Agni-Purana 266

:प् ४७१ छप्तेर् २६६ :श् अथ षट्षष्ठ्यधिकद्विशततमो ऽध्यायः माहेश्वरस्नानलक्षकोटिहोमादयः पुष्कर उवाच स्नानं माहेश्वरं वक्ष्ये राजादेर्जयवर्धनम् दानवेन्द्राय बलये यज्जगादोशनाः पुरा

:p 471 Chapter 266 :ś atha ṣaṭṣaṣṭhyadhikadviśatatamo 'dhyāyaḥ māheśvarasnānalakṣakoṭihomādayaḥ puṣkara uvāca snānaṃ māheśvaraṃ vakṣye rājāderjayavardhanam dānavendrāya balaye yajjagādośanāḥ purā

Sanskrit only: no published translation is held for this verse.

भास्करे ऽनुदिते पीठे प्रातः संस्नापयेद् घटैः ॐ नमो भगवते रुद्राय च बलाय च पाण्डरोचितभस्मानुलिप्तगात्राय । तद्यथा जय जय सर्वान् शत्रून्मूकस्य कलहविग्रहविवादेषु भञ्जय । ॐ मथ मथ सर्वपथिकान्योसौ युगान्तकाले दिधक्षति इमां पूजां रौद्रमूर्तिः सहस्रांशुः शुक्रः स ते रक्षतु जीवितं । सम्बर्तकाग्नितुल्यश् च त्रिपुरान्तकरः शिवः । सर्वदेवमयः सोपि तव रक्षतु जीवितं लिखि लिखि खिलि स्वाहा ॥ एवं स्नतस्तु मन्त्रेण जुहुयात्तिलतण्डुलम्

bhāskare 'nudite pīṭhe prātaḥ saṃsnāpayed ghaṭaiḥ oṃ namo bhagavate rudrāya ca balāya ca pāṇḍarocitabhasmānuliptagātrāya / tadyathā jaya jaya sarvān śatrūnmūkasya kalahavigrahavivādeṣu bhañjaya / oṃ matha matha sarvapathikānyosau yugāntakāle didhakṣati imāṃ pūjāṃ raudramūrtiḥ sahasrāṃśuḥ śukraḥ sa te rakṣatu jīvitaṃ / sambartakāgnitulyaś ca tripurāntakaraḥ śivaḥ / sarvadevamayaḥ sopi tava rakṣatu jīvitaṃ likhi likhi khili svāhā || evaṃ snatastu mantreṇa juhuyāttilataṇḍulam

Sanskrit only: no published translation is held for this verse.

पञ्चामृतैस्तु संस्नाप्य पूजयेच्छूलपाणिनं स्नानान्यन्यानि वक्ष्यामि सर्वदा विजयाय ते

pañcāmṛtaistu saṃsnāpya pūjayecchūlapāṇinaṃ snānānyanyāni vakṣyāmi sarvadā vijayāya te

Sanskrit only: no published translation is held for this verse.

स्नानं घृतेन कथितमायुष्यवर्धनं परम् गोमयेन च लक्ष्मीः स्याद्गोमूत्रेणाघमर्दनम्

snānaṃ ghṛtena kathitamāyuṣyavardhanaṃ param gomayena ca lakṣmīḥ syādgomūtreṇāghamardanam

Sanskrit only: no published translation is held for this verse.

क्षीरेण बलबुद्धिः स्याद्दध्ना लक्ष्मीविवर्धनं कुशोदकेन पापान्तः पञ्चगव्येन सर्वभाक्

kṣīreṇa balabuddhiḥ syāddadhnā lakṣmīvivardhanaṃ kuśodakena pāpāntaḥ pañcagavyena sarvabhāk

Sanskrit only: no published translation is held for this verse.

शतमूलेन सर्वाप्तिर्गोशृङ्गोदकतो ऽघजित् :प् ४७२ पलाशबिल्वकमलकुशस्नानन्तु सर्वदं

śatamūlena sarvāptirgośṛṅgodakato 'ghajit :p 472 palāśabilvakamalakuśasnānantu sarvadaṃ

Sanskrit only: no published translation is held for this verse.

वचा हरिद्रे द्वे मुस्तं स्नानं रक्षोहणं परं आयुष्यञ्च यशस्यञ्च धर्ममेधाविवर्धनम्

vacā haridre dve mustaṃ snānaṃ rakṣohaṇaṃ paraṃ āyuṣyañca yaśasyañca dharmamedhāvivardhanam

Sanskrit only: no published translation is held for this verse.

हैमाद्भिश् चैव माङ्गल्यं रूप्यताम्रोदकैस् तथा रत्नोदकैस्तु विजयः सौभाग्यं सर्वगन्धकैः

haimādbhiś caiva māṅgalyaṃ rūpyatāmrodakais tathā ratnodakaistu vijayaḥ saubhāgyaṃ sarvagandhakaiḥ

Sanskrit only: no published translation is held for this verse.

फलाद्भिश् च तथारोग्यं धात्र्यद्भिः परमां श्रियम् तिलसिद्धार्थकैर् लक्ष्मीः सौभाग्यञ्च प्रियङ्गुणा

phalādbhiś ca tathārogyaṃ dhātryadbhiḥ paramāṃ śriyam tilasiddhārthakair lakṣmīḥ saubhāgyañca priyaṅguṇā

Sanskrit only: no published translation is held for this verse.

