Agni-Purana 268

:प् ४७७ छप्तेर् २६८ :श् अथाष्टषष्ट्यधिकद्विशततमो ऽध्यायः छत्रादिमन्त्रादयः पुष्कर उवाच छत्रादिमन्त्रान्वक्ष्यामि यैस्तत् पूज्य जयादिकम् ब्रह्मणः सत्यवाक्येन सोमस्य वरुणस्य च

:p 477 Chapter 268 :ś athāṣṭaṣaṣṭyadhikadviśatatamo 'dhyāyaḥ chatrādimantrādayaḥ puṣkara uvāca chatrādimantrānvakṣyāmi yaistat pūjya jayādikam brahmaṇaḥ satyavākyena somasya varuṇasya ca

Sanskrit only: no published translation is held for this verse.

सूर्यस्य च प्रभावेन वर्धस्व त्वं महामते पाण्डराभप्रतीकाश हिमकुन्देन्दुसुप्रभ

sūryasya ca prabhāvena vardhasva tvaṃ mahāmate pāṇḍarābhapratīkāśa himakundendusuprabha

Sanskrit only: no published translation is held for this verse.

यथाम्बुदश्छादयते शिवायैनां वसुन्धरां तथाच्छादय राजानं विजयारोग्यवृद्धये

yathāmbudaśchādayate śivāyaināṃ vasundharāṃ tathācchādaya rājānaṃ vijayārogyavṛddhaye

Sanskrit only: no published translation is held for this verse.

गन्धर्वकुलजातस्त्वं माभूयाः कुलदूषकः ब्रह्मणः सत्यवाक्येन सोमस्य वरुणस्य च

gandharvakulajātastvaṃ mābhūyāḥ kuladūṣakaḥ brahmaṇaḥ satyavākyena somasya varuṇasya ca

Sanskrit only: no published translation is held for this verse.

प्रभावाच्च हुताशस्य वर्धस्व त्वं तुरङ्गम तेजसा चैव सूर्यस्य मुनीनां तपसा तथा

prabhāvācca hutāśasya vardhasva tvaṃ turaṅgama tejasā caiva sūryasya munīnāṃ tapasā tathā

Sanskrit only: no published translation is held for this verse.

रुद्रस्य ब्रह्मचर्येण पवनस्य बलेन च स्मर त्वं राजपुत्रो ऽसि कौस्तुभन्तु मणिं स्मर

rudrasya brahmacaryeṇa pavanasya balena ca smara tvaṃ rājaputro 'si kaustubhantu maṇiṃ smara

Sanskrit only: no published translation is held for this verse.

यां गतिं ब्रह्महा गच्छेत् पितृहा मातृहा तथा भूम्यर्थे ऽनृतवादी च क्षत्रियश् च पराङ्मुखः

yāṃ gatiṃ brahmahā gacchet pitṛhā mātṛhā tathā bhūmyarthe 'nṛtavādī ca kṣatriyaś ca parāṅmukhaḥ

Sanskrit only: no published translation is held for this verse.

व्रजेस्त्वन्तां गतिं क्षिप्रं मा तत् पापं भवेत्तव विकृतिं मापगच्छेस्त्वं युद्धे ऽध्वनि तुरङ्गम

vrajestvantāṃ gatiṃ kṣipraṃ mā tat pāpaṃ bhavettava vikṛtiṃ māpagacchestvaṃ yuddhe 'dhvani turaṅgama

Sanskrit only: no published translation is held for this verse.

रिपून् विनिघ्नन्समरे सह भर्त्रा सुखी भव शक्रकेतो महावीर्यः सुवर्णस्त्वामुपाश्रितः

ripūn vinighnansamare saha bhartrā sukhī bhava śakraketo mahāvīryaḥ suvarṇastvāmupāśritaḥ

Sanskrit only: no published translation is held for this verse.

पतत्रिराड्वैनतेयस् तथा नारायणध्वजः :प् ४७८ काश्यपेयो ऽमृताहर्ता नागारिर्विष्णुवाहनः

patatrirāḍvainateyas tathā nārāyaṇadhvajaḥ :p 478 kāśyapeyo 'mṛtāhartā nāgārirviṣṇuvāhanaḥ

Sanskrit only: no published translation is held for this verse.

अप्रमेयो दुराधर्षो रणे देवारिसूदनः महाबलो मावेगो महाकायो ऽमृताशनः

aprameyo durādharṣo raṇe devārisūdanaḥ mahābalo māvego mahākāyo 'mṛtāśanaḥ

Sanskrit only: no published translation is held for this verse.

गरुत्मान्मारुतगतिस्त्वयि सन्निहितः स्थितः विष्णुना देवदेवेन शक्रार्थं स्थापितो ह्य् असि

garutmānmārutagatistvayi sannihitaḥ sthitaḥ viṣṇunā devadevena śakrārthaṃ sthāpito hy asi

Sanskrit only: no published translation is held for this verse.

