Siva-Purana 7.1.1

व्यास उवाच नमश्शिवाय सोमाय सगणाय ससूनवे प्रधानपुरुषेशाय सर्गस्थित्यंतहेतवे

vyāsa uvāca namaśśivāya somāya sagaṇāya sasūnave pradhānapuruṣeśāya sargasthityaṃtahetave

Sanskrit only: no published translation is held for this verse.

शक्तिरप्रतिमा यस्य ह्यैश्वर्यं चापि सर्वगम् स्वामित्वं च विभुत्वं च स्वभावं संप्रचक्षते

śaktirapratimā yasya hyaiśvaryaṃ cāpi sarvagam svāmitvaṃ ca vibhutvaṃ ca svabhāvaṃ saṃpracakṣate

Sanskrit only: no published translation is held for this verse.

तमजं विश्वकर्माणं शाश्वतं शिवमव्ययम् महादेवं महात्मानं व्रजामि शरणं शिवम्

tamajaṃ viśvakarmāṇaṃ śāśvataṃ śivamavyayam mahādevaṃ mahātmānaṃ vrajāmi śaraṇaṃ śivam

Sanskrit only: no published translation is held for this verse.

धर्मक्षेत्रे महातीर्थे गंगाकालिंदिसंगमे प्रयागे नैमिषारण्ये ब्रह्मलोकस्य वर्त्मनि

dharmakṣetre mahātīrthe gaṃgākāliṃdisaṃgame prayāge naimiṣāraṇye brahmalokasya vartmani

Sanskrit only: no published translation is held for this verse.

मुनयश्शंसितात्मानः सत्यव्रतपरायणाः महौजसो महाभागा महासत्रं वितेनिरे

munayaśśaṃsitātmānaḥ satyavrataparāyaṇāḥ mahaujaso mahābhāgā mahāsatraṃ vitenire

Sanskrit only: no published translation is held for this verse.

तत्र सत्रं समाकर्ण्य तेषामक्लिष्टकर्मणाम् साक्षात्सत्यवतीसूनोर्वेदव्यासस्य धीमतः

tatra satraṃ samākarṇya teṣāmakliṣṭakarmaṇām sākṣātsatyavatīsūnorvedavyāsasya dhīmataḥ

Sanskrit only: no published translation is held for this verse.

शिष्यो महात्मा मेधावी त्रिषु लोकेषु विश्रुतः पञ्चावयवयुक्तस्य वाक्यस्य गुणदोषवित्

śiṣyo mahātmā medhāvī triṣu lokeṣu viśrutaḥ pañcāvayavayuktasya vākyasya guṇadoṣavit

Sanskrit only: no published translation is held for this verse.

उत्तरोत्तरवक्ता च ब्रुवतो ऽपि बृहस्पतेः मधुरः श्रवणानां च मनोज्ञपदपर्वणाम्

uttarottaravaktā ca bruvato 'pi bṛhaspateḥ madhuraḥ śravaṇānāṃ ca manojñapadaparvaṇām

Sanskrit only: no published translation is held for this verse.

कथानां निपुणो वक्ता कालविन्नयवित्कविः आजगाम स तं देशं सूतः पौराणिकोत्तमः

kathānāṃ nipuṇo vaktā kālavinnayavitkaviḥ ājagāma sa taṃ deśaṃ sūtaḥ paurāṇikottamaḥ

Sanskrit only: no published translation is held for this verse.

तं दृष्ट्वा सूतमायांतं मुनयो हृष्टमानसाः तस्मै साम च पूजां च यथावत्प्रत्यपादयन्

taṃ dṛṣṭvā sūtamāyāṃtaṃ munayo hṛṣṭamānasāḥ tasmai sāma ca pūjāṃ ca yathāvatpratyapādayan

Sanskrit only: no published translation is held for this verse.

प्रतिगृह्य सतां पूजां मुनिभिः प्रतिपादिताम् उद्दिष्टमानसं भेजे नियुक्तो युक्तमात्मनः

pratigṛhya satāṃ pūjāṃ munibhiḥ pratipāditām uddiṣṭamānasaṃ bheje niyukto yuktamātmanaḥ

Sanskrit only: no published translation is held for this verse.

