Ṣaḍviṃśa Brāhmaṇa of the Sāmaveda 6.12

स सर्वां दिशम् अन्वावर्तते

sa sarvāṃ diśam anvāvartate

Sanskrit only: no published translation is held for this verse.

अथ यदास्य मानुषाणाम् अतिधृतिम् अतिदुःखं वा पर्वताः स्फुटन्ति निपतन्त्य् आकाशाद् भूमिः कम्पते महाद्रुमा उन्मूलन्ति अश्मानः प्लवन्ति तटाकानि प्रज्वलन्ति चतुष्पादं पञ्चपादं वा भवन्ति इत्य् एवमादीनि तान्य् एतानि सर्वाणि सूर्यदेवत्यान्य् अद्भुतानि प्रायश्चित्तानि भवन्ति

atha yadāsya mānuṣāṇām atidhṛtim atiduḥkhaṃ vā parvatāḥ sphuṭanti nipatanty ākāśād bhūmiḥ kampate mahādrumā unmūlanti aśmānaḥ plavanti taṭākāni prajvalanti catuṣpādaṃ pañcapādaṃ vā bhavanti ity evamādīni tāny etāni sarvāṇi sūryadevatyāny adbhutāni prāyaścittāni bhavanti

Sanskrit only: no published translation is held for this verse.

उद् उ त्यं जातवेदसम् इति स्थालीपाकं हुत्वा पञ्चभिर् आज्याहुतिभिर् अभिजुहोति सूर्याय स्वाहा सर्वग्रहाधिपतये स्वाहा किरणपाणये स्वाहा ईश्वराय स्वाहा सर्वपापशमनाय स्वाहा इति व्याहृतिभिर् हुत्वा अथ साम गायेत्

ud u tyaṃ jātavedasam iti sthālīpākaṃ hutvā pañcabhir ājyāhutibhir abhijuhoti sūryāya svāhā sarvagrahādhipataye svāhā kiraṇapāṇaye svāhā īśvarāya svāhā sarvapāpaśamanāya svāhā iti vyāhṛtibhir hutvā atha sāma gāyet

Sanskrit only: no published translation is held for this verse.