Siva-Purana 7.2.29

श्रीकृष्ण उवाच भगवंस्त्वन्मुखादेव श्रुतं श्रुतिसमं मया स्वाश्रितानां शिवप्रोक्तं नित्यनैमित्तिकं तथा

śrīkṛṣṇa uvāca bhagavaṃstvanmukhādeva śrutaṃ śrutisamaṃ mayā svāśritānāṃ śivaproktaṃ nityanaimittikaṃ tathā

Sanskrit only: no published translation is held for this verse.

इदानीं श्रोतुमिच्छामि शिवधर्माधिकारिणाम् काम्यमप्यस्ति चेत्कर्म वक्तुमर्हसि साम्प्रतम्

idānīṃ śrotumicchāmi śivadharmādhikāriṇām kāmyamapyasti cetkarma vaktumarhasi sāmpratam

Sanskrit only: no published translation is held for this verse.

उपमन्युरुवाच अस्त्यैहिकफलं किञ्चिदामुष्मिकफलं तथा ऐहिकामुष्मिकञ्चापि तच्च पञ्चविधं पुनः

upamanyuruvāca astyaihikaphalaṃ kiñcidāmuṣmikaphalaṃ tathā aihikāmuṣmikañcāpi tacca pañcavidhaṃ punaḥ

Sanskrit only: no published translation is held for this verse.

किंचित्क्रियामयं कर्म किंचित्कर्म तपो मयम्

kiṃcitkriyāmayaṃ karma kiṃcitkarma tapo mayam

Sanskrit only: no published translation is held for this verse.

जपध्यानमयं किंचित्किंचित्सर्वमयं तथा क्रियामयं तथा भिन्नं होमदानार्चनक्रमात्

japadhyānamayaṃ kiṃcitkiṃcitsarvamayaṃ tathā kriyāmayaṃ tathā bhinnaṃ homadānārcanakramāt

Sanskrit only: no published translation is held for this verse.

सर्वशक्तिमतामेव नान्येषां सफलं भवेत् शक्तिश्चाज्ञा मदेशस्य शिवस्य परमात्मनः

sarvaśaktimatāmeva nānyeṣāṃ saphalaṃ bhavet śaktiścājñā madeśasya śivasya paramātmanaḥ

Sanskrit only: no published translation is held for this verse.

तस्मात्काम्यानि कर्माणि कुर्यादाज्ञाधरोद्विजः अथ वक्ष्यामि काम्यं हि चेहामुत्र फलप्रदम्

tasmātkāmyāni karmāṇi kuryādājñādharodvijaḥ atha vakṣyāmi kāmyaṃ hi cehāmutra phalapradam

Sanskrit only: no published translation is held for this verse.

शैवैर्माहेश्वरैश्चैव कार्यमंतर्बहिः क्रमात् शिवो महेश्वरश्चेति नात्यंतमिह भिद्यते

śaivairmāheśvaraiścaiva kāryamaṃtarbahiḥ kramāt śivo maheśvaraśceti nātyaṃtamiha bhidyate

Sanskrit only: no published translation is held for this verse.

यथा तथा न भिद्यंते शैवा माहेश्वरा अपि शिवाश्रिता हि ते शैवा ज्ञानयज्ञरता नराः

yathā tathā na bhidyaṃte śaivā māheśvarā api śivāśritā hi te śaivā jñānayajñaratā narāḥ

Sanskrit only: no published translation is held for this verse.

माहेश्वरास्समाख्याता कर्मयज्ञरता भुवि तस्मादाभ्यन्तरे कुर्युः शैवा माहेश्वरा वहिः

māheśvarāssamākhyātā karmayajñaratā bhuvi tasmādābhyantare kuryuḥ śaivā māheśvarā vahiḥ

Sanskrit only: no published translation is held for this verse.

न तु प्रयोगो भिद्येत वक्ष्यमाणस्य कर्मणः परीक्ष्य भूमिं विधिवद्गंधवर्णरसादिभिः

na tu prayogo bhidyeta vakṣyamāṇasya karmaṇaḥ parīkṣya bhūmiṃ vidhivadgaṃdhavarṇarasādibhiḥ

Sanskrit only: no published translation is held for this verse.

मनोभिलषिते तत्र वितानविततांबरे सुप्रलिप्ते महीपृष्ठे दर्पणोदरसंनिभे

manobhilaṣite tatra vitānavitatāṃbare supralipte mahīpṛṣṭhe darpaṇodarasaṃnibhe

Sanskrit only: no published translation is held for this verse.

प्राचीमुत्पादयेत्पूर्वं शास्त्रदृष्टेन वर्त्मना एकहस्तं द्विहस्तं वा मण्डलं परिकल्पयेत्

prācīmutpādayetpūrvaṃ śāstradṛṣṭena vartmanā ekahastaṃ dvihastaṃ vā maṇḍalaṃ parikalpayet

Sanskrit only: no published translation is held for this verse.

