Ṣaḍviṃśa Brāhmaṇa of the Sāmaveda 6.1

अथातो ऽद्भुतानां कर्मणां शान्तिं व्याख्यास्यामः

athāto 'dbhutānāṃ karmaṇāṃ śāntiṃ vyākhyāsyāmaḥ

Sanskrit only: no published translation is held for this verse.

पालाशानां समिधाम् अष्टसहस्रं जुहुयात्

pālāśānāṃ samidhām aṣṭasahasraṃ juhuyāt

Sanskrit only: no published translation is held for this verse.

ऐन्द्रयाम्यवारुणधानदाग्नेयवायव्यसौम्यवैष्णव्येत्य् अष्टौ

aindrayāmyavāruṇadhānadāgneyavāyavyasaumyavaiṣṇavyety aṣṭau

Sanskrit only: no published translation is held for this verse.

इन्द्रायेन्दो मरुत्वते नाके सुपर्णम् उप यत् पतन्तम् घृतवती भुवनानाम् अभि त्यं देवं सवितारम् ओण्योः अग्निं दूतं वृणीमहे वात आ वातु भेषजम् सोमं राजानं वरुणम् इदं विष्णुर् विचक्रमे इति

indrāyendo marutvate nāke suparṇam upa yat patantam ghṛtavatī bhuvanānām abhi tyaṃ devaṃ savitāram oṇyoḥ agniṃ dūtaṃ vṛṇīmahe vāta ā vātu bheṣajam somaṃ rājānaṃ varuṇam idaṃ viṣṇur vicakrame iti

Sanskrit only: no published translation is held for this verse.

एतानि सामप्रभृत्यष्टशतं जपित्वा स्वस्ति वाचयित्वा स्वस्ति हैषां भवति

etāni sāmaprabhṛtyaṣṭaśataṃ japitvā svasti vācayitvā svasti haiṣāṃ bhavati

Sanskrit only: no published translation is held for this verse.

स्वस्तिदा विशस्पतिः स्वस्त्ययनं तार्क्ष्यम् अरिष्टनेमिं त्यम् ऊ षु वाजिनं देवजूतम् आयुर् विश्वायुः शतं जीव शरदो वर्धमान इति

svastidā viśaspatiḥ svastyayanaṃ tārkṣyam ariṣṭanemiṃ tyam ū ṣu vājinaṃ devajūtam āyur viśvāyuḥ śataṃ jīva śarado vardhamāna iti

Sanskrit only: no published translation is held for this verse.

एतैः संभाराणाम् उपस्थापनं कृत्वा स्वस्ति वाचयित्वा स्वस्ति हास्य भवति स्वस्ति हास्य भवति

etaiḥ saṃbhārāṇām upasthāpanaṃ kṛtvā svasti vācayitvā svasti hāsya bhavati svasti hāsya bhavati

Sanskrit only: no published translation is held for this verse.