ततस्तत्संगमादेव मुनीनां भावितात्मनाम् सोत्कंठमभवच्चितं श्रोतुं पौराणिकीं कथाम्

tatastatsaṃgamādeva munīnāṃ bhāvitātmanām sotkaṃṭhamabhavaccitaṃ śrotuṃ paurāṇikīṃ kathām

Sanskrit only: no published translation is held for this verse.

तदा तमनुकूलाभिर्वाग्भिः पूज्य १ महर्षयः अतीवाभिमुखं कृत्वा वचनं चेदमब्रुवन्

tadā tamanukūlābhirvāgbhiḥ pūjya 1 maharṣayaḥ atīvābhimukhaṃ kṛtvā vacanaṃ cedamabruvan

Sanskrit only: no published translation is held for this verse.

ऋषय ऊचुः रोमहर्षण सर्वज्ञ भवान्नो भाग्यगौरवात् संप्राप्तोद्य महाभाग शैवराज महामते

ṛṣaya ūcuḥ romaharṣaṇa sarvajña bhavānno bhāgyagauravāt saṃprāptodya mahābhāga śaivarāja mahāmate

Sanskrit only: no published translation is held for this verse.

पुराणविद्यामखिलां व्यासात्प्रत्यक्षमीयिवान् तस्मादाश्चर्यभूतानां कथानां त्वं हि भाजनम्

purāṇavidyāmakhilāṃ vyāsātpratyakṣamīyivān tasmādāścaryabhūtānāṃ kathānāṃ tvaṃ hi bhājanam

Sanskrit only: no published translation is held for this verse.

रत्नानामुरुसाराणां रत्नाकर इवार्णवः यच्च भूतं यच्च भव्यं यच्चान्यद्वस्तु वर्तते

ratnānāmurusārāṇāṃ ratnākara ivārṇavaḥ yacca bhūtaṃ yacca bhavyaṃ yaccānyadvastu vartate

Sanskrit only: no published translation is held for this verse.

न तवाविदितं किञ्चित्त्रिषु लोकेषु विद्यते त्वमदृष्टवशादस्मद्दर्शनार्थमिहागतः अकुर्वन्किमपि श्रेयो न वृथा गन्तुमर्हसि

na tavāviditaṃ kiñcittriṣu lokeṣu vidyate tvamadṛṣṭavaśādasmaddarśanārthamihāgataḥ akurvankimapi śreyo na vṛthā gantumarhasi

Sanskrit only: no published translation is held for this verse.

तस्माच्छ्राव्यतरं पुण्यं सत्कथाज्ञानसंहितम् वेदांतसारसर्वस्वं पुराणं श्रावयाशु नः

tasmācchrāvyataraṃ puṇyaṃ satkathājñānasaṃhitam vedāṃtasārasarvasvaṃ purāṇaṃ śrāvayāśu naḥ

Sanskrit only: no published translation is held for this verse.

एवमभ्यर्थितस्सूतो मुनिभिर्वेदवादिभिः श्लक्ष्णां च न्यायसंयुक्तां प्रत्युवाच शुभां गिरम्

evamabhyarthitassūto munibhirvedavādibhiḥ ślakṣṇāṃ ca nyāyasaṃyuktāṃ pratyuvāca śubhāṃ giram

Sanskrit only: no published translation is held for this verse.

सूत उवाच पूजितो ऽनुगृहीतश्च भवद्भिरिति चोदितः कस्मात्सम्यङ्न विब्रूयां पुराणमृषिपूजितम्

sūta uvāca pūjito 'nugṛhītaśca bhavadbhiriti coditaḥ kasmātsamyaṅna vibrūyāṃ purāṇamṛṣipūjitam

Sanskrit only: no published translation is held for this verse.

अभिवंद्य महादेवं देवीं स्कंदं विनायकम् नंदिनं च तथा व्यासं साक्षात्सत्यवतीसुतम्

abhivaṃdya mahādevaṃ devīṃ skaṃdaṃ vināyakam naṃdinaṃ ca tathā vyāsaṃ sākṣātsatyavatīsutam

Sanskrit only: no published translation is held for this verse.

वक्ष्यामि परमं पुण्यं पुराणं वेदसंमितम् शिवज्ञानार्णवं साक्षाद्भक्तिमुक्तिफलप्रदम्

vakṣyāmi paramaṃ puṇyaṃ purāṇaṃ vedasaṃmitam śivajñānārṇavaṃ sākṣādbhaktimuktiphalapradam

Sanskrit only: no published translation is held for this verse.

