:ए इत्य् आग्नेये महापुराणे शरीरावयवा नामो न सप्तत्यधिकत्रिशततमो ऽध्यायः छप्तेर् ३७० :श् अथसप्रत्यधिकत्रिशततमो ऽध्यायः नरकनिरूपणम् अग्निर् उवाच उक्तानि यममार्गाणि वक्ष्ये ऽथ मरणे नृणां ऊष्मा प्रकुपितः काये तीव्रवायुसमीरितः
:e ity āgneye mahāpurāṇe śarīrāvayavā nāmo na saptatyadhikatriśatatamo 'dhyāyaḥ chapter 370 :ś athasapratyadhikatriśatatamo 'dhyāyaḥ narakanirūpaṇam agnir uvāca uktāni yamamārgāṇi vakṣye 'tha maraṇe nṛṇāṃ ūṣmā prakupitaḥ kāye tīvravāyusamīritaḥ
Sanskrit only: no published translation is held for this verse.
शरीरमुपरुध्याथ कृत्स्नान्दोषान्रुणद्धि वै छिनत्ति प्राणस्थानानि पुनर्मर्माणि चैव हि
śarīramuparudhyātha kṛtsnāndoṣānruṇaddhi vai chinatti prāṇasthānāni punarmarmāṇi caiva hi
Sanskrit only: no published translation is held for this verse.
शैत्यात् प्रकुपितो वायुश्छिद्रमन्विष्यते ततः द्वे नेत्रे द्वौ तथा कर्णौ द्वौ तु नासापुटौ तथा
śaityāt prakupito vāyuśchidramanviṣyate tataḥ dve netre dvau tathā karṇau dvau tu nāsāpuṭau tathā
Sanskrit only: no published translation is held for this verse.
ऊर्ध्वन्तु सप्त च्छिद्राणि अष्टमं वदनं तथा एतैः प्राणो विनिर्याति प्रायशः शुभकर्मणां
ūrdhvantu sapta cchidrāṇi aṣṭamaṃ vadanaṃ tathā etaiḥ prāṇo viniryāti prāyaśaḥ śubhakarmaṇāṃ
Sanskrit only: no published translation is held for this verse.
अधः पायुरुपस्थञ्च अनेनाशुभकारिणां :प् ३१० मूर्धानं योगिनो भित्त्वा जीवो यात्यथ चेच्छया
adhaḥ pāyurupasthañca anenāśubhakāriṇāṃ :p 310 mūrdhānaṃ yogino bhittvā jīvo yātyatha cecchayā
Sanskrit only: no published translation is held for this verse.
अन्तकाले तु सम्प्राप्रे प्राणे ऽपानमुपस्थिते तमसा संवृते ज्ञाने संवृतेषु च मर्मसु
antakāle tu samprāpre prāṇe 'pānamupasthite tamasā saṃvṛte jñāne saṃvṛteṣu ca marmasu
Sanskrit only: no published translation is held for this verse.
स जिवो नाभ्यधिष्टानश्चाल्यते मातरिश्वना बाध्यमाणश्चानयते अष्टाङ्गाः प्राणवृत्तिकाः
sa jivo nābhyadhiṣṭānaścālyate mātariśvanā bādhyamāṇaścānayate aṣṭāṅgāḥ prāṇavṛttikāḥ
Sanskrit only: no published translation is held for this verse.
च्यवन्तं जायमानं वा प्रविशन्तञ्च योनिषु प्रपश्यन्ति च तं सिद्धा देवा दिव्येन चक्षुपा
cyavantaṃ jāyamānaṃ vā praviśantañca yoniṣu prapaśyanti ca taṃ siddhā devā divyena cakṣupā
Sanskrit only: no published translation is held for this verse.
गृह्णाति तत्क्षणाद्योगे शरीरञ्चातिवाहिकम् आकाशवायुतेजांसि विग्रहादूर्ध्वगामिनः
gṛhṇāti tatkṣaṇādyoge śarīrañcātivāhikam ākāśavāyutejāṃsi vigrahādūrdhvagāminaḥ
Sanskrit only: no published translation is held for this verse.
