Library·Siva-Purana·7·7.1·7.1.33
ऋषय ऊचुः भगवञ्छ्रोतुमिच्छामो व्रतं पाशुपतं परम् ब्रह्मादयो ऽपि यत्कृत्वा सर्वे पाशुपताः स्मृताः
ṛṣaya ūcuḥ bhagavañchrotumicchāmo vrataṃ pāśupataṃ param brahmādayo 'pi yatkṛtvā sarve pāśupatāḥ smṛtāḥ
Sanskrit only: no published translation is held for this verse.
वायुरुवाच रहस्यं वः प्रवक्ष्यामि सर्वपापनिकृन्तनम् व्रतं पाशुपतं श्रौतमथर्वशिरसि श्रुतम्
vāyuruvāca rahasyaṃ vaḥ pravakṣyāmi sarvapāpanikṛntanam vrataṃ pāśupataṃ śrautamatharvaśirasi śrutam
Sanskrit only: no published translation is held for this verse.
कालश्चैत्री पौर्णमासी देशः शिवपरिग्रहः क्षेत्रारामाद्यरण्यं वा प्रशस्तश्शुभलक्षणः
kālaścaitrī paurṇamāsī deśaḥ śivaparigrahaḥ kṣetrārāmādyaraṇyaṃ vā praśastaśśubhalakṣaṇaḥ
Sanskrit only: no published translation is held for this verse.
तत्र पूर्वं त्रयोदश्यां सुस्नातः सुकृताह्निकः अनुज्ञाप्य स्वमाचार्यं संपूज्य प्रणिपत्य च
tatra pūrvaṃ trayodaśyāṃ susnātaḥ sukṛtāhnikaḥ anujñāpya svamācāryaṃ saṃpūjya praṇipatya ca
Sanskrit only: no published translation is held for this verse.
पूजां वैशेषिकीं कृत्वा शुक्लांबरधरः स्वयम् शुक्लयज्ञोपवीती च शुक्लमाल्यानुलेपनः
pūjāṃ vaiśeṣikīṃ kṛtvā śuklāṃbaradharaḥ svayam śuklayajñopavītī ca śuklamālyānulepanaḥ
Sanskrit only: no published translation is held for this verse.
दर्भासने समासीनो दर्भमुष्टिं प्रगृह्य च प्राणायामत्रयं कृत्वा प्राङ्मुखो वाप्युदङ्मुखः ध्यात्वा देवं च देवीं च तद्विज्ञापनवर्त्मना
darbhāsane samāsīno darbhamuṣṭiṃ pragṛhya ca prāṇāyāmatrayaṃ kṛtvā prāṅmukho vāpyudaṅmukhaḥ dhyātvā devaṃ ca devīṃ ca tadvijñāpanavartmanā
Sanskrit only: no published translation is held for this verse.
व्रतमेतत्करोमीति भवेत्संकल्प्य दीक्षितः यावच्छरीरपातं वा द्वादशाब्दमथापि वा
vratametatkaromīti bhavetsaṃkalpya dīkṣitaḥ yāvaccharīrapātaṃ vā dvādaśābdamathāpi vā
Sanskrit only: no published translation is held for this verse.
तदर्धं वा तदर्धं वा मासद्वादशकं तु वा तदर्धं वा तदर्धं वा मासमेकमथापि वा
tadardhaṃ vā tadardhaṃ vā māsadvādaśakaṃ tu vā tadardhaṃ vā tadardhaṃ vā māsamekamathāpi vā
Sanskrit only: no published translation is held for this verse.
दिनद्वादशकं वा ऽथ दिनषट्कमथापि वा तदर्धं दिनमेकं वा व्रतसंकल्पनावधि
dinadvādaśakaṃ vā 'tha dinaṣaṭkamathāpi vā tadardhaṃ dinamekaṃ vā vratasaṃkalpanāvadhi
Sanskrit only: no published translation is held for this verse.
अग्निमाधाय विधिवद्विरजाहोमकारणात् हुत्वाज्येन समिद्भिश्च चरुणा च यथाक्रमम्
agnimādhāya vidhivadvirajāhomakāraṇāt hutvājyena samidbhiśca caruṇā ca yathākramam
Sanskrit only: no published translation is held for this verse.
पूर्णामापूर्य तां भूयस्तत्त्वानां शुद्धिमुद्दिशन् जुहुयान्मूलमन्त्रेण तैरेव समिदादिभिः
pūrṇāmāpūrya tāṃ bhūyastattvānāṃ śuddhimuddiśan juhuyānmūlamantreṇa taireva samidādibhiḥ
Sanskrit only: no published translation is held for this verse.
