebhyo 'vidam paro 'varebhya iti | arvāgghyenam parebhyo vṛścati ya etasmānparāñco bhavanti paro 'varebhya iti paro hyenamavarebhyo vṛścati ya etasmādarvāñco bhavanti tasmādāhārvāktvā parebhyo 'vidam paro 'varebhya iti

Sanskrit only: no published translation is held for this verse.

तं त्वा जुषामहे देव वनस्पते देवयज्याया इति । तद्यथा बहूनाम् मध्यात्साधवे कर्मणे जुषेत स रातमनास्तस्मै कर्मणे स्यादेवमेवैनमेतद्बहूनाम् मध्यात्साधवे कर्मणे जुषते स रातमना व्रश्चनाय भवति

taṃ tvā juṣāmahe deva vanaspate devayajyāyā iti | tadyathā bahūnām madhyātsādhave karmaṇe juṣeta sa rātamanāstasmai karmaṇe syādevamevainametadbahūnām madhyātsādhave karmaṇe juṣate sa rātamanā vraścanāya bhavati

Sanskrit only: no published translation is held for this verse.

देवास्त्वा देवयज्यायै जुषन्तामिति । तद्वै समृद्धं यं देवाः साधवे कर्मणे जुषान्तै तस्मादाह देवास्त्वा देवयज्यायै जुषन्तामिति

devāstvā devayajyāyai juṣantāmiti | tadvai samṛddhaṃ yaṃ devāḥ sādhave karmaṇe juṣāntai tasmādāha devāstvā devayajyāyai juṣantāmiti

Sanskrit only: no published translation is held for this verse.

अथ स्रुवेणोपस्पृशति । विष्णवे त्वेति वैष्णवो हि यूपो यज्ञो वै विष्णुर्यज्ञाय ह्येनं वृश्चति तस्मादाह विष्णवे त्वेति

atha sruveṇopaspṛśati | viṣṇave tveti vaiṣṇavo hi yūpo yajño vai viṣṇuryajñāya hyenaṃ vṛścati tasmādāha viṣṇave tveti

Sanskrit only: no published translation is held for this verse.

अथ दर्भतरुणकमन्तर्दधाति । ओषधे त्रायस्वेति वज्रो वै परशुस्तथो हैनमेष वज्रः परशुर्न हिनस्त्यथ परशुना प्रहरति स्वधिते मैनं हिंसीरिति वज्रो वै परशुस्तथो हैनमेष वज्रः परशुर्न हिनस्ति

atha darbhataruṇakamantardadhāti | oṣadhe trāyasveti vajro vai paraśustatho hainameṣa vajraḥ paraśurna hinastyatha paraśunā praharati svadhite mainaṃ hiṃsīriti vajro vai paraśustatho hainameṣa vajraḥ paraśurna hinasti

Sanskrit only: no published translation is held for this verse.

स यम् प्रथमं शकलमपचिनत्ति । तमादत्ते तं वा अनक्षस्तम्भं वृश्चेदुत ह्येनमनसा वहन्ति तथानो न प्रतिबाधते

sa yam prathamaṃ śakalamapacinatti | tamādatte taṃ vā anakṣastambhaṃ vṛśceduta hyenamanasā vahanti tathāno na pratibādhate

Sanskrit only: no published translation is held for this verse.

तम् प्राञ्चम् पातयेत् । प्राची हि देवानां दिगथो उदञ्चमुदीची हि मनुष्याणां दिगथो प्रत्यञ्चं दक्षिणायै त्वेवैनं दिशः परिबिबाधिषेतैषा वै दिक् पितॄणां तस्मादेनं दक्षिणायै दिशः परिबिबाधिषेत

tam prāñcam pātayet | prācī hi devānāṃ digatho udañcamudīcī hi manuṣyāṇāṃ digatho pratyañcaṃ dakṣiṇāyai tvevainaṃ diśaḥ paribibādhiṣetaiṣā vai dik pitṝṇāṃ tasmādenaṃ dakṣiṇāyai diśaḥ paribibādhiṣeta

Sanskrit only: no published translation is held for this verse.

