Siva-Purana 7.1.26

वायुरुवाच उत्पाद्य कौशिकीं गौरी ब्रह्मणे प्रतिपाद्य ताम् तस्य प्रत्युपकाराय पितामहमथाब्रवीत्

vāyuruvāca utpādya kauśikīṃ gaurī brahmaṇe pratipādya tām tasya pratyupakārāya pitāmahamathābravīt

Sanskrit only: no published translation is held for this verse.

देव्युवाच दृष्टः किमेष भवता शार्दूलो मदुपाश्रयः अनेन दुष्टसत्त्वेभ्यो रक्षितं मत्तपोवनम्

devyuvāca dṛṣṭaḥ kimeṣa bhavatā śārdūlo madupāśrayaḥ anena duṣṭasattvebhyo rakṣitaṃ mattapovanam

Sanskrit only: no published translation is held for this verse.

मय्यर्पितमना एष भजते मामनन्यधीः अस्य संरक्षणादन्यत्प्रियं मम न विद्यते

mayyarpitamanā eṣa bhajate māmananyadhīḥ asya saṃrakṣaṇādanyatpriyaṃ mama na vidyate

Sanskrit only: no published translation is held for this verse.

भवितव्यमनेनातो ममान्तःपुरचारिणा गणेश्वरपदं चास्मै प्रीत्या दास्यति शंकरः

bhavitavyamanenāto mamāntaḥpuracāriṇā gaṇeśvarapadaṃ cāsmai prītyā dāsyati śaṃkaraḥ

Sanskrit only: no published translation is held for this verse.

एनमग्रेसरं कृत्वा सखीभिर्गन्तुमुत्सहे प्रदीयतामनुज्ञा मे प्रजानां पतिना १ त्वया

enamagresaraṃ kṛtvā sakhībhirgantumutsahe pradīyatāmanujñā me prajānāṃ patinā 1 tvayā

Sanskrit only: no published translation is held for this verse.

इत्युक्तः प्रहसन्ब्रह्मा देवीम्मुग्धामिव स्मयन् तस्य तीव्रैः पुरावृत्तैर्दौरात्म्यं समवर्णयत् १

ityuktaḥ prahasanbrahmā devīmmugdhāmiva smayan tasya tīvraiḥ purāvṛttairdaurātmyaṃ samavarṇayat 1

Sanskrit only: no published translation is held for this verse.

ब्रह्मोवाच पशौ देवि मृगाः क्रूराः क्व च ते ऽनुग्रहः शुभः आशीविषमुखे साक्षादमृतं किं निषिच्यते

brahmovāca paśau devi mṛgāḥ krūrāḥ kva ca te 'nugrahaḥ śubhaḥ āśīviṣamukhe sākṣādamṛtaṃ kiṃ niṣicyate

Sanskrit only: no published translation is held for this verse.

व्याघ्रमात्रेण सन्नेष दुष्टः को ऽपि निशाचरः अनेन भक्षिता गावो ब्राह्मणाश्च तपोधनाः

vyāghramātreṇa sanneṣa duṣṭaḥ ko 'pi niśācaraḥ anena bhakṣitā gāvo brāhmaṇāśca tapodhanāḥ

Sanskrit only: no published translation is held for this verse.

तर्पयंस्तान्यथाकामं कामरूपी चरत्यसौ अवश्यं खलु भोक्तव्यं फलं पापस्य कर्मणः

tarpayaṃstānyathākāmaṃ kāmarūpī caratyasau avaśyaṃ khalu bhoktavyaṃ phalaṃ pāpasya karmaṇaḥ

Sanskrit only: no published translation is held for this verse.

अतः किं कृपया कृत्यमीदृशेषु दुरात्मसु अनेन देव्याः किं कृत्यं प्रकृत्या कलुषात्मना

ataḥ kiṃ kṛpayā kṛtyamīdṛśeṣu durātmasu anena devyāḥ kiṃ kṛtyaṃ prakṛtyā kaluṣātmanā

Sanskrit only: no published translation is held for this verse.

देव्युवाच यदुक्तं भवता सर्वं तथ्यमस्त्वयमीदृशः तथापि मां प्रपन्नो ऽभून्न त्याज्यो मामुपाश्रितः

devyuvāca yaduktaṃ bhavatā sarvaṃ tathyamastvayamīdṛśaḥ tathāpi māṃ prapanno 'bhūnna tyājyo māmupāśritaḥ

Sanskrit only: no published translation is held for this verse.

ब्रह्मोवाच अस्य भक्तिमविज्ञाय प्राग्वृत्तं ते निवेदितम् भक्तिश्चेदस्य किं पापैर्न ते भक्तः प्रणश्यति

brahmovāca asya bhaktimavijñāya prāgvṛttaṃ te niveditam bhaktiścedasya kiṃ pāpairna te bhaktaḥ praṇaśyati

Sanskrit only: no published translation is held for this verse.

पुण्यकर्मापि किं कुर्यात्त्वदीयाज्ञानपेक्षया अजा प्रज्ञा पुराणी च त्वमेव परमेश्वरी

puṇyakarmāpi kiṃ kuryāttvadīyājñānapekṣayā ajā prajñā purāṇī ca tvameva parameśvarī

Sanskrit only: no published translation is held for this verse.

त्वदधीना हि सर्वेषां बंधमोक्षव्यवस्थितिः त्वदृते परमा शक्तिः संसिद्धिः कस्य कर्मणा

tvadadhīnā hi sarveṣāṃ baṃdhamokṣavyavasthitiḥ tvadṛte paramā śaktiḥ saṃsiddhiḥ kasya karmaṇā

Sanskrit only: no published translation is held for this verse.

