नाभिर् अहं रयीणां नाभिः समानानां भूयासम् ॥१॥
nābhir ahaṃ rayīṇāṃ nābhiḥ samānānāṃ bhūyāsam ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·16·16.4
Atharvaveda Saṃhitā (Śaunaka) 16.4
स्वासद् असि सूषा अमृतो मर्त्येश्व् आ ॥२॥
svāsad asi sūṣā amṛto martyeśv ā ||2||
Sanskrit only: no published translation is held for this verse.
मा मां प्राणो हासीन् मो अपानो ऽवहाय परा गात् ॥३॥
mā māṃ prāṇo hāsīn mo apāno 'vahāya parā gāt ||3||
Sanskrit only: no published translation is held for this verse.
सूर्यो माह्नः पात्व् अग्निः पृथिव्या वायुर् अन्तरिक्षाद् यमो मनुष्येभ्यः सरस्वती पार्थिवेभ्यः ॥४॥
sūryo māhnaḥ pātv agniḥ pṛthivyā vāyur antarikṣād yamo manuṣyebhyaḥ sarasvatī pārthivebhyaḥ ||4||
Sanskrit only: no published translation is held for this verse.
प्राणापनौ मा मा हासिष्टम् मा जने प्र मेषि ॥५॥
prāṇāpanau mā mā hāsiṣṭam mā jane pra meṣi ||5||
Sanskrit only: no published translation is held for this verse.
स्वस्त्य् अद्योषसो दोषसश् च सर्व आपः सर्वगणो अशीय ॥६॥
svasty adyoṣaso doṣasaś ca sarva āpaḥ sarvagaṇo aśīya ||6||
Sanskrit only: no published translation is held for this verse.
शक्वरी स्थ पशवो मोप स्थेषुर् मित्रावरुणौ मे प्राणापानाव् अग्निर् मे दक्षं दधातु ॥७॥
śakvarī stha paśavo mopa stheṣur mitrāvaruṇau me prāṇāpānāv agnir me dakṣaṃ dadhātu ||7||
Sanskrit only: no published translation is held for this verse.