जलं मही च पञ्चत्वमापन्नः पुरुषः स्मृतः आतिवाहिकदेहन्तु यमदूता नयन्ति तं
jalaṃ mahī ca pañcatvamāpannaḥ puruṣaḥ smṛtaḥ ātivāhikadehantu yamadūtā nayanti taṃ
Sanskrit only: no published translation is held for this verse.
याम्यं मार्गं महाघोरं षडशीतिसहस्रकम् अन्नोदकं नीयमानो बान्धवैर् दत्तमश्नुते
yāmyaṃ mārgaṃ mahāghoraṃ ṣaḍaśītisahasrakam annodakaṃ nīyamāno bāndhavair dattamaśnute
Sanskrit only: no published translation is held for this verse.
यमं दृष्ट्वा यमोक्तेन चित्रगुप्तेन चेरितान् प्राप्नोति नरकान्रौद्रान्धर्मी शुभपथैर् दिवम्
yamaṃ dṛṣṭvā yamoktena citraguptena ceritān prāpnoti narakānraudrāndharmī śubhapathair divam
Sanskrit only: no published translation is held for this verse.
भुज्यन्ते पापिभिर्वक्ष्ये नरकांस्ताश् च यातनाः अष्टाविंशतिरेवाधःक्षितेर्नरककोटयः
bhujyante pāpibhirvakṣye narakāṃstāś ca yātanāḥ aṣṭāviṃśatirevādhaḥkṣiternarakakoṭayaḥ
Sanskrit only: no published translation is held for this verse.
सप्तमस्य तलस्यान्ते घोरे तमसि संस्थिताः घोराख्या प्रथमाकोटिः सुघोरा तदधःस्थिता
saptamasya talasyānte ghore tamasi saṃsthitāḥ ghorākhyā prathamākoṭiḥ sughorā tadadhaḥsthitā
Sanskrit only: no published translation is held for this verse.
अतिघोरा महाघोरा घोररूपा च पञ्चमी षष्ठी तरलताराख्या सप्तमी च भयानका
atighorā mahāghorā ghorarūpā ca pañcamī ṣaṣṭhī taralatārākhyā saptamī ca bhayānakā
Sanskrit only: no published translation is held for this verse.
भयोत्कटा कालरात्री महाचण्डा च चण्डया कोलाहला प्रचण्डाख्या पद्मा नरकनायिका
bhayotkaṭā kālarātrī mahācaṇḍā ca caṇḍayā kolāhalā pracaṇḍākhyā padmā narakanāyikā
Sanskrit only: no published translation is held for this verse.
:प् ३११ पद्मावती भीषणा च भीमा चैव करालिका विकराला महावज्रा त्रिकोणा पञ्चकोणिका
:p 311 padmāvatī bhīṣaṇā ca bhīmā caiva karālikā vikarālā mahāvajrā trikoṇā pañcakoṇikā
Sanskrit only: no published translation is held for this verse.
सदीर्घा वर्तुला सप्तभूमा चैव सुभूमिका दीप्तमायाष्टाविंशतयः कोटयः पापिदुःखदाः
sadīrghā vartulā saptabhūmā caiva subhūmikā dīptamāyāṣṭāviṃśatayaḥ koṭayaḥ pāpiduḥkhadāḥ
Sanskrit only: no published translation is held for this verse.
अष्टाविंशतिकोटीनां पञ्च पञ्च च नायकाः रौरवाद्याः शतञ्चैकं चत्वारिंशच्चतुष्टयं
aṣṭāviṃśatikoṭīnāṃ pañca pañca ca nāyakāḥ rauravādyāḥ śatañcaikaṃ catvāriṃśaccatuṣṭayaṃ
Sanskrit only: no published translation is held for this verse.
