Agni-Purana 184

:प् २१० छप्तेर् १८४ :श् अथ चतुरशित्यधिकशततमो ऽध्यायः अष्टमीव्रतानि अग्निर् उवाच ब्रह्मादिमातृयजनाज्जपेन् मातृगणाष्टमीं कृष्णाष्टाभ्यां चैत्रमासे पूज्याब्दं कृष्णमर्थभाक्

:p 210 Chapter 184 :ś atha caturaśityadhikaśatatamo 'dhyāyaḥ aṣṭamīvratāni agnir uvāca brahmādimātṛyajanājjapen mātṛgaṇāṣṭamīṃ kṛṣṇāṣṭābhyāṃ caitramāse pūjyābdaṃ kṛṣṇamarthabhāk

Sanskrit only: no published translation is held for this verse.

कृष्णाष्टमीव्रतं वक्ष्ये मासे मार्गशिरे चरेत् नक्तं कृत्वा शुचिर्भूत्वा गोमूत्रं प्राशयेन्निशि

kṛṣṇāṣṭamīvrataṃ vakṣye māse mārgaśire caret naktaṃ kṛtvā śucirbhūtvā gomūtraṃ prāśayenniśi

Sanskrit only: no published translation is held for this verse.

भूमिशायी निशायाञ्च शङ्करं पुजयेद् व्रती पौषे शम्भुं घृतं प्राश्य माघे क्षीरं महेश्वरम्(१)

bhūmiśāyī niśāyāñca śaṅkaraṃ pujayed vratī pauṣe śambhuṃ ghṛtaṃ prāśya māghe kṣīraṃ maheśvaram(1)

Sanskrit only: no published translation is held for this verse.

महादेवं फाल्गुने च तिलाशी(२) समुपोषितः चैत्रे स्थाणुं यवाशी च वैशाखे ऽथ शिवं यजेत्

mahādevaṃ phālgune ca tilāśī(2) samupoṣitaḥ caitre sthāṇuṃ yavāśī ca vaiśākhe 'tha śivaṃ yajet

Sanskrit only: no published translation is held for this verse.

कुशोदशी पशुपतिं ज्यैष्ठे शृङ्गोदकाशनः आषाढे गोमयाश्युग्रं श्रावणे सर्वमर्कभुक्

kuśodaśī paśupatiṃ jyaiṣṭhe śṛṅgodakāśanaḥ āṣāḍhe gomayāśyugraṃ śrāvaṇe sarvamarkabhuk

Sanskrit only: no published translation is held for this verse.

त्र्यम्बकं च भाद्रपदे बिल्वपत्राशनो निशि तण्डुलाशी चाश्वयुजे ईशं रुदन्तु कार्त्तिके

tryambakaṃ ca bhādrapade bilvapatrāśano niśi taṇḍulāśī cāśvayuje īśaṃ rudantu kārttike

Sanskrit only: no published translation is held for this verse.

दध्याशी होमकारी स्याद्वर्षान्ते मण्डले यजेत्(३) गोवस्त्रहेम गुरवे दद्याद्विप्रेभ्य ईदृशं

dadhyāśī homakārī syādvarṣānte maṇḍale yajet(3) govastrahema gurave dadyādviprebhya īdṛśaṃ

Sanskrit only: no published translation is held for this verse.

प्रार्थयित्वा द्विजान् भोज्य(४) भुक्तिमुक्तिमवाप्नुयात् :प् २११ नक्ताशी त्वष्टमीषु स्याद् वत्सरान्ते च धेनुदः

prārthayitvā dvijān bhojya(4) bhuktimuktimavāpnuyāt :p 211 naktāśī tvaṣṭamīṣu syād vatsarānte ca dhenudaḥ

Sanskrit only: no published translation is held for this verse.

पौरन्दरं पदं याति स्वर्गतिव्रतमुच्यते(१) अष्टमी बुधवारेण पक्षयोरुभयोर्यदा

paurandaraṃ padaṃ yāti svargativratamucyate(1) aṣṭamī budhavāreṇa pakṣayorubhayoryadā

Sanskrit only: no published translation is held for this verse.

तदा व्रतं प्रकुर्वीत अथवा सगुडाशिता तस्यां नियमकर्तारो न स्युः खण्डितसम्पदः

tadā vrataṃ prakurvīta athavā saguḍāśitā tasyāṃ niyamakartāro na syuḥ khaṇḍitasampadaḥ

Sanskrit only: no published translation is held for this verse.

तण्डुलस्याष्टमुष्टीनां वर्जयित्वाङ्गुलीद्वयं भक्तं कृत्वा चाम्रपुटे सकुशे सकुलाम्बिकां

taṇḍulasyāṣṭamuṣṭīnāṃ varjayitvāṅgulīdvayaṃ bhaktaṃ kṛtvā cāmrapuṭe sakuśe sakulāmbikāṃ

Sanskrit only: no published translation is held for this verse.

