Ṣaḍviṃśa Brāhmaṇa of the Sāmaveda 6.8

सो ऽन्तरिक्षम् अन्वावर्तते

so 'ntarikṣam anvāvartate

Sanskrit only: no published translation is held for this verse.

अथ यदास्य विवाता वाता वायन्ते अभ्रेषु चापरूपाणि दृश्यन्ते खरकरभमन्थकङ्ककपोतोलूककाकगृध्रश्येनभासवायसगोमायुसंस्थान्य् उपरि पांसुमांसपेश्यस्थिरुधिरवर्षाणि प्रवर्तन्ते काकमिथुनानि दृश्यन्ते रात्रौ मणिधनुं पश्येत् शशका ग्रामं प्रविशन्ति वृक्षाः स्रवन्ति रुधिराणि आकाशे राजकुलं वसति इत्य् एवमादीनि तान्य् एतानि सर्वाणि वायुदेवत्यान्य् अद्भुतानि प्रायश्चित्तानि भवन्ति

atha yadāsya vivātā vātā vāyante abhreṣu cāparūpāṇi dṛśyante kharakarabhamanthakaṅkakapotolūkakākagṛdhraśyenabhāsavāyasagomāyusaṃsthāny upari pāṃsumāṃsapeśyasthirudhiravarṣāṇi pravartante kākamithunāni dṛśyante rātrau maṇidhanuṃ paśyet śaśakā grāmaṃ praviśanti vṛkṣāḥ sravanti rudhirāṇi ākāśe rājakulaṃ vasati ity evamādīni tāny etāni sarvāṇi vāyudevatyāny adbhutāni prāyaścittāni bhavanti

Sanskrit only: no published translation is held for this verse.

वात आवातु भेषजम् इति स्थालीपाकं हुत्वा पञ्चभिर् आज्याहुतिभिर् अभिजुहोति वायवे स्वाहा महद्भूताधिपतये स्वाहा शीघ्रपाणये स्वाहा ईश्वराय स्वाहा सर्वपापशमनाय स्वाहा इति व्याहृतिभिर् हुत्वा अथ साम गायेत्

vāta āvātu bheṣajam iti sthālīpākaṃ hutvā pañcabhir ājyāhutibhir abhijuhoti vāyave svāhā mahadbhūtādhipataye svāhā śīghrapāṇaye svāhā īśvarāya svāhā sarvapāpaśamanāya svāhā iti vyāhṛtibhir hutvā atha sāma gāyet

Sanskrit only: no published translation is held for this verse.