Agni-Purana 218

:प् २९० छप्तेर् २१८ :श् अथाष्टादशाधिकद्विशततमो ऽध्यायः राजाभिषेककथनं अग्निर् उवाच पुष्करेण च रामाय राजधर्मं हि पृच्छते यथादौ कथितं तद्वद्वशिष्ट कथयामि ते

:p 290 Chapter 218 :ś athāṣṭādaśādhikadviśatatamo 'dhyāyaḥ rājābhiṣekakathanaṃ agnir uvāca puṣkareṇa ca rāmāya rājadharmaṃ hi pṛcchate yathādau kathitaṃ tadvadvaśiṣṭa kathayāmi te

Sanskrit only: no published translation is held for this verse.

पुष्कर उवाच राजधर्मं प्रवक्ष्यामि सर्वस्मात् राजधर्मतः राजा भवेत्(१) शत्रुहन्ता प्रजापालः सुदण्डवान्

puṣkara uvāca rājadharmaṃ pravakṣyāmi sarvasmāt rājadharmataḥ rājā bhavet(1) śatruhantā prajāpālaḥ sudaṇḍavān

Sanskrit only: no published translation is held for this verse.

पालयिष्यति वः सर्वान् धर्मस्थान् व्रतमाचरेत् संवत्सरं स वृणुयात् पुरोहितमथ द्विजं(२)

pālayiṣyati vaḥ sarvān dharmasthān vratamācaret saṃvatsaraṃ sa vṛṇuyāt purohitamatha dvijaṃ(2)

Sanskrit only: no published translation is held for this verse.

मन्त्रिणश्चाखिलात्मज्ञान्महिषीं धर्मलक्षणां संवत्सरं नृपः काले ससम्भारो ऽभिषेचनं

mantriṇaścākhilātmajñānmahiṣīṃ dharmalakṣaṇāṃ saṃvatsaraṃ nṛpaḥ kāle sasambhāro 'bhiṣecanaṃ

Sanskrit only: no published translation is held for this verse.

कुर्यान्मृते नृपे नात्र कालस्य नियमः स्मृतः तिलैः सिद्धार्थकैः स्नानं सांवत्सरपुरोहितौ

kuryānmṛte nṛpe nātra kālasya niyamaḥ smṛtaḥ tilaiḥ siddhārthakaiḥ snānaṃ sāṃvatsarapurohitau

Sanskrit only: no published translation is held for this verse.

घोषयित्वा जयं राज्ञो राजा भद्रासने स्थितः अभयं घोषयेद् दुर्गान्मोचयेद्राज्यपालके

ghoṣayitvā jayaṃ rājño rājā bhadrāsane sthitaḥ abhayaṃ ghoṣayed durgānmocayedrājyapālake

Sanskrit only: no published translation is held for this verse.

पुरोधसाभिषेकात् प्राक् कार्यैन्द्री शान्तिरेव च उपवास्यभिषेकाहे वेद्यग्नौ जुहुयान्मनून्(३)

purodhasābhiṣekāt prāk kāryaindrī śāntireva ca upavāsyabhiṣekāhe vedyagnau juhuyānmanūn(3)

Sanskrit only: no published translation is held for this verse.

:प् २९१ वैष्णवानैन्द्रमन्त्रांस्तु सावित्रीन् वैश्वदैवतान् सौम्यान् स्वस्त्ययनं शर्मायुष्याभयदान्मनून्

:p 291 vaiṣṇavānaindramantrāṃstu sāvitrīn vaiśvadaivatān saumyān svastyayanaṃ śarmāyuṣyābhayadānmanūn

Sanskrit only: no published translation is held for this verse.

अपराजिताञ्च कलसं वह्नेर्दक्षिणपार्श्वगं सम्पातवन्तं हैमञ्च पूजयेद्गन्धपुष्पकैः

aparājitāñca kalasaṃ vahnerdakṣiṇapārśvagaṃ sampātavantaṃ haimañca pūjayedgandhapuṣpakaiḥ

Sanskrit only: no published translation is held for this verse.

प्रदक्षिणावर्तशिखस्तप्तजाम्बूनदप्रभः रथौघमेघनिर्घोषो विधूमश् च हुताशनः

pradakṣiṇāvartaśikhastaptajāmbūnadaprabhaḥ rathaughameghanirghoṣo vidhūmaś ca hutāśanaḥ

Sanskrit only: no published translation is held for this verse.

अनुलोमः सुगन्धश् च स्वस्तिकाकारसन्निभः प्रसन्नार्चिर्महाज्वालः स्फुलिङ्गरहितो हितः

anulomaḥ sugandhaś ca svastikākārasannibhaḥ prasannārcirmahājvālaḥ sphuliṅgarahito hitaḥ

Sanskrit only: no published translation is held for this verse.