तामिश्रमन्धतामिश्रं महारौरवरौरवौ असिपत्रं वनञ्चैव लोहभारं तथैव च
tāmiśramandhatāmiśraṃ mahārauravarauravau asipatraṃ vanañcaiva lohabhāraṃ tathaiva ca
Sanskrit only: no published translation is held for this verse.
नरकं कालसूत्रञ्च महानरकमेव व सञ्जीवनं महावीचि तपनं सम्प्रतापनं
narakaṃ kālasūtrañca mahānarakameva va sañjīvanaṃ mahāvīci tapanaṃ sampratāpanaṃ
Sanskrit only: no published translation is held for this verse.
सङ्घातञ्च सकाकोलं कुद्मलं पूतिमृत्तिकं लोहशङ्कुमृजीषञ्च प्रधानं शाल्मलीं नदीम्
saṅghātañca sakākolaṃ kudmalaṃ pūtimṛttikaṃ lohaśaṅkumṛjīṣañca pradhānaṃ śālmalīṃ nadīm
Sanskrit only: no published translation is held for this verse.
नरकान्विद्धि कोटीशनागन्वै घोरदर्शनान् पात्यन्ते पापकर्माण एकैकस्मिन्बहुष्वपि
narakānviddhi koṭīśanāganvai ghoradarśanān pātyante pāpakarmāṇa ekaikasminbahuṣvapi
Sanskrit only: no published translation is held for this verse.
मार्जारोलूकगोमायुगृघ्रादिवदनाश् च ते तैलद्रोण्यां नरं क्षिप्त्वा ज्वालयन्ति हुताशनं
mārjārolūkagomāyugṛghrādivadanāś ca te tailadroṇyāṃ naraṃ kṣiptvā jvālayanti hutāśanaṃ
Sanskrit only: no published translation is held for this verse.
अम्बरीषेषु चैवान्यांस्ताम्रपात्रेषु चापरान् अयःपात्रेषु चैवान्यान् बहुवह्निकणेषु च
ambarīṣeṣu caivānyāṃstāmrapātreṣu cāparān ayaḥpātreṣu caivānyān bahuvahnikaṇeṣu ca
Sanskrit only: no published translation is held for this verse.
शूलाग्रारोपिताश्चान्ये छिद्यन्ते नरके ऽपरे ताड्यन्ते च कशाभिस्तु भोज्यन्ते चाप्ययोगुडान्
śūlāgrāropitāścānye chidyante narake 'pare tāḍyante ca kaśābhistu bhojyante cāpyayoguḍān
Sanskrit only: no published translation is held for this verse.
यमदूतैर् नराः पांशून्विष्ठारक्तकफादिकान् तप्तं मद्यं पाययन्ति पाटयन्ति पुनर्नरान्
yamadūtair narāḥ pāṃśūnviṣṭhāraktakaphādikān taptaṃ madyaṃ pāyayanti pāṭayanti punarnarān
Sanskrit only: no published translation is held for this verse.
यन्त्रेषु पीडयन्ति स्म भक्ष्यन्ते वायसादिभिः :प् ३१२ तैलेनोष्णेन सिच्यन्ते छिद्यन्ते नैकघा शिरः
yantreṣu pīḍayanti sma bhakṣyante vāyasādibhiḥ :p 312 tailenoṣṇena sicyante chidyante naikaghā śiraḥ
Sanskrit only: no published translation is held for this verse.
हा तातेति क्रन्दमानाः स्वकन्निदन्ति कर्म ते महापातकजान्घोरान्नरकान्प्राप्य गर्हितान्
hā tāteti krandamānāḥ svakannidanti karma te mahāpātakajānghorānnarakānprāpya garhitān
Sanskrit only: no published translation is held for this verse.
कर्मक्षयात्प्रजायन्ते महापातकिनस्त्विह मृगश्वशूकरोष्ट्राणां ब्रह्महा योनिमृच्छति
karmakṣayātprajāyante mahāpātakinastviha mṛgaśvaśūkaroṣṭrāṇāṃ brahmahā yonimṛcchati
Sanskrit only: no published translation is held for this verse.
