सत्येनावृता श्रिया प्रावृता यशसा परीवृता ॥२॥
satyenāvṛtā śriyā prāvṛtā yaśasā parīvṛtā ||2||
Sanskrit only: no published translation is held for this verse.
Library·Atharvaveda Saṃhitā (Śaunaka)·12·12.5
Atharvaveda Saṃhitā (Śaunaka) 12.5
स्वधया परिहिता श्रद्धया पर्यूढा दीक्षया गुप्ता यज्ञे प्रतिष्ठिता लोको निधनम् ॥३॥
svadhayā parihitā śraddhayā paryūḍhā dīkṣayā guptā yajñe pratiṣṭhitā loko nidhanam ||3||
Sanskrit only: no published translation is held for this verse.
ब्रह्म पदवायं ब्राह्मणो ऽधिपतिः ॥४॥
brahma padavāyaṃ brāhmaṇo 'dhipatiḥ ||4||
Sanskrit only: no published translation is held for this verse.
ताम् आददानस्य ब्रह्मगवीं जिनतो ब्राह्मणं क्षत्रियस्य ॥५॥
tām ādadānasya brahmagavīṃ jinato brāhmaṇaṃ kṣatriyasya ||5||
Sanskrit only: no published translation is held for this verse.
अप क्रामति सूनृता वीर्यं पुन्या लक्ष्मीः ॥६॥ २४
apa krāmati sūnṛtā vīryaṃ punyā lakṣmīḥ ||6|| 24
Sanskrit only: no published translation is held for this verse.
ओजश् च तेजश् च सहश् च बलं च वाक् चेन्द्रियं च श्रीश् च धर्मश् च ॥७॥
ojaś ca tejaś ca sahaś ca balaṃ ca vāk cendriyaṃ ca śrīś ca dharmaś ca ||7||
Sanskrit only: no published translation is held for this verse.
ब्रह्म च क्षत्रं च राष्ट्रं च विशश् च त्विषिश् च यशश् च वर्चश् च द्रविणं च ॥८॥
brahma ca kṣatraṃ ca rāṣṭraṃ ca viśaś ca tviṣiś ca yaśaś ca varcaś ca draviṇaṃ ca ||8||
Sanskrit only: no published translation is held for this verse.
आयुश् च रूपं च नाम च कीर्तिश् च प्राणश् चापानश् च चक्षुश् च श्रोत्रं च ॥९॥
āyuś ca rūpaṃ ca nāma ca kīrtiś ca prāṇaś cāpānaś ca cakṣuś ca śrotraṃ ca ||9||
Sanskrit only: no published translation is held for this verse.
पयश् च रसश् चान्नं चान्नाद्यं च र्तं च सत्यं चेष्टं च पूर्तं च प्रजा च पशवश् च ॥१०॥
payaś ca rasaś cānnaṃ cānnādyaṃ ca rtaṃ ca satyaṃ ceṣṭaṃ ca pūrtaṃ ca prajā ca paśavaś ca ||10||
Sanskrit only: no published translation is held for this verse.
तानि सर्वाण्य् अप क्रामन्ति ब्रह्मगवीम् आददानस्य जिनतो ब्राह्मणं क्षत्रियस्य ॥११॥ २५
tāni sarvāṇy apa krāmanti brahmagavīm ādadānasya jinato brāhmaṇaṃ kṣatriyasya ||11|| 25
Sanskrit only: no published translation is held for this verse.
सैषा भीमा ब्रह्मगव्य् अघविषा साक्षात् कृत्या कूल्बजम् आवृता ॥१२॥
saiṣā bhīmā brahmagavy aghaviṣā sākṣāt kṛtyā kūlbajam āvṛtā ||12||
Sanskrit only: no published translation is held for this verse.
सर्वाण्य् अस्यां घोराणि सर्वे च मृत्यवः ॥१३॥
sarvāṇy asyāṃ ghorāṇi sarve ca mṛtyavaḥ ||13||
Sanskrit only: no published translation is held for this verse.
