व्रात्य आसीद् ईयमान एव स प्रजापतिं सम् ऐरयत् ॥१॥
vrātya āsīd īyamāna eva sa prajāpatiṃ sam airayat ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·15
Atharvaveda Saṃhitā (Śaunaka) 15
स प्रजापतिः सुवर्णम् आत्मन्न् अपश्यत् तत् प्राजनयत् ॥२॥
sa prajāpatiḥ suvarṇam ātmann apaśyat tat prājanayat ||2||
Sanskrit only: no published translation is held for this verse.
तद् एकम् अभवत् तल् ललामम् अभवत् तन् महद् अभवत् तज् ज्येष्ठम् अभवत् तद् ब्रह्माभवत् तत् तपो ऽभवत् तत् सत्यम् अभवत् तेन प्राजायत ॥३॥
tad ekam abhavat tal lalāmam abhavat tan mahad abhavat taj jyeṣṭham abhavat tad brahmābhavat tat tapo 'bhavat tat satyam abhavat tena prājāyata ||3||
Sanskrit only: no published translation is held for this verse.
सो ऽवर्धत स महान् अभवत् स महादेवो ऽभवत् ॥४॥
so 'vardhata sa mahān abhavat sa mahādevo 'bhavat ||4||
Sanskrit only: no published translation is held for this verse.
स देवानाम् ईशां पर्य् ऐत् स ईशानो ऽभवत् ॥५॥
sa devānām īśāṃ pary ait sa īśāno 'bhavat ||5||
Sanskrit only: no published translation is held for this verse.
स एकव्रात्यो ऽभवत् स धनुर् आदत्त तद् एवेन्द्रधनुः ॥६॥
sa ekavrātyo 'bhavat sa dhanur ādatta tad evendradhanuḥ ||6||
Sanskrit only: no published translation is held for this verse.
नीलम् अस्योदरं लोहितं पृष्ठम् ॥७॥
nīlam asyodaraṃ lohitaṃ pṛṣṭham ||7||
Sanskrit only: no published translation is held for this verse.
नीलेनैवाप्रियं भ्रातृव्यं प्रोर्णोति लोहितेन द्विषन्तं विध्यतीति ब्रह्मवादिनो वदन्ति ॥८॥
nīlenaivāpriyaṃ bhrātṛvyaṃ prorṇoti lohitena dviṣantaṃ vidhyatīti brahmavādino vadanti ||8||
Sanskrit only: no published translation is held for this verse.
स संवत्सरम् ऊर्ध्वो ऽतिष्ठत् तं देवा अब्रुवन् व्रात्य किं नु तिष्ठसीति ॥१॥
sa saṃvatsaram ūrdhvo 'tiṣṭhat taṃ devā abruvan vrātya kiṃ nu tiṣṭhasīti ||1||
Sanskrit only: no published translation is held for this verse.
सो ऽब्रवीद् आसन्दीं मे सं भरन्त्व् इति ॥२॥
so 'bravīd āsandīṃ me saṃ bharantv iti ||2||
Sanskrit only: no published translation is held for this verse.
तस्मै व्रात्यायासन्दीं सम् अभरन् ॥३॥
tasmai vrātyāyāsandīṃ sam abharan ||3||
Sanskrit only: no published translation is held for this verse.
तस्या ग्रीष्मश् च वसन्तश् च द्वौ पादाव् आस्तां शरच् च वर्षाश् च द्वौ ॥४॥
tasyā grīṣmaś ca vasantaś ca dvau pādāv āstāṃ śarac ca varṣāś ca dvau ||4||
Sanskrit only: no published translation is held for this verse.
बृहच् च रथन्तरं चानूच्ये आस्तां यज्ञायज्ञियं च वामदेव्यं च तिरश्च्ये ॥५॥
bṛhac ca rathantaraṃ cānūcye āstāṃ yajñāyajñiyaṃ ca vāmadevyaṃ ca tiraścye ||5||
Sanskrit only: no published translation is held for this verse.
ऋचः प्राञ्चस् तन्तवो यजूंषि तिर्यञ्चः ॥६॥
ṛcaḥ prāñcas tantavo yajūṃṣi tiryañcaḥ ||6||
Sanskrit only: no published translation is held for this verse.
वेद आस्तरणं ब्रह्मोपबर्हणम् ॥७॥
veda āstaraṇaṃ brahmopabarhaṇam ||7||
Sanskrit only: no published translation is held for this verse.