आलिखेद्विमलं पद्ममष्टपत्रं सकर्णिकम् रत्नहेमादिभिश्चूर्णैर्यथासंभवसंभृतैः

ālikhedvimalaṃ padmamaṣṭapatraṃ sakarṇikam ratnahemādibhiścūrṇairyathāsaṃbhavasaṃbhṛtaiḥ

Sanskrit only: no published translation is held for this verse.

पञ्चावरणसंयुक्तं बहुशोभासमन्वितम् दलेषु सिद्धयः कल्प्याः केसरेषु सशक्तिकाः

pañcāvaraṇasaṃyuktaṃ bahuśobhāsamanvitam daleṣu siddhayaḥ kalpyāḥ kesareṣu saśaktikāḥ

Sanskrit only: no published translation is held for this verse.

रुद्रा वामादयस्त्वष्टौ पूर्वादिदलतः क्रमात् कर्णिकायां च वैराग्यं बीजेषु नव शक्तयः

rudrā vāmādayastvaṣṭau pūrvādidalataḥ kramāt karṇikāyāṃ ca vairāgyaṃ bījeṣu nava śaktayaḥ

Sanskrit only: no published translation is held for this verse.

स्कन्दे शिवात्मको धर्मो नाले ज्ञानं शिवाश्रयम् कर्णिकोपरि चाग्नेयं मंडलं सौरमैन्दवम्

skande śivātmako dharmo nāle jñānaṃ śivāśrayam karṇikopari cāgneyaṃ maṃḍalaṃ sauramaindavam

Sanskrit only: no published translation is held for this verse.

शिवविद्यात्मतत्त्वाख्यं तत्त्वत्रयमतः परम् सर्वासनोपरि सुखं विचित्रकुसुमान्वितम्

śivavidyātmatattvākhyaṃ tattvatrayamataḥ param sarvāsanopari sukhaṃ vicitrakusumānvitam

Sanskrit only: no published translation is held for this verse.

पञ्चावरणसंयुक्तं पूजयेदंबया सह शुद्धस्फटिकसंकाशं प्रसन्नं शीतलद्युतिम्

pañcāvaraṇasaṃyuktaṃ pūjayedaṃbayā saha śuddhasphaṭikasaṃkāśaṃ prasannaṃ śītaladyutim

Sanskrit only: no published translation is held for this verse.

विद्युद्वलयसंकाशजटामुकुटभूषितम् शार्दूलचर्मवसनं किञ्चित्स्मितमुखांबुजम्

vidyudvalayasaṃkāśajaṭāmukuṭabhūṣitam śārdūlacarmavasanaṃ kiñcitsmitamukhāṃbujam

Sanskrit only: no published translation is held for this verse.

रक्तपद्मदलप्रख्यपादपाणितलाधरम् सर्वलक्षणसंपन्नं सर्वाभरणभूषितम्

raktapadmadalaprakhyapādapāṇitalādharam sarvalakṣaṇasaṃpannaṃ sarvābharaṇabhūṣitam

Sanskrit only: no published translation is held for this verse.

दिव्यायुधवरैर्युक्तं दिव्यगंधानुलेपनम् पञ्चवक्त्रं दशभुजं चन्द्रखण्डशिखामणिम्

divyāyudhavarairyuktaṃ divyagaṃdhānulepanam pañcavaktraṃ daśabhujaṃ candrakhaṇḍaśikhāmaṇim

Sanskrit only: no published translation is held for this verse.

अस्य पूर्वमुखं सौम्यं बालार्कसदृशप्रभम् त्रिलोचनारविंदाढ्यं कृतबालेंदुशेखरम्

asya pūrvamukhaṃ saumyaṃ bālārkasadṛśaprabham trilocanāraviṃdāḍhyaṃ kṛtabāleṃduśekharam

Sanskrit only: no published translation is held for this verse.

दक्षिणं नीलजीमूतसमानरुचिरप्रभम् भ्रुकुटीकुटिलं घोरं रक्तवृत्तेक्षणत्रयम्

dakṣiṇaṃ nīlajīmūtasamānaruciraprabham bhrukuṭīkuṭilaṃ ghoraṃ raktavṛttekṣaṇatrayam

Sanskrit only: no published translation is held for this verse.

दंष्ट्राकरालं दुर्धर्षं स्फुरिताधरपल्लवम् उत्तरं विद्रुमप्रख्यं नीलालकविभूषितम्

daṃṣṭrākarālaṃ durdharṣaṃ sphuritādharapallavam uttaraṃ vidrumaprakhyaṃ nīlālakavibhūṣitam

Sanskrit only: no published translation is held for this verse.

सविलासं त्रिनयनं चन्द्राभरणशेखरम् पश्चिमं पूर्णचन्द्राभं लोचनत्रितयोज्ज्वलम्

savilāsaṃ trinayanaṃ candrābharaṇaśekharam paścimaṃ pūrṇacandrābhaṃ locanatritayojjvalam

Sanskrit only: no published translation is held for this verse.

चन्द्ररेखाधरं सौम्यं मंदस्मितमनोहरम् पञ्चमं स्फटिकप्रख्यमिंदुरेखासमुज्ज्वलम्

candrarekhādharaṃ saumyaṃ maṃdasmitamanoharam pañcamaṃ sphaṭikaprakhyamiṃdurekhāsamujjvalam

Sanskrit only: no published translation is held for this verse.

