Asanga: Sarirarthagatha of the Cintamayibhumi 39

केनायं निवृतो लोकः केनायं न प्रकाशते । किं चाभिलेपनं ब्रूषे किं च तस्य महद् भयम्

kenāyaṃ nivṛto lokaḥ kenāyaṃ na prakāśate / kiṃ cābhilepanaṃ brūṣe kiṃ ca tasya mahad bhayam

Sanskrit only: no published translation is held for this verse.

अविद्यानिवृतो लोकः प्रमादान् न प्रकाशते । जल्पाभिलेपनं ब्रूमि दुःखं तस्य महद् भयं

avidyānivṛto lokaḥ pramādān na prakāśate / jalpābhilepanaṃ brūmi duḥkhaṃ tasya mahad bhayaṃ

Sanskrit only: no published translation is held for this verse.

स्रवन्ति सर्वतः स्रोताः स्रोतसां किं निवारणं । स्रोतसां संवरं ब्रूहि केन स्रोतः पिधीयते

sravanti sarvataḥ srotāḥ srotasāṃ kiṃ nivāraṇaṃ / srotasāṃ saṃvaraṃ brūhi kena srotaḥ pidhīyate

Sanskrit only: no published translation is held for this verse.

यानि स्रोतांसि लोकस्य स्मृतिः तेषां निवारणं । स्रोतसां संवरं ब्रूमि प्रज्ञया हि पिधीयते

yāni srotāṃsi lokasya smṛtiḥ teṣāṃ nivāraṇaṃ / srotasāṃ saṃvaraṃ brūmi prajñayā hi pidhīyate

Sanskrit only: no published translation is held for this verse.

प्रज्ञायाश् च स्मृतेश् चैव नामरूपस्य सर्वशः । आचक्ष्व पृष्ट एतन् मे कुत्रैतद् उपरुध्यते

prajñāyāś ca smṛteś caiva nāmarūpasya sarvaśaḥ / ācakṣva pṛṣṭa etan me kutraitad uparudhyate

Sanskrit only: no published translation is held for this verse.

प्रज्ञा चैव स्मृतिश् चैव नामरूपं च सर्वशः । विज्ञानस्य निरोधाद् धि अत्रैतद् उपरुध्यते

prajñā caiva smṛtiś caiva nāmarūpaṃ ca sarvaśaḥ / vijñānasya nirodhād dhi atraitad uparudhyate

Sanskrit only: no published translation is held for this verse.

कथं स्मृतस्य चरतो विज्ञानम् उपरुध्यते । आचक्ष्व पृष्ट एतन् मे यथातथम् असंशयः

kathaṃ smṛtasya carato vijñānam uparudhyate / ācakṣva pṛṣṭa etan me yathātatham asaṃśayaḥ

Sanskrit only: no published translation is held for this verse.

अध्यातं च बहिर्धा च वेदनां नाभिनन्दतः । एवं स्मृतस्य चरतो विज्ञानम् उपरुध्यते

adhyātaṃ ca bahirdhā ca vedanāṃ nābhinandataḥ / evaṃ smṛtasya carato vijñānam uparudhyate

Sanskrit only: no published translation is held for this verse.

ये च संख्यातधर्माणो ये च शैक्षाः पृथग्विधाः । तेषां मे निपकस्येर्यां पृष्टः प्रब्रूहि मार्ष

ye ca saṃkhyātadharmāṇo ye ca śaikṣāḥ pṛthagvidhāḥ / teṣāṃ me nipakasyeryāṃ pṛṣṭaḥ prabrūhi mārṣa

Sanskrit only: no published translation is held for this verse.

कामेषु नाभिगृध्येत मनसानाविलो भवेत् । कुशलः सर्वधर्मेषु स्मृतो भिक्षुः परिव्रजेत्

kāmeṣu nābhigṛdhyeta manasānāvilo bhavet / kuśalaḥ sarvadharmeṣu smṛto bhikṣuḥ parivrajet

Sanskrit only: no published translation is held for this verse.