सर्वाण्य् अस्यां क्रूराणि सर्वे पुरुषवधाः ॥१४॥
sarvāṇy asyāṃ krūrāṇi sarve puruṣavadhāḥ ||14||
Sanskrit only: no published translation is held for this verse.
सा ब्रह्मज्यं देवपीयुं ब्रह्मगव्य् आदीयमाना मृत्योः पद्वीष आ द्यति ॥१५॥
sā brahmajyaṃ devapīyuṃ brahmagavy ādīyamānā mṛtyoḥ padvīṣa ā dyati ||15||
Sanskrit only: no published translation is held for this verse.
मेनिः शतवधा हि सा ब्रह्मज्यस्य क्षितिर् हि सा ॥१६॥
meniḥ śatavadhā hi sā brahmajyasya kṣitir hi sā ||16||
Sanskrit only: no published translation is held for this verse.
तस्माद् वै ब्राह्मणानां गौर् दुराधर्षा विजानता ॥१७॥
tasmād vai brāhmaṇānāṃ gaur durādharṣā vijānatā ||17||
Sanskrit only: no published translation is held for this verse.
वज्रो धावन्ती वैश्वानर उद्वीता ॥१८॥
vajro dhāvantī vaiśvānara udvītā ||18||
Sanskrit only: no published translation is held for this verse.
हेतिः शफान् उत्खिदन्ती महादेवो ऽपेक्षमाणा ॥१९॥
hetiḥ śaphān utkhidantī mahādevo 'pekṣamāṇā ||19||
Sanskrit only: no published translation is held for this verse.
क्षुरपविर् ईक्षमाणा वाश्यमानाभि स्फूर्जति ॥२०॥
kṣurapavir īkṣamāṇā vāśyamānābhi sphūrjati ||20||
Sanskrit only: no published translation is held for this verse.
मृत्युर् हिङ्कृण्वत्य् उग्रो देवः पुछं पर्यस्यन्ती ॥२१॥
mṛtyur hiṅkṛṇvaty ugro devaḥ puchaṃ paryasyantī ||21||
Sanskrit only: no published translation is held for this verse.
सर्वज्यानिः कर्णौ वरीवर्जयन्ती राजयक्ष्मो मेहन्ती ॥२२॥
sarvajyāniḥ karṇau varīvarjayantī rājayakṣmo mehantī ||22||
Sanskrit only: no published translation is held for this verse.
मेनिर् दुह्यमाना शीर्षक्तिर् दुग्धा ॥२३॥
menir duhyamānā śīrṣaktir dugdhā ||23||
Sanskrit only: no published translation is held for this verse.
सेदिर् उपतिष्ठन्ती मिथोयोधः परामृष्टा ॥२४॥
sedir upatiṣṭhantī mithoyodhaḥ parāmṛṣṭā ||24||
Sanskrit only: no published translation is held for this verse.
शरव्या मुखे ऽपिनह्यमान ऋतिर् हन्यमाना ॥२५॥
śaravyā mukhe 'pinahyamāna ṛtir hanyamānā ||25||
Sanskrit only: no published translation is held for this verse.
अघविषा निपतन्ती तमो निपतिता ॥२६॥
aghaviṣā nipatantī tamo nipatitā ||26||
Sanskrit only: no published translation is held for this verse.
अनुगछन्ती प्राणान् उप दासयति ब्रह्मगवी ब्रह्मज्यस्य ॥२७॥ २६
anugachantī prāṇān upa dāsayati brahmagavī brahmajyasya ||27|| 26
Sanskrit only: no published translation is held for this verse.
वैरं विकृत्यमाना पौत्राद्यं विभाज्यमाना ॥२८॥
vairaṃ vikṛtyamānā pautrādyaṃ vibhājyamānā ||28||
Sanskrit only: no published translation is held for this verse.
