Ṣaḍviṃśa Brāhmaṇa of the Sāmaveda 3.3

ते वा ऋत्विजः स यजमानः दैवा वा अन्य ऋत्विजो मानुषा अन्ये यं दैवा याजयन्ति देवलोकम् एव स तैर् अवरुन्द्धे न मनुष्यलोकम् अथ यं मानुषा याजयन्ति मनुष्यलोकम् एव स तैर् अवरुन्द्धे न देवलोकम् अथ यम् उभये याजयन्ति देवलोकं चैव स तैर् अवरुन्द्धे मनुष्यलोकं च

te vā ṛtvijaḥ sa yajamānaḥ daivā vā anya ṛtvijo mānuṣā anye yaṃ daivā yājayanti devalokam eva sa tair avarunddhe na manuṣyalokam atha yaṃ mānuṣā yājayanti manuṣyalokam eva sa tair avarunddhe na devalokam atha yam ubhaye yājayanti devalokaṃ caiva sa tair avarunddhe manuṣyalokaṃ ca

Sanskrit only: no published translation is held for this verse.

स एतान् दैवान् ऋत्विजो वृणीत अग्निर् मे होतादित्यो मे ऽध्वर्युश् चन्द्रमा मे ब्रह्मा पर्जन्यो म उद्गाताकाशो मे सदस्य आपो मे होत्राशंसिनो रश्मयो मे चमसाध्वर्यवः

sa etān daivān ṛtvijo vṛṇīta agnir me hotādityo me 'dhvaryuś candramā me brahmā parjanyo ma udgātākāśo me sadasya āpo me hotrāśaṃsino raśmayo me camasādhvaryavaḥ

Sanskrit only: no published translation is held for this verse.

स एतान् दैवान् ऋत्विजो वृत्वाथैतान् मानुषान् वृणीत य एनम् अभिराधयेयुः

sa etān daivān ṛtvijo vṛtvāthaitān mānuṣān vṛṇīta ya enam abhirādhayeyuḥ

Sanskrit only: no published translation is held for this verse.

अथ क्षत्रियं देवयजनं याचेत्

atha kṣatriyaṃ devayajanaṃ yācet

Sanskrit only: no published translation is held for this verse.

स चेत् तस्मै दद्याद् देवयजनवान् भूया इत्य् एनं ब्रूयात्

sa cet tasmai dadyād devayajanavān bhūyā ity enaṃ brūyāt

Sanskrit only: no published translation is held for this verse.

न चेत् तस्मै दद्याद् यद् अहं देवयजनं वेद तस्मिंस् त्वा वृश्चानीत्य् एनं ब्रूयात्

na cet tasmai dadyād yad ahaṃ devayajanaṃ veda tasmiṃs tvā vṛścānīty enaṃ brūyāt

Sanskrit only: no published translation is held for this verse.

अग्निर् वाव तद् देवयजनं भूमिर् वाव तद् देवयजनम् आपो वाव तद् देवयजनं श्रद्धा वाव तद् देवयजनम् एतेषु ह वा एनं देवयजनेष्व् आवृश्चत्य् अथो हार्तिम् एवापौरुषेयीं नेति

agnir vāva tad devayajanaṃ bhūmir vāva tad devayajanam āpo vāva tad devayajanaṃ śraddhā vāva tad devayajanam eteṣu ha vā enaṃ devayajaneṣv āvṛścaty atho hārtim evāpauruṣeyīṃ neti

Sanskrit only: no published translation is held for this verse.

अथ तत एत्यर्त्विजो देवयजनं याचेत्

atha tata etyartvijo devayajanaṃ yācet

Sanskrit only: no published translation is held for this verse.

अग्निर् मे होता स मे देवयजनं ददातु होतर् देवयजनं मे देहीत्य् उच्चैः आदित्यो मे ऽध्वर्युः स मे देवयजनं ददातु अध्वर्यो देवयजनं मे देहीत्य् उच्चैः चन्द्रमा मे ब्रह्मा स मे देवयजनं ददातु ब्रह्मन् देवयजनं मे देहीत्य् उच्चैः पर्जन्यो म उद्गाता स मे देवयजनं ददातु उद्गातर् देवयजनं मे देहीत्य् उच्चैः आकाशो मे सदस्यः स मे देवयजनं ददातु सदस्य देवयजनं मे देहीत्य् उच्चैः आपो मे होत्राशंसिनः ते मे देवयजनं ददतु होत्राशंसिनो देवयजनं मे दत्तेत्य् उच्चैः रश्मयो मे चमसाध्वर्यवः ते मे देवयजनं ददतु चमसाध्वर्यवो देवयजनं मे दत्तेत्य् उच्चैः