शब्दार्थन्यायसंयुक्तै रागमार्थैर्विभूषितम् श्वेतकल्पप्रसंगेन वायुना कथितं पुरा

śabdārthanyāyasaṃyuktai rāgamārthairvibhūṣitam śvetakalpaprasaṃgena vāyunā kathitaṃ purā

Sanskrit only: no published translation is held for this verse.

विद्यास्थानानि सर्वाणि पुराणानुक्रमं तथा तत्पुराणस्य चोत्पत्तिं ब्रुवतो मे निबोधत

vidyāsthānāni sarvāṇi purāṇānukramaṃ tathā tatpurāṇasya cotpattiṃ bruvato me nibodhata

Sanskrit only: no published translation is held for this verse.

अंगानि वेदाश्चत्वारो मीमांसान्यायविस्तरः पुराणं धर्मशास्त्रं च विद्याश्चेताश्चतुर्दश

aṃgāni vedāścatvāro mīmāṃsānyāyavistaraḥ purāṇaṃ dharmaśāstraṃ ca vidyāścetāścaturdaśa

Sanskrit only: no published translation is held for this verse.

आयुर्वेदो धनुर्वेदो गांधर्वश्चेत्यनुक्रमात् अर्थशास्त्रं परं तस्माद्विद्या ह्यष्टादश स्मृताः

āyurvedo dhanurvedo gāṃdharvaścetyanukramāt arthaśāstraṃ paraṃ tasmādvidyā hyaṣṭādaśa smṛtāḥ

Sanskrit only: no published translation is held for this verse.

अष्टादशानां विद्यानामेतासां भिन्नवर्त्मनाम् आदिकर्ता कविस्साक्षाच्छूलपाणिरिति श्रुतिः

aṣṭādaśānāṃ vidyānāmetāsāṃ bhinnavartmanām ādikartā kavissākṣācchūlapāṇiriti śrutiḥ

Sanskrit only: no published translation is held for this verse.

स हि सर्वजगन्नाथः सिसृक्षुरखिलं जगत् ब्रह्माणं विदधे साक्षात्पुत्रमग्रे सनातनम्

sa hi sarvajagannāthaḥ sisṛkṣurakhilaṃ jagat brahmāṇaṃ vidadhe sākṣātputramagre sanātanam

Sanskrit only: no published translation is held for this verse.

तस्मै प्रथमपुत्राय ब्रह्मणे विश्वयोनये विद्याश्चेमा ददौ पूर्वं विश्वसृष्ट्यर्थमीश्वरः

tasmai prathamaputrāya brahmaṇe viśvayonaye vidyāścemā dadau pūrvaṃ viśvasṛṣṭyarthamīśvaraḥ

Sanskrit only: no published translation is held for this verse.

पालनाय हरिं देवं रक्षाशक्तिं ददौ ततः मध्यमं तनयं विष्णुं पातारं ब्रह्मणो ऽपि हि

pālanāya hariṃ devaṃ rakṣāśaktiṃ dadau tataḥ madhyamaṃ tanayaṃ viṣṇuṃ pātāraṃ brahmaṇo 'pi hi

Sanskrit only: no published translation is held for this verse.

लब्धविद्येन विधिना प्रजासृष्टिं वितन्वता प्रथमं सर्वशास्त्राणां पुराणं ब्रह्मणा स्मृतम्

labdhavidyena vidhinā prajāsṛṣṭiṃ vitanvatā prathamaṃ sarvaśāstrāṇāṃ purāṇaṃ brahmaṇā smṛtam

Sanskrit only: no published translation is held for this verse.

अनंतरं तु वक्त्रेभ्यो वेदास्तस्य विनिर्गताः प्रवृत्तिस्सर्वशास्त्राणां तन्मुखादभवत्ततः

anaṃtaraṃ tu vaktrebhyo vedāstasya vinirgatāḥ pravṛttissarvaśāstrāṇāṃ tanmukhādabhavattataḥ

Sanskrit only: no published translation is held for this verse.

यदास्य विस्तरं शक्ता नाधिगंतुं प्रजा भुवि तदा विद्यासमासार्थं विश्वेश्वरनियोगतः

yadāsya vistaraṃ śaktā nādhigaṃtuṃ prajā bhuvi tadā vidyāsamāsārthaṃ viśveśvaraniyogataḥ

Sanskrit only: no published translation is held for this verse.