त्वमेव विविधा शक्तिः भवानामथ वा स्वयम् अशक्तः कर्मकरणे कर्ता वा किं करिष्यति

tvameva vividhā śaktiḥ bhavānāmatha vā svayam aśaktaḥ karmakaraṇe kartā vā kiṃ kariṣyati

Sanskrit only: no published translation is held for this verse.

विष्णोश्च मम चान्येषां देवदानवरक्षसाम् तत्तदैश्वर्यसम्प्राप्त्यै तवैवाज्ञा हि कारणम्

viṣṇośca mama cānyeṣāṃ devadānavarakṣasām tattadaiśvaryasamprāptyai tavaivājñā hi kāraṇam

Sanskrit only: no published translation is held for this verse.

अतीताः खल्वसंख्याता ब्रह्माणो हरयो भवाः अनागतास्त्वसंख्यातास्त्वदाज्ञानुविधायिनः

atītāḥ khalvasaṃkhyātā brahmāṇo harayo bhavāḥ anāgatāstvasaṃkhyātāstvadājñānuvidhāyinaḥ

Sanskrit only: no published translation is held for this verse.

त्वामनाराध्य देवेशि पुरुषार्थचतुष्टयम् लब्धुं न शक्यमस्माभिरपि सर्वैः सुरोत्तमैः

tvāmanārādhya deveśi puruṣārthacatuṣṭayam labdhuṃ na śakyamasmābhirapi sarvaiḥ surottamaiḥ

Sanskrit only: no published translation is held for this verse.

व्यत्यासो ऽपि भवेत्सद्यो ब्रह्मत्वस्थावरत्वयोः सुकृतं दुष्कृतं चापि त्वयेव स्थापितं यतः

vyatyāso 'pi bhavetsadyo brahmatvasthāvaratvayoḥ sukṛtaṃ duṣkṛtaṃ cāpi tvayeva sthāpitaṃ yataḥ

Sanskrit only: no published translation is held for this verse.

त्वं हि सर्वजगद्भर्तुश्शिवस्य परमात्मनः अनादिमध्यनिधना शक्तिराद्या सनातनी

tvaṃ hi sarvajagadbhartuśśivasya paramātmanaḥ anādimadhyanidhanā śaktirādyā sanātanī

Sanskrit only: no published translation is held for this verse.

समस्तलोकयात्रार्थं मूर्तिमाविश्य कामपि क्रीडसे २ विविधैर्भावैः कस्त्वां जानाति तत्त्वतः

samastalokayātrārthaṃ mūrtimāviśya kāmapi krīḍase 2 vividhairbhāvaiḥ kastvāṃ jānāti tattvataḥ

Sanskrit only: no published translation is held for this verse.

अतो दुष्कृतकर्मापि व्याघ्रो ऽयं त्वदनुग्रहात् प्राप्नोतु परमां सिद्धिमत्र कः प्रतिबन्धकः

ato duṣkṛtakarmāpi vyāghro 'yaṃ tvadanugrahāt prāpnotu paramāṃ siddhimatra kaḥ pratibandhakaḥ

Sanskrit only: no published translation is held for this verse.

इत्यात्मनः परं भावं स्मारयित्वानुरूपतः ब्रह्मणाभ्यर्थिता गौरी तपसो ऽपि न्यवर्तत

ityātmanaḥ paraṃ bhāvaṃ smārayitvānurūpataḥ brahmaṇābhyarthitā gaurī tapaso 'pi nyavartata

Sanskrit only: no published translation is held for this verse.

ततो देवीमनुज्ञाप्य ब्रह्मण्यन्तर्हिते सति देवीं च मातरं दृष्ट्वा मेनां हिमवता सह

tato devīmanujñāpya brahmaṇyantarhite sati devīṃ ca mātaraṃ dṛṣṭvā menāṃ himavatā saha

Sanskrit only: no published translation is held for this verse.

प्रणम्याश्वास्य बहुधा पितरौ विरहासहौ तपः प्रणयिनो देवी तपोवनमहीरुहान्

praṇamyāśvāsya bahudhā pitarau virahāsahau tapaḥ praṇayino devī tapovanamahīruhān

Sanskrit only: no published translation is held for this verse.

विप्रयोगशुचेवाग्रे पुष्पबाष्पं विमुंचतः तत्तुच्छाखासमारूढविहगो दीरितै रुतैः

viprayogaśucevāgre puṣpabāṣpaṃ vimuṃcataḥ tattucchākhāsamārūḍhavihago dīritai rutaiḥ

Sanskrit only: no published translation is held for this verse.

व्याकुलं बहुधा दीनं विलापमिव कुर्वतः सखीभ्यः कथयंत्येवं सत्त्वरा भर्तृदर्शने

vyākulaṃ bahudhā dīnaṃ vilāpamiva kurvataḥ sakhībhyaḥ kathayaṃtyevaṃ sattvarā bhartṛdarśane

Sanskrit only: no published translation is held for this verse.

पुरस्कृत्य च तं व्याघ्रं स्नेहात्पुत्रमिवौरसम् देहस्य प्रभया चैव दीपयन्ती दिशो दश

puraskṛtya ca taṃ vyāghraṃ snehātputramivaurasam dehasya prabhayā caiva dīpayantī diśo daśa

Sanskrit only: no published translation is held for this verse.

प्रययौ मंदरं गौरी यत्र भर्ता महेश्वरः सर्वेषां जगतां धाता कर्ता पाता विनाशकृत्

prayayau maṃdaraṃ gaurī yatra bhartā maheśvaraḥ sarveṣāṃ jagatāṃ dhātā kartā pātā vināśakṛt

Sanskrit only: no published translation is held for this verse.