सामासाद उद्गीथो ऽपश्रयः ॥८॥
sāmāsāda udgītho 'paśrayaḥ ||8||
Sanskrit only: no published translation is held for this verse.
ताम् आसन्दीं व्रात्य आरोहत् ॥९॥
tām āsandīṃ vrātya ārohat ||9||
Sanskrit only: no published translation is held for this verse.
तस्य देवजनाः परिष्कन्दा आसन्त् संकल्पाः प्रहाय्या विश्वानि भूतान्य् उपसदः ॥१०॥
tasya devajanāḥ pariṣkandā āsant saṃkalpāḥ prahāyyā viśvāni bhūtāny upasadaḥ ||10||
Sanskrit only: no published translation is held for this verse.
विश्वान्य् एवास्य भूतान्य् उपसदो भवन्ति य एवं वेद ॥११॥
viśvāny evāsya bhūtāny upasado bhavanti ya evaṃ veda ||11||
Sanskrit only: no published translation is held for this verse.
स महिमा सद्रुर् भूत्वान्तं पृथिव्या अगछत् समुद्रो ऽभवत् ॥१॥
sa mahimā sadrur bhūtvāntaṃ pṛthivyā agachat samudro 'bhavat ||1||
Sanskrit only: no published translation is held for this verse.
तं प्रजापतिश् च परमेष्ठी च पिता च पितामहश् चापश् च श्रद्धा च वर्षं भूत्वानुव्यवर्तयन्त ॥२॥
taṃ prajāpatiś ca parameṣṭhī ca pitā ca pitāmahaś cāpaś ca śraddhā ca varṣaṃ bhūtvānuvyavartayanta ||2||
Sanskrit only: no published translation is held for this verse.
ऐनम् आपो गछन्त्य् ऐनं श्रद्धा गछत्य् ऐनं वर्षं गछति य एवं वेद ॥३॥
ainam āpo gachanty ainaṃ śraddhā gachaty ainaṃ varṣaṃ gachati ya evaṃ veda ||3||
Sanskrit only: no published translation is held for this verse.
तं श्रद्धा च यज्ञश् च लोकश् चान्नं चान्नाद्यं च भूत्वाभिपर्यावर्तन्त ॥४॥
taṃ śraddhā ca yajñaś ca lokaś cānnaṃ cānnādyaṃ ca bhūtvābhiparyāvartanta ||4||
Sanskrit only: no published translation is held for this verse.
ऐनं श्रद्धा गछत्य् ऐनं यज्ञो गछत्य् ऐनं लोको गछत्य् ऐनम् अन्नं गछत्य् ऐनम् अन्नाद्यं गछति य एवं वेद ॥५॥
ainaṃ śraddhā gachaty ainaṃ yajño gachaty ainaṃ loko gachaty ainam annaṃ gachaty ainam annādyaṃ gachati ya evaṃ veda ||5||
Sanskrit only: no published translation is held for this verse.
सो ऽरज्यत ततो राजन्यो ऽजायत ॥१॥
so 'rajyata tato rājanyo 'jāyata ||1||
Sanskrit only: no published translation is held for this verse.
स विशः सबन्धून् अन्नम् अन्नाद्यम् अभ्युदतिष्ठत् ॥२॥
sa viśaḥ sabandhūn annam annādyam abhyudatiṣṭhat ||2||
Sanskrit only: no published translation is held for this verse.
विशां च वै स सबन्धूनां चान्नस्य चान्नाद्यस्य च प्रियं धाम भवति य एवं वेद ॥३॥
viśāṃ ca vai sa sabandhūnāṃ cānnasya cānnādyasya ca priyaṃ dhāma bhavati ya evaṃ veda ||3||
Sanskrit only: no published translation is held for this verse.
स विशो ऽनु व्य् अचलत् ॥१॥
sa viśo 'nu vy acalat ||1||
Sanskrit only: no published translation is held for this verse.
तं सभा च समितिश् च सेना च सुरा चानुव्यचलन् ॥२॥
taṃ sabhā ca samitiś ca senā ca surā cānuvyacalan ||2||
Sanskrit only: no published translation is held for this verse.
सभायाश् च वै स समितेश् च सेनायाश् च सुरायाश् च प्रियं धाम भवति य एवं वेद ॥३॥
sabhāyāś ca vai sa samiteś ca senāyāś ca surāyāś ca priyaṃ dhāma bhavati ya evaṃ veda ||3||
Sanskrit only: no published translation is held for this verse.