तम् प्रच्यवमानमनुमन्त्रयते । द्याम् मा लेखीरन्तरिक्षम् मा हिंसीः पृथिव्या सम्भवेति वज्रो वा एष भवति यं यूपाय वृश्चन्ति तस्माद्वज्रात्प्रच्यवमानादिमे लोकाः संरेजन्ते तदेभ्य एवैनमेतल्लोकेभ्यः शमयति तथेमांलोकाञ्चान्तो न हिनस्ति

tam pracyavamānamanumantrayate | dyām mā lekhīrantarikṣam mā hiṃsīḥ pṛthivyā sambhaveti vajro vā eṣa bhavati yaṃ yūpāya vṛścanti tasmādvajrātpracyavamānādime lokāḥ saṃrejante tadebhya evainametallokebhyaḥ śamayati tathemāṃlokāñcānto na hinasti

Sanskrit only: no published translation is held for this verse.

स यदाह । द्याम् मा लेखीरिति दिवम् मा हिंसीरित्येवैतदाहान्तरिक्षम् मा हिंसीरिति नात्र तिरोहितमिवास्ति पृथिव्या सम्भवेति पृथिव्या संजानीष्वेत्येवैतदाहायं हि त्वा स्वधितिस्तेतिजानः प्रणिनाय महते सौभगायेत्येष ह्येनं स्वधितिस्तेजमानः प्रणयति

sa yadāha | dyām mā lekhīriti divam mā hiṃsīrityevaitadāhāntarikṣam mā hiṃsīriti nātra tirohitamivāsti pṛthivyā sambhaveti pṛthivyā saṃjānīṣvetyevaitadāhāyaṃ hi tvā svadhitistetijānaḥ praṇināya mahate saubhagāyetyeṣa hyenaṃ svadhitistejamānaḥ praṇayati

Sanskrit only: no published translation is held for this verse.

अथाव्रश्चनमभिजुहोति । नेदतो नाष्ट्रा रक्षांस्यनूत्तिष्ठानिति वज्रो वा आज्यं तद्वज्रेणैवैतन्नाष्ट्रा रक्षांस्यवबाधते तथातो नाष्ट्रा रक्षांसि नानूत्तिष्ठन्त्यथो रेतो वा आज्यं तद्वनस्पतिष्वेवैतद्रेतो दधाति तस्माद्रेतस आव्रश्चनाद्वनस्पतयो ऽनु प्रजायन्ते

athāvraścanamabhijuhoti | nedato nāṣṭrā rakṣāṃsyanūttiṣṭhāniti vajro vā ājyaṃ tadvajreṇaivaitannāṣṭrā rakṣāṃsyavabādhate tathāto nāṣṭrā rakṣāṃsi nānūttiṣṭhantyatho reto vā ājyaṃ tadvanaspatiṣvevaitadreto dadhāti tasmādretasa āvraścanādvanaspatayo 'nu prajāyante

Sanskrit only: no published translation is held for this verse.

स जुहोति । अतस्त्वं देव वनस्पते शतवल्शो विरोह सहस्रवल्शा वि वयं रुहेमेति नात्र तिरोहितमिवास्ति

sa juhoti | atastvaṃ deva vanaspate śatavalśo viroha sahasravalśā vi vayaṃ ruhemeti nātra tirohitamivāsti

Sanskrit only: no published translation is held for this verse.

तम् परिवासयति । स यावन्तमेवाग्रे परिवासयेत्तावान्त्स्यात्

tam parivāsayati | sa yāvantamevāgre parivāsayettāvāntsyāt

Sanskrit only: no published translation is held for this verse.

पञ्चारत्निम् परिवासयेत् । पाङ्क्तो यज्ञः पाङ्क्तः पशुः पञ्चर्तवः संवत्सरस्य तस्मात्पञ्चारत्निम् परिवासयेत्

pañcāratnim parivāsayet | pāṅkto yajñaḥ pāṅktaḥ paśuḥ pañcartavaḥ saṃvatsarasya tasmātpañcāratnim parivāsayet

Sanskrit only: no published translation is held for this verse.

