Agni-Purana 194

:प् २२५ छप्तेर् १९४ :श् अथ चतुर्नवत्यधिकशततमो ऽध्यायः अशोकपूएणिमादिव्रतं अग्निर् उवाच अशोकपूर्णिमां वक्ष्ये भूधरं च भुवं यजेत् फाल्गुन्यां सितपक्षायां वर्षं स्याद्भुक्तिमुक्तिभाक्

:p 225 Chapter 194 :ś atha caturnavatyadhikaśatatamo 'dhyāyaḥ aśokapūeṇimādivrataṃ agnir uvāca aśokapūrṇimāṃ vakṣye bhūdharaṃ ca bhuvaṃ yajet phālgunyāṃ sitapakṣāyāṃ varṣaṃ syādbhuktimuktibhāk

Sanskrit only: no published translation is held for this verse.

कार्त्तिक्यान्तु वृषोत्सर्गं कृत्वा नक्तं समाचरेत् शैवं पदमवाप्नोति वृषव्रतमिदं परं

kārttikyāntu vṛṣotsargaṃ kṛtvā naktaṃ samācaret śaivaṃ padamavāpnoti vṛṣavratamidaṃ paraṃ

Sanskrit only: no published translation is held for this verse.

पित्र्या यामावसी तस्यां पितॄणां दत्तमक्ष्यं उपोष्याब्दं पितॄनिष्ट्वा निष्पापः स्वर्गमाप्नुयात्

pitryā yāmāvasī tasyāṃ pitṝṇāṃ dattamakṣyaṃ upoṣyābdaṃ pitṝniṣṭvā niṣpāpaḥ svargamāpnuyāt

Sanskrit only: no published translation is held for this verse.

पञ्चदश्यां च माघस्य पूज्याजं सर्वमाप्नुयात् वक्ष्ये सावित्र्यमावास्याम्भुक्तिमुक्तिकरीं शुभां

pañcadaśyāṃ ca māghasya pūjyājaṃ sarvamāpnuyāt vakṣye sāvitryamāvāsyāmbhuktimuktikarīṃ śubhāṃ

Sanskrit only: no published translation is held for this verse.

पञ्चदश्यां व्रती ज्यैष्ठे वटमूले महासतीं त्रिरात्रोपोषिता नारी सप्तधान्यैः प्रपूजयेत्

pañcadaśyāṃ vratī jyaiṣṭhe vaṭamūle mahāsatīṃ trirātropoṣitā nārī saptadhānyaiḥ prapūjayet

Sanskrit only: no published translation is held for this verse.

प्ररूढैः कण्ठसूत्रैश् च रजन्यां कुङ्कुमादिभिः वटावलम्बनं कृत्वा नृत्यगीतैः प्रभातके

prarūḍhaiḥ kaṇṭhasūtraiś ca rajanyāṃ kuṅkumādibhiḥ vaṭāvalambanaṃ kṛtvā nṛtyagītaiḥ prabhātake

Sanskrit only: no published translation is held for this verse.

नमः सावित्र्यै सत्यवते नैवेद्यं चार्पयेद् द्विजे वेश्म गत्वा द्विजान् भोज्य स्वयं भुक्त्वा विसर्जयेत्

namaḥ sāvitryai satyavate naivedyaṃ cārpayed dvije veśma gatvā dvijān bhojya svayaṃ bhuktvā visarjayet

Sanskrit only: no published translation is held for this verse.

सावित्री प्रीयतां देवी सौभाग्यादिकमाप्नुयात् ॥८

sāvitrī prīyatāṃ devī saubhāgyādikamāpnuyāt //8

Sanskrit only: no published translation is held for this verse.