agnir me hotā sa me devayajanaṃ dadātu hotar devayajanaṃ me dehīty uccaiḥ ādityo me 'dhvaryuḥ sa me devayajanaṃ dadātu adhvaryo devayajanaṃ me dehīty uccaiḥ candramā me brahmā sa me devayajanaṃ dadātu brahman devayajanaṃ me dehīty uccaiḥ parjanyo ma udgātā sa me devayajanaṃ dadātu udgātar devayajanaṃ me dehīty uccaiḥ ākāśo me sadasyaḥ sa me devayajanaṃ dadātu sadasya devayajanaṃ me dehīty uccaiḥ āpo me hotrāśaṃsinaḥ te me devayajanaṃ dadatu hotrāśaṃsino devayajanaṃ me dattety uccaiḥ raśmayo me camasādhvaryavaḥ te me devayajanaṃ dadatu camasādhvaryavo devayajanaṃ me dattety uccaiḥ

Sanskrit only: no published translation is held for this verse.

ता वा एता देवता ऋत्विजाम् एव वाग्भिर् देवयजनं ददति स दत्ते यजते

tā vā etā devatā ṛtvijām eva vāgbhir devayajanaṃ dadati sa datte yajate

Sanskrit only: no published translation is held for this verse.

यद् उन्नतं भूम्या अनूषरं यत्र बहुला ओषधयश् चात्वालसारिण्यो यत्रापः स्युस् तस्य नु पुरः

yad unnataṃ bhūmyā anūṣaraṃ yatra bahulā oṣadhayaś cātvālasāriṇyo yatrāpaḥ syus tasya nu puraḥ

Sanskrit only: no published translation is held for this verse.

तस्य न पुरस्ताद् देवयजनमात्रम् अतिशिष्याद् यावाञ्छम्याप्रासः

tasya na purastād devayajanamātram atiśiṣyād yāvāñchamyāprāsaḥ

Sanskrit only: no published translation is held for this verse.

अपरपुरुषा हास्माच्छ्रेयांसो भवन्ति यस्यैवम् अतिरेचयन्ति

aparapuruṣā hāsmācchreyāṃso bhavanti yasyaivam atirecayanti

Sanskrit only: no published translation is held for this verse.

कामं दक्षिणत आगामुका हैनं दक्षिणा भवन्ति

kāmaṃ dakṣiṇata āgāmukā hainaṃ dakṣiṇā bhavanti

Sanskrit only: no published translation is held for this verse.

कामं पश्चाद् अपरपुरुषा हास्माच्छ्रेयांसो भवन्ति

kāmaṃ paścād aparapuruṣā hāsmācchreyāṃso bhavanti

Sanskrit only: no published translation is held for this verse.

कामम् उत्तरत उत्तरा हैनं देवयज्योपनामुका भवति उत्तरोत्तरणी हास्य श्रीर् भवति

kāmam uttarata uttarā hainaṃ devayajyopanāmukā bhavati uttarottaraṇī hāsya śrīr bhavati

Sanskrit only: no published translation is held for this verse.

यस्य पुरस्तात् त्रीणि ज्योतींषि दृश्येरन् अग्निर् आप आदित्यस् तद् देवयजनं तत् त्रिशुक्रियम्

yasya purastāt trīṇi jyotīṃṣi dṛśyeran agnir āpa ādityas tad devayajanaṃ tat triśukriyam

Sanskrit only: no published translation is held for this verse.

पुरस्ताच्चित्रं देवयजनम्

purastāccitraṃ devayajanam

Sanskrit only: no published translation is held for this verse.

पश्चाच्चित्रं श्मशानकरणम्

paścāccitraṃ śmaśānakaraṇam

Sanskrit only: no published translation is held for this verse.

प्रागुदक्प्रवणं देवयजनम्

prāgudakpravaṇaṃ devayajanam

Sanskrit only: no published translation is held for this verse.

पश्चाद्दक्षिणाप्रवणं श्मशानकरणम्

paścāddakṣiṇāpravaṇaṃ śmaśānakaraṇam

Sanskrit only: no published translation is held for this verse.

यथा वै दक्षिणः पाणिर् एवं देवयजनम्

yathā vai dakṣiṇaḥ pāṇir evaṃ devayajanam

Sanskrit only: no published translation is held for this verse.

यथा सव्यस् तथा श्मशानकरणम्

yathā savyas tathā śmaśānakaraṇam

Sanskrit only: no published translation is held for this verse.

यथा श्मशानकरणं तथाभिचरणीयानां देवयजनम्

yathā śmaśānakaraṇaṃ tathābhicaraṇīyānāṃ devayajanam

Sanskrit only: no published translation is held for this verse.

अप्य् उ हैक एवम् आहुर् यस्मिन्न् एव कस्मिंश्चिद् देशे श्रद्दधानो यजत ऋध्नोत्य् एवेति

apy u haika evam āhur yasminn eva kasmiṃścid deśe śraddadhāno yajata ṛdhnoty eveti

Sanskrit only: no published translation is held for this verse.