तत्त्वान्येतानि मद्देहे शुद्ध्यंताम् १इत्यनुस्मरन् पञ्चभूतानि तन्मात्राः पञ्चकर्मेन्द्रियाणि च
tattvānyetāni maddehe śuddhyaṃtām 1ityanusmaran pañcabhūtāni tanmātrāḥ pañcakarmendriyāṇi ca
Sanskrit only: no published translation is held for this verse.
ज्ञानकर्मविभेदेन पञ्चकर्मविभागशः त्वगादिधातवस्सप्त पञ्च प्राणादिवायवः
jñānakarmavibhedena pañcakarmavibhāgaśaḥ tvagādidhātavassapta pañca prāṇādivāyavaḥ
Sanskrit only: no published translation is held for this verse.
मनोबुद्धिरहं ख्यातिर्गुणाः प्रकृतिपूरुषौ रागो विद्याकले चैव नियतिः काल एव च
manobuddhirahaṃ khyātirguṇāḥ prakṛtipūruṣau rāgo vidyākale caiva niyatiḥ kāla eva ca
Sanskrit only: no published translation is held for this verse.
माया च शुद्धिविद्या च महेश्वरसदाशिवौ शक्तिश्च शिवतत्त्वं च तत्त्वानि क्रमशो विदुः
māyā ca śuddhividyā ca maheśvarasadāśivau śaktiśca śivatattvaṃ ca tattvāni kramaśo viduḥ
Sanskrit only: no published translation is held for this verse.
मन्त्रैस्तु विरजैर्हुत्वा होतासौ विरजा भवेत् शिवानुग्रहमासाद्य ज्ञानवान्स हि जायते
mantraistu virajairhutvā hotāsau virajā bhavet śivānugrahamāsādya jñānavānsa hi jāyate
Sanskrit only: no published translation is held for this verse.
अथ गोमयमादाय पिण्डीकृत्याभिमंत्र्य च विन्यस्याग्नौ च सम्प्रोक्ष्य दिने तस्मिन्हविष्यभुक्
atha gomayamādāya piṇḍīkṛtyābhimaṃtrya ca vinyasyāgnau ca samprokṣya dine tasminhaviṣyabhuk
Sanskrit only: no published translation is held for this verse.
प्रभाते तु चतुर्दश्यां कृत्वा सर्वं पुरोदितम् दिने तस्मिन्निराहारः कालं शेषं समापयेत्
prabhāte tu caturdaśyāṃ kṛtvā sarvaṃ puroditam dine tasminnirāhāraḥ kālaṃ śeṣaṃ samāpayet
Sanskrit only: no published translation is held for this verse.
प्रातः पर्वणि चाप्येवं कृत्वा होमा वसानतः उपसंहृत्य रुद्राग्निं गृह्णीयाद्भस्म यत्नतः
prātaḥ parvaṇi cāpyevaṃ kṛtvā homā vasānataḥ upasaṃhṛtya rudrāgniṃ gṛhṇīyādbhasma yatnataḥ
Sanskrit only: no published translation is held for this verse.
ततश्च जटिलो मुण्डी शिखैकजट एव वा भूत्वा स्नात्वा ततो वीतलज्जश्चेत्स्याद्दिगम्बरः
tataśca jaṭilo muṇḍī śikhaikajaṭa eva vā bhūtvā snātvā tato vītalajjaścetsyāddigambaraḥ
Sanskrit only: no published translation is held for this verse.
अपि काषायवसनश्चर्मचीराम्बरो ऽथ वा एकाम्बरो वल्कली वा भवेद्दण्डी च मेखली
api kāṣāyavasanaścarmacīrāmbaro 'tha vā ekāmbaro valkalī vā bhaveddaṇḍī ca mekhalī
Sanskrit only: no published translation is held for this verse.
प्रक्षाल्य चरणौ पश्चाद्द्विराचम्यात्मनस्तनुम् संकुलीकृत्य तद्भस्म विरजानलसंभवम्
prakṣālya caraṇau paścāddvirācamyātmanastanum saṃkulīkṛtya tadbhasma virajānalasaṃbhavam
Sanskrit only: no published translation is held for this verse.
अग्निरित्यादिभिर्मंत्रैः षड्भिराथर्वणैः क्रमात् विभृज्यांगानि मूर्धादिचरणांतानि तैस्स्पृशेत्
agnirityādibhirmaṃtraiḥ ṣaḍbhirātharvaṇaiḥ kramāt vibhṛjyāṃgāni mūrdhādicaraṇāṃtāni taisspṛśet
Sanskrit only: no published translation is held for this verse.
ततस्तेन क्रमेणैव समुद्धृत्य च भस्मना सर्वांगोद्धूलनं कुर्यात्प्रणवेन शिवेन वा
tatastena krameṇaiva samuddhṛtya ca bhasmanā sarvāṃgoddhūlanaṃ kuryātpraṇavena śivena vā
Sanskrit only: no published translation is held for this verse.