जयाय भव मे नित्यं वृद्धये ऽथ बलस्य च साश्ववर्मायुधान्योधान्रक्षास्माकं रिपून्दह

jayāya bhava me nityaṃ vṛddhaye 'tha balasya ca sāśvavarmāyudhānyodhānrakṣāsmākaṃ ripūndaha

Sanskrit only: no published translation is held for this verse.

कुमुदैरावणौ पद्मः पुष्पदन्तो ऽथ वामनः सुप्रतीको ऽञ्जनो नील एते ऽष्टौ देवयोनयः

kumudairāvaṇau padmaḥ puṣpadanto 'tha vāmanaḥ supratīko 'ñjano nīla ete 'ṣṭau devayonayaḥ

Sanskrit only: no published translation is held for this verse.

तेषां पुत्राश् च पौत्राश् च बलान्यष्टौ समाश्रिताः भद्रो मन्दो मृगश् चैव गजः संकीर्ण एव च

teṣāṃ putrāś ca pautrāś ca balānyaṣṭau samāśritāḥ bhadro mando mṛgaś caiva gajaḥ saṃkīrṇa eva ca

Sanskrit only: no published translation is held for this verse.

वने वने प्रसूतास्ते स्मरयोनिं महागजाः पान्तु त्वां वसवो रुद्रा आदित्याः समरुद्गणाः

vane vane prasūtāste smarayoniṃ mahāgajāḥ pāntu tvāṃ vasavo rudrā ādityāḥ samarudgaṇāḥ

Sanskrit only: no published translation is held for this verse.

भर्तारं रक्ष नागेन्द्र समयः परिपाल्यतां ऐरावताधिरूढस्तु वज्रहस्तः शतक्रतुः

bhartāraṃ rakṣa nāgendra samayaḥ paripālyatāṃ airāvatādhirūḍhastu vajrahastaḥ śatakratuḥ

Sanskrit only: no published translation is held for this verse.

पृष्ठतो ऽनुगतस्त्वेष रक्षतु त्वां स देवराट् अवाप्नुहि जयं युद्धे सुस्थश् चैव सदा व्रज

pṛṣṭhato 'nugatastveṣa rakṣatu tvāṃ sa devarāṭ avāpnuhi jayaṃ yuddhe susthaś caiva sadā vraja

Sanskrit only: no published translation is held for this verse.

अवाप्नुहि बलञ्चैव ऐरावतसमं युधि श्रीस्ते सोमाद्बलं विष्णोस्तेजः सूर्याज्जवो ऽनिलात्

avāpnuhi balañcaiva airāvatasamaṃ yudhi śrīste somādbalaṃ viṣṇostejaḥ sūryājjavo 'nilāt

Sanskrit only: no published translation is held for this verse.

स्थैर्यं गिरेर्जयं रुद्राद्यशो देवात् पुरन्दरात् युद्धे रक्षन्तु नागास्त्वां दिशश् च सह दैवतैः

sthairyaṃ girerjayaṃ rudrādyaśo devāt purandarāt yuddhe rakṣantu nāgāstvāṃ diśaś ca saha daivataiḥ

Sanskrit only: no published translation is held for this verse.

अश्विनौ सह गन्धर्वैः पान्तु त्वां सर्वतो दिशः मन्वो वसवो रुद्रा वायुः सोमो महर्षयः

aśvinau saha gandharvaiḥ pāntu tvāṃ sarvato diśaḥ manvo vasavo rudrā vāyuḥ somo maharṣayaḥ

Sanskrit only: no published translation is held for this verse.

:प् ४७९ नागकिन्नरगन्धर्वयक्षभूतगणा ग्रहाः प्रमथास्तु सहादित्यैर् भूतेशो मातृभिः सह

:p 479 nāgakinnaragandharvayakṣabhūtagaṇā grahāḥ pramathāstu sahādityair bhūteśo mātṛbhiḥ saha

Sanskrit only: no published translation is held for this verse.

शक्रः सेनापतिः स्कन्दो वरुणश्चाश्रितस्त्वयि प्रदहन्तु रिपून् सर्वान् राजा विजयमृच्छतु

śakraḥ senāpatiḥ skando varuṇaścāśritastvayi pradahantu ripūn sarvān rājā vijayamṛcchatu

Sanskrit only: no published translation is held for this verse.

यानि प्रयुक्तान्यरिभिर्भूषणानि समन्ततः पतन्तु तव शत्रूणां हतानि तव तेजसा

yāni prayuktānyaribhirbhūṣaṇāni samantataḥ patantu tava śatrūṇāṃ hatāni tava tejasā

Sanskrit only: no published translation is held for this verse.

कालनेमिबधे यद्वत् युद्धे त्रिपुरघातने हिरण्यकशिपोर्युद्धे बधे सर्वासुरेषु च

kālanemibadhe yadvat yuddhe tripuraghātane hiraṇyakaśiporyuddhe badhe sarvāsureṣu ca

Sanskrit only: no published translation is held for this verse.

