Śatapatha Brāhmaṇa (Mādhyandina) 6.3.2

हस्त एषाभ्रिर्भवत्यथ पशूनभिमन्त्रयते । एतद्वा एषु देवा अन्वेषिष्यन्तः पुरस्ताद्वीर्यमदधुस्तथैवैष्वयमेतदन्वेषिष्यन्पुरस्ताद्वीर्यं दधाति

hasta eṣābhrirbhavatyatha paśūnabhimantrayate | etadvā eṣu devā anveṣiṣyantaḥ purastādvīryamadadhustathaivaiṣvayametadanveṣiṣyanpurastādvīryaṃ dadhāti

Sanskrit only: no published translation is held for this verse.

सो ऽश्वमभिमन्त्रयते । प्रतुर्तं वाजिन्नाद्रवेति यद्वै क्षिप्रं तत्तूर्तमथ यत्क्षिप्रात्क्षेपीयस्तत्प्रतूर्त वरिष्ठामनु संवतमितीयं वै वरिष्ठा संवदिमामनु संवतमित्येतद्दिवि ते जन्म परममन्तरिक्षे तव नाभिः पृथिव्यामधि योनिरिदिति तदेनमेता देवताः करोत्यग्निं वायुमादित्यं तदश्वे वीर्यं दधाति

so 'śvamabhimantrayate | praturtaṃ vājinnādraveti yadvai kṣipraṃ tattūrtamatha yatkṣiprātkṣepīyastatpratūrta variṣṭhāmanu saṃvatamitīyaṃ vai variṣṭhā saṃvadimāmanu saṃvatamityetaddivi te janma paramamantarikṣe tava nābhiḥ pṛthivyāmadhi yoniriditi tadenametā devatāḥ karotyagniṃ vāyumādityaṃ tadaśve vīryaṃ dadhāti

Sanskrit only: no published translation is held for this verse.

अथ रासभम् । युञ्जाथां रासभं युवमित्यध्वर्युं चैतद्यजमानं चाहास्मिन्यामे वृषण्वसू इत्यस्मिन्कर्मणि वृषण्वसू इत्येतदग्निम् भरन्तमस्मयुमित्यग्निम् भरन्तमस्मत्प्रेषितमित्येतत्तद्रासभे वीर्यं दधाति

atha rāsabham | yuñjāthāṃ rāsabhaṃ yuvamityadhvaryuṃ caitadyajamānaṃ cāhāsminyāme vṛṣaṇvasū ityasminkarmaṇi vṛṣaṇvasū ityetadagnim bharantamasmayumityagnim bharantamasmatpreṣitamityetattadrāsabhe vīryaṃ dadhāti

Sanskrit only: no published translation is held for this verse.

अथाजम् । योगे-योगे तवस्तरं वाजे-वाजे हवामह इत्यन्नं वै वाजः कर्मणि-कर्मणि तवस्तरमन्ने ऽन्ने हवामह इत्येतत्सखाय इन्द्रमूतय इतीन्द्रियवन्तमूतय इत्येतत्तदजे वीर्यं दधाति

athājam | yoge-yoge tavastaraṃ vāje-vāje havāmaha ityannaṃ vai vājaḥ karmaṇi-karmaṇi tavastaramanne 'nne havāmaha ityetatsakhāya indramūtaya itīndriyavantamūtaya ityetattadaje vīryaṃ dadhāti

Sanskrit only: no published translation is held for this verse.

त्रिभिरभिमन्त्रयते । त्रिवृदग्निर्यावानग्निर्यावत्यस्य मात्रा तावतैवैष्वेतद्वीर्यं दधाति

tribhirabhimantrayate | trivṛdagniryāvānagniryāvatyasya mātrā tāvataivaiṣvetadvīryaṃ dadhāti

Sanskrit only: no published translation is held for this verse.

अथैनान्प्राच उत्क्रमयति । तदेनमेतैः पशुभिरन्विचति नोपस्पृशत्यग्निरेष यत्पशवो नेन्मायमग्निर्हिनसदिति

athainānprāca utkramayati | tadenametaiḥ paśubhiranvicati nopaspṛśatyagnireṣa yatpaśavo nenmāyamagnirhinasaditi

Sanskrit only: no published translation is held for this verse.

सो ऽश्वमुत्क्रमयति । प्रतूर्वन्नेह्यवक्रामन्नशस्तीरेति पाप्मा वा अशस्तिस्त्वरमाण एह्यवक्रामन्पाप्मानमित्येतद्रुद्रस्य गाणपत्यम् मयोभूरेहीति रौद्रा वै पशवो या ते देवता तस्यै गाणपत्यम् मयोभूरेहीत्येतत्तदेनमश्वेनान्विचति

so 'śvamutkramayati | pratūrvannehyavakrāmannaśastīreti pāpmā vā aśastistvaramāṇa ehyavakrāmanpāpmānamityetadrudrasya gāṇapatyam mayobhūrehīti raudrā vai paśavo yā te devatā tasyai gāṇapatyam mayobhūrehītyetattadenamaśvenānvicati

Sanskrit only: no published translation is held for this verse.

अथ रासभम् । उर्वन्तरिक्षं वीहि स्वस्तिगव्यूतिरभयानि कृण्वन्निति यथैव यजुस्तथा बन्धुः पूष्णा सयुजा सहेतीयं वै पूषानया सयुजा सहेत्येतत्तदेनं रासभेनान्विचति

atha rāsabham | urvantarikṣaṃ vīhi svastigavyūtirabhayāni kṛṇvanniti yathaiva yajustathā bandhuḥ pūṣṇā sayujā sahetīyaṃ vai pūṣānayā sayujā sahetyetattadenaṃ rāsabhenānvicati

Sanskrit only: no published translation is held for this verse.

अथाजम् । पृथिव्याः सधस्थादग्निम् पुरीष्यमङ्गिरस्वदाभरेति पृथिव्या उपस्थादग्निम् पशव्यमग्निवदाभरेत्येतत्तदेनमजेनान्विचति

athājam | pṛthivyāḥ sadhasthādagnim purīṣyamaṅgirasvadābhareti pṛthivyā upasthādagnim paśavyamagnivadābharetyetattadenamajenānvicati

Sanskrit only: no published translation is held for this verse.

त्रिभिरन्विचति । त्रिवृदग्निर्यावानग्निर्यावत्यस्य मात्रा तावतैवैनमेतदन्विचति त्रिभिः पुरस्तादभिमन्त्रयते तत्षट् षडृतवः संवत्सरः संवत्सरो ऽग्निर्यावानग्निर्यावत्यस्य मात्रा तावत्तद्भवति

tribhiranvicati | trivṛdagniryāvānagniryāvatyasya mātrā tāvataivainametadanvicati tribhiḥ purastādabhimantrayate tatṣaṭ ṣaḍṛtavaḥ saṃvatsaraḥ saṃvatsaro 'gniryāvānagniryāvatyasya mātrā tāvattadbhavati

Sanskrit only: no published translation is held for this verse.