Atharvaveda Saṃhitā (Śaunaka) 16.1

अतिसृष्टो अपां वृषभो ऽतिसृष्टा अग्नयो दिव्याः ॥१॥

atisṛṣṭo apāṃ vṛṣabho 'tisṛṣṭā agnayo divyāḥ ||1||

Sanskrit only: no published translation is held for this verse.

रुजन् परिरुजन् मृणन् प्रमृणन् ॥२॥

rujan parirujan mṛṇan pramṛṇan ||2||

Sanskrit only: no published translation is held for this verse.

म्रोको मनोहा खनो निर्दाह आत्मदूषिस् तनूदूषिः ॥३॥

mroko manohā khano nirdāha ātmadūṣis tanūdūṣiḥ ||3||

Sanskrit only: no published translation is held for this verse.

इदं तम् अति सृजामि तं माभ्यवनिक्षि ॥४॥

idaṃ tam ati sṛjāmi taṃ mābhyavanikṣi ||4||

Sanskrit only: no published translation is held for this verse.

तेन तम् अभ्यतिसृजामो यो ऽस्मान् द्वेष्टि यं वयं द्विष्मः ॥५॥

tena tam abhyatisṛjāmo yo 'smān dveṣṭi yaṃ vayaṃ dviṣmaḥ ||5||

Sanskrit only: no published translation is held for this verse.

अपाम् अग्रम् असि समुद्रं वो ऽभ्यवसृजामि ॥६॥

apām agram asi samudraṃ vo 'bhyavasṛjāmi ||6||

Sanskrit only: no published translation is held for this verse.

यो ऽप्स्व् अग्निर् अति तं सृजामि म्रोकं खनिं तनूदूषिम् ॥७॥

yo 'psv agnir ati taṃ sṛjāmi mrokaṃ khaniṃ tanūdūṣim ||7||

Sanskrit only: no published translation is held for this verse.

यो व आपो ऽग्निर् आविवेश स एष यद् वो घोरं तद् एतत् ॥८॥

yo va āpo 'gnir āviveśa sa eṣa yad vo ghoraṃ tad etat ||8||

Sanskrit only: no published translation is held for this verse.

इन्द्रस्य व इन्द्रियेणाभि षिञ्चेत् ॥९॥

indrasya va indriyeṇābhi ṣiñcet ||9||

Sanskrit only: no published translation is held for this verse.

अरिप्रा आपो अप रिप्रम् अस्मत् ॥१०॥

ariprā āpo apa ripram asmat ||10||

Sanskrit only: no published translation is held for this verse.

प्रास्मद् एनो वहन्तु प्र दुष्वप्न्यं वहन्तु ॥११॥

prāsmad eno vahantu pra duṣvapnyaṃ vahantu ||11||

Sanskrit only: no published translation is held for this verse.

शिवेन मा चक्षुषा पश्यतापः शिवया तन्वोप स्पृशत त्वचं मे ॥१२॥

śivena mā cakṣuṣā paśyatāpaḥ śivayā tanvopa spṛśata tvacaṃ me ||12||

Sanskrit only: no published translation is held for this verse.

शिवान् अग्नीन् अप्सुषदो हवामहे मयि क्षत्रं वर्च आ धत्त देवीः ॥१३॥

śivān agnīn apsuṣado havāmahe mayi kṣatraṃ varca ā dhatta devīḥ ||13||

Sanskrit only: no published translation is held for this verse.