शोभितासि तथैवाद्य शोभस्व समयं स्मर नीलस्वेतामिमान्दृष्ट्वा नश्यन्त्वाशु नृपारयः

śobhitāsi tathaivādya śobhasva samayaṃ smara nīlasvetāmimāndṛṣṭvā naśyantvāśu nṛpārayaḥ

Sanskrit only: no published translation is held for this verse.

व्याधिभिर्विविधैर् घोरैः शस्त्रैश् च युधि निर्जिताः पूतना रेवती लेखा कालरात्रीति पठ्यते

vyādhibhirvividhair ghoraiḥ śastraiś ca yudhi nirjitāḥ pūtanā revatī lekhā kālarātrīti paṭhyate

Sanskrit only: no published translation is held for this verse.

दहन्त्वाशु रिपून् सर्वान्पताके त्वामुपाश्रिताः सर्वमेधे महायज्ञे देवदेवेन शूलिना

dahantvāśu ripūn sarvānpatāke tvāmupāśritāḥ sarvamedhe mahāyajñe devadevena śūlinā

Sanskrit only: no published translation is held for this verse.

शर्वेण जगतश् चैव सारेण त्वं विनिर्मितः नन्दकस्यापरां मूर्तिं स्मर शत्रुनिवर्हण

śarveṇa jagataś caiva sāreṇa tvaṃ vinirmitaḥ nandakasyāparāṃ mūrtiṃ smara śatrunivarhaṇa

Sanskrit only: no published translation is held for this verse.

नीलोत्पलदलश्याम कृष्ण दुःस्वप्ननाशन असिर्विशसनः खड्गस्तीक्ष्णधारो दुरासदः

nīlotpaladalaśyāma kṛṣṇa duḥsvapnanāśana asirviśasanaḥ khaḍgastīkṣṇadhāro durāsadaḥ

Sanskrit only: no published translation is held for this verse.

औगर्भो विजयश् चैव धर्मपालस्तथैव च इत्यष्टौ तव नामानि पुरोक्तानि स्वयम्भुवा

augarbho vijayaś caiva dharmapālastathaiva ca ityaṣṭau tava nāmāni puroktāni svayambhuvā

Sanskrit only: no published translation is held for this verse.

नक्षत्रं कृत्तिका तुभ्यं गुरुर्देवो महेश्वरः हिरण्यञ्च शरीरन्ते दैवतन्ते जनार्दनः

nakṣatraṃ kṛttikā tubhyaṃ gururdevo maheśvaraḥ hiraṇyañca śarīrante daivatante janārdanaḥ

Sanskrit only: no published translation is held for this verse.

राजानं रक्ष निस्त्रिंश सबलं सपुरन्तथा :प् ४८० पिता पितामहो देवः स त्वं पालय सर्वदा

rājānaṃ rakṣa nistriṃśa sabalaṃ sapurantathā :p 480 pitā pitāmaho devaḥ sa tvaṃ pālaya sarvadā

Sanskrit only: no published translation is held for this verse.

शर्मप्रदस्त्वं समरे वर्मन् सैन्ये यशो ऽद्य मे रक्ष मां रक्षणीयो ऽहन्तवानघ नमो ऽस्तु ते

śarmapradastvaṃ samare varman sainye yaśo 'dya me rakṣa māṃ rakṣaṇīyo 'hantavānagha namo 'stu te

Sanskrit only: no published translation is held for this verse.

दुन्दुभे त्वं सपत्नानां घोषाद्धृदयकम्पनः भव भूमिसैन्यानां यथा विजयवर्धनः

dundubhe tvaṃ sapatnānāṃ ghoṣāddhṛdayakampanaḥ bhava bhūmisainyānāṃ yathā vijayavardhanaḥ

Sanskrit only: no published translation is held for this verse.

यथा जीमूतघोषेण हृष्यन्ति वरवारणाः तथास्तु तव शब्देन हर्षो ऽस्माकं मुदावह

yathā jīmūtaghoṣeṇa hṛṣyanti varavāraṇāḥ tathāstu tava śabdena harṣo 'smākaṃ mudāvaha

Sanskrit only: no published translation is held for this verse.

यथा जीमूतशब्देन स्त्रीणां त्रासो ऽभिजायते तथा तु तव शब्देन त्रस्यन्त्वस्मद्द्विषो रणे

yathā jīmūtaśabdena strīṇāṃ trāso 'bhijāyate tathā tu tava śabdena trasyantvasmaddviṣo raṇe

Sanskrit only: no published translation is held for this verse.

मन्त्रैः सदार्चनीयास्ते योजनीया जयादिषु घृतकम्बलविष्णादेस्त्वभिषेकञ्च वत्सरे

mantraiḥ sadārcanīyāste yojanīyā jayādiṣu ghṛtakambalaviṣṇādestvabhiṣekañca vatsare

Sanskrit only: no published translation is held for this verse.

राज्ञो ऽभिषेकः कर्तव्यो दैवज्ञेन पुरोधसा ॥३९

rājño 'bhiṣekaḥ kartavyo daivajñena purodhasā //39

Sanskrit only: no published translation is held for this verse.