:ए इत्य् आदिमहापुराणे आग्नेये रामायणे सुन्दरकाण्डवर्णनं नाम नवमो ऽध्यायः छप्तेर् १० :श् अथ दशमो ऽध्यायः श्रीरामावतारवर्णनं नाराद उवाच रामोक्तश्चाङ्गदो गत्वा रावणं प्राह जानकी दीयतां राघवायाशु अन्यथा त्वं मरिष्यसि
:e ity ādimahāpurāṇe āgneye rāmāyaṇe sundarakāṇḍavarṇanaṃ nāma navamo 'dhyāyaḥ Chapter 10 :ś atha daśamo 'dhyāyaḥ śrīrāmāvatāravarṇanaṃ nārāda uvāca rāmoktaścāṅgado gatvā rāvaṇaṃ prāha jānakī dīyatāṃ rāghavāyāśu anyathā tvaṃ mariṣyasi
Sanskrit only: no published translation is held for this verse.
रावणो हन्तुमुद्युक्तः सङ्ग्रामोद्धतराक्षसः रामायाह दशग्रीवो युद्धमेकं तु मन्यते
rāvaṇo hantumudyuktaḥ saṅgrāmoddhatarākṣasaḥ rāmāyāha daśagrīvo yuddhamekaṃ tu manyate
Sanskrit only: no published translation is held for this verse.
रामो युद्धाय तच् छ्रुत्वा लङ्कां सकपिराययौ वानरो हनूमान् मैन्दो द्विविदो जाम्बवान्नलः
rāmo yuddhāya tac chrutvā laṅkāṃ sakapirāyayau vānaro hanūmān maindo dvivido jāmbavānnalaḥ
Sanskrit only: no published translation is held for this verse.
नीलस्तारोङ्गदो धूम्रः सुषेणः केशरी गयः :प् २३ पनसो विनतो रम्भः शरभः क्रथनो बली
nīlastāroṅgado dhūmraḥ suṣeṇaḥ keśarī gayaḥ :p 23 panaso vinato rambhaḥ śarabhaḥ krathano balī
Sanskrit only: no published translation is held for this verse.
गवाक्षो दधिवक्त्रश् च गवयो गन्धमादनः एते चान्ये च सुग्रीव एतैर् युक्तो ह्य् असङ्ख्यकैः
gavākṣo dadhivaktraś ca gavayo gandhamādanaḥ ete cānye ca sugrīva etair yukto hy asaṅkhyakaiḥ
Sanskrit only: no published translation is held for this verse.
रक्षसां वानराणाञ्च युद्धं सङ्कुलमाबभौ राक्षसा वानरान् जघ्नुः शरशक्तिगदादिभिः
rakṣasāṃ vānarāṇāñca yuddhaṃ saṅkulamābabhau rākṣasā vānarān jaghnuḥ śaraśaktigadādibhiḥ
Sanskrit only: no published translation is held for this verse.
वानरा राक्षसाञ् जघ्नुर् नखदन्तशिलादिभिः हस्त्यश्वरथपादातं राक्षसानां बलं हतं
vānarā rākṣasāñ jaghnur nakhadantaśilādibhiḥ hastyaśvarathapādātaṃ rākṣasānāṃ balaṃ hataṃ
Sanskrit only: no published translation is held for this verse.
हनूमान् गिरिशृङ्गेण धूम्राक्षमबधीद्रिपुम् अकम्पनं प्रहस्तञ्च युध्यन्तं नील आबधीत्
hanūmān giriśṛṅgeṇa dhūmrākṣamabadhīdripum akampanaṃ prahastañca yudhyantaṃ nīla ābadhīt
Sanskrit only: no published translation is held for this verse.
इन्द्रजिच्च्छरबन्धाच्च विमुक्तौ रामलक्ष्मणौ तार्क्षसन्दर्शनाद्वाणैर् जघ्नतू राक्षसं बलम्
indrajicccharabandhācca vimuktau rāmalakṣmaṇau tārkṣasandarśanādvāṇair jaghnatū rākṣasaṃ balam
Sanskrit only: no published translation is held for this verse.
रामः शरैर् जर्जरितं रावणञ्चाकरोद्रणे रावनः कुम्भकर्णञ्च बोधयामास दुःखितः
rāmaḥ śarair jarjaritaṃ rāvaṇañcākarodraṇe rāvanaḥ kumbhakarṇañca bodhayāmāsa duḥkhitaḥ
Sanskrit only: no published translation is held for this verse.