तद् यस्यैवं विद्वान् व्रात्यो राज्ञो ऽतिथिर् गृहान् आगछेत् ॥१॥
tad yasyaivaṃ vidvān vrātyo rājño 'tithir gṛhān āgachet ||1||
Sanskrit only: no published translation is held for this verse.
श्रेयांसम् एनम् आत्मनो मानयेत् तथा क्षत्राय ना वृश्चते तथा राष्ट्राय ना वृश्चते ॥२॥
śreyāṃsam enam ātmano mānayet tathā kṣatrāya nā vṛścate tathā rāṣṭrāya nā vṛścate ||2||
Sanskrit only: no published translation is held for this verse.
अतो वै ब्रह्म च क्षत्रं चोद् अतिष्ठतां ते अब्रूतां कं प्र विशावेति ॥३॥
ato vai brahma ca kṣatraṃ cod atiṣṭhatāṃ te abrūtāṃ kaṃ pra viśāveti ||3||
Sanskrit only: no published translation is held for this verse.
बृहस्पतिम् एव ब्रह्म प्रविशत्व् इन्द्रं क्षत्रं तथा वा इति ॥४॥
bṛhaspatim eva brahma praviśatv indraṃ kṣatraṃ tathā vā iti ||4||
Sanskrit only: no published translation is held for this verse.
अतो वै बृहस्पतिम् एव ब्रह्म प्राविशद् इन्द्रं क्षत्रम् ॥५॥
ato vai bṛhaspatim eva brahma prāviśad indraṃ kṣatram ||5||
Sanskrit only: no published translation is held for this verse.
इयं वा उ पृथिवी बृहस्पतिर् द्यौर् एवेन्द्रः ॥६॥
iyaṃ vā u pṛthivī bṛhaspatir dyaur evendraḥ ||6||
Sanskrit only: no published translation is held for this verse.
अयं वा उ अग्निर् ब्रह्मासाव् आदित्यः क्षत्रम् ॥७॥
ayaṃ vā u agnir brahmāsāv ādityaḥ kṣatram ||7||
Sanskrit only: no published translation is held for this verse.
ऐनं ब्रह्म गछति ब्रह्मवर्चसी भवति ॥८॥
ainaṃ brahma gachati brahmavarcasī bhavati ||8||
Sanskrit only: no published translation is held for this verse.
यः पृथिवीं बृहस्पतिम् अग्निं ब्रह्म वेद ॥९॥
yaḥ pṛthivīṃ bṛhaspatim agniṃ brahma veda ||9||
Sanskrit only: no published translation is held for this verse.
ऐनम् इन्द्रियं गछतीन्द्रियवान् भवति ॥१०॥
ainam indriyaṃ gachatīndriyavān bhavati ||10||
Sanskrit only: no published translation is held for this verse.
य आदित्यं क्षत्रं दिवम् इन्द्रं वेद ॥११॥
ya ādityaṃ kṣatraṃ divam indraṃ veda ||11||
Sanskrit only: no published translation is held for this verse.
तद् यस्यैवं विद्वान् व्रात्यो ऽतिथिर् गृहान् आगछेत् ॥१॥
tad yasyaivaṃ vidvān vrātyo 'tithir gṛhān āgachet ||1||
Sanskrit only: no published translation is held for this verse.
स्वयम् एनम् अभ्युदेत्य ब्रूयाद् व्रात्य क्वावात्सीर् व्रात्योदकं व्रात्य तर्पयन्तु व्रात्य यथा ते प्रियं तथास्तु व्रात्य यथा ते वशस् तथास्तु व्रात्य यथा ते निकामस् तथास्त्व् इति ॥२॥
svayam enam abhyudetya brūyād vrātya kvāvātsīr vrātyodakaṃ vrātya tarpayantu vrātya yathā te priyaṃ tathāstu vrātya yathā te vaśas tathāstu vrātya yathā te nikāmas tathāstv iti ||2||
Sanskrit only: no published translation is held for this verse.
यद् एनम् आह व्रात्य क्वावात्सीर् इति पथ एव तेन देवयानान् अव रुन्धे ॥३॥
yad enam āha vrātya kvāvātsīr iti patha eva tena devayānān ava rundhe ||3||
Sanskrit only: no published translation is held for this verse.