ततस्त्रिपुण्ड्रं रचयेत्त्रियायुषसमाह्वयम् शिवभावं समागम्य शिवयोगमथाचरेत्
tatastripuṇḍraṃ racayettriyāyuṣasamāhvayam śivabhāvaṃ samāgamya śivayogamathācaret
Sanskrit only: no published translation is held for this verse.
कुर्यात्स्त्रिसन्ध्यमप्येवमेतत्पाशुपतं व्रतम् भुक्तिमुक्तिप्रदं चैतत्पशुत्वं विनिवर्तयेत्
kuryātstrisandhyamapyevametatpāśupataṃ vratam bhuktimuktipradaṃ caitatpaśutvaṃ vinivartayet
Sanskrit only: no published translation is held for this verse.
तत्पशुत्वं परित्यज्य कृत्वा पाशुपतं व्रतम् पूजनीयो महादेवो लिंगमूर्तिस्सनातनः
tatpaśutvaṃ parityajya kṛtvā pāśupataṃ vratam pūjanīyo mahādevo liṃgamūrtissanātanaḥ
Sanskrit only: no published translation is held for this verse.
पद्ममष्टदलं हैमं नवरत्नैरलंकृतम् कर्णिकाकेशरोपेतमासनं परिकल्पयेत्
padmamaṣṭadalaṃ haimaṃ navaratnairalaṃkṛtam karṇikākeśaropetamāsanaṃ parikalpayet
Sanskrit only: no published translation is held for this verse.
विभवे तदभावे तु रक्तं सितमथापि वा पद्मं तस्याप्यभावे तु केवलं भावनामयम्
vibhave tadabhāve tu raktaṃ sitamathāpi vā padmaṃ tasyāpyabhāve tu kevalaṃ bhāvanāmayam
Sanskrit only: no published translation is held for this verse.
तत्पद्मकर्णिकामध्ये कृत्वा लिंगं कनीयसम् स्फीटिकं पीठिकोपेतं पूजयेद्विधिवत्क्रमात्
tatpadmakarṇikāmadhye kṛtvā liṃgaṃ kanīyasam sphīṭikaṃ pīṭhikopetaṃ pūjayedvidhivatkramāt
Sanskrit only: no published translation is held for this verse.
प्रतिष्ठाप्य विधानेन तल्लिंगं कृतशोधनम् परिकल्प्यासनं मूर्तिं पञ्चवक्त्रप्रकारतः
pratiṣṭhāpya vidhānena talliṃgaṃ kṛtaśodhanam parikalpyāsanaṃ mūrtiṃ pañcavaktraprakārataḥ
Sanskrit only: no published translation is held for this verse.
पञ्चगव्यादिभिः पूर्णैर्यथाविभवसंभृतैः स्नापयेत्कलशैः पूर्णैरष्टापदसमुद्भवैः
pañcagavyādibhiḥ pūrṇairyathāvibhavasaṃbhṛtaiḥ snāpayetkalaśaiḥ pūrṇairaṣṭāpadasamudbhavaiḥ
Sanskrit only: no published translation is held for this verse.
गंधद्रव्यैस्सकर्पूरैश्चन्दनाद्यैस्सकुंकुमैः सवेदिकं समालिप्य लिंगं भूषणभूषितम्
gaṃdhadravyaissakarpūraiścandanādyaissakuṃkumaiḥ savedikaṃ samālipya liṃgaṃ bhūṣaṇabhūṣitam
Sanskrit only: no published translation is held for this verse.
बिल्वपत्रैश्च पद्मैश्च रक्तैः श्वेतैस्तथोत्पलैः नीलोत्पलैस्तथान्यैश्च पुष्पैस्तैस्तैस्सुगंधिभिः
bilvapatraiśca padmaiśca raktaiḥ śvetaistathotpalaiḥ nīlotpalaistathānyaiśca puṣpaistaistaissugaṃdhibhiḥ
Sanskrit only: no published translation is held for this verse.
पुण्यैः प्रशस्तैः पत्रैश्च चित्रैर्दूर्वाक्षतादिभिः समभ्यर्च्य यथालाभं महापूजाविधानतः
puṇyaiḥ praśastaiḥ patraiśca citrairdūrvākṣatādibhiḥ samabhyarcya yathālābhaṃ mahāpūjāvidhānataḥ
Sanskrit only: no published translation is held for this verse.
धूपं दीपं तथा चापि नैवेद्यं च समादिशेत् निवेदयित्वा विभवे कल्याणं च समाचरेत्
dhūpaṃ dīpaṃ tathā cāpi naivedyaṃ ca samādiśet nivedayitvā vibhave kalyāṇaṃ ca samācaret
Sanskrit only: no published translation is held for this verse.