न व्रजेयुश् च मध्येन मार्जारमृगपक्षिणः पर्वताग्रमृदा तावन्मूर्धानं शोधयेन्नृपः

na vrajeyuś ca madhyena mārjāramṛgapakṣiṇaḥ parvatāgramṛdā tāvanmūrdhānaṃ śodhayennṛpaḥ

Sanskrit only: no published translation is held for this verse.

वल्मीकाग्रमृदा कर्णौ वदनं केशवालयात् इन्द्रालयमृदा(१) ग्रीवां हृदयन्तु नृपाजिरात्

valmīkāgramṛdā karṇau vadanaṃ keśavālayāt indrālayamṛdā(1) grīvāṃ hṛdayantu nṛpājirāt

Sanskrit only: no published translation is held for this verse.

करिदन्तोद्धृतमृदा दक्षिणन्तु तथा भुजं वृषशृङ्गोद्धृतमृदा वामञ्चैव तथा भुजं

karidantoddhṛtamṛdā dakṣiṇantu tathā bhujaṃ vṛṣaśṛṅgoddhṛtamṛdā vāmañcaiva tathā bhujaṃ

Sanskrit only: no published translation is held for this verse.

सरोमृदा तथा पृष्ठमुदरं सङ्गमान् मृदा नदीतटद्वयमृदा पार्श्वे संशोधयेत्तथा(२)

saromṛdā tathā pṛṣṭhamudaraṃ saṅgamān mṛdā nadītaṭadvayamṛdā pārśve saṃśodhayettathā(2)

Sanskrit only: no published translation is held for this verse.

वेश्याद्वारमृदा राज्ञः कटिशौचं विधीयते यज्ञस्थानात्तथैवोरू गोस्थानाज्जानुनी तथा

veśyādvāramṛdā rājñaḥ kaṭiśaucaṃ vidhīyate yajñasthānāttathaivorū gosthānājjānunī tathā

Sanskrit only: no published translation is held for this verse.

अश्वस्थानात्तथा जङ्घे रथचक्रमृदाङ्घ्रिके मूर्धानं पञ्चगव्येन भद्रासनगतं नृपं

aśvasthānāttathā jaṅghe rathacakramṛdāṅghrike mūrdhānaṃ pañcagavyena bhadrāsanagataṃ nṛpaṃ

Sanskrit only: no published translation is held for this verse.

अभिषिञ्चेदमात्यानां चतुष्टयमथो घटैः नास्ति :प् २९२ पूर्वतो हेमकुम्भेन घृतपूर्णेन ब्राहणः

abhiṣiñcedamātyānāṃ catuṣṭayamatho ghaṭaiḥ nāsti :p 292 pūrvato hemakumbhena ghṛtapūrṇena brāhaṇaḥ

Sanskrit only: no published translation is held for this verse.

रूप्यकुम्भेन याम्ये च क्षीरपूर्णेन क्षत्रियः दध्ना च ताम्रकुम्भेन वैश्यः पश्चिमगेन च

rūpyakumbhena yāmye ca kṣīrapūrṇena kṣatriyaḥ dadhnā ca tāmrakumbhena vaiśyaḥ paścimagena ca

Sanskrit only: no published translation is held for this verse.

मृण्मयेन जलेनोदक् शूद्रामात्यो ऽभिषिचयेत् ततो ऽभिषेकं नृपतेर्बह्वृचप्रवरो द्विजः

mṛṇmayena jalenodak śūdrāmātyo 'bhiṣicayet tato 'bhiṣekaṃ nṛpaterbahvṛcapravaro dvijaḥ

Sanskrit only: no published translation is held for this verse.

कुर्वीत मधुना विप्रश्छन्दोगश् च कुशोदकैः सम्पातवन्तं कलशं तथा गत्वा पुरोहितः

kurvīta madhunā vipraśchandogaś ca kuśodakaiḥ sampātavantaṃ kalaśaṃ tathā gatvā purohitaḥ

Sanskrit only: no published translation is held for this verse.

विधाय वह्निरक्षान्तु सदस्येषु यथाविधि राजश्रियाभिषेके च ये मन्त्राः परिकीर्तिताः

vidhāya vahnirakṣāntu sadasyeṣu yathāvidhi rājaśriyābhiṣeke ca ye mantrāḥ parikīrtitāḥ

Sanskrit only: no published translation is held for this verse.

तैस्तु दद्यान्महाभाग ब्राह्मणानां स्वनैस् तथा ततः पुरोहितो गच्छेद्वेदिमूलन्तदेव तु(१)

taistu dadyānmahābhāga brāhmaṇānāṃ svanais tathā tataḥ purohito gacchedvedimūlantadeva tu(1)

Sanskrit only: no published translation is held for this verse.

