Agni-Purana 283

:प् ४८ छप्तेर् २८३ :श् अथ त्र्यशीत्यधिकद्विशततमो ऽध्यायः मन्त्ररूपौषधकथनं धन्वन्तरिर् उवाच आयुरारोग्यकर्तर ॐकारद्याश् च नाकदाः ॐकारः परमो मन्त्रस्तं जप्त्वा चामरो भवेत्

:p 48 chapter 283 :ś atha tryaśītyadhikadviśatatamo 'dhyāyaḥ mantrarūpauṣadhakathanaṃ dhanvantarir uvāca āyurārogyakartara oṃkāradyāś ca nākadāḥ oṃkāraḥ paramo mantrastaṃ japtvā cāmaro bhavet

Sanskrit only: no published translation is held for this verse.

गायत्री परमो मन्त्रस्तं जप्त्वा भुक्तिमुक्तिभाक् ॐ नमो नारायणाय मन्त्रः सर्वार्थसाधकः

gāyatrī paramo mantrastaṃ japtvā bhuktimuktibhāk oṃ namo nārāyaṇāya mantraḥ sarvārthasādhakaḥ

Sanskrit only: no published translation is held for this verse.

ॐ नमो भगवते वासुदेवाय सर्वदः ॐ हूं नमो विष्णवे मन्त्रोयञ्चौषधं परं

oṃ namo bhagavate vāsudevāya sarvadaḥ oṃ hūṃ namo viṣṇave mantroyañcauṣadhaṃ paraṃ

Sanskrit only: no published translation is held for this verse.

अनेन देवा ह्य् असुराः सश्रियो निरुजो ऽभवत् भूतानामुपकारश् च तथा धर्मो महौषधम्

anena devā hy asurāḥ saśriyo nirujo 'bhavat bhūtānāmupakāraś ca tathā dharmo mahauṣadham

Sanskrit only: no published translation is held for this verse.

धर्मः सद्धर्मकृद्धर्मी एतैर् धर्मैश् च निर्मलः श्रीदः श्रीषः श्रीनिवासः श्रीधरः श्रीनिकेतनः

dharmaḥ saddharmakṛddharmī etair dharmaiś ca nirmalaḥ śrīdaḥ śrīṣaḥ śrīnivāsaḥ śrīdharaḥ śrīniketanaḥ

Sanskrit only: no published translation is held for this verse.

श्रियः पतिः श्रीपरम एतैः श्रियमवाप्नुयात् कामी कामप्रदः कामः कामपालस् तथा हरिः

śriyaḥ patiḥ śrīparama etaiḥ śriyamavāpnuyāt kāmī kāmapradaḥ kāmaḥ kāmapālas tathā hariḥ

Sanskrit only: no published translation is held for this verse.

आनन्दो माधवश् चैव नाम कामाय वै हरेः रामः परशुरामश् च नृसिंहो विष्णुरेव च

ānando mādhavaś caiva nāma kāmāya vai hareḥ rāmaḥ paraśurāmaś ca nṛsiṃho viṣṇureva ca

Sanskrit only: no published translation is held for this verse.

त्रिविक्रमश् च नामानि जप्तव्यानि जिगीषुभिः विद्यामभ्यस्यतां नित्यं जप्तव्यः पुरुषोत्तमः

trivikramaś ca nāmāni japtavyāni jigīṣubhiḥ vidyāmabhyasyatāṃ nityaṃ japtavyaḥ puruṣottamaḥ

Sanskrit only: no published translation is held for this verse.

दामोदरो बन्धहरः पुष्कराक्षो ऽक्षिरोगनुत् हृषीकेशो भयहरो जपेदौषधकर्मणि

dāmodaro bandhaharaḥ puṣkarākṣo 'kṣiroganut hṛṣīkeśo bhayaharo japedauṣadhakarmaṇi

Sanskrit only: no published translation is held for this verse.

:प् ४९ अच्युतञ्चामृतं मन्त्रं सङ्ग्रामे चापराजितः जलतारे नारसिंहं पूर्वादौ क्षेमकामवान्

:p 49 acyutañcāmṛtaṃ mantraṃ saṅgrāme cāparājitaḥ jalatāre nārasiṃhaṃ pūrvādau kṣemakāmavān

Sanskrit only: no published translation is held for this verse.

चक्रिणङ्गदिनञ्चैव शार्ङ्गिणं खड्गिनं स्मरेत् नारायणं सर्वकाले नृसिंहो ऽखिलभीतिनुत्

cakriṇaṅgadinañcaiva śārṅgiṇaṃ khaḍginaṃ smaret nārāyaṇaṃ sarvakāle nṛsiṃho 'khilabhītinut

Sanskrit only: no published translation is held for this verse.

गरुडध्वजश् च विषहृत् वासुदेवं सदाजपेत् धान्यादिस्थापने स्वप्ने अनन्ताच्युतमीरयेत्

garuḍadhvajaś ca viṣahṛt vāsudevaṃ sadājapet dhānyādisthāpane svapne anantācyutamīrayet

Sanskrit only: no published translation is held for this verse.

नारायणञ्च दुःस्वप्ने दाहादौ जलशायिनं हयग्रीवञ्च विद्यार्थी जगत्सूतिं सुताप्तये बलभद्रं शौरकार्ये(१) एकं नामार्थसाधकम्(२)

nārāyaṇañca duḥsvapne dāhādau jalaśāyinaṃ hayagrīvañca vidyārthī jagatsūtiṃ sutāptaye balabhadraṃ śaurakārye(1) ekaṃ nāmārthasādhakam(2)

Sanskrit only: no published translation is held for this verse.