इष्टानि च विशिष्टानि न्यायेनोपार्जितानि च सर्वद्रव्याणि देयानि व्रते तस्मिन्विशेषतः
iṣṭāni ca viśiṣṭāni nyāyenopārjitāni ca sarvadravyāṇi deyāni vrate tasminviśeṣataḥ
Sanskrit only: no published translation is held for this verse.
श्रीपत्रोत्पलपद्मानां संख्या साहस्रिकी मता प्रत्येकमपरा संख्या शतमष्टोत्तरं द्विजाः
śrīpatrotpalapadmānāṃ saṃkhyā sāhasrikī matā pratyekamaparā saṃkhyā śatamaṣṭottaraṃ dvijāḥ
Sanskrit only: no published translation is held for this verse.
तत्रापि च विशेषेण न त्यजेद्बिल्वपत्रकम् हैममेकं परं प्राहुः पद्मं पद्मसहस्रकात्
tatrāpi ca viśeṣeṇa na tyajedbilvapatrakam haimamekaṃ paraṃ prāhuḥ padmaṃ padmasahasrakāt
Sanskrit only: no published translation is held for this verse.
नीलोत्पलादिष्वप्येतत्समानं बिल्बपत्रकैः पुष्पान्तरे न नियमो यथालाभं निवेदयेत्
nīlotpalādiṣvapyetatsamānaṃ bilbapatrakaiḥ puṣpāntare na niyamo yathālābhaṃ nivedayet
Sanskrit only: no published translation is held for this verse.
अष्टाङ्गमर्घ्यमुत्कृष्टं धूपालेपौ विशेषतः चन्दनं वामदेवाख्ये हरितालं च पौरुषे
aṣṭāṅgamarghyamutkṛṣṭaṃ dhūpālepau viśeṣataḥ candanaṃ vāmadevākhye haritālaṃ ca pauruṣe
Sanskrit only: no published translation is held for this verse.
ईशाने भसितं केचिदालेपनमितीदृशाम् न धूपमिति मन्यन्ते धूपान्तरविधानतः सितागुरुमघोराख्ये मुखे कृष्णागुरुं पुनः
īśāne bhasitaṃ kecidālepanamitīdṛśām na dhūpamiti manyante dhūpāntaravidhānataḥ sitāgurumaghorākhye mukhe kṛṣṇāguruṃ punaḥ
Sanskrit only: no published translation is held for this verse.
पौरुषे गुग्गुलं सव्ये सौम्ये सौगंधिकं मुखे ईशाने ऽपि ह्युशीरादि देयाद्धूपं विशेषतः
pauruṣe guggulaṃ savye saumye saugaṃdhikaṃ mukhe īśāne 'pi hyuśīrādi deyāddhūpaṃ viśeṣataḥ
Sanskrit only: no published translation is held for this verse.
शर्करामधुकर्पूरकपिलाघृतसंयुतम् चंदनागुरुकाष्ठाद्यं सामान्यं संप्रचक्षते
śarkarāmadhukarpūrakapilāghṛtasaṃyutam caṃdanāgurukāṣṭhādyaṃ sāmānyaṃ saṃpracakṣate
Sanskrit only: no published translation is held for this verse.
कर्पूरवर्तिराज्याढ्या देया दीपावलिस्ततः अर्घ्यमाचमनं देयं प्रतिवक्त्रमतः परम्
karpūravartirājyāḍhyā deyā dīpāvalistataḥ arghyamācamanaṃ deyaṃ prativaktramataḥ param
Sanskrit only: no published translation is held for this verse.
प्रथमावरणे पूज्यो क्रमाद्धेरम्बषण्मुखौ ब्रह्मांगानि ततश्चैव प्रथमावरणेर्चिते
prathamāvaraṇe pūjyo kramāddherambaṣaṇmukhau brahmāṃgāni tataścaiva prathamāvaraṇercite
Sanskrit only: no published translation is held for this verse.
द्वितीयावरणे पूज्या विघ्नेशाश्चक्रवर्तिनः तृतीयावरणे पूज्या भवाद्या अष्टमूर्तयः
dvitīyāvaraṇe pūjyā vighneśāścakravartinaḥ tṛtīyāvaraṇe pūjyā bhavādyā aṣṭamūrtayaḥ
Sanskrit only: no published translation is held for this verse.
महादेवादयस्तत्र तथैकादशमूर्तयः चतुर्थावरणे पूज्याः सर्व एव गणेश्वराः
mahādevādayastatra tathaikādaśamūrtayaḥ caturthāvaraṇe pūjyāḥ sarva eva gaṇeśvarāḥ
Sanskrit only: no published translation is held for this verse.
