Agni-Purana 174

:प् १८९ छप्तेर् १७४ :श् अथ चतुःसप्तत्यधिकशततमो ऽध्यायः प्रायश्चित्तानि अग्निर् उवाच देवाश्रमार्चनादीनां प्रायश्चित्तन्तु लोपतः पूजालोपे चाष्टशतं जपेद्द्विगुणपूजनं

:p 189 Chapter 174 :ś atha catuḥsaptatyadhikaśatatamo 'dhyāyaḥ prāyaścittāni agnir uvāca devāśramārcanādīnāṃ prāyaścittantu lopataḥ pūjālope cāṣṭaśataṃ japeddviguṇapūjanaṃ

Sanskrit only: no published translation is held for this verse.

पञ्चोपनिषदैर् मन्त्रैर् हुत्वा ब्राह्मणभोजनं सूतिकान्त्यजकोदक्यास्पृष्टे देवे शतं जपेत्(१)

pañcopaniṣadair mantrair hutvā brāhmaṇabhojanaṃ sūtikāntyajakodakyāspṛṣṭe deve śataṃ japet(1)

Sanskrit only: no published translation is held for this verse.

पञ्चोपनिषदैः पूजां द्विगुणं स्नानमेव च विप्रभोज्यं होमलोपे होमस्नानं तथार्चनं

pañcopaniṣadaiḥ pūjāṃ dviguṇaṃ snānameva ca viprabhojyaṃ homalope homasnānaṃ tathārcanaṃ

Sanskrit only: no published translation is held for this verse.

होमद्रव्ये मूषिकाद्यैर् भक्षिते कीटसंयुते तावन्मात्रं परित्यज्य प्रोक्ष्य देवादि पूजयेत्

homadravye mūṣikādyair bhakṣite kīṭasaṃyute tāvanmātraṃ parityajya prokṣya devādi pūjayet

Sanskrit only: no published translation is held for this verse.

अङ्कुरार्पणमात्रन्तु छिन्नं भिन्नं परित्यजेत् अस्पृश्यैश् चैव संस्पृष्टे अन्यपात्रे तदर्पणं

aṅkurārpaṇamātrantu chinnaṃ bhinnaṃ parityajet aspṛśyaiś caiva saṃspṛṣṭe anyapātre tadarpaṇaṃ

Sanskrit only: no published translation is held for this verse.

देवमानुषविघ्नघ्नं पूजाकाले तथैव च मन्त्रद्रव्यादिव्यत्यासे मूलं जप्त्वा पुनर्जपेत्

devamānuṣavighnaghnaṃ pūjākāle tathaiva ca mantradravyādivyatyāse mūlaṃ japtvā punarjapet

Sanskrit only: no published translation is held for this verse.

कुम्भेनाष्टशतजपो देवे तु पतिते करात् भिन्ने नष्टे चोपवासः शतहोमाच्छुभं भवेत्(२)

kumbhenāṣṭaśatajapo deve tu patite karāt bhinne naṣṭe copavāsaḥ śatahomācchubhaṃ bhavet(2)

Sanskrit only: no published translation is held for this verse.

:प् १९० कृते पापे ऽनुतापो वै यस्य पुंसः प्रजायते प्रायश्चित्तन्तु तस्यैकं हरिसंस्मरणं परं

:p 190 kṛte pāpe 'nutāpo vai yasya puṃsaḥ prajāyate prāyaścittantu tasyaikaṃ harisaṃsmaraṇaṃ paraṃ

Sanskrit only: no published translation is held for this verse.

चान्द्रायणं पराको वा प्राजापत्यमघौघनुत् सूर्येशशक्तिश्रीशदिमन्त्रजप्यमघौघनुत्

cāndrāyaṇaṃ parāko vā prājāpatyamaghaughanut sūryeśaśaktiśrīśadimantrajapyamaghaughanut

Sanskrit only: no published translation is held for this verse.

गायत्रीप्रणवस्तोत्रमन्त्रजप्यमघान्तकं काद्यैर् आवीजसंयुक्तैर् आद्यैर् आद्यैस्तदन्तकैः

gāyatrīpraṇavastotramantrajapyamaghāntakaṃ kādyair āvījasaṃyuktair ādyair ādyaistadantakaiḥ

Sanskrit only: no published translation is held for this verse.

सूर्येशशक्तिश्रीशादिमन्त्राः कोट्यधिकाः पृथक् ॐह्रीमाद्याश् चतुर्थ्यन्ता नमोन्ताः सर्वकामदाः

sūryeśaśaktiśrīśādimantrāḥ koṭyadhikāḥ pṛthak oṃhrīmādyāś caturthyantā namontāḥ sarvakāmadāḥ

Sanskrit only: no published translation is held for this verse.

नृसिंहद्वादशाष्टार्णमालामन्त्राद्यघौघनुत् आग्नेयस्य पुराणस्य पठनं श्रवणादिकं

nṛsiṃhadvādaśāṣṭārṇamālāmantrādyaghaughanut āgneyasya purāṇasya paṭhanaṃ śravaṇādikaṃ

Sanskrit only: no published translation is held for this verse.