कुम्भकर्णः प्रबुद्धो ऽथ पीत्वा घटसहस्रकम् मद्यस्य महिषादीनां भक्षयित्वाह रावणम्
kumbhakarṇaḥ prabuddho 'tha pītvā ghaṭasahasrakam madyasya mahiṣādīnāṃ bhakṣayitvāha rāvaṇam
Sanskrit only: no published translation is held for this verse.
सीताया हरणं पापं कृतन्त्वं हि गुरुर्यतः अतो गच्छामि युद्धाय रामं हन्मि सवानरम्
sītāyā haraṇaṃ pāpaṃ kṛtantvaṃ hi gururyataḥ ato gacchāmi yuddhāya rāmaṃ hanmi savānaram
Sanskrit only: no published translation is held for this verse.
इत्युक्त्वा वानरान् सर्वान् कुम्भकर्णो ममर्द ह गृहीतस्तेन सुग्रीवः कर्णनासं चकर्त सः
ityuktvā vānarān sarvān kumbhakarṇo mamarda ha gṛhītastena sugrīvaḥ karṇanāsaṃ cakarta saḥ
Sanskrit only: no published translation is held for this verse.
कर्णनासाविहीनो ऽसौ भक्षयामास वानरान् रामो ऽथ कुम्भकर्णस्य बाहू चिच्छेद शायकैः
karṇanāsāvihīno 'sau bhakṣayāmāsa vānarān rāmo 'tha kumbhakarṇasya bāhū ciccheda śāyakaiḥ
Sanskrit only: no published translation is held for this verse.
ततः पादौ ततश्छित्वा शिरो भूमौ व्यपातयत् अथ कुम्भो निकुम्भश् च मकराक्षश् च राक्षसः
tataḥ pādau tataśchitvā śiro bhūmau vyapātayat atha kumbho nikumbhaś ca makarākṣaś ca rākṣasaḥ
Sanskrit only: no published translation is held for this verse.
महोदरो महापार्श्वो मत्त उन्मत्तराक्षसः प्रघसो भासकर्णश् च विरूपाक्षश् च संयुगे
mahodaro mahāpārśvo matta unmattarākṣasaḥ praghaso bhāsakarṇaś ca virūpākṣaś ca saṃyuge
Sanskrit only: no published translation is held for this verse.
देवान्तको नरान्तश् च त्रिशिराश्चातिकायकः :प् २४ रामेण लक्ष्मणेनैते वानरैः सविभीषणैः
devāntako narāntaś ca triśirāścātikāyakaḥ :p 24 rāmeṇa lakṣmaṇenaite vānaraiḥ savibhīṣaṇaiḥ
Sanskrit only: no published translation is held for this verse.
युध्यमानास्तया ह्य् अन्ये राक्षसा भुवि पातिताः इन्द्रजिन्मायया युध्यन् रामादीन् सम्बबन्ध ह
yudhyamānāstayā hy anye rākṣasā bhuvi pātitāḥ indrajinmāyayā yudhyan rāmādīn sambabandha ha
Sanskrit only: no published translation is held for this verse.
वरदत्तैर् नागबाणैः(१) ओषध्या तौ विशल्यकौ विशल्ययाब्रणौ कृत्वा मारुत्यानीतपर्वते
varadattair nāgabāṇaiḥ(1) oṣadhyā tau viśalyakau viśalyayābraṇau kṛtvā mārutyānītaparvate
Sanskrit only: no published translation is held for this verse.
हनूमान् धारयामास तत्रागं यत्र संस्थितः निकुम्भिलायां होमादि कुर्वन्तं तं हि लक्ष्मणः
hanūmān dhārayāmāsa tatrāgaṃ yatra saṃsthitaḥ nikumbhilāyāṃ homādi kurvantaṃ taṃ hi lakṣmaṇaḥ
Sanskrit only: no published translation is held for this verse.
शरैर् इन्द्रजितं वीरं युद्धे तं तु व्यशातयत् रावणः शोकसन्तप्तः सीतां हन्तुं समुद्यतः
śarair indrajitaṃ vīraṃ yuddhe taṃ tu vyaśātayat rāvaṇaḥ śokasantaptaḥ sītāṃ hantuṃ samudyataḥ
Sanskrit only: no published translation is held for this verse.
अविन्ध्यवारितो(२) राजा रथस्थः सबलो ययौ इन्द्रोक्तो मातली रामं रथस्थं प्रचकार तम्
avindhyavārito(2) rājā rathasthaḥ sabalo yayau indrokto mātalī rāmaṃ rathasthaṃ pracakāra tam
Sanskrit only: no published translation is held for this verse.
रामरावणयोर्युद्धं रामरावणयोरिव रावणो वानरान् हन्ति मारुत्याद्याश् च रावणम्
rāmarāvaṇayoryuddhaṃ rāmarāvaṇayoriva rāvaṇo vānarān hanti mārutyādyāś ca rāvaṇam
Sanskrit only: no published translation is held for this verse.