बहिरेव तु पद्मस्य पञ्चमावरणे क्रमात् दशदिक्पतयः पूज्याः सास्त्राः सानुचरास्तथा
bahireva tu padmasya pañcamāvaraṇe kramāt daśadikpatayaḥ pūjyāḥ sāstrāḥ sānucarāstathā
Sanskrit only: no published translation is held for this verse.
ब्रह्मणो मानसाः पुत्राः सर्वे ऽपि ज्योतिषां गणाः सर्वा देव्यश्च देवाश्च सर्वे सर्वे च खेचराः
brahmaṇo mānasāḥ putrāḥ sarve 'pi jyotiṣāṃ gaṇāḥ sarvā devyaśca devāśca sarve sarve ca khecarāḥ
Sanskrit only: no published translation is held for this verse.
पातालवासिनश्चान्ये सर्वे मुनिगणा अपि योगिनो हि सखास्सर्वे पतंगा मातरस्तथा
pātālavāsinaścānye sarve munigaṇā api yogino hi sakhāssarve pataṃgā mātarastathā
Sanskrit only: no published translation is held for this verse.
क्षेत्रपालाश्च सगणाः सर्वं चैतच्चराचरम् पूजनीयं शिवप्रीत्या मत्त्वा शंभुविभूतिमत्
kṣetrapālāśca sagaṇāḥ sarvaṃ caitaccarācaram pūjanīyaṃ śivaprītyā mattvā śaṃbhuvibhūtimat
Sanskrit only: no published translation is held for this verse.
अथावरणपूजांते संपूज्य परमेश्वरम् साज्यं सव्यं जनं हृद्यं हविर्भक्त्या निवेदयेत्
athāvaraṇapūjāṃte saṃpūjya parameśvaram sājyaṃ savyaṃ janaṃ hṛdyaṃ havirbhaktyā nivedayet
Sanskrit only: no published translation is held for this verse.
मुखवासादिकं दत्त्वा ताम्बूलं सोपदंशकम् अलंकृत्य च भूयो ऽपि नानापुष्पविभूषणैः
mukhavāsādikaṃ dattvā tāmbūlaṃ sopadaṃśakam alaṃkṛtya ca bhūyo 'pi nānāpuṣpavibhūṣaṇaiḥ
Sanskrit only: no published translation is held for this verse.
नीराजनांते विस्तीर्य पूजाशेषं समापयेत् चषकं सोपकारं च शयनं च समर्पयेत्
nīrājanāṃte vistīrya pūjāśeṣaṃ samāpayet caṣakaṃ sopakāraṃ ca śayanaṃ ca samarpayet
Sanskrit only: no published translation is held for this verse.
चन्द्रसंकाशहारं च शयनीयं समर्पयेत् आद्यं नृपोचितं हृद्यं तत्सर्वमनुरूपतः
candrasaṃkāśahāraṃ ca śayanīyaṃ samarpayet ādyaṃ nṛpocitaṃ hṛdyaṃ tatsarvamanurūpataḥ
Sanskrit only: no published translation is held for this verse.
कृत्वा च कारयित्वा च हित्वा च प्रतिपूजनम् स्तोत्रं व्यपोहनं जप्त्वा विद्यां पञ्चाक्षरीं जपेत्
kṛtvā ca kārayitvā ca hitvā ca pratipūjanam stotraṃ vyapohanaṃ japtvā vidyāṃ pañcākṣarīṃ japet
Sanskrit only: no published translation is held for this verse.
प्रदक्षिणां प्रणामं च कृत्वात्मानं समर्पयेत् ततः पुरस्ताद्देवस्य गुरुविप्रौ च पूजयेत्
pradakṣiṇāṃ praṇāmaṃ ca kṛtvātmānaṃ samarpayet tataḥ purastāddevasya guruviprau ca pūjayet
Sanskrit only: no published translation is held for this verse.
दत्त्वार्घ्यमष्टौ पुष्पाणि देवमुद्वास्य लिंगतः अग्नेश्चाग्निं सुसंयम्य ह्युद्वास्य च तमप्युत
dattvārghyamaṣṭau puṣpāṇi devamudvāsya liṃgataḥ agneścāgniṃ susaṃyamya hyudvāsya ca tamapyuta
Sanskrit only: no published translation is held for this verse.
प्रत्यहं च जनस्त्वेवं कुर्यात्सेवां पुरोदिताम् ततस्तत्साम्बुजं लिंगं सर्वोपकरणान्वितम्
pratyahaṃ ca janastvevaṃ kuryātsevāṃ puroditām tatastatsāmbujaṃ liṃgaṃ sarvopakaraṇānvitam
Sanskrit only: no published translation is held for this verse.
समर्पयेत्स्वगुरवे स्थापयेद्वा शिवालये संपूज्य च गुरून्विप्रान्व्रतिनश्च विशेषतः
samarpayetsvagurave sthāpayedvā śivālaye saṃpūjya ca gurūnviprānvratinaśca viśeṣataḥ
Sanskrit only: no published translation is held for this verse.
