Agni-Purana 189

:प् २१८ छप्तेर् १८९ :श् अथैकोननवत्यधिकशततमो ऽध्यायः श्रवणद्वादशीव्रतम् अग्निर् उवाच श्रवणादशीं वक्ष्ये मासि भाद्रपदे सिते श्रवणेन युता श्रेष्ठा(१) महती सा ह्य् उपोषिता

:p 218 Chapter 189 :ś athaikonanavatyadhikaśatatamo 'dhyāyaḥ śravaṇadvādaśīvratam agnir uvāca śravaṇādaśīṃ vakṣye māsi bhādrapade site śravaṇena yutā śreṣṭhā(1) mahatī sā hy upoṣitā

Sanskrit only: no published translation is held for this verse.

सङ्गमे सरितां स्नानाच्छ्रवणद्वादशोफलं(२) बुधश्रवणसंयुक्ता दानादौ सुमहाफला

saṅgame saritāṃ snānācchravaṇadvādaśophalaṃ(2) budhaśravaṇasaṃyuktā dānādau sumahāphalā

Sanskrit only: no published translation is held for this verse.

निषिद्धमपि कर्तव्यन्त्रयोदश्यान्तु पारणं द्वादृश्याञ्च निराहारो वामनं पूजयाम्यहं

niṣiddhamapi kartavyantrayodaśyāntu pāraṇaṃ dvādṛśyāñca nirāhāro vāmanaṃ pūjayāmyahaṃ

Sanskrit only: no published translation is held for this verse.

उदकुम्भे स्वर्णमयन्त्रयोदश्यान्तु पारणं आवाहयाम्यहं विष्णुं वामनं शङ्खचक्रिणं

udakumbhe svarṇamayantrayodaśyāntu pāraṇaṃ āvāhayāmyahaṃ viṣṇuṃ vāmanaṃ śaṅkhacakriṇaṃ

Sanskrit only: no published translation is held for this verse.

सितवस्त्रयुगच्छन्ने घटे सच्छत्रपादुके स्नापयामि जलैः शुद्धैर् विष्णुं(३) पञ्चामृतादिभिः

sitavastrayugacchanne ghaṭe sacchatrapāduke snāpayāmi jalaiḥ śuddhair viṣṇuṃ(3) pañcāmṛtādibhiḥ

Sanskrit only: no published translation is held for this verse.

छत्रदण्डधरं विष्णुं वामनाय नमो नमः अर्घ्यं ददामि देवेश अर्घ्यार्हाद्यैः सदार्चितः(४)

chatradaṇḍadharaṃ viṣṇuṃ vāmanāya namo namaḥ arghyaṃ dadāmi deveśa arghyārhādyaiḥ sadārcitaḥ(4)

Sanskrit only: no published translation is held for this verse.

भुक्तिमुक्तिप्रजाकीर्तिसर्वैश्वर्ययुतं कुरु वामनाय नमो गन्धं होमो ऽनेनाष्टकं शतं

bhuktimuktiprajākīrtisarvaiśvaryayutaṃ kuru vāmanāya namo gandhaṃ homo 'nenāṣṭakaṃ śataṃ

Sanskrit only: no published translation is held for this verse.

:प् २१९ ॐ नमो वासुदेवाय शिरः सम्पूजयेद्धरेः श्रीधराय मुखं तद्वत् कण्ठे कृष्णाय वै नमः

:p 219 oṃ namo vāsudevāya śiraḥ sampūjayeddhareḥ śrīdharāya mukhaṃ tadvat kaṇṭhe kṛṣṇāya vai namaḥ

Sanskrit only: no published translation is held for this verse.

नमः श्रीपतये वक्षो भुजो सर्वास्त्रधारिणे व्यापकाय नमो नाभिं वामनाय नमः कटिं

namaḥ śrīpataye vakṣo bhujo sarvāstradhāriṇe vyāpakāya namo nābhiṃ vāmanāya namaḥ kaṭiṃ

Sanskrit only: no published translation is held for this verse.

त्रैलोक्यजयकायेति(१) मेढ्रं जङ्घे यजेद्धरेः सर्वाधिपतये पादौ विष्णोः सर्वात्मने नमः

trailokyajayakāyeti(1) meḍhraṃ jaṅghe yajeddhareḥ sarvādhipataye pādau viṣṇoḥ sarvātmane namaḥ

Sanskrit only: no published translation is held for this verse.

घृतपक्वञ्च नैवेद्यन्दद्याद् दध्योदनैर् घटान् रात्रौ च जागरं कृत्वा प्रातः स्नात्वा च सङ्गमे

ghṛtapakvañca naivedyandadyād dadhyodanair ghaṭān rātrau ca jāgaraṃ kṛtvā prātaḥ snātvā ca saṅgame

Sanskrit only: no published translation is held for this verse.

गन्धपुष्पादिभिः पूज्य वदेत् पुष्पाञ्जलिस्त्विदं नमो नमस्ते गोविन्द बुधश्रवणसञ्ज्ञित

gandhapuṣpādibhiḥ pūjya vadet puṣpāñjalistvidaṃ namo namaste govinda budhaśravaṇasañjñita

Sanskrit only: no published translation is held for this verse.

अघौघसङ्क्षयं कृत्वा सर्वसौख्यप्रदो भव प्रीयतान्देव देवेश मम नित्यञ्जनार्दन

aghaughasaṅkṣayaṃ kṛtvā sarvasaukhyaprado bhava prīyatāndeva deveśa mama nityañjanārdana

Sanskrit only: no published translation is held for this verse.

वामनो बुद्धिदो दाता द्रव्यस्थो वामनः स्वयं वामनः प्रतिगृह्णाति वामनो मे ददाति च

vāmano buddhido dātā dravyastho vāmanaḥ svayaṃ vāmanaḥ pratigṛhṇāti vāmano me dadāti ca

Sanskrit only: no published translation is held for this verse.

द्रव्यस्थो वामनो नित्यं वामनाय नमो नमः प्रदत्तदक्षिणो विप्रान् सम्भोज्यान्नं स्वयञ्चरेत्

dravyastho vāmano nityaṃ vāmanāya namo namaḥ pradattadakṣiṇo viprān sambhojyānnaṃ svayañcaret

Sanskrit only: no published translation is held for this verse.