यद् एनम् आह व्रात्योदकम् इत्य् अप एव तेनाव रुन्धे ॥४॥
yad enam āha vrātyodakam ity apa eva tenāva rundhe ||4||
Sanskrit only: no published translation is held for this verse.
यद् एनम् आह व्रात्य तर्पयन्त्व् इति प्राणम् एव तेन वर्षीयांसं कुरुते ॥५॥
yad enam āha vrātya tarpayantv iti prāṇam eva tena varṣīyāṃsaṃ kurute ||5||
Sanskrit only: no published translation is held for this verse.
यद् एनम् आह व्रात्य यथा ते प्रियं तथास्त्व् इति प्रियम् एव तेनाव रुन्धे ॥६॥
yad enam āha vrātya yathā te priyaṃ tathāstv iti priyam eva tenāva rundhe ||6||
Sanskrit only: no published translation is held for this verse.
ऐनं प्रियं गछति प्रियः प्रियस्य भवति य एवं वेद ॥७॥
ainaṃ priyaṃ gachati priyaḥ priyasya bhavati ya evaṃ veda ||7||
Sanskrit only: no published translation is held for this verse.
यद् एनम् आह व्रात्य यथा ते वशस् तथास्त्व् इति वशम् एव तेनाव रुन्धे ॥८॥
yad enam āha vrātya yathā te vaśas tathāstv iti vaśam eva tenāva rundhe ||8||
Sanskrit only: no published translation is held for this verse.
ऐनं वशो गछति वशी वशिनां भवति य एवं वेद ॥९॥
ainaṃ vaśo gachati vaśī vaśināṃ bhavati ya evaṃ veda ||9||
Sanskrit only: no published translation is held for this verse.
यद् एनम् आह व्रात्य यथा ते निकामस् तथास्त्व् इति निकामम् एव तेनाव रुन्धे ॥१०॥
yad enam āha vrātya yathā te nikāmas tathāstv iti nikāmam eva tenāva rundhe ||10||
Sanskrit only: no published translation is held for this verse.
ऐनं निकामो गछति निकामे निकामस्य भवति य एवं वेद ॥११॥
ainaṃ nikāmo gachati nikāme nikāmasya bhavati ya evaṃ veda ||11||
Sanskrit only: no published translation is held for this verse.
तद् यस्यैवं विद्वान् व्रात्य उद्धृतेष्व् अग्निष्व् अधिश्रिते ऽग्निहोत्रे ऽतिथिर् गृहान् आगछेत् ॥१॥
tad yasyaivaṃ vidvān vrātya uddhṛteṣv agniṣv adhiśrite 'gnihotre 'tithir gṛhān āgachet ||1||
Sanskrit only: no published translation is held for this verse.
स्वयम् एनम् अभ्युदेत्य ब्रूयाद् व्रात्याति सृज होष्यामीति ॥२॥
svayam enam abhyudetya brūyād vrātyāti sṛja hoṣyāmīti ||2||
Sanskrit only: no published translation is held for this verse.
स चातिसृजेज् जुहुयान् न चातिसृजेन् न जुहुयात् ॥३॥
sa cātisṛjej juhuyān na cātisṛjen na juhuyāt ||3||
Sanskrit only: no published translation is held for this verse.
स य एवं विदुषा व्रात्येनातिसृष्टो जुहोति ॥४॥
sa ya evaṃ viduṣā vrātyenātisṛṣṭo juhoti ||4||
Sanskrit only: no published translation is held for this verse.
प्र पितृयाणं पन्थां जानाति प्र देवयानम् ॥५॥
pra pitṛyāṇaṃ panthāṃ jānāti pra devayānam ||5||
Sanskrit only: no published translation is held for this verse.
न देवेष्व् आ वृश्चते हुतम् अस्य भवति ॥६॥
na deveṣv ā vṛścate hutam asya bhavati ||6||
Sanskrit only: no published translation is held for this verse.
पर्य् अस्यास्मिंल् लोक आयतनं शिष्यते य एवं विदुषा व्रात्येनातिसृष्टो जुहोति ॥७॥
pary asyāsmiṃl loka āyatanaṃ śiṣyate ya evaṃ viduṣā vrātyenātisṛṣṭo juhoti ||7||
Sanskrit only: no published translation is held for this verse.