भक्तान्द्विजांश्च शक्तश्चेद्दीनानाथांश्च तोषयेत् स्वयं चानशने शक्तः फलमूलाशने ऽथ वा
bhaktāndvijāṃśca śaktaśceddīnānāthāṃśca toṣayet svayaṃ cānaśane śaktaḥ phalamūlāśane 'tha vā
Sanskrit only: no published translation is held for this verse.
पयोव्रतो वा भिक्षाशी भवेदेकाशनस्तथा नक्तं युक्ताशनो नित्यं भूशय्यानिरतः शुचिः
payovrato vā bhikṣāśī bhavedekāśanastathā naktaṃ yuktāśano nityaṃ bhūśayyānirataḥ śuciḥ
Sanskrit only: no published translation is held for this verse.
भस्मशायी तृणेशायी चीराजिनधृतो ऽथवा ब्रह्मचर्यव्रतो नित्यं व्रतमेतत्समाचरेत्
bhasmaśāyī tṛṇeśāyī cīrājinadhṛto 'thavā brahmacaryavrato nityaṃ vratametatsamācaret
Sanskrit only: no published translation is held for this verse.
अर्कवारे तथार्द्रायां पञ्चदश्यां च पक्षयोः अष्टम्यां च चतुर्दश्यां शक्तस्तूपवसेदपि
arkavāre tathārdrāyāṃ pañcadaśyāṃ ca pakṣayoḥ aṣṭamyāṃ ca caturdaśyāṃ śaktastūpavasedapi
Sanskrit only: no published translation is held for this verse.
पाखण्डिपतितोदक्यास्सूतकान्त्यजपूर्वकान् वर्जयेत्सर्वयत्नेन मनसा कर्मणा गिरा
pākhaṇḍipatitodakyāssūtakāntyajapūrvakān varjayetsarvayatnena manasā karmaṇā girā
Sanskrit only: no published translation is held for this verse.
क्षमदानदयासत्याहिंसाशीलः सदा भवेत् संतुष्टश्च प्रशान्तश्च जपध्यानरतस्तथा
kṣamadānadayāsatyāhiṃsāśīlaḥ sadā bhavet saṃtuṣṭaśca praśāntaśca japadhyānaratastathā
Sanskrit only: no published translation is held for this verse.
कुर्यात्त्रिषवणस्नानं भस्मस्नानमथापि वा पूजां वैशेषिकीं चैव मनसा वचसा गिरा
kuryāttriṣavaṇasnānaṃ bhasmasnānamathāpi vā pūjāṃ vaiśeṣikīṃ caiva manasā vacasā girā
Sanskrit only: no published translation is held for this verse.
बहुनात्र किमुक्तेन नाचरेदशिवं व्रती प्रमादात्तु तथाचारे निरूप्य गुरुलाघवे
bahunātra kimuktena nācaredaśivaṃ vratī pramādāttu tathācāre nirūpya gurulāghave
Sanskrit only: no published translation is held for this verse.
उचितां निष्कृतिं कुर्यात्पूजाहोमजपादिभिः आसमाप्तेर्व्रतस्यैवमाचरेन्न प्रमादतः
ucitāṃ niṣkṛtiṃ kuryātpūjāhomajapādibhiḥ āsamāptervratasyaivamācarenna pramādataḥ
Sanskrit only: no published translation is held for this verse.
गोदानं च वृषोत्सर्गं कुर्यात्पूजां च संपदा भक्तश्च शिवप्रीत्यर्थं सर्वकामविवर्जितः
godānaṃ ca vṛṣotsargaṃ kuryātpūjāṃ ca saṃpadā bhaktaśca śivaprītyarthaṃ sarvakāmavivarjitaḥ
Sanskrit only: no published translation is held for this verse.
सामान्यमेतत्कथितं व्रतस्यास्य समासतः प्रतिमासं विशेषं च प्रवदामि यथाश्रुतम्
sāmānyametatkathitaṃ vratasyāsya samāsataḥ pratimāsaṃ viśeṣaṃ ca pravadāmi yathāśrutam
Sanskrit only: no published translation is held for this verse.
वैशाखे वज्रलिंगं तु ज्येष्ठे मारकतं शुभम् आषाढे मौक्तिकं विद्याच्छ्रावणे नीलनिर्मितम्
vaiśākhe vajraliṃgaṃ tu jyeṣṭhe mārakataṃ śubham āṣāḍhe mauktikaṃ vidyācchrāvaṇe nīlanirmitam
Sanskrit only: no published translation is held for this verse.