पद्मोत्पलकदम्बैश् च श्रीर्बलं बलाद्रुमोदकैः विष्णुपादोदकस्नानं सर्वस्नानेभ्य उत्तमम्

padmotpalakadambaiś ca śrīrbalaṃ balādrumodakaiḥ viṣṇupādodakasnānaṃ sarvasnānebhya uttamam

Sanskrit only: no published translation is held for this verse.

एकाकी एककामायेत्येकोर्कं(१) विधिवच्चरेत् अक्रन्दयतिसूक्तेन प्रबध्नीयान्मणिं करे

ekākī ekakāmāyetyekorkaṃ(1) vidhivaccaret akrandayatisūktena prabadhnīyānmaṇiṃ kare

Sanskrit only: no published translation is held for this verse.

कुष्ठपाठा वाचा शुण्ठी शङ्खलोहादिको मणिः सर्वेषामेवकामानामीश्वरो भगवान् हरिः

kuṣṭhapāṭhā vācā śuṇṭhī śaṅkhalohādiko maṇiḥ sarveṣāmevakāmānāmīśvaro bhagavān hariḥ

Sanskrit only: no published translation is held for this verse.

तस्य संपूजनादेव सर्वान्कामान्समश्नुते स्नापयित्वा घृतक्षीरैः पूजयित्वा च पित्तहा

tasya saṃpūjanādeva sarvānkāmānsamaśnute snāpayitvā ghṛtakṣīraiḥ pūjayitvā ca pittahā

Sanskrit only: no published translation is held for this verse.

पञ्चमुद्गबलिन्दत्वा अतिसारात् प्रमुच्यते पञ्चगव्येन संस्नाप्य वातव्याधिं विनाशयेत्

pañcamudgabalindatvā atisārāt pramucyate pañcagavyena saṃsnāpya vātavyādhiṃ vināśayet

Sanskrit only: no published translation is held for this verse.

द्विस्नेहस्नपनात् श्लेष्मरोगहा चातिपूजया घृतं तैलं तथा क्षौद्रं स्नानन्तु त्रिरसं परं

dvisnehasnapanāt śleṣmarogahā cātipūjayā ghṛtaṃ tailaṃ tathā kṣaudraṃ snānantu trirasaṃ paraṃ

Sanskrit only: no published translation is held for this verse.

स्नानं घृताम्बु द्विस्नेहं समलं घृततैलकम् क्षौद्रमिक्षुरसं क्षीरं स्नानं त्रिमधुरं स्मृतम्

snānaṃ ghṛtāmbu dvisnehaṃ samalaṃ ghṛtatailakam kṣaudramikṣurasaṃ kṣīraṃ snānaṃ trimadhuraṃ smṛtam

Sanskrit only: no published translation is held for this verse.

घृतमिशुरसं तैलं क्षौद्रञ्च त्रिरसं श्रिये :प् ४७३ अनुलेपस्त्रिशुक्रस्तु कर्पूरोशीरचन्दनैः

ghṛtamiśurasaṃ tailaṃ kṣaudrañca trirasaṃ śriye :p 473 anulepastriśukrastu karpūrośīracandanaiḥ

Sanskrit only: no published translation is held for this verse.

चन्दनागुरुकर्पूरमृगदर्पैः सकुङ्कुमैः पञ्चानुलेपनं विष्णोः सर्वकामफलप्रदं

candanāgurukarpūramṛgadarpaiḥ sakuṅkumaiḥ pañcānulepanaṃ viṣṇoḥ sarvakāmaphalapradaṃ

Sanskrit only: no published translation is held for this verse.

त्रिसुगन्धञ्च कर्पूरं तथा चन्दनकुङ्कुमैः मृगदर्पं सकर्पूरं मलयं सर्वकामदम्

trisugandhañca karpūraṃ tathā candanakuṅkumaiḥ mṛgadarpaṃ sakarpūraṃ malayaṃ sarvakāmadam

Sanskrit only: no published translation is held for this verse.

जातीफलं सकर्पूरं चन्दनञ्च त्रिशीतकम् पीतानि शुक्लवर्णानि तथा शुक्लानि भार्गव

jātīphalaṃ sakarpūraṃ candanañca triśītakam pītāni śuklavarṇāni tathā śuklāni bhārgava

Sanskrit only: no published translation is held for this verse.

कृष्णानि चैव रक्तानि पञ्चवर्णानि निर्दिशेत् उत्पलं पद्मजाती च त्रिशीतं हरिपूजने

kṛṣṇāni caiva raktāni pañcavarṇāni nirdiśet utpalaṃ padmajātī ca triśītaṃ haripūjane

Sanskrit only: no published translation is held for this verse.

कुङ्कुमं रक्तपद्मानि त्रिरक्तमुत्पलं धूपदीपादिभिः प्रार्च्य विष्णुं शान्तिर्भवेन्नृणां

kuṅkumaṃ raktapadmāni triraktamutpalaṃ dhūpadīpādibhiḥ prārcya viṣṇuṃ śāntirbhavennṛṇāṃ

Sanskrit only: no published translation is held for this verse.

चतुरस्रकरे कुण्डे ब्राह्मणाश्चाष्ट शोडश लक्षहोमङ्कोटिहोमन्तिलाज्ययवधान्यकैः

caturasrakare kuṇḍe brāhmaṇāścāṣṭa śoḍaśa lakṣahomaṅkoṭihomantilājyayavadhānyakaiḥ

Sanskrit only: no published translation is held for this verse.

ग्रहानभ्यर्च्य गायत्र्या सर्वशान्तिः क्रमाद्भवेत् ॥२४

grahānabhyarcya gāyatryā sarvaśāntiḥ kramādbhavet //24

Sanskrit only: no published translation is held for this verse.