द्वापरांतेषु विश्वात्मा विष्णुर्विश्वंभरः प्रभुः व्यासनाम्ना चरत्यस्मिन्नवतीर्य महीतले

dvāparāṃteṣu viśvātmā viṣṇurviśvaṃbharaḥ prabhuḥ vyāsanāmnā caratyasminnavatīrya mahītale

Sanskrit only: no published translation is held for this verse.

एवं व्यस्ताश्च वेदाश्च द्वापरेद्वापरे द्विजाः निर्मितानि पुराणानि अन्यानि च ततः परम्

evaṃ vyastāśca vedāśca dvāparedvāpare dvijāḥ nirmitāni purāṇāni anyāni ca tataḥ param

Sanskrit only: no published translation is held for this verse.

स पुनर्द्वापरे चास्मिन्कृष्णद्वैपायनाख्यया अरण्यामिव हव्याशी सत्यवत्यामजायत

sa punardvāpare cāsminkṛṣṇadvaipāyanākhyayā araṇyāmiva havyāśī satyavatyāmajāyata

Sanskrit only: no published translation is held for this verse.

संक्षिप्य स पुनर्वेदांश्चतुर्धा कृतवान्मुनिः व्यस्तवेदतया लोके वेदव्यास इति श्रुतः

saṃkṣipya sa punarvedāṃścaturdhā kṛtavānmuniḥ vyastavedatayā loke vedavyāsa iti śrutaḥ

Sanskrit only: no published translation is held for this verse.

पुराणानाञ्च संक्षिप्तं चतुर्लक्षप्रमाणतः अद्यापि देवलोके तच्छतकोटिप्रविस्तरम्

purāṇānāñca saṃkṣiptaṃ caturlakṣapramāṇataḥ adyāpi devaloke tacchatakoṭipravistaram

Sanskrit only: no published translation is held for this verse.

यो विद्याच्चतुरो वेदान् सांगोपणिषदान्द्विजः न चेत्पुराणं संविद्यान्नैव स स्याद्विचक्षणः

yo vidyāccaturo vedān sāṃgopaṇiṣadāndvijaḥ na cetpurāṇaṃ saṃvidyānnaiva sa syādvicakṣaṇaḥ

Sanskrit only: no published translation is held for this verse.

इतिहासपुराणाभ्यां वेदं समुपबृंहयेत् बिभेत्यल्पश्रुताद्वेदो मामयं प्रतरिष्यति

itihāsapurāṇābhyāṃ vedaṃ samupabṛṃhayet bibhetyalpaśrutādvedo māmayaṃ pratariṣyati

Sanskrit only: no published translation is held for this verse.

सर्गश्च प्रतिसर्गश्च वंशो मन्वंतराणि च वंशानुचरितं चैव पुराणं पञ्चलक्षणम्

sargaśca pratisargaśca vaṃśo manvaṃtarāṇi ca vaṃśānucaritaṃ caiva purāṇaṃ pañcalakṣaṇam

Sanskrit only: no published translation is held for this verse.

दशधा चाष्टधा चैतत्पुराणमुपदिश्यते बृहत्सूक्ष्मप्रभेदेन मुनिभिस्तत्त्ववित्तमैः

daśadhā cāṣṭadhā caitatpurāṇamupadiśyate bṛhatsūkṣmaprabhedena munibhistattvavittamaiḥ

Sanskrit only: no published translation is held for this verse.

ब्राह्मं पाद्मं वैष्णवं च शैवं भागवतं तथा भविष्यं नारदीयं च मार्कंडेयमतः परम्

brāhmaṃ pādmaṃ vaiṣṇavaṃ ca śaivaṃ bhāgavataṃ tathā bhaviṣyaṃ nāradīyaṃ ca mārkaṃḍeyamataḥ param

Sanskrit only: no published translation is held for this verse.

आग्नेयं ब्रह्मवैवर्तं लैंगं वाराहमेव च स्कान्दं च वामनं चैव कौर्म्यं मात्स्यं च गारुडम्

āgneyaṃ brahmavaivartaṃ laiṃgaṃ vārāhameva ca skāndaṃ ca vāmanaṃ caiva kaurmyaṃ mātsyaṃ ca gāruḍam

Sanskrit only: no published translation is held for this verse.