रामः शस्त्रैस्तमस्त्रैश् च ववर्ध जलदो यथा तस्य ध्वजं स चिच्छेद रथमश्वांश् च सारथिम्
rāmaḥ śastraistamastraiś ca vavardha jalado yathā tasya dhvajaṃ sa ciccheda rathamaśvāṃś ca sārathim
Sanskrit only: no published translation is held for this verse.
धनुर्बाहूञ्छिरांस्येव उत्तिष्ठन्ति शिरांसि हि पैतामहेन हृदयं भित्वा रामेण रावणः
dhanurbāhūñchirāṃsyeva uttiṣṭhanti śirāṃsi hi paitāmahena hṛdayaṃ bhitvā rāmeṇa rāvaṇaḥ
Sanskrit only: no published translation is held for this verse.
भूतले पातितः सर्वै राक्षसै रुरुदुः स्त्रियः आश्वास्य तञ्च संस्कृत्य रामाज्ञप्तो विभीषणः
bhūtale pātitaḥ sarvai rākṣasai ruruduḥ striyaḥ āśvāsya tañca saṃskṛtya rāmājñapto vibhīṣaṇaḥ
Sanskrit only: no published translation is held for this verse.
हनूमतानयद्रामः सीतां शुद्धां गृहीतवान् रामो वह्नौ प्रविष्टान्तां शुद्धामिन्द्रादिभिः स्तुतः
hanūmatānayadrāmaḥ sītāṃ śuddhāṃ gṛhītavān rāmo vahnau praviṣṭāntāṃ śuddhāmindrādibhiḥ stutaḥ
Sanskrit only: no published translation is held for this verse.
ब्रह्मणा दशरथेन त्वं विष्णू राक्षसमर्दनः इन्द्रोर्चितो ऽमृतवृष्ट्या जीवयामास वानरान्
brahmaṇā daśarathena tvaṃ viṣṇū rākṣasamardanaḥ indrorcito 'mṛtavṛṣṭyā jīvayāmāsa vānarān
Sanskrit only: no published translation is held for this verse.
:प् २५ रामेण पूजिता जग्मुर् युद्धं दृष्ट्वा दिवञ्च ते रामो विभीषणायादाल् लङ्कामभ्यर्च्य वानरान्
:p 25 rāmeṇa pūjitā jagmur yuddhaṃ dṛṣṭvā divañca te rāmo vibhīṣaṇāyādāl laṅkāmabhyarcya vānarān
Sanskrit only: no published translation is held for this verse.
ससीतः पुष्पके स्थित्वा गतमार्गेण वै गतः(१) दर्शयन् वनदुर्गाणि सीतायै हृष्टमानसः
sasītaḥ puṣpake sthitvā gatamārgeṇa vai gataḥ(1) darśayan vanadurgāṇi sītāyai hṛṣṭamānasaḥ
Sanskrit only: no published translation is held for this verse.
भरद्वाजं नमस्कृत्य नन्दिग्रामं समागतः भरतेन नतश्चागाद् अयोध्यान्तत्र संस्थितः
bharadvājaṃ namaskṛtya nandigrāmaṃ samāgataḥ bharatena nataścāgād ayodhyāntatra saṃsthitaḥ
Sanskrit only: no published translation is held for this verse.
वसिष्ठादीन्नमस्कृत्य कौशल्याञ्चैव केकयीम् सुमित्रां प्राप्तराज्यो ऽथ द्विजादीन् सो ऽभ्यपूजयत्
vasiṣṭhādīnnamaskṛtya kauśalyāñcaiva kekayīm sumitrāṃ prāptarājyo 'tha dvijādīn so 'bhyapūjayat
Sanskrit only: no published translation is held for this verse.
वासुदेवं स्वमात्मानम् अश्वमेधैर् अथायजत् सर्वदानानि स ददौ पालयामास सः प्रजाः
vāsudevaṃ svamātmānam aśvamedhair athāyajat sarvadānāni sa dadau pālayāmāsa saḥ prajāḥ
Sanskrit only: no published translation is held for this verse.
पुत्रवद्धर्मकामादीन् दुष्टनिग्रहणे रतः सर्वधर्मपरो लोकः सर्वशस्या च मेदिनी नाकालमरणञ्चासीद् रामे राज्यं प्रशासति
putravaddharmakāmādīn duṣṭanigrahaṇe rataḥ sarvadharmaparo lokaḥ sarvaśasyā ca medinī nākālamaraṇañcāsīd rāme rājyaṃ praśāsati
Sanskrit only: no published translation is held for this verse.