:ए इत्य् आदिमहापुराणे आग्नेये महाभारतवर्णनं नाम पञ्चदशो ऽध्यायः छप्तेर् १६ :श् अथ षोडशो ऽध्यायः बुद्धाद्यवतारकथनम् अग्निर् उवाच वक्ष्ये बुद्धावतारञ्च पठतः शृण्वतोर्थदम् पुरा देवासुरे युद्धे दैत्यैर् देवाः पराजिताः
:e ity ādimahāpurāṇe āgneye mahābhāratavarṇanaṃ nāma pañcadaśo 'dhyāyaḥ Chapter 16 :ś atha ṣoḍaśo 'dhyāyaḥ buddhādyavatārakathanam agnir uvāca vakṣye buddhāvatārañca paṭhataḥ śṛṇvatorthadam purā devāsure yuddhe daityair devāḥ parājitāḥ
Sanskrit only: no published translation is held for this verse.
रक्ष रक्षेति शरणं वदन्तो जग्मुरीश्वरम् मायमोहस्वरुपोसौ शुद्धोदनसुतो ऽभवत्
rakṣa rakṣeti śaraṇaṃ vadanto jagmurīśvaram māyamohasvaruposau śuddhodanasuto 'bhavat
Sanskrit only: no published translation is held for this verse.
मोहयामास दैत्यांस्तांस्त्याजिता वेदधर्मकम् ते च बौद्धा बभूवुर्हि तेभ्योन्ये वेदवर्जिताः
mohayāmāsa daityāṃstāṃstyājitā vedadharmakam te ca bauddhā babhūvurhi tebhyonye vedavarjitāḥ
Sanskrit only: no published translation is held for this verse.
आर्हतः सो ऽभवत् पश्चादार्हतानकरोत् परान् एवं पाषण्डिनो जाता वेदधर्मादिवर्जिताः
ārhataḥ so 'bhavat paścādārhatānakarot parān evaṃ pāṣaṇḍino jātā vedadharmādivarjitāḥ
Sanskrit only: no published translation is held for this verse.
:प् ३९ नरकार्हं कर्म चक्रुर्ग्रहीष्यन्त्यधमादपि सर्वे कलियुगान्ते तु भविष्यन्ति च सङ्कराः
:p 39 narakārhaṃ karma cakrurgrahīṣyantyadhamādapi sarve kaliyugānte tu bhaviṣyanti ca saṅkarāḥ
Sanskrit only: no published translation is held for this verse.
दस्यवः शीलहीनाश् च वेदो वाजसनेयकः दश पञ्च च शाखा वै प्रमाणेन भविष्यति
dasyavaḥ śīlahīnāś ca vedo vājasaneyakaḥ daśa pañca ca śākhā vai pramāṇena bhaviṣyati
Sanskrit only: no published translation is held for this verse.
धर्मकञ्चुकसंवीता अधर्मरुचयस् तथा मानुषान् भक्षयिष्यन्ति म्लेच्छाः पार्थिवरूपिणः
dharmakañcukasaṃvītā adharmarucayas tathā mānuṣān bhakṣayiṣyanti mlecchāḥ pārthivarūpiṇaḥ
Sanskrit only: no published translation is held for this verse.
कल्की विष्णुयशःपुत्रो याज्ञवल्क्यपुरोहितः उत्सादयिष्यति म्लेच्छान् गृहीतास्त्रः कृतायुधः
kalkī viṣṇuyaśaḥputro yājñavalkyapurohitaḥ utsādayiṣyati mlecchān gṛhītāstraḥ kṛtāyudhaḥ
Sanskrit only: no published translation is held for this verse.
स्थापयिष्यति मर्यादां चातुर्वर्ण्ये यथोचिताम् आश्रमेषु च सर्वेषु प्रजाः सद्धर्मवर्त्मनि
sthāpayiṣyati maryādāṃ cāturvarṇye yathocitām āśrameṣu ca sarveṣu prajāḥ saddharmavartmani
Sanskrit only: no published translation is held for this verse.
कल्किरूपं परित्यज्य हरिः स्वर्गं गमिष्यति ततः कृतयुगान्नाम पुरावत् सम्भविष्यति
kalkirūpaṃ parityajya hariḥ svargaṃ gamiṣyati tataḥ kṛtayugānnāma purāvat sambhaviṣyati
Sanskrit only: no published translation is held for this verse.
वर्नाश्रमाश् च धर्मेषु स्वेषु स्थास्यन्ति सत्तम एवं सर्वेषु कल्पेषु सर्वमन्वन्तरेषु च
varnāśramāś ca dharmeṣu sveṣu sthāsyanti sattama evaṃ sarveṣu kalpeṣu sarvamanvantareṣu ca
Sanskrit only: no published translation is held for this verse.
अवतारा असङ्ख्याता अतीतानागतादयः विष्णोर्दशावताराख्यान् यः पठेत् शृणुयान्नरः
avatārā asaṅkhyātā atītānāgatādayaḥ viṣṇordaśāvatārākhyān yaḥ paṭhet śṛṇuyānnaraḥ
Sanskrit only: no published translation is held for this verse.
सोवाप्तकामो विमलः सकुलः स्वर्गमाप्नुयात् धर्माधर्मव्यवस्थानमेवं वै कुरुते हरिः अवतीर्णञ्च स गतः सर्गादेः कारणं हरिः
sovāptakāmo vimalaḥ sakulaḥ svargamāpnuyāt dharmādharmavyavasthānamevaṃ vai kurute hariḥ avatīrṇañca sa gataḥ sargādeḥ kāraṇaṃ hariḥ
Sanskrit only: no published translation is held for this verse.