मासे भाद्रपदे चैव पद्मरागमयं परम् आश्विने मासि विद्याद्वै लिंगं गोमेदकं वरम्
māse bhādrapade caiva padmarāgamayaṃ param āśvine māsi vidyādvai liṃgaṃ gomedakaṃ varam
Sanskrit only: no published translation is held for this verse.
कार्तिक्यां वैद्रुमं लिंगं वैदूर्यं मार्गशीर्षके पुष्परागमयं पौषे माघे द्युमणिजन्तथा
kārtikyāṃ vaidrumaṃ liṃgaṃ vaidūryaṃ mārgaśīrṣake puṣparāgamayaṃ pauṣe māghe dyumaṇijantathā
Sanskrit only: no published translation is held for this verse.
फाल्गुणे चन्द्रकान्तोत्थं चैत्रे तद्व्यत्ययो ऽथवा सर्वमासेषु रत्नानामलाभे हैममेव वा
phālguṇe candrakāntotthaṃ caitre tadvyatyayo 'thavā sarvamāseṣu ratnānāmalābhe haimameva vā
Sanskrit only: no published translation is held for this verse.
हैमाभावे राजतं वा ताम्रजं शैलजन्तथा मृन्मयं वा यथालाभं जातुषं चान्यदेव वा
haimābhāve rājataṃ vā tāmrajaṃ śailajantathā mṛnmayaṃ vā yathālābhaṃ jātuṣaṃ cānyadeva vā
Sanskrit only: no published translation is held for this verse.
सर्वगंधमयं वाथ लिंगं कुर्याद्यथारुचि व्रतावसानसमये समाचरितनित्यकः
sarvagaṃdhamayaṃ vātha liṃgaṃ kuryādyathāruci vratāvasānasamaye samācaritanityakaḥ
Sanskrit only: no published translation is held for this verse.
कृत्वा वैशेषिकीं पूजां हुत्वा चैव यथा पुरा संपूज्य च तथाचार्यं व्रतिनश्च विशेषतः
kṛtvā vaiśeṣikīṃ pūjāṃ hutvā caiva yathā purā saṃpūjya ca tathācāryaṃ vratinaśca viśeṣataḥ
Sanskrit only: no published translation is held for this verse.
देशिकेनाप्यनुज्ञातः प्राङ्मुखो वाप्युदङ्मुखः दर्भासनो दर्भपाणिः प्राणापानौ नियम्य च
deśikenāpyanujñātaḥ prāṅmukho vāpyudaṅmukhaḥ darbhāsano darbhapāṇiḥ prāṇāpānau niyamya ca
Sanskrit only: no published translation is held for this verse.
जपित्वा शक्तितो मूलं ध्यात्वा साम्बं त्रियम्बकम् अनुज्ञाप्य यथापूर्वं नमस्कृत्य कृताञ्जलिः
japitvā śaktito mūlaṃ dhyātvā sāmbaṃ triyambakam anujñāpya yathāpūrvaṃ namaskṛtya kṛtāñjaliḥ
Sanskrit only: no published translation is held for this verse.
समुत्सृजामि भगवन्व्रतमेतत्त्वदाज्ञया इत्युक्त्वा लिंगमूलस्थान्दर्भानुत्तरतस्त्यजेत्
samutsṛjāmi bhagavanvratametattvadājñayā ityuktvā liṃgamūlasthāndarbhānuttaratastyajet
Sanskrit only: no published translation is held for this verse.
ततो दण्डजटाचीरमेखला अपि चोत्सृजेत् पुनराचम्य विधिवत्पञ्चाक्षरमुदीरयेत्
tato daṇḍajaṭācīramekhalā api cotsṛjet punarācamya vidhivatpañcākṣaramudīrayet
Sanskrit only: no published translation is held for this verse.
यः कृत्वात्यंतिकीं दीक्षामादेहान्तमनाकुलः व्रतमेतत्प्रकुर्वीत स तु वै नैष्ठिकः स्मृतः
yaḥ kṛtvātyaṃtikīṃ dīkṣāmādehāntamanākulaḥ vratametatprakurvīta sa tu vai naiṣṭhikaḥ smṛtaḥ
Sanskrit only: no published translation is held for this verse.
सो ऽत्याश्रमी च विज्ञेयो महापाशुपतस्तथा स एव तपतां श्रेष्ठ स एव च महाव्रती
so 'tyāśramī ca vijñeyo mahāpāśupatastathā sa eva tapatāṃ śreṣṭha sa eva ca mahāvratī
Sanskrit only: no published translation is held for this verse.
न तेन सदृशः कश्चित्कृतकृत्यो मुमुक्षुषु यो यतिर्नैष्ठिको जातस्तमाहुर्नैष्ठिकोत्तमम्
na tena sadṛśaḥ kaścitkṛtakṛtyo mumukṣuṣu yo yatirnaiṣṭhiko jātastamāhurnaiṣṭhikottamam
Sanskrit only: no published translation is held for this verse.