ब्रह्मांडं चेति पुण्यो ऽयं पुराणानामनुक्रमः तत्र शैवं तुरीयं यच्छार्वं सर्वार्थसाधकम्

brahmāṃḍaṃ ceti puṇyo 'yaṃ purāṇānāmanukramaḥ tatra śaivaṃ turīyaṃ yacchārvaṃ sarvārthasādhakam

Sanskrit only: no published translation is held for this verse.

ग्रंथो लक्षप्रमाणं तद्व्यस्तं द्वादशसंहितम् निर्मितं तच्छिवेनैव तत्र धर्मः प्रतिष्ठितः

graṃtho lakṣapramāṇaṃ tadvyastaṃ dvādaśasaṃhitam nirmitaṃ tacchivenaiva tatra dharmaḥ pratiṣṭhitaḥ

Sanskrit only: no published translation is held for this verse.

तदुक्तेनैव धर्मेण शैवास्त्रैवर्णिका नराः तस्माद्विमुकुतिमन्विच्छञ्च्छिवमेव समाश्रयेत्

taduktenaiva dharmeṇa śaivāstraivarṇikā narāḥ tasmādvimukutimanvicchañcchivameva samāśrayet

Sanskrit only: no published translation is held for this verse.

तमाश्रित्यैव देवानामपि मुक्तिर्न चान्यथा

tamāśrityaiva devānāmapi muktirna cānyathā

Sanskrit only: no published translation is held for this verse.

यदिदं शैवमाख्यातं पुराणं वेदसंमितम् तस्य भेदान्समासेन ब्रुवतो मे निबोधत

yadidaṃ śaivamākhyātaṃ purāṇaṃ vedasaṃmitam tasya bhedānsamāsena bruvato me nibodhata

Sanskrit only: no published translation is held for this verse.

विद्येश्वरं तथा रौद्रं वैनायकमनुत्तमम् औमं मातृपुराणं च रुद्रैकादशकं तथा

vidyeśvaraṃ tathā raudraṃ vaināyakamanuttamam aumaṃ mātṛpurāṇaṃ ca rudraikādaśakaṃ tathā

Sanskrit only: no published translation is held for this verse.

कैलासं शतरुद्रं च शतरुद्राख्यमेव च सहस्रकोटिरुद्राख्यं वायवीयं ततःपरम्

kailāsaṃ śatarudraṃ ca śatarudrākhyameva ca sahasrakoṭirudrākhyaṃ vāyavīyaṃ tataḥparam

Sanskrit only: no published translation is held for this verse.

धर्मसंज्ञं पुराणं चेत्येवं द्वादश संहिताः विद्येशं दशसाहस्रमुदितं ग्रंथसंख्यया

dharmasaṃjñaṃ purāṇaṃ cetyevaṃ dvādaśa saṃhitāḥ vidyeśaṃ daśasāhasramuditaṃ graṃthasaṃkhyayā

Sanskrit only: no published translation is held for this verse.

रौद्रं वैनायकं चौमं मातृकाख्यं ततः परम् प्रत्येकमष्टसाहस्रं त्रयोदशसहस्रकम्

raudraṃ vaināyakaṃ caumaṃ mātṛkākhyaṃ tataḥ param pratyekamaṣṭasāhasraṃ trayodaśasahasrakam

Sanskrit only: no published translation is held for this verse.

रौद्रकादशकाख्यं यत्कैलासं षट्सहस्रकम् शतरुद्रं त्रिसाहस्रं कोटिरुद्रं ततः परम्

raudrakādaśakākhyaṃ yatkailāsaṃ ṣaṭsahasrakam śatarudraṃ trisāhasraṃ koṭirudraṃ tataḥ param

Sanskrit only: no published translation is held for this verse.

सहस्रैर्नवभिर्युक्तं सर्वार्थज्ञानसंयुतम् सहस्रकोटिरुद्राख्यमेकादशसहस्रकम्

sahasrairnavabhiryuktaṃ sarvārthajñānasaṃyutam sahasrakoṭirudrākhyamekādaśasahasrakam

Sanskrit only: no published translation is held for this verse.

चतुस्सहस्रसंख्येयं वायवीयमनुत्तमम् धर्मसंज्ञं पुराणं यत्तद्द्वादशसहस्रकम्

catussahasrasaṃkhyeyaṃ vāyavīyamanuttamam dharmasaṃjñaṃ purāṇaṃ yattaddvādaśasahasrakam

Sanskrit only: no published translation is held for this verse.