देवहेतिर् ह्रियमाणा व्यृद्धिर् हृता ॥२९॥
devahetir hriyamāṇā vyṛddhir hṛtā ||29||
Sanskrit only: no published translation is held for this verse.
पाप्माधिधीयमाना पारुष्यम् अवधीयमाना ॥३०॥
pāpmādhidhīyamānā pāruṣyam avadhīyamānā ||30||
Sanskrit only: no published translation is held for this verse.
विषं प्रयस्यन्ती तक्मा प्रयस्ता ॥३१॥
viṣaṃ prayasyantī takmā prayastā ||31||
Sanskrit only: no published translation is held for this verse.
अघं प्रच्यमाना दुष्वप्न्यं पक्वा ॥३२॥
aghaṃ pracyamānā duṣvapnyaṃ pakvā ||32||
Sanskrit only: no published translation is held for this verse.
मूलबर्हणी पर्याक्रियमाणा क्षितिः पर्याकृता ॥३३॥
mūlabarhaṇī paryākriyamāṇā kṣitiḥ paryākṛtā ||33||
Sanskrit only: no published translation is held for this verse.
असंज्ञा गन्धेन शुग् उद्ध्रियमाणाशीविष उद्धृता ॥३४॥
asaṃjñā gandhena śug uddhriyamāṇāśīviṣa uddhṛtā ||34||
Sanskrit only: no published translation is held for this verse.
अभूतिर् उपह्रियमाणा पराभूतिर् उपहृता ॥३५॥
abhūtir upahriyamāṇā parābhūtir upahṛtā ||35||
Sanskrit only: no published translation is held for this verse.
शर्वः क्रुद्धः पिश्यमाना शिमिदा पिशिता ॥३६॥
śarvaḥ kruddhaḥ piśyamānā śimidā piśitā ||36||
Sanskrit only: no published translation is held for this verse.
अवर्तिर् अश्यमाना निरृतिर् अशिता ॥३७॥
avartir aśyamānā nirṛtir aśitā ||37||
Sanskrit only: no published translation is held for this verse.
अशिता लोकाच् छिनत्ति ब्रह्मगवी ब्रह्मज्यम् अस्माच् चामुष्माच् च ॥३८॥ २७
aśitā lokāc chinatti brahmagavī brahmajyam asmāc cāmuṣmāc ca ||38|| 27
Sanskrit only: no published translation is held for this verse.
तस्या आहननं कृत्या मेनिर् आशसनं वलग ऊबध्यम् ॥३९॥
tasyā āhananaṃ kṛtyā menir āśasanaṃ valaga ūbadhyam ||39||
Sanskrit only: no published translation is held for this verse.
अस्वगता परिह्णुता ॥४०॥
asvagatā parihṇutā ||40||
Sanskrit only: no published translation is held for this verse.
अग्निः क्रव्याद् भूत्वा ब्रह्मगवी ब्रह्मज्यं प्रविश्यात्ति ॥४१॥
agniḥ kravyād bhūtvā brahmagavī brahmajyaṃ praviśyātti ||41||
Sanskrit only: no published translation is held for this verse.
सर्वास्याङ्गा पर्वा मूलानि वृश्चति ॥४२॥
sarvāsyāṅgā parvā mūlāni vṛścati ||42||
Sanskrit only: no published translation is held for this verse.
छिनत्त्य् अस्य पितृबन्धु परा भावयति मातृबन्धु ॥४३॥
chinatty asya pitṛbandhu parā bhāvayati mātṛbandhu ||43||
Sanskrit only: no published translation is held for this verse.
विवाहां ज्ञातीन्त् सर्वान् अपि क्षापयति ब्रह्मगवी ब्रह्मज्यस्य क्षत्रियेणापुनर्दीयमाना ॥४४॥
vivāhāṃ jñātīnt sarvān api kṣāpayati brahmagavī brahmajyasya kṣatriyeṇāpunardīyamānā ||44||
Sanskrit only: no published translation is held for this verse.