अथ य एवं विदुषा व्रात्येनानतिसृष्टो जुहोति ॥८॥
atha ya evaṃ viduṣā vrātyenānatisṛṣṭo juhoti ||8||
Sanskrit only: no published translation is held for this verse.
न पितृयाणं पन्थां जानाति न देवयानम् ॥९॥
na pitṛyāṇaṃ panthāṃ jānāti na devayānam ||9||
Sanskrit only: no published translation is held for this verse.
आ देवेषु वृश्चते अहुतम् अस्य भवति ॥१०॥
ā deveṣu vṛścate ahutam asya bhavati ||10||
Sanskrit only: no published translation is held for this verse.
नास्यास्मिंल् लोक आयतनं शिष्यते य एवं विदुषा व्रात्येनानतिसृष्टो जुहोति ॥११॥
nāsyāsmiṃl loka āyatanaṃ śiṣyate ya evaṃ viduṣā vrātyenānatisṛṣṭo juhoti ||11||
Sanskrit only: no published translation is held for this verse.
तस्य व्रात्यस्य ॥१॥
tasya vrātyasya ||1||
Sanskrit only: no published translation is held for this verse.
सप्त प्राणाः सप्तापानाः सप्त व्यानाः ॥२॥
sapta prāṇāḥ saptāpānāḥ sapta vyānāḥ ||2||
Sanskrit only: no published translation is held for this verse.
यो ऽस्य प्रथमः प्राण ऊर्ध्वो नामायं सो अग्निः ॥३॥
yo 'sya prathamaḥ prāṇa ūrdhvo nāmāyaṃ so agniḥ ||3||
Sanskrit only: no published translation is held for this verse.
यो ऽस्य द्वितीयः प्राणः प्रौढो नामासौ स आदित्यः ॥४॥
yo 'sya dvitīyaḥ prāṇaḥ prauḍho nāmāsau sa ādityaḥ ||4||
Sanskrit only: no published translation is held for this verse.
यो ऽस्य तृतीयः प्राणो ऽभ्यूढो नामासौ स चन्द्रमाः ॥५॥
yo 'sya tṛtīyaḥ prāṇo 'bhyūḍho nāmāsau sa candramāḥ ||5||
Sanskrit only: no published translation is held for this verse.
यो ऽस्य चतुर्थः प्राणो विभूर् नामायं स पवमानः ॥६॥
yo 'sya caturthaḥ prāṇo vibhūr nāmāyaṃ sa pavamānaḥ ||6||
Sanskrit only: no published translation is held for this verse.
यो ऽस्य पञ्चमः प्राणो योनिर् नाम ता इमा आपः ॥७॥
yo 'sya pañcamaḥ prāṇo yonir nāma tā imā āpaḥ ||7||
Sanskrit only: no published translation is held for this verse.
यो ऽस्य षष्ठः प्राणः प्रियो नाम त इमे पशवः ॥८॥
yo 'sya ṣaṣṭhaḥ prāṇaḥ priyo nāma ta ime paśavaḥ ||8||
Sanskrit only: no published translation is held for this verse.
यो ऽस्य सप्तमः प्राणो ऽपरिमितो नाम ता इमाः प्रजाः ॥९॥
yo 'sya saptamaḥ prāṇo 'parimito nāma tā imāḥ prajāḥ ||9||
Sanskrit only: no published translation is held for this verse.
यो ऽस्य प्रथमो ऽपानः सा पौर्णमासी ॥१॥
yo 'sya prathamo 'pānaḥ sā paurṇamāsī ||1||
Sanskrit only: no published translation is held for this verse.
यो ऽस्य द्वितीयो ऽपानः साष्टका ॥२॥
yo 'sya dvitīyo 'pānaḥ sāṣṭakā ||2||
Sanskrit only: no published translation is held for this verse.
यो ऽस्य तृतीयो ऽपानः सामावास्या ॥३॥
yo 'sya tṛtīyo 'pānaḥ sāmāvāsyā ||3||
Sanskrit only: no published translation is held for this verse.
यो ऽस्य चतुर्थो ऽपानः सा श्रद्धा ॥४॥
yo 'sya caturtho 'pānaḥ sā śraddhā ||4||
Sanskrit only: no published translation is held for this verse.
यो ऽस्य पञ्चमो ऽपानः सा दीक्षा ॥५॥
yo 'sya pañcamo 'pānaḥ sā dīkṣā ||5||
Sanskrit only: no published translation is held for this verse.