तदेवं लक्षमुद्दिष्टं शैवं शाखाविभेदतः पुराणं वेदसारं तद्भुक्तिमुक्तिफलप्रदम्

tadevaṃ lakṣamuddiṣṭaṃ śaivaṃ śākhāvibhedataḥ purāṇaṃ vedasāraṃ tadbhuktimuktiphalapradam

Sanskrit only: no published translation is held for this verse.

व्यासेन तत्तु संक्षिप्तं चतुर्विंशत्सहस्रकम् शैवन्तत्र पुराणं वै चतुर्थं सप्तसंहितम्

vyāsena tattu saṃkṣiptaṃ caturviṃśatsahasrakam śaivantatra purāṇaṃ vai caturthaṃ saptasaṃhitam

Sanskrit only: no published translation is held for this verse.

विद्येश्वराख्या तत्राद्या द्वितीया रुद्रसंहिता तृतीया शतरुद्राख्या कोटिरुद्रा चतुर्थिका

vidyeśvarākhyā tatrādyā dvitīyā rudrasaṃhitā tṛtīyā śatarudrākhyā koṭirudrā caturthikā

Sanskrit only: no published translation is held for this verse.

पञ्चमी कथिता चोमा षष्ठी कैलाससंहिता सप्तमी वायवीयाख्या सप्तैवं संहिता इह

pañcamī kathitā comā ṣaṣṭhī kailāsasaṃhitā saptamī vāyavīyākhyā saptaivaṃ saṃhitā iha

Sanskrit only: no published translation is held for this verse.

विद्येश्वरं द्विसाहस्रं रौद्रं पञ्चशतायुतम् त्रिंशत्तथा द्विसाहस्रं सार्धैकशतमीरितम्

vidyeśvaraṃ dvisāhasraṃ raudraṃ pañcaśatāyutam triṃśattathā dvisāhasraṃ sārdhaikaśatamīritam

Sanskrit only: no published translation is held for this verse.

शतरुद्रन्तथा कोटिरुद्रं व्योमयुगाधिकम् द्विसाहस्रं च द्विशतं तथोमं भूसहस्रकम्

śatarudrantathā koṭirudraṃ vyomayugādhikam dvisāhasraṃ ca dviśataṃ tathomaṃ bhūsahasrakam

Sanskrit only: no published translation is held for this verse.

चत्वारिंशत्साष्टशतं कैलासं भूसहस्रकम् चत्वारिंशच्च द्विशतं वायवीयमतः परम्

catvāriṃśatsāṣṭaśataṃ kailāsaṃ bhūsahasrakam catvāriṃśacca dviśataṃ vāyavīyamataḥ param

Sanskrit only: no published translation is held for this verse.

चतुस्साहस्रसंख्याकमेवं संख्याविभेदतः श्रुतम्परमपुण्यन्तु पुराणं शिवसंज्ञकम्

catussāhasrasaṃkhyākamevaṃ saṃkhyāvibhedataḥ śrutamparamapuṇyantu purāṇaṃ śivasaṃjñakam

Sanskrit only: no published translation is held for this verse.

चतुःसाहस्रकं यत्तु वायवीयमुदीरितम् तदिदं वर्तयिष्यामि भागद्वयसमन्वितम्

catuḥsāhasrakaṃ yattu vāyavīyamudīritam tadidaṃ vartayiṣyāmi bhāgadvayasamanvitam

Sanskrit only: no published translation is held for this verse.

नावेदविदुषे वाच्यमिदं शास्त्रमनुत्तमम् न चैवाश्रद्धधानाय नापुराणविदे तथा

nāvedaviduṣe vācyamidaṃ śāstramanuttamam na caivāśraddhadhānāya nāpurāṇavide tathā

Sanskrit only: no published translation is held for this verse.

परीक्षिताय शिष्याय धार्मिकायानसूयवे प्रदेयं शिवभक्ताय शिवधर्मानुसारिणे

parīkṣitāya śiṣyāya dhārmikāyānasūyave pradeyaṃ śivabhaktāya śivadharmānusāriṇe

Sanskrit only: no published translation is held for this verse.

पुराणसंहिता यस्य प्रसादान्मयि वर्तते नमो भगवते तस्मै व्यासायामिततेजसे

purāṇasaṃhitā yasya prasādānmayi vartate namo bhagavate tasmai vyāsāyāmitatejase

Sanskrit only: no published translation is held for this verse.