सात्त्विकं पूजयित्वाङ्गं भुञ्जीत च कथाश्रवात् शक्तितो दक्षिणान्दद्यात् कर्कटीन्तण्डुलान्वितां(२)

sāttvikaṃ pūjayitvāṅgaṃ bhuñjīta ca kathāśravāt śaktito dakṣiṇāndadyāt karkaṭīntaṇḍulānvitāṃ(2)

Sanskrit only: no published translation is held for this verse.

धीरो द्विजो ऽस्य(३) भार्यास्ति रम्भा पुत्रस्तु कैशिकः दुहिता विजया तस्य धीरस्य धनदो वृषः(४)

dhīro dvijo 'sya(3) bhāryāsti rambhā putrastu kaiśikaḥ duhitā vijayā tasya dhīrasya dhanado vṛṣaḥ(4)

Sanskrit only: no published translation is held for this verse.

कौशिकस्तं गृहीत्वा तु गोपालैश्चारयन् वृषं गङ्गायां स्नानकृत्ये ऽथ(५) नीतश् चौरैर् वृषस्तदा

kauśikastaṃ gṛhītvā tu gopālaiścārayan vṛṣaṃ gaṅgāyāṃ snānakṛtye 'tha(5) nītaś caurair vṛṣastadā

Sanskrit only: no published translation is held for this verse.

स्नात्वा वृषमपश्यन् स वृषं मार्गितुमागतः विजयाभगिनीयुक्तो ददर्श स सरोवरे

snātvā vṛṣamapaśyan sa vṛṣaṃ mārgitumāgataḥ vijayābhaginīyukto dadarśa sa sarovare

Sanskrit only: no published translation is held for this verse.

दिव्यस्त्रीयोषितां वृन्दमव्रवीद्देहि भोजनं स्त्रीवृन्दमूचे व्रतकृद् भुङ्क्ष्व त्वमतिथिर्यतः

divyastrīyoṣitāṃ vṛndamavravīddehi bhojanaṃ strīvṛndamūce vratakṛd bhuṅkṣva tvamatithiryataḥ

Sanskrit only: no published translation is held for this verse.

व्रतं कृत्वा स बुभुजे प्राप्तवान् वनपालकं :प् २१२ गतो धीरः(१) सवृषभो विजयासहितस्तदा

vrataṃ kṛtvā sa bubhuje prāptavān vanapālakaṃ :p 212 gato dhīraḥ(1) savṛṣabho vijayāsahitastadā

Sanskrit only: no published translation is held for this verse.

धीरेण(२) विजया दत्ता यमायान्तरितः पिता व्रतभावात् कौशिको ऽपि ह्य् अयोध्यायां नृपो ऽभवत्

dhīreṇa(2) vijayā dattā yamāyāntaritaḥ pitā vratabhāvāt kauśiko 'pi hy ayodhyāyāṃ nṛpo 'bhavat

Sanskrit only: no published translation is held for this verse.

पित्रोस्तु नरके दृष्ट्वा विजयार्तिं यमे गता मृगयामागतं प्रोचे मुच्यते नरकात् कथं

pitrostu narake dṛṣṭvā vijayārtiṃ yame gatā mṛgayāmāgataṃ proce mucyate narakāt kathaṃ

Sanskrit only: no published translation is held for this verse.

व्रतद्वयाद्यमः प्रोचे प्राप्य तत् कैशिको ददौ बुधाष्टमीद्वयफलं स्वर्गतौ पितरौ ततः(३)

vratadvayādyamaḥ proce prāpya tat kaiśiko dadau budhāṣṭamīdvayaphalaṃ svargatau pitarau tataḥ(3)

Sanskrit only: no published translation is held for this verse.

विजया हर्षिता चक्रे व्रतं भुक्त्यादिसिद्धये अशोककलिकाश्चाष्तौ ये पिवन्ति पुनर्वसौ

vijayā harṣitā cakre vrataṃ bhuktyādisiddhaye aśokakalikāścāṣtau ye pivanti punarvasau

Sanskrit only: no published translation is held for this verse.

चैत्रे मासि सिताष्टम्यां न ते शोकमवाप्नुयुः त्वामशोकहराभीष्ट मधुमाससमुड्गव

caitre māsi sitāṣṭamyāṃ na te śokamavāpnuyuḥ tvāmaśokaharābhīṣṭa madhumāsasamuḍgava

Sanskrit only: no published translation is held for this verse.

पिवामि शोकसन्तप्तो मामशोकं सदा कुरु चैत्रादौ मातृपूजाकृदष्टम्यां जयते रिपून्

pivāmi śokasantapto māmaśokaṃ sadā kuru caitrādau mātṛpūjākṛdaṣṭamyāṃ jayate ripūn

Sanskrit only: no published translation is held for this verse.