शतच्छिद्रेण पात्रेण सौवर्णेनाभिषेचयेत् या ओषधीत्योषधीभीरथेत्युक्त्वेति गन्धकैः

śatacchidreṇa pātreṇa sauvarṇenābhiṣecayet yā oṣadhītyoṣadhībhīrathetyuktveti gandhakaiḥ

Sanskrit only: no published translation is held for this verse.

पुष्पैः पुष्पवतीत्येव ब्राह्मणेति च वीजकैः(२) रत्नैर् आशुः शिशानश् च ये देवाश् च कुशोदकैः

puṣpaiḥ puṣpavatītyeva brāhmaṇeti ca vījakaiḥ(2) ratnair āśuḥ śiśānaś ca ye devāś ca kuśodakaiḥ

Sanskrit only: no published translation is held for this verse.

यजुर्वेद्यथर्ववेदी(३) गन्धद्वारेति संस्पृशेत् शिरः कण्ठं रोचनया सर्वतीर्थोदकैर् द्विजाः

yajurvedyatharvavedī(3) gandhadvāreti saṃspṛśet śiraḥ kaṇṭhaṃ rocanayā sarvatīrthodakair dvijāḥ

Sanskrit only: no published translation is held for this verse.

गीतवाद्यादिनिर्घोषैश्चामरव्यजनादिभिः सर्वौषधिमयं कुम्भं धारयेयुर्नृपाग्रतः

gītavādyādinirghoṣaiścāmaravyajanādibhiḥ sarvauṣadhimayaṃ kumbhaṃ dhārayeyurnṛpāgrataḥ

Sanskrit only: no published translation is held for this verse.

तं पश्येद्दर्पणं राजा घृतं वै मङ्गलादिकं अभ्यर्च्य विष्णुं ब्रह्माणमिन्द्रादींश् च ग्रहेश्वरान्(४)

taṃ paśyeddarpaṇaṃ rājā ghṛtaṃ vai maṅgalādikaṃ abhyarcya viṣṇuṃ brahmāṇamindrādīṃś ca graheśvarān(4)

Sanskrit only: no published translation is held for this verse.

:प् २९३ व्याघ्रचर्मोत्तरां शय्यामुपविष्टः पुरोहितः मधुपर्कादिकं दत्त्वा पट्टबन्धं प्रकारयेत्

:p 293 vyāghracarmottarāṃ śayyāmupaviṣṭaḥ purohitaḥ madhuparkādikaṃ dattvā paṭṭabandhaṃ prakārayet

Sanskrit only: no published translation is held for this verse.

राज्ञोमुकुटबन्धञ्च पञ्चचर्मोत्तरं ददेत् ध्रुवाद्यैर् इति च विशेद् वृषजं वृषदंशजं

rājñomukuṭabandhañca pañcacarmottaraṃ dadet dhruvādyair iti ca viśed vṛṣajaṃ vṛṣadaṃśajaṃ

Sanskrit only: no published translation is held for this verse.

द्वीपिजं सिंहजं व्याघ्रजातञ्चर्म तदासने अमात्यसचिवादींश् च प्रतीहारः प्रदर्शयेत्

dvīpijaṃ siṃhajaṃ vyāghrajātañcarma tadāsane amātyasacivādīṃś ca pratīhāraḥ pradarśayet

Sanskrit only: no published translation is held for this verse.

गोजाविगृहदानाद्यैः सांवत्सरपुरोहितौ पूजयित्वा द्विजान् प्रार्च्य ह्य् अन्यभूगोन्नमुख्यकैः

gojāvigṛhadānādyaiḥ sāṃvatsarapurohitau pūjayitvā dvijān prārcya hy anyabhūgonnamukhyakaiḥ

Sanskrit only: no published translation is held for this verse.

वह्निं प्रदक्षिणीकृत्य गुरुं नत्वाथ पृष्ठतः वृषमालभ्य गां वत्सां पूजयित्वाथ मन्त्रितं

vahniṃ pradakṣiṇīkṛtya guruṃ natvātha pṛṣṭhataḥ vṛṣamālabhya gāṃ vatsāṃ pūjayitvātha mantritaṃ

Sanskrit only: no published translation is held for this verse.

अश्वमारुह्य नागञ्च पूजयेत्तं समारुहेत् परिभ्रमेद्राजमार्गे बलयुक्तः प्रदक्षिणं

aśvamāruhya nāgañca pūjayettaṃ samāruhet paribhramedrājamārge balayuktaḥ pradakṣiṇaṃ

Sanskrit only: no published translation is held for this verse.

पुरं विशेच्च दानाद्यैः प्रार्च्य सर्वान् विसर्जयेत् ॥३५

puraṃ viśecca dānādyaiḥ prārcya sarvān visarjayet //35

Sanskrit only: no published translation is held for this verse.