षडरत्निम् परिवासयेत् । षड्वा ऋतवः संवत्सरस्य संवत्सरो वज्रो वज्रो यूपस्तस्मात्षडरत्निम् परिवासयेत्

ṣaḍaratnim parivāsayet | ṣaḍvā ṛtavaḥ saṃvatsarasya saṃvatsaro vajro vajro yūpastasmātṣaḍaratnim parivāsayet

Sanskrit only: no published translation is held for this verse.

अष्टारत्निम् परिवासयेत् । अष्टाक्ष्रा वै गायत्री पूर्वार्धो वै यज्ञस्य गायत्री पूर्वार्ध एष यज्ञस्य तस्मादष्टारत्निम् परिवासयेत्

aṣṭāratnim parivāsayet | aṣṭākṣrā vai gāyatrī pūrvārdho vai yajñasya gāyatrī pūrvārdha eṣa yajñasya tasmādaṣṭāratnim parivāsayet

Sanskrit only: no published translation is held for this verse.

नवारत्निम् परिवासयेत् । त्रिवृद्वै यज्ञो नव वै त्रिवृत्तस्मान्नवारत्निम् परिवासयेत्

navāratnim parivāsayet | trivṛdvai yajño nava vai trivṛttasmānnavāratnim parivāsayet

Sanskrit only: no published translation is held for this verse.

एकादशारत्निम् परिवासयेत् । एकादशाक्षरा वै त्रिष्टुब्वज्रस्त्रिष्टुब्वज्रो यूपस्तस्मादेकादशारत्निं परिवासयेत्

ekādaśāratnim parivāsayet | ekādaśākṣarā vai triṣṭubvajrastriṣṭubvajro yūpastasmādekādaśāratniṃ parivāsayet

Sanskrit only: no published translation is held for this verse.

द्वादशारत्निम् परिवासयेत् । द्वादश वै मासाः संवत्सरस्य संवत्सरो वज्रो वज्रो यूपस्तस्माद्द्वादशारत्निम् परिवासयेत्

dvādaśāratnim parivāsayet | dvādaśa vai māsāḥ saṃvatsarasya saṃvatsaro vajro vajro yūpastasmāddvādaśāratnim parivāsayet

Sanskrit only: no published translation is held for this verse.

त्रयोदशारत्निम् परिवासयेत् । त्रयोदश वै मासाः संवत्सरस्य संवत्सरो वज्रो वज्रो यूपस्तस्मात्त्रयोदशारत्निम् परिवासयेत्

trayodaśāratnim parivāsayet | trayodaśa vai māsāḥ saṃvatsarasya saṃvatsaro vajro vajro yūpastasmāttrayodaśāratnim parivāsayet

Sanskrit only: no published translation is held for this verse.

पञ्चदशारत्निम् परिवासयेत् । पञ्चदशो वै वज्रो वज्रो यूपस्तस्मात्पञ्चदशारत्निम् परिवासयेत्

pañcadaśāratnim parivāsayet | pañcadaśo vai vajro vajro yūpastasmātpañcadaśāratnim parivāsayet

Sanskrit only: no published translation is held for this verse.

सप्तादशारत्निर्वाजपेययूपः । अपरिमित एव स्यादपरिमितेन वा एतेन वज्रेण देवा अपरिमितमजयंस्तथो एवैष एतेन वज्रेणापरिमितेनैवापरिमितं जयति तस्मादपरिमित एव स्यात्

saptādaśāratnirvājapeyayūpaḥ | aparimita eva syādaparimitena vā etena vajreṇa devā aparimitamajayaṃstatho evaiṣa etena vajreṇāparimitenaivāparimitaṃ jayati tasmādaparimita eva syāt

Sanskrit only: no published translation is held for this verse.

स वा अष्टाश्रिर्भवति । अष्टाक्षरा वै गायत्री पूर्वार्धो वै यज्ञस्य गायत्री पूर्वार्धे एष यज्ञस्य तस्मादष्टाश्रिर्भवति

sa vā aṣṭāśrirbhavati | aṣṭākṣarā vai gāyatrī pūrvārdho vai yajñasya gāyatrī pūrvārdhe eṣa yajñasya tasmādaṣṭāśrirbhavati

Sanskrit only: no published translation is held for this verse.