यो ऽन्वहं द्वादशाहं वा व्रतमेतत्समाचरेत् सो ऽपि नैष्ठिकतुल्यः स्यात्तीव्रव्रतसमन्वयात्
yo 'nvahaṃ dvādaśāhaṃ vā vratametatsamācaret so 'pi naiṣṭhikatulyaḥ syāttīvravratasamanvayāt
Sanskrit only: no published translation is held for this verse.
घृताक्तो यश्चरेदेतद्व्रतं व्रतपरायणः द्वित्रैकदिवसं वापि स च कश्चन नैष्ठिकः
ghṛtākto yaścaredetadvrataṃ vrataparāyaṇaḥ dvitraikadivasaṃ vāpi sa ca kaścana naiṣṭhikaḥ
Sanskrit only: no published translation is held for this verse.
कृत्यमित्येव निष्कामो यश्चरेद्व्रतमुत्तमम् शिवार्पितात्मा सततं न तेन सदृशः क्वचित्
kṛtyamityeva niṣkāmo yaścaredvratamuttamam śivārpitātmā satataṃ na tena sadṛśaḥ kvacit
Sanskrit only: no published translation is held for this verse.
भस्मच्छन्नो द्विजो विद्वान्महापातकसंभवैः पापैस्सुदारुणैस्सद्यो मुच्यते नात्र संशयः
bhasmacchanno dvijo vidvānmahāpātakasaṃbhavaiḥ pāpaissudāruṇaissadyo mucyate nātra saṃśayaḥ
Sanskrit only: no published translation is held for this verse.
रुद्राग्निर्यत्परं वीर्यन्तद्भस्म परिकीर्तितम् तस्मात्सर्वेषु कालेषु वीर्यवान्भस्मसंयुतः
rudrāgniryatparaṃ vīryantadbhasma parikīrtitam tasmātsarveṣu kāleṣu vīryavānbhasmasaṃyutaḥ
Sanskrit only: no published translation is held for this verse.
भस्मनिष्ठस्य नश्यन्ति देषा भस्माग्निसंगमात् भस्मस्नानविशुद्धात्मा भस्मनिष्ठ इति स्मृतः
bhasmaniṣṭhasya naśyanti deṣā bhasmāgnisaṃgamāt bhasmasnānaviśuddhātmā bhasmaniṣṭha iti smṛtaḥ
Sanskrit only: no published translation is held for this verse.
भस्मना दिग्धसर्वांगो भस्मदीप्तत्रिपुंड्रकः भस्मस्नायी च पुरुषो भस्मनिष्ठ इति स्मृतः
bhasmanā digdhasarvāṃgo bhasmadīptatripuṃḍrakaḥ bhasmasnāyī ca puruṣo bhasmaniṣṭha iti smṛtaḥ
Sanskrit only: no published translation is held for this verse.
भूतप्रेतपिशासाश्च रोगाश्चातीव दुस्सहाः भस्मनिष्ठस्य सान्निध्याद्विद्रवंति न संशयः
bhūtapretapiśāsāśca rogāścātīva dussahāḥ bhasmaniṣṭhasya sānnidhyādvidravaṃti na saṃśayaḥ
Sanskrit only: no published translation is held for this verse.
भासनाद्भासितं प्रोक्तं भस्म कल्मषभक्षणात् भूतिभूतिकरी चैव रक्षा रक्षाकरी परम्
bhāsanādbhāsitaṃ proktaṃ bhasma kalmaṣabhakṣaṇāt bhūtibhūtikarī caiva rakṣā rakṣākarī param
Sanskrit only: no published translation is held for this verse.
किमन्यदिह वक्तव्यं भस्ममाहात्म्यकारणम् व्रती च भस्मना स्नातस्स्वयं देवो महेश्वरः
kimanyadiha vaktavyaṃ bhasmamāhātmyakāraṇam vratī ca bhasmanā snātassvayaṃ devo maheśvaraḥ
Sanskrit only: no published translation is held for this verse.
परमास्त्रं च शैवानां भस्मैतत्पारमेश्वरम् धौम्याग्रजस्य तपसि व्यापदो यन्निवारिताः
paramāstraṃ ca śaivānāṃ bhasmaitatpārameśvaram dhaumyāgrajasya tapasi vyāpado yannivāritāḥ
Sanskrit only: no published translation is held for this verse.
तस्मात्सर्वप्रयत्नेन कृत्वा पाशुपतव्रतम् धनवद्भस्म संगृह्य भस्मस्नानरतो भवेत्
tasmātsarvaprayatnena kṛtvā pāśupatavratam dhanavadbhasma saṃgṛhya bhasmasnānarato bhavet
Sanskrit only: no published translation is held for this verse.