अतीव सौम्यमुत्फुल्ललोचनत्रितयोज्ज्वलम् दक्षिणे शूलपरशुवज्रखड्गानलोज्ज्वलम्

atīva saumyamutphullalocanatritayojjvalam dakṣiṇe śūlaparaśuvajrakhaḍgānalojjvalam

Sanskrit only: no published translation is held for this verse.

सव्ये च नागनाराचघण्टापाशांकुशोज्ज्वलम् निवृत्त्याजानुसंबद्धमानाभेश्च प्रतिष्ठया

savye ca nāganārācaghaṇṭāpāśāṃkuśojjvalam nivṛttyājānusaṃbaddhamānābheśca pratiṣṭhayā

Sanskrit only: no published translation is held for this verse.

आकंठं विद्यया तद्वदाललाटं तु शांतया तदूर्ध्वं शांत्यतीताख्यकलया परया तथा

ākaṃṭhaṃ vidyayā tadvadālalāṭaṃ tu śāṃtayā tadūrdhvaṃ śāṃtyatītākhyakalayā parayā tathā

Sanskrit only: no published translation is held for this verse.

पञ्चाध्वव्यापिनं साक्षात्कलापञ्चकविग्रहम् ईशानमुकुटं देवं पुरुषाख्यं पुरातनम्

pañcādhvavyāpinaṃ sākṣātkalāpañcakavigraham īśānamukuṭaṃ devaṃ puruṣākhyaṃ purātanam

Sanskrit only: no published translation is held for this verse.

अघोरहृदयं तद्वद्वामगुह्यं महेश्वरम् सद्यपादं च तन्मूर्तिमष्टत्रिंशत्कलामयम्

aghorahṛdayaṃ tadvadvāmaguhyaṃ maheśvaram sadyapādaṃ ca tanmūrtimaṣṭatriṃśatkalāmayam

Sanskrit only: no published translation is held for this verse.

मातृकामयमीशानं पञ्चब्रह्ममयं तथा ॐकाराख्यमयं चैव हंसशक्त्या समन्वितम्

mātṛkāmayamīśānaṃ pañcabrahmamayaṃ tathā oṃkārākhyamayaṃ caiva haṃsaśaktyā samanvitam

Sanskrit only: no published translation is held for this verse.

तथेच्छात्मिकया शक्त्या समारूढांकमंडलम् ज्ञानाख्यया दक्षिणतो वामतश्च क्रियाख्यया

tathecchātmikayā śaktyā samārūḍhāṃkamaṃḍalam jñānākhyayā dakṣiṇato vāmataśca kriyākhyayā

Sanskrit only: no published translation is held for this verse.

तत्त्वत्रयमयं साक्षाद्विद्यामूर्तिं सदाशिवम् मूर्तिमूलेन संकल्प्य सकलीकृत्य च क्रमात्

tattvatrayamayaṃ sākṣādvidyāmūrtiṃ sadāśivam mūrtimūlena saṃkalpya sakalīkṛtya ca kramāt

Sanskrit only: no published translation is held for this verse.

संपूज्य च यथान्यायमर्घान्तं मूलविद्यया मूर्तिमन्तं शिवं साक्षाच्छक्त्या परमया सह

saṃpūjya ca yathānyāyamarghāntaṃ mūlavidyayā mūrtimantaṃ śivaṃ sākṣācchaktyā paramayā saha

Sanskrit only: no published translation is held for this verse.

तत्रावाह्य महादेवं सदसद्व्यक्तिवर्जितम् पञ्चोपकरणं कृत्वा पूजयेत्परमेश्वरम्

tatrāvāhya mahādevaṃ sadasadvyaktivarjitam pañcopakaraṇaṃ kṛtvā pūjayetparameśvaram

Sanskrit only: no published translation is held for this verse.

ब्रह्मभिश्च षडङ्गैश्च ततो मातृकया सह प्रणवेन शिवेनैव शक्तियुक्तेन च क्रमात्

brahmabhiśca ṣaḍaṅgaiśca tato mātṛkayā saha praṇavena śivenaiva śaktiyuktena ca kramāt

Sanskrit only: no published translation is held for this verse.

शांतेन वा तथान्यैश्च वेदमन्त्रैश्च कृत्स्नशः पूजयेत्परमं देवं केवलेन शिवेन वा

śāṃtena vā tathānyaiśca vedamantraiśca kṛtsnaśaḥ pūjayetparamaṃ devaṃ kevalena śivena vā

Sanskrit only: no published translation is held for this verse.

पाद्यादिमुखवासांतं कृत्वा प्रस्थापनं विना पञ्चावरणपूजां तु ह्यारभेत यथाक्रमम्

pādyādimukhavāsāṃtaṃ kṛtvā prasthāpanaṃ vinā pañcāvaraṇapūjāṃ tu hyārabheta yathākramam

Sanskrit only: no published translation is held for this verse.