Abhinanda: Kadambarikathasara 4

मरणव्यवसायनिश्चला कृतवत्य् अस्मि च संविधानकम् । निरियाय च चन्द्रमण्डलात् पुरुषः को ऽपि हिमोपमद्युतिः

maraṇavyavasāyaniścalā kṛtavaty asmi ca saṃvidhānakam / niriyāya ca candramaṇḍalāt puruṣaḥ ko 'pi himopamadyutiḥ

Sanskrit only: no published translation is held for this verse.

सो ऽवतीर्य गगनान् महीतले तं निधाय भुजपञ्जरान्तरे । उत्पतन् दिवम् उदारया गिरा माम् अवोचत पितेव सान्त्वयन्

so 'vatīrya gaganān mahītale taṃ nidhāya bhujapañjarāntare / utpatan divam udārayā girā mām avocata piteva sāntvayan

Sanskrit only: no published translation is held for this verse.

विरम मरणोद्योगाद् अस्मात् प्रियेण तवामुना पुनर् अपि महाश्वेते वत्से भविष्यति संगमः । इति गिरम् अहं तस्माच् छ्रुत्वा ससम्भ्रमविस्मया किम् इदम् इति तं तत्रापृच्छं प्रसृत्य कपिञ्जलम्

virama maraṇodyogād asmāt priyeṇa tavāmunā punar api mahāśvete vatse bhaviṣyati saṃgamaḥ / iti giram ahaṃ tasmāc chrutvā sasambhramavismayā kim idam iti taṃ tatrāpṛcchaṃ prasṛtya kapiñjalam

Sanskrit only: no published translation is held for this verse.

प्रियसखम् अपहृत्य क्वाधुना गच्छसीति स्फुरितविकटकोपाटोपमुक्तोर्ध्वदृष्टिः । मम वचनम् अदत्त्वा किञ्चिद् एवातिवेगा कृतपरिकरबन्धः सो ऽप्य् अगाद् अन्तरिक्षम्

priyasakham apahṛtya kvādhunā gacchasīti sphuritavikaṭakopāṭopamuktordhvadṛṣṭiḥ / mama vacanam adattvā kiñcid evātivegā kṛtaparikarabandhaḥ so 'py agād antarikṣam

Sanskrit only: no published translation is held for this verse.

पश्यन्त्यां मयि ते त्रयो ऽपि विविशुः शीतत्विषो मण्डलं तत्सम्प्रत्ययसंहृतोचितविधिः साहं श्रितेदं व्रतम् । तातेनैत्य ततः प्रभृत्य् अहम् इहासीनाथ नेतुं गृहं यत्नेनापि न पारितेति सुचिरं स्थित्वा गतः स्वान् गृहान्

paśyantyāṃ mayi te trayo 'pi viviśuḥ śītatviṣo maṇḍalaṃ tatsampratyayasaṃhṛtocitavidhiḥ sāhaṃ śritedaṃ vratam / tātenaitya tataḥ prabhṛty aham ihāsīnātha netuṃ gṛhaṃ yatnenāpi na pāriteti suciraṃ sthitvā gataḥ svān gṛhān

Sanskrit only: no published translation is held for this verse.