अवास्तुम् एनम् अस्वगम् अप्रजसं करोत्य् अपरापरणो भवति क्षीयते ॥४५॥
avāstum enam asvagam aprajasaṃ karoty aparāparaṇo bhavati kṣīyate ||45||
Sanskrit only: no published translation is held for this verse.
य एवं विदुषो ब्राह्मणस्य क्षत्रियो गाम् आदत्ते ॥४६॥ २८
ya evaṃ viduṣo brāhmaṇasya kṣatriyo gām ādatte ||46|| 28
Sanskrit only: no published translation is held for this verse.
क्षिप्रं वै तस्याहनने गृध्राः कुर्वत ऐलबम् ॥४७॥
kṣipraṃ vai tasyāhanane gṛdhrāḥ kurvata ailabam ||47||
Sanskrit only: no published translation is held for this verse.
क्षिप्रं वै तस्यादहनं परि नृत्यन्ति केशिनीर् आघ्नानाः पाणिनोरसि कुर्वाणाः पापम् ऐलबम् ॥४८॥
kṣipraṃ vai tasyādahanaṃ pari nṛtyanti keśinīr āghnānāḥ pāṇinorasi kurvāṇāḥ pāpam ailabam ||48||
Sanskrit only: no published translation is held for this verse.
क्षिप्रं वै तस्य वास्तुषु वृकाः कुर्वत ऐलबम् ॥४९॥
kṣipraṃ vai tasya vāstuṣu vṛkāḥ kurvata ailabam ||49||
Sanskrit only: no published translation is held for this verse.
क्षिप्रं वै तस्य पृछन्ति यत् तद् आसी३द् इदं नु ता३द् इति ॥५०॥
kṣipraṃ vai tasya pṛchanti yat tad āsī3d idaṃ nu tā3d iti ||50||
Sanskrit only: no published translation is held for this verse.
छिन्ध्य् आ छिन्धि प्र छिन्ध्य् अपि क्षापय क्षापय ॥५१॥
chindhy ā chindhi pra chindhy api kṣāpaya kṣāpaya ||51||
Sanskrit only: no published translation is held for this verse.
आददानम् आङ्गिरसि ब्रह्मज्यम् उप दासय ॥५२॥
ādadānam āṅgirasi brahmajyam upa dāsaya ||52||
Sanskrit only: no published translation is held for this verse.
श्रमेण तपसा सृष्टा ब्रह्मणा वित्ता र्ते श्रिता ॥१॥
śrameṇa tapasā sṛṣṭā brahmaṇā vittā rte śritā ||1||
Sanskrit only: no published translation is held for this verse.
ओषन्ती समोषन्ती ब्रह्मणो वज्रः ॥५४॥
oṣantī samoṣantī brahmaṇo vajraḥ ||54||
Sanskrit only: no published translation is held for this verse.
क्षुरपविर् मृत्युर् भूत्वा वि धाव त्वम् ॥५५॥
kṣurapavir mṛtyur bhūtvā vi dhāva tvam ||55||
Sanskrit only: no published translation is held for this verse.
आ दत्से जिनतां वर्च इष्टं पूर्तं चाशिषः ॥५६॥
ā datse jinatāṃ varca iṣṭaṃ pūrtaṃ cāśiṣaḥ ||56||
Sanskrit only: no published translation is held for this verse.
आदाय जीतं जीताय लोके ऽमुष्मिन् प्र यछसि ॥५७॥
ādāya jītaṃ jītāya loke 'muṣmin pra yachasi ||57||
Sanskrit only: no published translation is held for this verse.
अघ्न्ये पदवीर् भव ब्राह्मणस्याभिशस्त्या ॥५८॥
aghnye padavīr bhava brāhmaṇasyābhiśastyā ||58||
Sanskrit only: no published translation is held for this verse.
