Ṣaḍviṃśa Brāhmaṇa of the Sāmaveda 3.1

यद्धोता जहाति वाग्घ तद् यजमानं जहाति स यत् तत् करोति स्वां वाचं यजमाने दधाति स विष्वङ् वाचामुष्मिंल्लोके सम्भवति

yaddhotā jahāti vāggha tad yajamānaṃ jahāti sa yat tat karoti svāṃ vācaṃ yajamāne dadhāti sa viṣvaṅ vācāmuṣmiṃlloke sambhavati

Sanskrit only: no published translation is held for this verse.

यद् अध्वर्युर् जहाति चक्षुर् ह तद् यजमानं जहाति स यत् तत् करोति स्वं चक्षुर् यजमाने दधाति स विष्वङ् चक्षुषामुष्मिंल्लोके सम्भवति

yad adhvaryur jahāti cakṣur ha tad yajamānaṃ jahāti sa yat tat karoti svaṃ cakṣur yajamāne dadhāti sa viṣvaṅ cakṣuṣāmuṣmiṃlloke sambhavati

Sanskrit only: no published translation is held for this verse.

यद् ब्रह्मा जहाति मनो ह तद् यजमानं जहाति स यत् तत् करोति स्वं मनो यजमाने दधाति स विष्वङ् मनसामुष्मिंल्लोके सम्भवति

yad brahmā jahāti mano ha tad yajamānaṃ jahāti sa yat tat karoti svaṃ mano yajamāne dadhāti sa viṣvaṅ manasāmuṣmiṃlloke sambhavati

Sanskrit only: no published translation is held for this verse.

यद् उद्गाता जहाति श्रोत्रं ह तद् यजमानं जहाति स यत् तत् करोति स्वं श्रोत्रं यजमाने दधाति स विष्वङ् श्रोत्रेणामुष्मिंल्लोके सम्भवति

yad udgātā jahāti śrotraṃ ha tad yajamānaṃ jahāti sa yat tat karoti svaṃ śrotraṃ yajamāne dadhāti sa viṣvaṅ śrotreṇāmuṣmiṃlloke sambhavati

Sanskrit only: no published translation is held for this verse.

यत् सदस्यो जहाति आत्मा ह तद् यजमानं जहाति स यत् तत् करोति स्वात्मानं यजमाने दधाति स विष्वङ्ङ् आत्मनामुष्मिंल्लोके सम्भवति

yat sadasyo jahāti ātmā ha tad yajamānaṃ jahāti sa yat tat karoti svātmānaṃ yajamāne dadhāti sa viṣvaṅṅ ātmanāmuṣmiṃlloke sambhavati

Sanskrit only: no published translation is held for this verse.

यद्धोत्राशंसिनो जहत्य् अङ्गानि ह तद् यजमानं जहति ते यत् तत् कुर्वन्ति स्वान्य् अङ्गानि यजमाने दधति ते विष्वञ्चो ऽङ्गैर् अमुष्मिंल्लोके सम्भवन्ति

yaddhotrāśaṃsino jahaty aṅgāni ha tad yajamānaṃ jahati te yat tat kurvanti svāny aṅgāni yajamāne dadhati te viṣvañco 'ṅgair amuṣmiṃlloke sambhavanti

Sanskrit only: no published translation is held for this verse.

यच् चमसाध्वर्यवो जहति लोमानि ह तद् यजमानं जहति ते यत् तत् कुर्वन्ति स्वानि लोमानि यजमाने दधति ते विष्वञ्चो लोमभिर् अमुष्मिंल्लोके सम्भवन्ति

yac camasādhvaryavo jahati lomāni ha tad yajamānaṃ jahati te yat tat kurvanti svāni lomāni yajamāne dadhati te viṣvañco lomabhir amuṣmiṃlloke sambhavanti

Sanskrit only: no published translation is held for this verse.

तस्माद् एवंविद् यज्ञे हीनं न कुर्यात्

tasmād evaṃvid yajñe hīnaṃ na kuryāt

Sanskrit only: no published translation is held for this verse.

अथ वा अत ऋत्विजाम् एव विज्ञानम्

atha vā ata ṛtvijām eva vijñānam

Sanskrit only: no published translation is held for this verse.

पशवो हाध्वर्युम् अनु कीर्तिर् होतारं योगक्षेमो ब्रह्माणम् आत्मा च प्रजा चोद्गातारम्

paśavo hādhvaryum anu kīrtir hotāraṃ yogakṣemo brahmāṇam ātmā ca prajā codgātāram

Sanskrit only: no published translation is held for this verse.