अजैष्माद्यासनाम् अद्यामूम् अनागसो वयम् ॥१॥
ajaiṣmādyāsanām adyāmūm anāgaso vayam ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·16·16.6
Atharvaveda Saṃhitā (Śaunaka) 16.6
उषो यस्माद् दुष्वप्न्याद् अभैष्माप तद् उछतु ॥२॥
uṣo yasmād duṣvapnyād abhaiṣmāpa tad uchatu ||2||
Sanskrit only: no published translation is held for this verse.
द्विषते तत् परा वह शपते तत् परा वह ॥३॥
dviṣate tat parā vaha śapate tat parā vaha ||3||
Sanskrit only: no published translation is held for this verse.
यं द्विष्मो यश् च नो द्वेष्टि तस्मा एनद् गमयामः ॥४॥
yaṃ dviṣmo yaś ca no dveṣṭi tasmā enad gamayāmaḥ ||4||
Sanskrit only: no published translation is held for this verse.
उषा देवी वाचा संविदाना वाग् देव्य् उषसा संविदाना ॥५॥
uṣā devī vācā saṃvidānā vāg devy uṣasā saṃvidānā ||5||
Sanskrit only: no published translation is held for this verse.
उषस् पतिर् वाचस् पतिना संविदानो वाचस् पतिना संविदानः ॥६॥
uṣas patir vācas patinā saṃvidāno vācas patinā saṃvidānaḥ ||6||
Sanskrit only: no published translation is held for this verse.
ते ऽमुष्मै परा वहन्त्व् अरायान् दुर्णाम्नः सदान्वाः ॥७॥
te 'muṣmai parā vahantv arāyān durṇāmnaḥ sadānvāḥ ||7||
Sanskrit only: no published translation is held for this verse.
कुम्भीकाः दूषीकाः पीयकान् ॥८॥
kumbhīkāḥ dūṣīkāḥ pīyakān ||8||
Sanskrit only: no published translation is held for this verse.
जाग्रद्दुष्वप्न्यं स्वप्नेदुष्वप्न्यम् ॥९॥
jāgradduṣvapnyaṃ svapneduṣvapnyam ||9||
Sanskrit only: no published translation is held for this verse.
अनागमिष्यतो वरान् अवित्तेः संकल्पान् अमुच्या द्रुहः पाशान् ॥१०॥
anāgamiṣyato varān avitteḥ saṃkalpān amucyā druhaḥ pāśān ||10||
Sanskrit only: no published translation is held for this verse.
तद् अमुष्मा अग्ने देवाः परा वहन्तु वघ्रिर् यथासद् विथुरो न साधुः ॥११॥
tad amuṣmā agne devāḥ parā vahantu vaghrir yathāsad vithuro na sādhuḥ ||11||
Sanskrit only: no published translation is held for this verse.