यो ऽस्य षष्ठो ऽपानः स यज्ञः ॥६॥
yo 'sya ṣaṣṭho 'pānaḥ sa yajñaḥ ||6||
Sanskrit only: no published translation is held for this verse.
यो ऽस्य सप्तमो ऽपानस् ता इमा दक्षिणाः ॥७॥
yo 'sya saptamo 'pānas tā imā dakṣiṇāḥ ||7||
Sanskrit only: no published translation is held for this verse.
यो ऽस्य प्रथमो व्यानः सेयं भूमिः ॥१॥
yo 'sya prathamo vyānaḥ seyaṃ bhūmiḥ ||1||
Sanskrit only: no published translation is held for this verse.
यो ऽस्य द्वितीयो व्यानस् तद् अन्तरिक्षम् ॥२॥
yo 'sya dvitīyo vyānas tad antarikṣam ||2||
Sanskrit only: no published translation is held for this verse.
यो ऽस्य तृतीयो व्यानः सा द्यौः ॥३॥
yo 'sya tṛtīyo vyānaḥ sā dyauḥ ||3||
Sanskrit only: no published translation is held for this verse.
यो ऽस्य चतुर्थो व्यानस् तानि नक्षत्राणि ॥४॥
yo 'sya caturtho vyānas tāni nakṣatrāṇi ||4||
Sanskrit only: no published translation is held for this verse.
यो ऽस्य पञ्चमो व्यानस् त ऋतवः ॥५॥
yo 'sya pañcamo vyānas ta ṛtavaḥ ||5||
Sanskrit only: no published translation is held for this verse.
यो ऽस्य षष्ठो व्यानस् त आर्तवाः ॥६॥
yo 'sya ṣaṣṭho vyānas ta ārtavāḥ ||6||
Sanskrit only: no published translation is held for this verse.
यो ऽस्य सप्तमो व्यानः स संवत्सरः ॥७॥
yo 'sya saptamo vyānaḥ sa saṃvatsaraḥ ||7||
Sanskrit only: no published translation is held for this verse.
समानम् अर्थं परि यन्ति देवाः संवत्सरं वा एतद् ऋतवो ऽनुपरियन्ति व्रात्यं च ॥८॥
samānam arthaṃ pari yanti devāḥ saṃvatsaraṃ vā etad ṛtavo 'nupariyanti vrātyaṃ ca ||8||
Sanskrit only: no published translation is held for this verse.
यद् आदित्यम् अभिसंविशन्त्य् अमावास्यां चैव तत् पौर्णमासीं च ॥९॥
yad ādityam abhisaṃviśanty amāvāsyāṃ caiva tat paurṇamāsīṃ ca ||9||
Sanskrit only: no published translation is held for this verse.
एकं तद् एषाम् अमृतत्वम् इत्य् आहुतिर् एव ॥१०॥
ekaṃ tad eṣām amṛtatvam ity āhutir eva ||10||
Sanskrit only: no published translation is held for this verse.
तस्य व्रात्यस्य ॥१॥
tasya vrātyasya ||1||
Sanskrit only: no published translation is held for this verse.
यद् अस्य दक्षिणम् अक्ष्य् असौ स आदित्यो यद् अस्य सव्यम् अक्ष्य् असौ स चन्द्रमाः ॥२॥
yad asya dakṣiṇam akṣy asau sa ādityo yad asya savyam akṣy asau sa candramāḥ ||2||
Sanskrit only: no published translation is held for this verse.
यो ऽस्य दक्षिणः कर्णो ऽयं सो अग्निर् यो ऽस्य सव्यः कर्णो ऽयं स पवमानः ॥३॥
yo 'sya dakṣiṇaḥ karṇo 'yaṃ so agnir yo 'sya savyaḥ karṇo 'yaṃ sa pavamānaḥ ||3||
Sanskrit only: no published translation is held for this verse.
अहोरात्रे नासिके दितिश् चादितिश् च शीर्षकपाले संवत्सरः शिरः ॥४॥
ahorātre nāsike ditiś cāditiś ca śīrṣakapāle saṃvatsaraḥ śiraḥ ||4||
Sanskrit only: no published translation is held for this verse.
अह्ना प्रत्यङ् व्रात्यो रात्र्या प्राङ् नमो व्रात्याय ॥५॥
ahnā pratyaṅ vrātyo rātryā prāṅ namo vrātyāya ||5||
Sanskrit only: no published translation is held for this verse.