खरपुक्कशम्लेच्छानां मद्यपः स्वर्णहार्यपि कृमिकीटपतङ्गत्वं गुरुगस्तृणगुल्मतां
kharapukkaśamlecchānāṃ madyapaḥ svarṇahāryapi kṛmikīṭapataṅgatvaṃ gurugastṛṇagulmatāṃ
Sanskrit only: no published translation is held for this verse.
ब्रह्महा क्षयरोगी स्यात् सुरापः श्यावदन्तकः स्वर्णहारी तु कुनखी दुश् चर्मा गुरुतल्पगः
brahmahā kṣayarogī syāt surāpaḥ śyāvadantakaḥ svarṇahārī tu kunakhī duś carmā gurutalpagaḥ
Sanskrit only: no published translation is held for this verse.
यो येन संस्पृशत्येषां स तल्लिङ्गो ऽभिजायते अन्नहर्ता मायावी स्यान्मूको वागपहारकः
yo yena saṃspṛśatyeṣāṃ sa talliṅgo 'bhijāyate annahartā māyāvī syānmūko vāgapahārakaḥ
Sanskrit only: no published translation is held for this verse.
धान्यं हृत्वातिरिक्ताङ्गः पिशुनः पूतिनासिकः तैलहृत्तैलपायी स्यात् पूतिवक्त्रस्तु सूचकः
dhānyaṃ hṛtvātiriktāṅgaḥ piśunaḥ pūtināsikaḥ tailahṛttailapāyī syāt pūtivaktrastu sūcakaḥ
Sanskrit only: no published translation is held for this verse.
परस्य योषितं हृत्वा ब्रह्मस्वमपहृत्य च अरण्ये निर्जने देशे जायते ब्रह्मराक्षसः
parasya yoṣitaṃ hṛtvā brahmasvamapahṛtya ca araṇye nirjane deśe jāyate brahmarākṣasaḥ
Sanskrit only: no published translation is held for this verse.
रत्नहारी हीनजातिर्गन्धान् छुछुन्दरी शुभान् पत्रं शाकं शिखी हृत्वा मुखरो धान्यहारकः
ratnahārī hīnajātirgandhān chuchundarī śubhān patraṃ śākaṃ śikhī hṛtvā mukharo dhānyahārakaḥ
Sanskrit only: no published translation is held for this verse.
अजः पशुंपयः काको यानमुष्ट्रः(१) फलं कपिः मधु दंशः फलं गृध्रो गृहकाक उपस्करं
ajaḥ paśuṃpayaḥ kāko yānamuṣṭraḥ(1) phalaṃ kapiḥ madhu daṃśaḥ phalaṃ gṛdhro gṛhakāka upaskaraṃ
Sanskrit only: no published translation is held for this verse.
शिवत्री वस्त्रं सारसञ्च झल्ली लवणहारकः उक्त आध्यात्मिकस्तापः शस्त्राद्यैर् आधिभौतिकः
śivatrī vastraṃ sārasañca jhallī lavaṇahārakaḥ ukta ādhyātmikastāpaḥ śastrādyair ādhibhautikaḥ
Sanskrit only: no published translation is held for this verse.
ग्रहाग्निदेवपीडाद्यैर् आधिकैविक ईरितः :प् ३१३ त्रिथा तापं हि संसारं ज्ञानयोगाद्विनाशयेत् कृच्छ्रैर् व्रतैश् च दानाद्यैर् विष्णुपूजादिभिर्नरः
grahāgnidevapīḍādyair ādhikaivika īritaḥ :p 313 trithā tāpaṃ hi saṃsāraṃ jñānayogādvināśayet kṛcchrair vrataiś ca dānādyair viṣṇupūjādibhirnaraḥ
Sanskrit only: no published translation is held for this verse.