द्विविद्यारूपको विष्णुरग्निरूपस्तु गीयते परमात्मा देवमुखं सर्ववेदेषु गीयते

dvividyārūpako viṣṇuragnirūpastu gīyate paramātmā devamukhaṃ sarvavedeṣu gīyate

Sanskrit only: no published translation is held for this verse.

प्रवृत्तौ तु निवृत्तौ तु इज्यते भुक्तिमुक्तिदः(१) अग्निरूपस्य विष्णोर्हि हवनं ध्यानमर्चनं

pravṛttau tu nivṛttau tu ijyate bhuktimuktidaḥ(1) agnirūpasya viṣṇorhi havanaṃ dhyānamarcanaṃ

Sanskrit only: no published translation is held for this verse.

जप्यं स्तुतिश् च प्रणतिः शारीराशेषाघौघनुत् दशस्वर्णानि दानानि धान्यद्वादशमेव च

japyaṃ stutiś ca praṇatiḥ śārīrāśeṣāghaughanut daśasvarṇāni dānāni dhānyadvādaśameva ca

Sanskrit only: no published translation is held for this verse.

तुलापुरुषमुख्यानि महादानानि षोडश अन्नदानानि मुख्यानि सर्वाण्यघहराणि हि

tulāpuruṣamukhyāni mahādānāni ṣoḍaśa annadānāni mukhyāni sarvāṇyaghaharāṇi hi

Sanskrit only: no published translation is held for this verse.

तिथिवारर्क्षसङ्क्रान्तियोगमन्वादिकालके ब्रतादि सूर्येशशक्तिश्रीशादेरघघातनं(२)

tithivārarkṣasaṅkrāntiyogamanvādikālake bratādi sūryeśaśaktiśrīśāderaghaghātanaṃ(2)

Sanskrit only: no published translation is held for this verse.

गङ्गा गया प्रयागश् च काश्ययोध्या ह्य् अवम्तिका :प् १९१ कुरुक्षेत्रं पुष्करञ्च नैमिषं पुरुषोत्तमः

gaṅgā gayā prayāgaś ca kāśyayodhyā hy avamtikā :p 191 kurukṣetraṃ puṣkarañca naimiṣaṃ puruṣottamaḥ

Sanskrit only: no published translation is held for this verse.

शालग्रामप्रभासाद्यं तीर्थञ्चघोघघातकं अहं ब्रह्म परं ज्योतिरिति ध्यानमघौघनुत्

śālagrāmaprabhāsādyaṃ tīrthañcaghoghaghātakaṃ ahaṃ brahma paraṃ jyotiriti dhyānamaghaughanut

Sanskrit only: no published translation is held for this verse.

पुराणं ब्रह्म चाग्नेयं ब्रह्मा विष्णुर्महेश्वरः अवताराः सर्वपूजाः प्रतिष्ठाप्रतिमादिकं

purāṇaṃ brahma cāgneyaṃ brahmā viṣṇurmaheśvaraḥ avatārāḥ sarvapūjāḥ pratiṣṭhāpratimādikaṃ

Sanskrit only: no published translation is held for this verse.

ज्योतिःशास्त्रपुराणानि स्मृतयस्तु तपोव्रतं(१) अर्थशास्त्रञ्च सर्गाद्या आयुर्वेदो धनुर्मतिः

jyotiḥśāstrapurāṇāni smṛtayastu tapovrataṃ(1) arthaśāstrañca sargādyā āyurvedo dhanurmatiḥ

Sanskrit only: no published translation is held for this verse.

शिक्षा छन्दो व्याकरणं निरुक्तञ्चाभिधानकं कल्पो न्यायश् च मीमांसा ह्य् अन्यत् सर्वं हरिः प्रभुः

śikṣā chando vyākaraṇaṃ niruktañcābhidhānakaṃ kalpo nyāyaś ca mīmāṃsā hy anyat sarvaṃ hariḥ prabhuḥ

Sanskrit only: no published translation is held for this verse.

एके द्वयोर्यतो यस्मिन् यः सर्वमिति वेद यः तं दृष्ट्वान्यस्य पापानि विनश्यन्ति हरिश् च सः

eke dvayoryato yasmin yaḥ sarvamiti veda yaḥ taṃ dṛṣṭvānyasya pāpāni vinaśyanti hariś ca saḥ

Sanskrit only: no published translation is held for this verse.

विद्याष्टादशरूपश् च सूक्ष्मः स्थूलो ऽपरो हरिः ज्योतिः सदक्षरं ब्रह्म परं विष्णुश् च निर्मलः

vidyāṣṭādaśarūpaś ca sūkṣmaḥ sthūlo 'paro hariḥ jyotiḥ sadakṣaraṃ brahma paraṃ viṣṇuś ca nirmalaḥ

Sanskrit only: no published translation is held for this verse.