मेनिः शरव्या भवाघाद् अघविषा भव ॥५९॥
meniḥ śaravyā bhavāghād aghaviṣā bhava ||59||
Sanskrit only: no published translation is held for this verse.
अघ्न्ये प्र शिरो जहि ब्रह्मज्यस्य कृतागसो देवपीयोर् अराधसः ॥६०॥
aghnye pra śiro jahi brahmajyasya kṛtāgaso devapīyor arādhasaḥ ||60||
Sanskrit only: no published translation is held for this verse.
त्वया प्रमूर्णं मृदितम् अग्निर् दहतु दुश्चितम् ॥६१॥ २९
tvayā pramūrṇaṃ mṛditam agnir dahatu duścitam ||61|| 29
Sanskrit only: no published translation is held for this verse.
वृश्च प्र वृश्च सं वृश्च दह प्र दह सं दह ॥६२॥
vṛśca pra vṛśca saṃ vṛśca daha pra daha saṃ daha ||62||
Sanskrit only: no published translation is held for this verse.
ब्रह्मज्यं देव्य् अघ्न्य आ मूलाद् अनुसंदह ॥६३॥
brahmajyaṃ devy aghnya ā mūlād anusaṃdaha ||63||
Sanskrit only: no published translation is held for this verse.
यथायाद् यमसादनात् पापलोकान् परावतः ॥६४॥
yathāyād yamasādanāt pāpalokān parāvataḥ ||64||
Sanskrit only: no published translation is held for this verse.
एवा त्वं देव्य् अघ्न्ये ब्रह्मज्यस्य कृतागसो देवपीयोर् अराधसः ॥६५॥
evā tvaṃ devy aghnye brahmajyasya kṛtāgaso devapīyor arādhasaḥ ||65||
Sanskrit only: no published translation is held for this verse.
वज्रेण शतपर्वणा तीक्ष्णेन क्षुरभृष्टिना ॥६६॥
vajreṇa śataparvaṇā tīkṣṇena kṣurabhṛṣṭinā ||66||
Sanskrit only: no published translation is held for this verse.
प्र स्कन्धान् प्र शिरो जहि ॥६७॥
pra skandhān pra śiro jahi ||67||
Sanskrit only: no published translation is held for this verse.
लोमान्य् अस्य सं छिन्धि त्वचम् अस्य वि वेष्टय ॥६८॥
lomāny asya saṃ chindhi tvacam asya vi veṣṭaya ||68||
Sanskrit only: no published translation is held for this verse.
मांसान्य् अस्य शातय स्नावान्य् अस्य सं वृह ॥६९॥
māṃsāny asya śātaya snāvāny asya saṃ vṛha ||69||
Sanskrit only: no published translation is held for this verse.
अस्थीन्य् अस्य पीडय मज्जानम् अस्य निर् जहि ॥७०॥
asthīny asya pīḍaya majjānam asya nir jahi ||70||
Sanskrit only: no published translation is held for this verse.
सर्वास्याङ्गा पर्वाणि वि श्रथय ॥७१॥
sarvāsyāṅgā parvāṇi vi śrathaya ||71||
Sanskrit only: no published translation is held for this verse.
अग्निर् एनं क्रव्यात् पृथिव्या नुदताम् उद् ओषतु वायुर् अन्तरिक्षान् महतो वरिम्णः ॥७२॥
agnir enaṃ kravyāt pṛthivyā nudatām ud oṣatu vāyur antarikṣān mahato varimṇaḥ ||72||
Sanskrit only: no published translation is held for this verse.
सूर्य एनं दिवः प्र णुदतां न्य् ओषतु ॥७३॥ ३०
sūrya enaṃ divaḥ pra ṇudatāṃ ny oṣatu ||73|| 30
Sanskrit only: no published translation is held for this verse.